19:19 25.11.2019
«Երիտասարդական նախաձեռնությունների կենտրոնը» մշակել է Գյումրիի երիտասարդական քաղաքականության ռազմավարությունը, որտեղ ներկայացվել են երիտասարդներին մտահոգող խնդիրները և դրանց լուծման հնարավորությունները։
Այսօր առաջարկությունների փաթեթի շուրջ Գյումրու քաղաքապետարանում քննարկում է կազմակերպվել, որին 100-ից ավելի երիտասարդներ ու ոլորտի պատասխանատուներ են մասնակցել: Ռազմավարության ծրագրի իրականացնողն ու պատասխանատուն լինելու է Գյումրու քաղաքապետարանը։
Երիտասարդության քաղաքականության հայեցակարգում ներկայացված են Գյումրիի երիտասարդների կրթության, զբաղվածության, ձեռներեցության, ինչպես նաև ժամանցային խնդիրները։ Դրանք այնքան արագ են փոխվում, որքան երիտասարդության մտածելակերպը։
Այդ փոփոխությունը շատ լավ տեսանելի է Գյումրու քաղաքապետի խորհրդական Հասմիկ Կիրակոսյանի համար։ Նա էլ 50 տարի առաջ է ղեկավարել Լենինականի երիտասարդական կազմակերպությունը։ Նրա խոսքերով՝ հիմա խառն է երկիրը, խառն են երիտասարդները՝ բազմակուսակցական, քաղաքականացված, կրոնական հազար ու մի տեսակի այլախոհումներ, իսկ թե ինչ է անում մաքուր երիտասարդությունը, ողնաշարը՝ հայտնի չէ։
Երիտասարդների ակտիվ խումբը զբաղված է իրենց խնդիրներին վերաբերող հայեցակարգի մշակմամբ, մի մասն էլ ուսումնական հաստատություններում դասապրոցեսի ժամին ներկա գտնվեցին քննարկմանը։
Մշակված հայեցակարգի հաստատումից հետո այն իրականացնելու է քաղաքապետարանը, ավելի կոնկրետ՝ Մշակույթի և երիտասարդության հարցերի բաժինը։
Ինչքանով են երիտասարդական հիմնախնդիրները տվյալ բաժնի օրակարգային քննարկումներին արժանանում։ Գյումրու երիտասարդական պալատի տնօրենի ժամանակավոր պաշտոնակատար Լիլիթ Մակարյանը Գյումրու քաղաքապետարանի մշակույթի բաժնի պետ Լիլիթ Թովմասյանին մեղադրում է նրանում, որ պալատի բացման 3-ամյակի միջոցառումից բացի, նա իր պաշտոնավարման 1 տարվա ընթացքում չի այցելել երիտասարդական պալատ ու չի հետաքրքրվել, թե ինչով են իրենք զբաղվում։
Ներկաներին ներկայացվեց նաև, որ Գյումրու քաղաքապետին կից երիտասարդական խորհուրդ է ձևավորվել, որը երբևէ որևէ նիստ չի գումարել։
Քաղաքային բյուջեից երիտասարդներին հատկացվող գումարը հիմա շատ սահմանափակ է, տարեկան ընդամենը 10 մլն դրամ է հատկացվում որոշ ՀԿ-ների միջոցառումներ կազմակերպելու նպատակով։
Միջոցառումներն էլ առանց մրցույթի են անցկացնում։ Սա հաստատեցին նաև ծրագիր մշակողները։
«Երիտասարդական նախաձեռնությունների կենտրոն» ՀԿ-ի աշխատակից Աննա Եղոյանը նշեց, որ շատ է պատահել, որ իրենք նամակ են գրել քաղաքապետարան այս կամ այն միջոցառումը կազմակերպելու համար, կա՛մ նամակներին չեն պատասխանել, կա՛մ ներկայացրած գումարի կեսն են վճարել, կա՛մ էլ նշել են, թե իրենցից առաջ դիմող եղել է, նա է ֆինանսավորվել։
Հայեցակարգով առաջարկվում է մեխանիզմներ մշակել հատկացումների վերահսկման համար։ Իսկ ֆինանսական խնդիրներ ծրագիրն ակնկալում է ոչ միայն պետական և տեղական բյուջեներից, այլև դրամաշնորհներից։
Ի դեպ, այս հայեցակարգը 2016 թվականին է ներկայացվել Գյումրու քաղաքապետարան, բայց 3 տարի դարակներում մնալուց հետո վերադարձվել է մշակողներին։ Հիմա այն նորից արդիական է այն պատճառով, որ հաջորդ տարի նախատեսվում է Հայաստանում երիտասարդության մասին օրենք ընդունել։
Ի դեպ, հայեցակարգի հիմքում 2016 թվականի հետազոտությունների արդյունքներն են, որոնք, ըստ ներկաների, ևս 3 տարի անց փոփոխություն են կրել, բայց գործազրկության բարձր մակարդակը, կրթական ցածր որակն ու երիտասարդների համար հարկային արտոնությունների բացակայությունը հիմա էլ նրանց համար գլխավոր խնդիրներից են։
18:00 04.04.2025
ՏԿԵ նախարարը հյուրընկալել է երկրաբանության ոլորտի մի շարք ներկայացուցիչներիԵրկրաբանի օրվա կապակցությամբ Տարածքային կառավարման և ենթակառուցվածքների նախարարությունում ՀՀ ՏԿԵ նախարար Դավիթ Խուդաթյանն այսօր հյուրընկալել է երկրաբանության ոլորտի մի շարք ներկայացուցիչների։ Նախարարը ողջունել և շնորհավորել է ոլորտի երկարամյա աշխատակիցներին։ Խուդաթյանը շնորհակալություն է հայտնել նրանց՝ ոլորտում իրենց ներդրած ջանքի ու նվիրումի համար, ինչի արդյունքում հանքարդյունաբերության ոլորտն այսօր Հայաստանում կարող է համարել զարգացած։ Երկրաբանի օրվա կապակցությամբ երկարատև, […] ...
17:55 04.04.2025
Ե՛վ Գյումրու, ե՛ւ գյումրեցիների համար եք պատասխանատու։ Ու Աստված չանի՝ մեկի գլխից մազ ընկնի. Նազելի ԲաղդասարյանՀՀ վարչապետի մամուլի քարտուղար Նազելի Բաղդասարյանը ֆեյսբուքյան իր էջում գրառում է կատարել՝ անդրադառնալով Գյումրու քաղաքապետի թեկնածու Մարտուն Գրիգորյանի որոշմանը՝ սատարելու Վարդան Ղուկասյանին: «Ե՛վ Գյումրու, ե՛ւ գյումրեցիների համար եք պատասխանատու։ Ու Աստված չանի՝ մեկի գլխից մազ ընկնի։ Ի դեպ, բոլոր այն պնդումները, թե այս որոշումից ի վեր քաղաքական պատասխանատվություն չեք կրելու, դատարկաբանություն են։ Իսկ եղավ այն, […] ...
17:48 04.04.2025
UWW-ի անդրադարձը Ալեքսանյանին և ԱմոյանինԸմբշամարտի համաշխարհային ֆեդերացիան ներկայացրել է Սլովակիայի մայրաքաղաք Բրատիսլավայում ապրիլի 7-13-ը կայանալիք Եվրոպայի առաջնության անոնսը: Անդրադարձ է կատարվել նաև հունահռոմեական ոճի ըմբշամարտի Հայաստանի հավաքականի առաջատարներ Արթուր Ալեքսանյանին (97 կգ) և Մալխաս Ամոյանին (77 կգ): Օլիմպիական խաղերի ոսկե, արծաթե և բրոնզե մեդալակիր, աշխարհի քառակի ու Եվրոպայի 7-ակի չեմպիոն Ալեքսանյանի հիմնական մրցակիցները կլինեն Եվրոպայի նախկին չեմպիոն Կիրիլ Միլովը […] ...
17:42 04.04.2025
Արտարժույթի փոխանակման հայտարարությունները՝ ծուղակ․ ՆԳՆ ոստիկանությունը զգոնության կոչ է անումՍոցիալական տարբեր կայքերում բազմաթիվ են տարատեսակ, այսպես ասած՝ գայթակղիչ հայտարարությունները, որոնցով քաղաքացիներին առաջարկում են կատարել արտարժույթի՝ մասնավորապես ռուբլու փոխանակում՝ առավել բարձր արժեքով, քան տարադրամի փոխանակման կետերում։ Խարդախության սխեման հետևյալն է. Հանցավորները նախ վարձում են թանկարժեք ավտոմեքենա, որի վարորդին պատվիրում են գնալ երկկողմանի ելումուտ ունեցող առևտրի որևէ կենտրոնի տարածք։ Արտարժույթ փոխանակել ցանկացող անձին ևս խնդրում են […] ...
17:36 04.04.2025
Սակուրաները մեծանում և ծաղկում են այնպես, ինչպես հայ-ճապոնական հարաբերությունները. ԱԺ այգում նշվել է Հանամի տոնըԱպրիլի 4-ին ««Արումենիա-Նիպոն» հայ-ճապոնական գիտամշակութային միություն» հասարակական կազմակերպության նախաձեռնությամբ խորհրդարանի այգում նշվել է ճապոնական Հանամի տոնը, որին մասնակցել են ՀՀ ԱԺ պատգամավորներ, ՀՀ ԱԳՆ ներկայացուցիչներ, «Արումենիա-Նիպոն» միության անդամներ, այլ հյուրեր: Հայաստանում Ճապոնիայի փոխդեսպան Դաբիդե Ցունակակեն՝ ԱԺ այգում մասնակցելով ճապոնական Հանամի տոնին նվիրված միջոցառմանը, ասել է. «Ինձ համար մեծ հաճույք եւ պատիվ է այս գեղեցիկ օրն […] ...
