ԱՄՆ լաբորատորիաները կենտրոնացել են փակ տարածքներում մարդկանց վիրուսից պաշտպանելու վրա

Գլոբալ ինովացիոն ինդեքսն ԱՄՆ-ը դասում է որպես հետազոտությունների և զարգացման ոլորտում ամենաշատ ծախս կատարող երկիր, հայտնում է share.america.gov-ը:

Ինչպես հայտնում է Գիտության ազգային հիմնադրամը, վերջին մեկ տարվա ընթացքում ավելի քան կես տրիլիոն դոլար ծախսելով հետազոտության և զարգացման վրա, ԱՄՆ լաբորատորիաները սկսել են պայքարել նոր կորոնավիրուսի առաջ բերած մարտահրավերների դեմ: Մասնավոր բիզնեսը կատարում է հետազոտության և զարգացման աշխատանքների առյուծի բաժինը, որին հաջորդում են ակադեմիական հաստատությունները:

Մինեսոտայի համալսարանը, Կոլորադոյի Բոլդերի համալսարանը և Կոլումբիայի համալսարանը այն դպրոցներից են, որոնցում գիտնականները ուսումնասիրում են փակ տարածքում վիրուսային տարածումը նվազեցնելու ուղիները: Օրինակ՝ նրանք ստուգում են ուլտրամանուշակագույն ճառագայթների արդյունավետությունը առանց մարդկանց վնասելու վիրուսները ոչնչացնելու համար ինքնաթիռների և դպրոցների, հիվանդանոցների և այլ միջավայրերում:

Կենտրոնացում անվտանգ ճանապարհորդության վրա

Ինդիանա նահանգի Ուեսթ Լաֆայեթի համալսարանի մեխանիկական ինժեներիայի պրոֆեսոր Քինգյան Յան Չենը և նրա գործընկերները ինքնաթիռների համար մշակել են անհատական ​​օդափոխման համակարգ, որը կօգնի ուղևորներին խուսափելու այլոց արտաշնչած օդը շնչելուց:

Չենը փորձագետ է այն բանի, թե ինչպես է օդը շարժվում և ինչպես են վիրուսի մասնիկները տարածվում փակ տարածքներում: Նա ասում է, որ համակարգը օդ է մատակարարում ուղևորի առջև եղած նստատեղի ներքևի մասից դեպի նրա շնչառական գոտի: Ուղևորի արտաշնչած օդը հեռացվում է առաստաղի մակարդակում, քանի որ տաք օդը բարձրանում է:

Չենը և նրա գործընկերները պնդում են, որ համակարգը կսահմանափակի COVID-19 կաթիլների փոխանցումը հարևան ուղևորներին և կարող է օգտագործվել նաև ավտոբուսներում, գնացքներում, մետրոյում, կինոթատրոններում կամ ֆիքսված նստատեղերով ցանկացած տարածքում:

«Հետագայում, – ասում է Չենը, – հուսով եմ, որ բոլոր տրանսպորտային միջոցները հագեցած կլինեն HEPA ֆիլտրերով և ուլտրամանուշակագույն ճառագայթներով ջրի ախտահանման, մակերեսների մանրէազերծման և օդում և սննդում վնասակար միկրոօրգանիզմների ոչնչացման համար: Տրանսպորտային միջոցները պետք է ունենան օդափոխության առաջադեմ համակարգեր, որոնք յուրաքանչյուր ուղևորին ապահովում են մաքուր, չաղտոտված օդով»:

Ճանապարհորդական խորհուրդներ այսօրվա համար

Ըստ Չենի՝ ինքնաթիռներն օգտագործում են HEPA ֆիլտրեր, ուստի ունեն ավելի որակյալ օդ և վիրուսի փոխանցման ավելի ցածր արագություն: Բայց քանի որ ինքնաթիռի ուղևորները նստում են մեկ շարքում կամ ավելի քիչ դեպքերում՝ երեք շարքը մեկ, կարող են խոցելի լինել մոտակա վարակված անձից վարակվելու առումով: Չենն առաջարկ ունի հաճախակի թռչողների համար:

Նա խորհուրդ է տալիս ուղևորներին դիմակներ կրել և ախտահանող միջոցներով սրբել նստատեղերն ու ամրագոտիները: Նա նաև առաջարկում է այնպես կազմակերպել սննդի կամ խմիչքի օգտագործումը, որպեսզի նույն շարքում գտնվող ուղևորները միաժամանակ չհանեն իրենց դիմակները: