16:10 20.12.2020
Համլետը Երևանի թիվ 100 դպրոցի 8-րդ դասարանի աշակերտ է: Բարի, ընկերասեր, համեստ, պայծառ ու ժպտերես. այսպես են բնութագրում Համլետին թե՛ դասընկերները, թե՛ մանկավարժները: Այս մասին տեղեկացրին ԿԳՄՍՆ-ից։
«Համլետը շատ բարի է ու հարուստ ներաշխարհ ունի. դա երևում է երաժշտության նկատմամբ նրա հակումներից»,- ընկերոջն այսպես է բնութագրում Արմանը:
Դպրոցի հատուկ մանկավարժ Սեդա Գալստյանը պատմում է, որ Համլետի հետ աշխատել է առաջին դասարանում, այնուհետև՝ 8-րդ դասարանում, և ծնող-դպրոց համագործակցությամբ իրականացված 7 տարվա աշխատանքի արդյունքն իր համար ակնհայտ է: Համլետն այսօր կարդում է, գրում, թվաբանական գործողություններ է կատարում: Ինչպես ներկայացնում է լոգոպեդ Սիրանուշ Ֆայլաբաշյանը, 7 տարվա ջանասեր աշխատանքի արդյունքում Համլետն այսօր հստակ պատասխանում է հարցերին, արտահայտում իր ցանկություններն ու կարիքները:
– Համլե՛տ, վաղը գալո՞ւ ես դպրոց:
– Հա, վաղը ուզում եմ գալ դպրոց,- սիրով պատասխանում է Համլետը:
Նա ունի որոշակի բառապաշար և կարողանում է հստակ միտք արտահայտել. սա դպրոցի մանկավարժական խմբի հաղթանակն է:
Սկզբնական շրջանում Համլետը դասարանում նստում էր ծնողի ուղեկցությամբ: Այսօր ադապտացիան լիարժեք իրականացված է. ծնողը հազվադեպ է դասարանում լինում:
Հոգեբան Թագուհի Գասպարյանը պատմում է, որ Համլետի նման երեխաները սովորաբար շատ դյուրազգաց են և լավ են հասկանում շրջապատի վերաբերմունքն իրենց նկատմամբ: Ընկերները նրան վերաբերվում են բավականին ջերմ, Համլետն էլ դա զգում և գնահատում է:
«Մի անգամ խմբային աշխատանքի ժամանակ երեխաները թղթի վրա կտրում էին իրենց ափերը, մեջը գրում էին ընկերոջ անունը, իսկ մյուս ափում՝ թե ինչով է իրեն օգնել այդ ընկերը: Համլետը ևս հաղթահարեց այդ առաջադրանքը, շատ հստակ արտահայտեց մտքերը՝ նշելով ընկերոջը, որը պարբերաբար օգնում է իրեն իջնել աստիճաններով: Սա շատ նուրբ պահ էր՝ հասկանալու երեխայի ներաշխարհը, որը զգացել է դասընկերոջ աջակցությունը և գնահատել»,- ոգևորությամբ պատմում է հոգեբանը:
Մայրիկի խոսքով՝ Համլետը մեծ սիրով է հաճախում դպրոց, դասամիջոցին անհամբեր սպասում է, թե երբ զանգը կհնչի, որ վազի պարապմունքի:
Համլետը երազում է դառնալ կոմպոզիտոր: Բացի դպրոցից՝ նա նաև «Իմ ուղին» ուսումնավերականգնողական կենտրոնի սան է, որտեղ ուսուցչուհին բացահայտել է նրա երաժշտական հակումները, և այսօր Համլետը հաճախում է Ավետ Տերտերյանի անվան արվեստի դպրոց: Դաշնամուրային կատարումներով մասնակցել է բազմաթիվ միջոցառումների, հանդես եկել անհատական ելույթներով, ունի բազմաթիվ պատվոգրեր: Մայրիկը պատմում է, որ պատերազմի օրերին հեռուստացույցով լսելով հայրենասիրական երգեր՝ ինքնուրույն վերարտադրել է դրանք:
Կրթության առանձնահատուկ պայմանների կարիք ունեցող երեխայի հարուստ ներաշխարհը յուրօրինակ է բնութագրում նաև Հայոց եկեղեցու պատմության ուսուցչուհին. «Համլետի հետ շատ հաճելի է աշխատել: Մեր ամենամեծ հաջողությունը նրան «Հայր մեր»-ը սովորեցնելն էր: Ինձ տեսնելիս նա ակամա աղոթքի հետ է ասոցացնում»: Ուսուցչուհին վստահ է, որ առաջիկայում, երբ շարականներ սովորեն, Համլետն իրենց դեռ զարմացնելու է:
00:00 30.04.2025
PFAS պոլիմերների ազդեցությունը առողջության և շրջակա միջավայրի վրաԵվրոպական շրջակա միջավայրի գործակալության նոր զեկույցը ահազանգում է՝ նախկինում համեմատաբար անվնաս համարվող PFAS պոլիմերները (հայտնի որպես “հավերժ քիմիական նյութեր”) կարող են լուրջ ռիսկեր ներկայացնել ինչպես մարդու առողջության, այնպես էլ շրջակա միջավայրի համար։ Այս մասին հայտնել են «Հիդրոօդերևութաբանության և մոնիթորինգի կենտրոն» ՊՈԱԿ-ից: PFAS պոլիմերներն օգտագործվում են ամենօրյա ապրանքներում՝ տեքստիլ, կոսմետիկա, էլեկտրոնիկա և նույնիսկ «կանաչ» տեխնոլոգիաներում։ Ինչո՞վ […] ...
23:58 29.04.2025
Կաթիլային և անձրևացման ոռոգման համակարգեր. Արդյունավետության բարձրացում գյուղատնտեսությունումԿաթիլային և անձրևացման ոռոգման համակարգերը կազմում են ժամանակակից գյուղատնտեսական ոռոգման հիմքը՝ խնայելով ջրային ռեսուրսները և բարձրացնելով բերքի որակական և քանակական հատկանիշները: Այս մասին հայտնել են ՀՀ էկոնոմիկայի նախարարությունից: Կաթիլային և անձրևացման ոռոգման համակարգերը բաղկացած են հետևյալ հանգույցներից և տարրերից՝ Ջրաղբյուր (պոմպակայան կամ ինքնահոս ճնշումային) Ֆիլտրացման հանգույց Պարարտանյութի պատրաստման և ներմուծման հանգույց Գլխավոր խողովակաշար Ճնշման կարգավորիչներ […] ...
23:57 29.04.2025
Հաջողության պատմություն՝ Նոր ԿյանքիցԱշխատելու համար հարազատ գյուղից Գյումրի տեղափոխվելու միտքը Քրիստինան փոխեց համավարակից հետո: Նա դիմեց Կառավարության աջակցության կորոնավիրուսի հետևանքների հաղթահարման 19-րդ ծրագրին ու Վարդաքարում հիմնեց սեփական ընտանեկան փոքրիկ բիզնեսը, իսկ ամիսներ առաջ տեղափոխվել է Նոր Կյանք ու գործին նոր տեմպ տվել: Մանրամասները՝ տեսանյութում: ...
23:56 29.04.2025
Ամենայն Հայոց Կաթողիկոսը հյուրընկալեց Վրաստանի նախագահինԱպրիլի 29-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում հյուրընկալեց պաշտոնական այցով Հայաստանում գտնվող Վրաստանի նախագահ Միխեիլ Կավելաշվիլիին։ Ողջունելով նախագահի այցը Հայաստան և Մայր Աթոռ Սուրբ Էջմիածին` Հայոց Հայրապետն անդրադարձավ երկու ժողովուրդների դարավոր բարեկամությանը։ Այս առնչությամբ Նորին Սրբությունը նկատեց, որ պատմության ընթացքում հայ և վրաց ժողովուրդները, ապավինած իրենց քրիստոնեական […] ...
23:53 29.04.2025
Երևանում անցկացվել է պարին նվիրված ֆլեշմոբՊարի միջազգային օրվա շրջանակում ԿԳՄՍ նախարարության նախաձեռնությամբ ՀՀ մարզերում և Երևանում անցկացվել է պարին նվիրված հանրային արշավ՝ ֆլեշմոբի ձևաչափով: Այս մասին հայտնել են ԿԳՄՍ նախարարությունից: Երևանում ֆլեշմոբն իրականացվել է 4 հարթակում՝ Ազատության հրապարակում, Հյուսիսային պողոտայում, Հանրապետության հրապարակում և ԿԳՄՍ նախարարության մուտքին հարող տարածքում: Ֆլեշմոբը մեկնարկել է ավանդական քոչարու երաժշտությամբ․ քոչարին ընդգրկված է ՅՈՒՆԵՍԿՕ-ի ոչ նյութական […] ...
23:49 29.04.2025
Հայտնաբերվել է որպես անհետ կորած որոնվող 50-ամյա տղամարդու դինԱպրիլի 22-ին հաղորդվել էր 1975 թվականին ծնված Արման Մարտիրոսյանի անհետ կորելու մասին: Համայնքային ոստիկանության Լոռու մարզային վարչության, Ստեփանավանի բաժնի և Փրկարար ծառայության Լոռու մարզի ծառայողների համատեղ ձեռնարկած որոնողական աշխատանքների արդյունքում ապրիլի 25-ին՝ ժամը 13.30-ի սահմաններում, Ստեփանավան քաղաքի Աշոտաբերդ թաղամասի հարակից անտառում հայտնաբերվել է Արման Մարտիրոսյանի դին՝ ծառից կախված վիճակում: Կատարվում է նախաքննություն: Ծանուցում. Ենթադրյալ հանցանքի […] ...
