13:10 21.02.2020
Սպանդանոցային մորթի պարտադրանքը մինչև հուլիսի 1-ը հետաձգելու որոշմամբ հնարավորություն է տրվել ֆերմերային տնտեսություններին՝ կողմնորոշվելու սպանդանոցային կարողություններ ստեղծելու ուղղությամբ։
Այս ժամանակահատվածում հայտատուների մեծ ակտիվություն է նկատվել Շիրակի մարզում։ Մոտ 100 անհատներից դիմումներ են ստացվել Սննդամթերքի անվտանգության տեսչության մարզային կենտրոնում։ Հայտերը դեռ ուսումնասիրվելու են, թե 100-ից քանիսը կընդգրկվեն պետական աջակցության ծրագրերում. դա կախված է սպանդանոցների կառուցման չափորոշիչների բավարարումից:
Սննդամթերքի անվտանգության տեսչական մարմնի մարզային կենտրոնի գլխավոր մասնագետ Գագիկ Սարգսյանը վստահ է, որ մինչև հուլիսի 1-ը Շիրակի մարզն ապահովված կլինի պահանջված քանակի սպանդանոցներով։ Նրա այս համոզմունքը գալիս է հայտատուների մեծ թվից: Սպանդանոց կառուցելու համար դիմողների ակտիվությանը պետական աջակցության ծրագրերի առաջարկն է ազդել. հիմնականում ցածր տոկոսադրույքներով վարկերի են սպասում։
Դիմումներ ստացել են մարզի բոլոր տարածաշրջաններից։ Ջաջուռի բնակիչ, անասնապահ Նախշքար Պետրոսյանը դիմումատուներից է, որը ցանկանում է գյուղում իրեն պատկանող հողամասի տարածքում սպանդանոց կառուցել։ Թե կենդանին որտեղ է մորթի ենթարկվում ու ինչպես է միսը խանութ ու շուկա հասնում, լավ գիտի։ Շենքի կառուցումից բացի, անասունների տեղափոխման ու սառնարանային մեքենաներ պետք է ձեռք բերել, ինչպես նաև սպանդանոցային գույքով ապահովել։ Այն եկամտաբեր բիզնես է, բայց մեկնարկի համար մեծ ծախսեր են պահանջվում։ Հաշվարկել է, որ մինչև 35 մլն դրամ է հարկավոր, բայց հարց է, թե ներդրած գումարի վերադարձելիությունը երբ կլինի`հի՞նգ, թե՞ 10 տարի հետո:
Սպանդանոցների կառուցման հայտերը դեռ ընդունվում են, իսկ տարիներ առաջ կառուցված սպանդանոցների սեփականատերերը դրանք չափորոշիչներին հարմարեցնելու աշխատանքներ են տանում։ Օրինակ` Արդենիսի սպանդանոցում շինարարություն է, սանիտարական պայմաններ են ապահովելու, բայց այն միայն խոզերի մորթի համար կլինի։
Մարզում համեմատաբար լավ հագեցած սպանդանոցը, որը Գյումրիում նախկին կաթի գործարանի տարածքում է, շահագործման թույլտվություն դարձյալ չի ստացել բնակելի տարածքներից նվազագույն 300 մետր հեռավորություն չպահպանելու պատճառով։ 10 տարի առաջ, երբ այն կառուցվում էր, սեփականատիրոջը նման պահանջ չէր ներկայացվել։
Սպանդանոցի սեփականատեր Տորիչել Հովհաննիսյանն ասում է, որ այն ժամանակ առաջնահերթությունը տրվում էր նրան, որ սպանդանոցները լինեին սննդի շղթայի բաղադրամաս, այսինքն` կառուցվեին կաթի գործարանների, մսի կոմբինատների տարածքներում ու այդ հիմնավորմամբ էլ իրենց սպանդանոցը կառուցել են։
Իսկ Սննդամթերքի անվտանգության տեսչության մարզային կենտրոնի գլխավոր մասնագետն ասում է, որ թույլտվություն չի տրվելու ընկերությանը, սեփականատերն էլ կարող է եղած սարքավորումները տեղափոխել մեկ այլ տարածք։ Պահանջն անփոփոխ է նաև Ազատանի սպանդանոցի համար։
Նախկինում թույլ է տրվել այն կառուցել կաթնամթերքի արտադրամասին կից, այժմ բնապահպանական նորմերի պահանջով արգելվում է շահագործել։ Շիրակի մարզին ամենաքիչը 8 սպանդանոց է անհրաժեշտ. հաշվարկը տարվել է մարզի անասնագլխաքանակի մորթի պահանջարկից ելնելով։
Իսկ եթե ազատ ու մրցակցային լայն դաշտ լինի, ապա հնարավոր է` 20-ից ավելի սպանդանոց կառուցվի:
23:48 05.04.2025
Մակրոնը Սթարմերի հետ քննարկել է ԱՄՆ մաքսատուրքերի արձագանքը և Ուկրաինայում տիրող իրավիճակըՖրանսիայի նախագահ Էմանուել Մակրոնը Մեծ Բրիտանիայի վարչապետ Քիր Սթարմերի հետ քննարկել է Վաշինգտոնի նոր մաքսատուրքերին արձագանքելու միջոցները, ինչպես նաև Ուկրաինայում տիրող իրավիճակը։ «ԱՄՆ-ի մաքսատուրքերի պատճառով համաշխարհային տնտեսությանը հասցված հարվածի ֆոնին, մենք հաստատեցինք մեր պատրաստակամությունը սերտորեն համակարգելու դիրքորոշումները (խմբ.ԱՄՆ) նախագահ Դոնալդ Թրամփի հետ բանակցությունների ընթացքում: Առևտրային պատերազմը չի բխում կողմերից ոչ մեկի շահերից», – գրել է […] ...
23:37 05.04.2025
Ի՞նչ կազմով է մասնակցում ՀՀ սպորտային մարմնամարզության թիմը Սերբիայում անցկացվող «Գիմնազիադային»Հայաստանի մարմնամարզության ֆեդերացիայից հայտնել են, որ ապրիլի 4-ից 14-ը Սերբիայի Զլատիբոր քաղաքում անց է կացվելու մինչև 15 տարեկանների դպրոցականների համաշխարհային «Գիմնազիադա»-ն, որին մեր սպորտային մարմնամարզության թիմը կմասնակցի հետևյալ կազմով. մարզիկներ՝ Արսեն Ղազարյան, Արման Ղուկասյան, մարզիչ՝ Արտյոմ Չիլինգարյան, մրցավար՝ Արթուր Գյուրջինյան։ ...
23:24 05.04.2025
ՄԱԿ-ում ՀՀ պատվիրակությունը կարևորել է ռազմական ոլորտում արհեստական բանականության հավելվածների օգտագործման համար մարդկային պատասխանատվության պահպանման անհրաժեշտությունըԱպրիլի 4-ին ՄԱԿ-ում ՀՀ պատվիրակությունը համահեղինակեց «Անվտանգ, ներառական, հուսալի արհեստական բանականության օգտագործումը՝ միջազգային խաղաղության և անվտանգության պահպանման համար» խորագրով ՄԱԿ-ի Անվտանգության խորհրդի «Arria Formula» ձևաչափով հանդիպում՝ կազմակերպված Հունաստանի, Ֆրանսիայի և Կորեայի Հանրապետության պատվիրակությունների կողմից: Այս մասին հայտնել են ՄԱԿ-ում ՀՀ մշտական ներկայացուցչությունից։ Հանդիպմանը Հայաստանի պատվիրակությունն ընդգծեց, որ արհեստական բանականության կարողությունների զարգացումը պետք է կարգավորվի միջազգային […] ...
23:09 05.04.2025
«Դինամո Մինսկ»-«Նեման» հանդիպումը չեղարկվել է. հայտնի է պատճառըՖուտբոլի Բելառուսի առաջնության երրորդ տուրի «Դինամո Մինսկ»-«Նեման» հանդիպումը չեղարկվել է ձյան առատ տեղումների պատճառով։ Այս մասին հայտնում է Մինսկի «Դինամոյի» մամուլի ծառայությունը։ Մինսկում կայացած հանդիպումն առաջին խաղակեսում ընդհատվեց 0։0 հաշվով։ Մրցավարական թիմը որոշեց չեղարկել խաղը այն դադարեցվելուց 20 րոպե անց։ Հանդիպման նոր ժամկետի մասին կհայտարարվի ավելի ուշ։ Առաջին երկու տուրերում «Դինամոն» վաստակել է 4 միավոր […] ...
22:47 05.04.2025
ԲՏԱ նախարարը Փարիզում քննարկել է կրթական և ինժեներական ոլորտում համագործակցության հնարավորություններըԱպրիլի 5-ին Ֆրանսիայի Հանրապետություն կատարած աշխատանքային այցի շրջանակում ՀՀ բարձր տեխնոլոգիական արդյունաբերության նախարար Մխիթար Հայրապետյանն այցելել է École polytechnique՝ Փարիզի պոլիտեխնիկական դպրոց, և Ֆրանսիայի առաջատար ինժեներական հաստատություններից մեկը՝ ENSTA ParisTech՝ քննարկելու Հայաստանի և Ֆրանսիայի տեխնոլոգիական կրթական և գիտահետազոտական կառույցների միջև համագործակցության խորացման հնարավորությունները։ Այս մասին հայտնել են ԲՏԱ նախարարությունից: Հանդիպումների ընթացքում կողմերը ներկայացրել են բարձր […] ...
22:35 05.04.2025
Ինձ համար տարօրինակ է այն աժիոտաժը, որ սկսվել է Հայաստանում․ Թաթուլ Մանասերյանը՝ ԱՄՆ-ի սահմանած մաքսատուրքերի մասինՄիացյալ Նահանգներն այսօրվանից կիրառում է ապրանքների ներմուծման մասշտաբային մաքսատուրքեր, որոնք չեն եղել անցյալ դարասկզբից ի վեր: ԱՄՆ վարչակազմը մաքսատուրքեր է սահմանում փոխադարձության սկզբունքով: Ի՞նչ է սա նշանակում, ի՞նչ ազդեցություն կարող է ունենալ համաշխարհային տնտեսության ու մասնավորապես նաև Հայաստանի տնտեսության վրա։ Թեմայի շուրջ «Հեռանկարը» զրուցել է տնտեսագիտության դոկտոր Թաթուլ Մանասերյանի հետ։ Ցանկում 185 երկիր է, այսինքն […] ...
