24 11 2024

$

389.76
3.79
€

406.40

+11.09 ^oC

Ամառային զորակոչից լավագույն ծրագրավորող նորակոչիկները ծառայության կանցնեն նորաստեղծ 19-91 ստորաբաժանումում

ՀԱՅԱՍՏԱՆ

21:36 18.02.2020

Պաշտպանության նախարարությունը Զինված ուժերի կազմում նոր ստորաբաժանում է ստեղծում։ Կիբերանվտանգություն, մեքենաշինություն, ռոբոտաշինություն, արհեստական բանականություն. սրանք այն ոլորտներն են, որոնցում ապագա զինծառայողները հնարավորություն կունենան մասնագիտանալու նոր՝ 19- 91 ստորաբաժանման կազմում։

Նոր ստորաբաժանումը ստեղծվում է պաշտպանության նախարարության, «Հայաստանի գիտության և տեխնոլոգիաների հիմնադրամ»-ի՝ FAST-ի և «Հայ Տեք» կիբերանվտանգության կենտրոն-հիմնադրամի միջև ձևավորված համագործակցությամբ: Մայրաքաղաքից բացի, ամառային զորակոչի պատանիների համար վերապատրաստման դասընթացների մեկնարկը տրված է Գյումրիում:

Նոյ Ադամյանը 17 տարեկան է, արդեն հասցրել է թռչող սարքերի ու ինքնաթիռների նախագծման ու պատրաստման ծրագրերի փորձ ձեռք բերել։ Պաշտպանության նախարարության տեղեկատվական տեխնոլոգիաների դասընթացների մեկնարկը հնարավորություն է 17-ամյա պատանու համար ստեղծարար գաղափարները փորձել նաև ռազմական արդյունաբերության ոլորտում:

«Ինձ ամենաշատը հետաքրքրել է անօդաչուների բաժինը։ Ես արդեն 3 տարի է՝ սովորում եմ Գյումրիի ավիամոդելային խմբակում, այնտեղից ահագին գիտելիքներ եմ ստացել, ուզում եմ կիսվել այստեղ»,- ասում է 17-ամյա պատանի Նոյ Ադամյանը։

Գասպար Վարդանյանը ծրագրավորման գիտելիքներ ստացել է Թումո կենտրոնում, երկու համակարգչային խաղերի հեղինակ է: Ստեղծել է ռազմական առաջադրանք կատարող ու միայն ճշգրիտ հաշվարկների միջոցով հաղթանակի հասնելու վիրտուալ խաղեր: Սա միայն սկիզբն է համարում ծրագրավորման հմտությունների կատարելագործման։

«Մեր երկիրն այսօր հնարավորություն ունի ստեղծելու բանակին պիտանի ռազմական կարևոր նշանակության ծրագրեր ու ռոբոտներ, և սա լավագույն առիթն է մեր գաղափարները մեկ տեղում կենտրոնացնելու համար»,- նշում է դասընթացի մասնակից Գասպար Վարդանյանը։

Մեքենաշինություն, ռոբոտաշինություն, կիբերանվտանգություն ու արհեստական բանականություն՝ սրանք այն ոլորտներն են, որոնցում մասնագիտանալու են պատանիները։

«Տեխնոլոգիական զարգացումը հասել է էն մակարդակի, որ սովորական զենքով զինվորը շատ հարց չի լուծում, այս պահին ավելի շատ հարց են լուծում տեխնոլոգիապես զարգացած և էդ տեխնոլոգիաներին տիրապետող բանակները։ Լավագույն օրինակները գիտենք՝ ԱՄՆ, Իսրայել»,- բանակում նոր տեխնոլագիաների կարևորությունն է մատնանշում «Իմպրովիզ» ընկերության տնօրեն Հովհաննես Սարգսյանը։

Մարզն ունի անալիտիկ երկրաչափության, հավանականության տեսության ու մաթեմատիկայի ոլորտներին տիրապետող ու կրեատիվ մտածելակերպով պատանիների պոտենցիալ, այժմ վեցամսյա դասընթացներին մասնակցության հայտ ներկայացրել է 50-ը։ Նրանցից բարձր արդյունքներ ցուցաբերած 20 մասնակիցներն արդեն ընդգրկված են մի քանի ծրագրերում։

«Էս պահին ունենք ամառային զորակոչի համար նախապատրաստվող 20 աշակերտ։Երկու խմբով ենք դասընթացներն անցկացնում, նաև էն աշակերտների համար, որոնք ենթակա են ձմեռային զորակոչին։ Նպատակն է հնարավորություն տալ այս երեխաներին 19-91 զորամասի ընդունելության քննություններին նախապատրաստվել և բարձր գիտելիքներով անցնել այդ ստորաբաժանում»,- ասում է դասընթացավար Հովհաննես Սարգսյանը։

Բանակ զորակոչվելիս կմասնակցեն մեկ միասնական քննության, որտեղ կներկայացնեն զինված ուժերի համար իրենց ստեղծած անհատական կամ խմբային պատրաստի նախագիծը: Բարձր արդյունքներ ցուցաբերած նորակոչիկները ծառայության կանցնեն 19-91 ստորաբաժանումում, որն անվանակոչվել է՝ ի պատիվ Հայկական բանակի ստեղծման տարեթվի:

«Ծառայությունը լինելու է աշխատանքնային պրոցեսում, այսինքն՝ երկու տարիներին ժամկետային ծառայություն նրանք անցկացնելու են ինչ-որ տարածքում, որտեղ ունենալու են իրենց համակարգիչներն ու աշխատանքային պայմանները և ընդգրկված են լինելու կոնկրետ նախագծերում ՝ արդեն Պաշտպանության նախարարության և բանակի համար»,- հետագա ծառայության պայմանների մանրամասներն է ներկայացնում «Իմպրովիզ» ընկերության համահիմնադիր Արտաշես Հարթենյանը։

Զորակոչային տարիքի երիտասարդներից բացի, 19-91 ստորաբաժանման դասընթացներին մասնակցելու ցանկություն են հայտնել նաև 13-16 տարեկան տղաները, որոնք հետաքրքրված են նորագույն տեխնոլոգիաների ոլորտով:

Իսկ Պաշտպանության նախարարությունն ակնկալում է առաջիկա երեք տարիների ընթացքում 19-91 զորամասը համալրել մոտ երեք հարյուր բարձրակարգ մասնագետներով, իսկ գիտահետազոտական աշխատանքների արդյունքում ունենալ հայկական արտադրության նորագույն սարքավորումներ ու զինտեխնիկա։

Ալեքս Սարգսյան

Բաժանորդագրվեք SHANTNEWS.am-ին Telegram-ում

Բոլոր լուրերը

00:00 25.11.2024
Ինդոնեզիայում ժայթքել է Դուկոնո հրաբուխը․ Antara

Կապակցված լուրեր

00:00 25.11.2024

Ինդոնեզիայում ժայթքել է Դուկոնո հրաբուխը․ Antara

Ինդոնեզիայի Հալմահերա կղզում գտնվող Դուկոնո հրաբուխը սկսել է ժայթքել և 3 հազար մետր բարձրությամբ մոխրի սյուն է նետել, հաղորդում է Antara գործակալությունը։ Ինդոնեզիայի արտակարգ իրավիճակների ծառայությունները հրաբխում մի շարք ցնցումներ են գրանցել, որի գագաթը ծովի մակարդակից 1 335 մետր է։ Իշխանությունները կոչ են արել տեղի բնակիչներին հեռու մնալ Դուկոնոյի գագաթից 3 կմ շառավղով և դիմակներ […] ...

23:55 24.11.2024

Լիբանանը հայտնել է, որ 24 ժամվա ընթացքում Իսրայելի օդային հարվածների հետևանքով 84 մարդ է զոհվել

Նոյեմբերի 23-ին իսրայելական ավիահարվածների հետևանքով զոհվել է 84 մարդ, վիրավորվել՝ 213 լիբանանցի։ Նման տվյալներ են բերվում Լիբանանի Առողջապահության նախարարությանն առընթեր արտակարգ իրավիճակների կենտրոնի զեկույցում, որը հրապարակվել է Ֆեյսբուքում: Այդ տեղեկատվության համաձայն՝ 2023 թվականի հոկտեմբերին ռազմական սրացման սկզբից ի վեր Իսրայելի ռմբակոծությունների և հրետանային հարձակումների հետևանքով զոհերի ընդհանուր թիվը կազմում է 3 754, իսկ վիրավորներինը՝ 15 […] ...

23:50 24.11.2024

Չոլակուն և Լասկոնին կհանդիպեն Ռումինիայի նախագահական ընտրությունների երկրորդ փուլում

Ռումինիայի Սոցիալ-դեմոկրատական կուսակցության առաջնորդ, վարչապետ Մարսել Չոլակուն կիրակի օրը կայացած նախագահական ընտրությունների առաջին փուլում ստացել է ձայների 25%-ը։ Երկրորդ արդյունքը ցույց է տվել Ելենա Լասկոնին՝ «Ռումինիայի փրկության միություն» աջ կենտրոնամետ կուսակցությունից, որը ստացել է ձայների 18,1%-ը։ Էքզիթ փոլի այս տվյալները հրապարակվել են ընտրատեղամասերի փակումից անմիջապես հետո՝ ժամը 23:00-ին, Քաղաքային և տարածաշրջանային սոցիոլոգիայի կենտրոնի կողմից: Ընտրություններին […] ...

23:40 24.11.2024

Kyodo. ԱՄՆ-ն և Ճապոնիան Թայվանի տարածքում գործողության պլան են մշակում

ԱՄՆ-ի և Ճապոնիայի զինված ուժերը մտադիր են դեկտեմբերին Թայվանում ռազմական ճգնաժամի դեպքում մշակել համատեղ գործողությունների առաջին պլանը, որը կներառի, մասնավորապես, ամերիկյան հրթիռային ուժերի տեղակայումը հարակից Ֆիլիպիններում և ճապոնական կղզիների հարավ-արևմուտքում: Այնտեղ կտեղակայվեն հատուկ հենակետեր, հայտնում է Kyodo գործակալությունը՝ հղում անելով աղբյուրներին։ Գործակալությունը ընդգծում է, որ Թայվանի ճգնաժամի դեպքում այդ ամբողջ հսկայական տարածքը վերածվելու է պատերազմի […] ...

23:20 24.11.2024

Իրավապահները Թբիլիսիում ցուցարարների ավտոշարասյանը թույլ չեն տվել հասնել խորհրդարան

Թբիլիսիում Վրաստանի ՆԳՆ աշխատակիցները հրաժարվել են թույլ տալ ցուցարարների ավտոշարասյանը խորհրդարանի շենք հասնել։ Այս մասին հայտնում է ՏԱՍՍ-ի թղթակիցը հանրահավաքի վայրից։ Ոստիկանության ներկայացուցիչների խոսքով՝ որոշումը կայացվել է խորհրդարանի մոտ նախատեսվող բողոքի ակցիայի անվտանգության միջոցառումներից ելնելով։ Մինչդեռ իրավապահները խնդիր չունեն թույլ տալ ոտքով մարդկանց մոտենալ խորհրդարանին։ Ընտրությունների արդյունքների դեմ Թբիլիսիում հանրահավաքը սկսվել է նոյեմբերի 24-ի երեկոյան։ […] ...

23:00 24.11.2024

SpaceX հրթիռը ուղեծիր է ուղարկել Starlink ինտերնետային արբանյակների նոր խումբ

Falcon 9 հրթիռy կիրակի օրը հաջողությամբ ուղեծիր է դուրս բերել 20 մինի արբանյակների ևս մեկ խմբաքանակ՝ համալրելու Starlink համակարգի գլոբալ ինտերնետ ծածկույթի ուղեծրային համաստեղությունը, հաղորդում է SpaceX ծրագրավորող ընկերությունը: «Հաստատվել է Starlink 20 արբանյակների արձակումը»,- ասվում է հաղորդագրության մեջ։ Հրթիռն արձակվել է Կալիֆոռնիայում ԱՄՆ Վանդենբերգ տիեզերական ուժերի բազայի SLC-4E արձակման հարթակից: Արձակումից մոտ մեկ ժամ […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.