19:57 16.12.2019
2020 թվականին գյուղատնտեսության ոլորտում պետական աջակցության 10 ծրագիր է իրականացվելու: Առաջարկվող ծրագրերը վերաբերում են նոր ջերմոցների, խելացի անասնագոմերի կառուցմանը, տոհմային անասունների բուծմանը, ինտենսիվ այգիների հիմնմանը, գյուղտեխնիկայի ձեռքբերմանը։ Պետության աջակցությունը լինելու է ծախսերի մի մասի, որոշ ծրագրերի դեպքում՝ գումարի կեսի փոխհատուցումը, նաև ցածր տոկոսադրույքով վարկավորումը։ Շիրակի մարզից ստացված հայտերը հանրապետությունում ամենաքիչն են։ Էկոնոմիկայի նախարարության պատասխանատուների հետ տեղի ունեցած հանդիպմանը մարզի գյուղապետները թվարկել են այն խնդիրները, որոնց պատճառով գյուղատնտեսության զարգացմանն ուղղված պետական աջակցությունն անհասանելի է։
Նոր Կյանք համայնքի ղեկավար Արա Սուքիասյանը նշեց, որ մշակված բոլոր ծրագրերն էլ լավն են, թեև ուշացած են, բայց գյուղատնտեսություն վարող միջին խավի համար չեն։ Սրան չհամաձայնեց էկոնոմիկայի նախարարի խորհրդական Դավիթ Դավթյանը և նշեց, որ պետությունն առաջարկում է փոքր չափերի ջերմոց կառուցել, տրամադրում է ծախսերի կեսը, տարեկան 4 տոկոս տոկոսադրույքով վարկավորմամբ էլ պատրաստ է ֆինանսավորել սարքավորումների գնումը։ Բայց, ըստ գյուղապետների, մարզի գյուղերում բնակչության 90 տոկոսը վարկային ծանրաբեռնվածություն ունի, կամ սև ցուցակներում է։ Ազատանի գյուղապետ Վարդան Իկիլիկյանն էլ նշեց, թե երբ լուծված չէ մսի և կաթի մթերման հարցը, 1 լ կաթը 110-140 դրամով են մթերում, միսն էլ շատ էժան է, ոչ մի խելացի անասնագոմի կառուցման ծրագիր չի աշխատի։ Կա անհրաժեշտություն մարզում ապրանքների մեծածախ շուկա հիմնել։
ԱԺ պատգամավոր Սոֆյա Հովսեփյանն էլ նշեց, որ Հայաստանի հարևան բոլոր պետություններն էլ պատրաստ են Հայաստանից գյուղմթերք գնել, բայց մեզ մոտ իրենց պահանջած ծավալները չկան։ Օրինակ բերեց, որ վերջերս Կիևում առաջարկել է Հայաստանից չիր գնել, բայց միանգամից հարցրել են, թե որքան քանակ կարող են տրամադրել։ Իսկ եղած քանակությունը Ուկրաինայի մեծ շուկայի համար շատ քիչ է։ Դրա համար էլ անհրաժեշտ է, որ մեծ քանակությամբ մթերք Հայաստանում աճեցվի, իսկ մեզ մոտ վարելահողերի 45 տոկոսը շարունակում է մնալ անմշակ։
ՀՀ էկոնոմիկայի նախարարության գյուղատնտեսության վարչության պետ Իրա Փանոսյանն էլ նշեց, որ խնդիրը բավականին ճիշտ է ներկայացվել, իրացման խնդիր իսկապես կա, կառավարությունում էլ են քննարկում մեծածախ շուկա բացելու հարցը, որպեսզի արտադրման և մթերման գործընթացները բավականին հեշտ կարգավորվեն, ուղղակի ժամանակի խնդիր է։ Բայց որքան էլ ապագայի ծրագրերում խոսեն նոր մշակաբույսերի ներդրումից, մարզի գյուղապետներին հետաքրքրում էր սերմարտադրության ծրագիրը։ Հացահատիկի նախկին շտեմարան Շիրակի մարզը դրանից չի հրաժարվի։ Էկոնոմիկայի նախարարության գյուղատնտեսության վարչության պետ Իրա Փանոսյանը նշեց, որ նախատեսվում է 2020 թվականին ստեղծել սերմնաբուծության զարգացման ծրագիր։ Այս ուղղությամբ արդեն աշխատանքներ են տարվում։
17:23 04.04.2025
Ո՞րն է Զիդանի սիրելի անգլիական ստադիոնը
17:20 04.04.2025
Վահագն Խաչատուրյանին իր հավատարմագրերն է հանձնել Հայաստանում Նոր Զելանդիայի նորանշանակ դեսպանըՀանրապետության նախագահ Վահագն Խաչատուրյանին իր հավատարմագրերն է հանձնել Հայաստանում Նոր Զելանդիայի արտակարգ և լիազոր դեսպան Մարկ Ջուլիան Թրեյնորը (նստավայրը՝ Մոսկվա): Շնորհավորելով դեսպանին նշանակման կապակցությամբ՝ նախագահ Խաչատուրյանը հույս է հայտնել, որ նրա գործունեությունը կնպաստի երկու երկրների միջև համագործակցության զարգացմանն ու տարբեր ոլորտներում կապերի խորացմանը։ «Հայաստանը բարձր է գնահատում Նոր Զելանդիայի հետ բարեկամական հարաբերությունները, որոնք հիմնված են […] ...
17:17 04.04.2025
Դոնալդ Թրամփի վարչակազմը լավատեսորեն է տրամադրված Ուկրաինայում խաղաղ կարգավորման հարցում․ ՌուբիոԱՄՆ նախագահ Դոնալդ Թրամփի վարչակազմը լավատեսորեն է տրամադրված Ուկրաինայում խաղաղ կարգավորման հարցում, սակայն հասկանում է, որ բանակցային գործընթացը բարդ է լինելու։ Այս մասին հայտարարել է ԱՄՆ պետքարտուղար Մարկո Ռուբիոն։ «Մենք առաջընթաց ենք գրանցում դեպի խաղաղություն: Բանակցային գործընթացը դժվար կլինի, բայց մենք մնում ենք լավատես», – ասել է նա Բրյուսելում ՆԱՏՕ-ի արտգործնախարարների հանդիպումից հետո կայացած մամուլի […] ...
17:14 04.04.2025
Ստեփանավանի համայնքային ոստիկանները գողության դեպք են բացահայտելՀամայնքային ոստիկանության Ստեփանավանի բաժնի ծառայողները մարտի 28-ին Ստեփանավան քաղաքի Ռումինական փողոցում տեղադրված տեսախցիկի ձայնագրությունները դիտելիս նկատել են, որ երկու անձինք պոկում և գողանում են տեսախցիկը: Կազմված փաստաթղթերն ուղարկվել են նախաքննական մարմին, որտեղ նախաձեռնվել է քրեական վարույթ: Ձեռնարկված օպերատիվ-հետախուզական միջոցառումների արդյունքում պարզվել է, որ գողությունը կատարել են Ստեփանավանի բնակիչ 24 և 23 տարեկան երկու երիտասարդ: Բացատրական […] ...
17:11 04.04.2025
Սպորտային նպաստ՝ Լոս Անջելեսի Օլիմպիական խաղերին նախապատրաստվող մարզիկներին, մարզիչներին և բժիշկներին. նախագիծՀՀ կրթության, գիտության, մշակույթի և սպորտի նախարարությունը հանրային քննարկման է ներկայացրել «Լոս Անջելես 2028» ամառային Оլիմպիական խաղերին նախապատրաստվող մարզիկների, հավաքականների մարզիչների, անձնական մարզիչների, բժիշկների և մերսողների համար սպորտային նպաստ տրամադրելու կարգը: Նախագիծը մշակվել է՝ հիմնվելով «Ֆիզիկական կուլտուրայի և սպորտի մասին» օրենքի համապատասխան դրույթների վրա: Առաջարկվում է «Լոս Անջելես 2028» ամառային Օլիմպիական խաղերին լավագույնս նախապատրաստվելու համար […] ...
17:08 04.04.2025
Ինչ է պարզել ՄԻՊ արագ արձագանքման խումբը «Նուբարաշեն» ՔԿՀ-ումԱպրիլի 3-ին Մարդու իրավունքների պաշտպանի թեժ գծի հեռախոսահամարին ահազանգ էր ստացվել առ այն, որ «Նուբարաշեն» քրեակատարողական հիմնարկում դիմակներով անձինք ծեծի են ենթարկել ցմահ դատապարտյալներին։ Սոցիալական ցանցերի և զանգվածային լրատվության միջոցների մշտադիտարկման արդյունքում ստացվել էր նաև տեղեկություն, որ դատապարտյալներին որևէ բուժօգնություն չի ցուցաբերվում։ ՄԻՊ-ից հայտնում են, որ Պաշտպանի հանձնարարությամբ «Նուբարաշեն» քրեակատարողական հիմնարկ է մեկնել արագ արձագանքման […] ...
17:04 04.04.2025
38-ամյա տղամարդու և 20-ամյա աղջկա խուզարկությամբ «Մակարով» ատրճանակներ են հայտնաբերվել․ ՔՈԳՎ բացահայտումներըԾանր և առանձնապես ծանր հանցագործությունների կանխարգելման գործում էական նշանակություն ունի բնակչութան մոտ ապօրինի պահվող զենք-զինամթերքի հայտնաբերումն ու առգրավումը: Պատահական չէ, որ իրավապահ մարմինները մշտական ուշադրության կենտրոնում են պահում այս գործը: Քրեական ոստիկանության գլխավոր վարչության մարդու դեմ ուղղված հանցագործությունների դեմ պայքարի բաժնի ծառայողների վերջին բացահայտումներն էլ, անկասկած, ունեցան նաև կանխարգելիչ նշանակություն: Ապրիլի 2-ին բաժնի ծառայողները ստացել […] ...
