24 11 2024

$

389.76
3.79
€

406.40

+9.09 ^oC

ՇՊՀ ռազմական ամբիոնի 47 շրջանավարտները ստացան ավարտական դիպլոմներն ու համալրեցին պահեստազորային սպաների շարքերը

ՀԱՅԱՍՏԱՆ

23:57 28.07.2020

Այս օրերին Հանրապետության բուհերում շրջանավարտներին հանձնվում են ավարտական դիպլոմները։ Այս տարի տոնական միջոցառումներից զերծ են, և փոքր խմբերով հանձնման արարողությունները տեղի են ունենում բացօթյա տարածքներում։ Այսօր ավարտական դիպլոմներ են ստացել Շիրակի պետական համալսարանի ռազմական ամբիոնի շրջանավարտները։

Այս տարի Զինված ուժերի շարքերը համալրել են 47 սպաներ, նրանցից շատերն ուսումը կշարունակեն նաև ամբիոնի կամ այլ բարձրագույն ռազմական հաստատությունների մագիստրատուրաներում։ Այս տարի Շիրակի պետական համալսարանի ավարտական դիպլոմներ ստացան 597 շրջանավարտներ:

Տիգրան Ղազարյանը ռազմական ամբիոնի մագիստրատուրայում երկու տարի ուսանելուց հետո այսօր բուհն ավարտում է գերազանցության դիպլոմով և լեյտենանտի կոչումով։ Մինչ այս, երկու տարի ծառայել է ազգային բանակում։

2014 թվականին էլ Հայաստանի բիաթլոնի թիմում, որպես շարքային զինվոր, մասնակցել է Ռուսաստանի Դաշնությունում կայացած միջազգային ռազմական խաղերին, հենց այստեղ գրանցած հաղթանակն էլ որոշիչ է եղել Տիգրանի համար զինվորականի մասնագիտության ընտրության հարցում։

«Բանակի ծառայությունն է՛լ ավելի շատ պարտավորեցնող եղավ, որ ես էդ մրցմանը մասնակցեցի, շատ կարևոր դեր խաղաց իմ կյանքում, դրանից հետո ես պարտավորված էի, որ պետք է սովորեմ ու ավելի բարձունքների հասնեմ, քան սովորական շարքային զինվորը, և դա եղավ պատճառը, որ ես սովորեցի ռազմական ամբիոնում ու ստացա լեյտենանտի կոչում»,- ասում է ՇՊՀ ռազմական ամբիոնի շրջանավարտ Տիգրան Ղազարյանը։

Տարիներ անց միջազգային բիաթլոնի խաղերի թեման Տիգրանի համար դարձել է մագիստրոսական թեզի ուսումնասիրության առանցքը։ Թեզի պաշտպանությունն ավարտել է բարձր միավորներով։

«Երբ թերթում ես պատմության էջերը տեսնում ես, ամեն էտապում որ զորավարը ինչ է արել, սպարապետները ոնց են կռվել ու հաղթել և էդ ամեն ինչը քեզ հայրենասիրություն է տալիս, և ուզում ես, որ դու էլ դառնաս էդ ամենի մի մասնիկը ու հարկ եղած դեպքում առաջինը հասնես սահման ու մասնակցես մարտական գործողություններին»,- նշեց բակալավրիատի շրջանավարտ Հարություն Պողոսյանը։

Հարություն Պողոսյանն էլ գերազանց առաջադիմություն ունեցող շրջանավարտներից է, բայց առայժմ ավարտեց ռազմական ամբիոնի բակալավրիատը, զինվորական կրթությունը շարունակելու է Վազգեն Սարգսյանի անվան ռազմական ակադեմիայի մագիստրատուրայում։ Փորձառու զինվորականի ընտանիքում է ապրում, սպաներ են եղել նաև երեք եղբայրները։

«Մայրս մի քիչ չէր ուզում, դե երեք որդիները զինվորական էին, ոզում էր, որ չորորդը լիներ իրավաբան կամ տնտեսագետ, բայց ես ինձ տեսնում էի հենց զինվորական գործում»,- հիշում էր Հարությունը։

Արմեն Հովհաննիսյանն էլ պատրաստվում է համալրել զինված ուժերի սպայական կազմը։ Բակալավրի և մագիստրոսի կրթական աստիճաններով այս տարի ռազմական ամբիոնը ավարտեցին 47 ուսանողներ, նրանցից 10-ը աղջիկներ են։ Առայժմ թվերի հարաբերակցությունն անհամեմատելի է, բայց ռազմական գործը նախընտրող աղջիկներն ավելանում են։

«Զինղեկ եմ պատկերացնում ինձ, պետք է դասավանդեմ դպրոցում, որպեսզի կրթեմ ապագա սերունդներին, որ ունենանք լավ զինվորներ»,- նշեց շրջանավարտ Անի Մխիթարյանը։

«Ելնելով մեր աշխարհաքաղաքական իրավիճակից՝ գիտենք, որ տարածաշրջանում միշտ անկայուն վիճակ է, ունենք ագրեսոր թշնամի պետություն, և էդ կապ չունի, որ տղաներն են ծառայում բանակում, իսկ աղջիկները չեն կարող ծառայել, եթե պահը ստիպեց, բոլորս էլ մեր հայրենիքի համար կդառնանք զինվոր»,- ասում էր գերազանցությամբ բուհն ավարտած Աստղիկ Թադևոսյանը։

Շիրակի պետական համալսարանի ռազմական ամբիոնը հանրապետությունում միակն է, որտեղ կրթում են ապագա զինղեկների, այստեղ սովորում են նաև այլ մարզերից եկած ուսանողներ։

«Մեր ռազմական ամբիոնում անցկացվում են ռազմաուսումնական հավաքներ, և հավաքների շրջանակներում ուսանողները ստանում ենպահեստազորի լեյտենանտի զինվորական կոչումներ: Բացի Շիրակի մարզից, դիմորդներ ունենք նաև հանրապետության տարբեր մարզերից` Արագածոտնից, Տավուշից, նրանց թիվը գնալով ավելանում է»,- նշեց ՇՊՀ ռազմական ամբիոնի պետ Արթուր Մկրտչյանը։

Այս տարի ևս առկա ուսուցման համար ամբիոնի դիմորդների թիվը նախորդ տարիների համեմատ շատ է եղել։ Մրցութային կարգով 32 դիմորդներից ընդունվել է 29- ը։ Հեռակա ուսուցման բաժնում ևս դիմելիությունը բոլոր տարիներին ակտիվ է։ Հեռակա բարձրագույն կրթություն ստացողները հիմնականում պայմանագրային զինծառայողներն են, ոստիկանության համակարգի աշխատակիցները։

Ալեքս Սարգսյան

Բաժանորդագրվեք SHANTNEWS.am-ին Telegram-ում

Բոլոր լուրերը

21:40 24.11.2024
Արաբական պետությունների լիգան մերժել է Իրաքի դեմ Իսրայելի մեղադրանքները

Կապակցված լուրեր

21:40 24.11.2024

Արաբական պետությունների լիգան մերժել է Իրաքի դեմ Իսրայելի մեղադրանքները

Արաբական պետությունների լիգան հայտարարել է, որ մերժում է Իսրայելի բոլոր մեղադրանքները Իրաքի դեմ և իր համերաշխությունն է հայտնում Բաղդադին։ Այս մասին ասված է կազմակերպության հայտարարության մեջ, որը հրապարակվել է մշտական ներկայացուցիչների մակարդակով նրա արտահերթ նիստի արդյունքներով։ Կիրակի Արաբական պետությունների լիգայի խորհրդի արտահերթ նիստը տեղի է ունեցել իրաքյան կողմի խնդրանքով։ «Արաբական պետությունների լիգան լիովին աջակցում է […] ...

21:20 24.11.2024

Լիտվան զենքի խմբաքանակ է փոխանցել Ուկրաինա

Վիլնյուսը Կիևին է հանձնել բանակի համար նախատեսված զենքի և տեխնիկայի խմբաքանակ, հայտնում է Լիտվայի ազգային պաշտպանության նախարարության մամուլի ծառայությունը։ «Լիտվան շարունակում է ռազմական աջակցություն ցուցաբերել Ուկրաինային։ Այս շաբաթ Ուկրաինա են հասել նրա բանակի համար էլեկտրական գեներատորներ, M113 զրահամեքենաների պահեստամասեր, տարբեր տեսակի զենքեր և դրանց մասեր։ Լիտվան, ի պատասխան Ուկրաինայի խնդրանքների, այս տարի արդեն մատակարարել է […] ...

21:00 24.11.2024

Իսրայելական հարվածների հետևանքով Բեյրութում առնվազն 29 մարդ է զոհվել

Բեյրութի կենտրոնին Իսրայելի ավիահարվածի հետևանքով առնվազն 29 մարդ է զոհվել։ Նման տվյալներ են ներկայացված Հանրապետության առողջապահության նախարարությանն առընթեր արտակարգ իրավիճակների օպերատիվ կենտրոնի հաշվետվության մեջ։ Հրապարակված տեղեկատվության համաձայն՝ տուժել է 67 մարդ։ Ինչպես պարզաբանում է լիբանանյան NNA ազգային գործակալությունը, փրկարարները շարունակում են փլատակների մաքրումը, և զոհերի թիվը կարող է աճել։ ...

20:40 24.11.2024

Ինդոնեզիան զգուշացնում է Կարանգեթանգ հրաբխի ակտիվության աճի մասին

Ինդոնեզիայի իշխանությունները հայտարարել են Սիվու կղզում Կարանգեթանգ հրաբխի ակտիվության աճի մասին, ինչի հետևանքով դրա գագաթից կարող են իջնել հզոր պիրոկլաստիկ հոսքեր՝ բարձր ջերմաստիճան հրաբխային գազերի, մոխրի և ժայթքման ժամանակ ձևավորված ժայռերի բեկորներ։ Այս մասին հայտնում է Antara գործակալությունը՝ հղում անելով երկրի էներգետիկայի և հանքային պաշարների նախարարության Երկրաբանական գործակալության տվյալներին։ «Զգուշացեք պիրոկլաստիկ հոսքերից, երբ լեռան գագաթին […] ...

20:20 24.11.2024

Գիտանականները բացահայտել են դելֆինի, որը խոսում է ինքն իր հետ, քանի որ ընկերներ չունի

Բալթիկ ծովում միայնակ, ընկեր չունեցող աֆալին տեսակի դելֆինը, ամենայն հավանականությամբ, սկսել է խոսել ինքն իր հետ, պարզվել է նոր ուսումնասիրության արդյունքում: Այս մասին գրում է Daily Star-ը։ Արու դելֆինը, որին տեղացիներն անվանել են Դելլե, տարակուսանքի մեջ է գցել գիտնականներին։ Մասնագետները նկատել են, որ այն լողում է Դանիայի Սվենդբորգսունդ ջրանցքում, որը գտնվում է այս տեսակի բնակության […] ...

20:00 24.11.2024

«Հըզբոլլահի» զինյալները օրվա սկզբից ավելի քան 100 հրթիռ են արձակել Իսրայելի ուղղությամբ

Օրվա սկզբից իսրայելական զինվորականներն արձանագրել են լիբանանյան շիա «Հըզբոլլահ» շարժման զինյալների կողմից Իսրայելի ուղղությամբ 160 հրթիռի արձակում։ Իսրայելի պաշտպանության բանակի մամուլի ծառայության փոխանցմամբ՝ այս տվյալները ժամը 17։00-ի դրությամբ են։ Բանակը վստահեցրել է, որ «կշարունակի պաշտպանել Իսրայելին և նրա ժողովրդին ահաբեկչական «Հըզբոլլահ» կազմակերպության սպառնալիքներից։ ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.