10 պատճառ՝ ինչու են աշակերտները դադարում սիրել դպրոցը

11-ամյա Տիմոֆեյ Դրոգինը «Վաղը անունով» դպրոցական համաժողովի ժամանակ պատմել է, թե ինչու են աշակերտները դադարում սիրել դպրոցը, կորցնում մոտիվացիան և փախչում դասերից: Նա 10 պատճառ է նշել:

1.Ուսուցիչները

Առաջին պահից, երբ  երեխան մտնում է  դպրոց, նրան սկսում են  վախ ներշնչել: Առաջինը հենց վախն է ուսուցչից:

2.  Վախ՝ գնահատականից

3.  Սխալվելու վախը

Եվս  մի վախ՝ – սխալվելու վախը: Դպրոցը չի  սովորեցնում, որ սխալվել կարելի է  և պետք  է: Չէ որ հենց սխալվելով է  հնարավոր ինչ որ բան սովորել: Անսխալական ոչ ոք  և ոչինչ չի լինում:  Այսինքն դպրոցը բացառում է  սխալվելու բնական իրավունքը:

4. Թրոլլինգ/ծաղր /

Եվս մեկ պատճառ՝ դասընկերների մշտական ծաղրանքները: Ու հաճախ դա ուսուցիչների մեղքով է, քանի որ հենց նրանք են ծաղրի առարկա  դարձնում աշակերտներին, մատնացույց անելով, որ նրանք ինչ որ բան այնպես չեն անում, ինչպես մյուսները: Ուսուցիչների համար գնահատականները կարևոր են աշակերտից, մարդուց: Ես օրինակ հաճախում էի խմբակ, սովորեցի հուլունքագործություն, խմորից  քանդակներ պատրաստել, թևնոցներ՝ կաշվից ու էլի շատ նման բաներ: Երբ իմ խմբակի ղեկավարը եկավ դպրոց և առաջարկեց, որ ես մաստեր կլաս անցկացնեմ մյուսների համար, փոխտնօրենը բացականչեց «Տիմոֆե՛՛յ: Չի կարող պատահել»:

5. Հիմար թեստեր

Այն թեստերը, որ հանձնարարում են դասերի ժամանակ, անհավատալի հիմար են, քանի որ այնտեղ չկա քո սեփական պատասխանի տարբերակը: Աշակերտը փորձում է գուշակել տրված տարբերակներից մեկը, բայց չէ՞ որ նա կարող է ունենալ իր սեփական պատասխանը, որը տվյալ դեպքում չի կարողանում արտահայտել: Չեմ կարծում, թե դպրոցն ավարտելուց հետո որևէ մեկը կհիշի աշխարհի բոլոր երկրների մայրաքաղաքները, Տարաս Շեվչենկոյի ստեղծագործությունները, կամ հինգից քառակուսի արմատ հանելու ձևը: Եթե ինչ որ մեկն ինչ որ բանով հետաքրքրված է, նա կարող է շատ ավելի ինֆորմացիա գտնել և հիշել, քան կարող է տալ 10 տարվա դպրոցական ծրագիրը: Նույն կերպ եթե պետք են գիտելիքներ այլ ոլորտներից, կարող է  հեշտորեն գտնել:

6. Տնային աշխատանքների ծավալը 

Ես կարդացել եմ, որ չկա որևէ ապացույց, թե տնային աշխատանքը նպաստում է երեխաների կրթվածությանը կամ առաջադիմությանը: Մի անգամ ինձ անգլերենից այնքան գրավոր էին հանձնարարել, որ ես 3 ժամ նստած մնացի: Հետո ինձ տարան բժշկի, քանի որ չէի կարողանում վիզս շարժել: 1 շաբաթ ես կրում էի վիզն անշարժացնող կորսետ:

7. Եզակի լինելու արգելքը 

Դպրոցներում չեն սիրում, երբ մեկը մյուսներից տարբերվում է: Դա սկսվում է  ուսուցչից, փոխանցվում աշակերտին ու նրան ուղեկցում ամբողջ կյանքում:

8.  Դպրոցը չի սովորեցնում երջանիկ լինել 

Ես կարդացել եմ, որ  երբ The Beatles խմբի անդամ Ջոն Լենոնը 5 տարեկան էր, մայրը նրան սովորեցրել էր՝ ամենակարևորը կյանքում երջանիկ լինելն է:  Դպրոցում նրան հարցրել են՝ ի՞նչ ես ուզում դառնալ: Լենոնը պատասխանել է՝ երջանիկ եմ ուզում դառնալ: Նրան ասել են, թե չի հասկանում հարցը: Լենոնը պատասխանել է՝ դուք չեք հասկանում կյանքը:

9. Դպրոցը չի սովորեցնում աշխատել ինֆորմացիայի հետ 

Օրինակ ես դիտում եմ YouTube ալիքը, որտեղ Ֆիզիկայի մասնագետը շատ հեշտ ու մատչելի ինչ որ բան է բացատրում: Այդպիսի տեսանյութը կարող է փոխարինել տասնյակ ձանձրալի ու միապաղաղ դասերին:

10. Դպրոցը չի պատրաստում հասուն կյանքի

Դպրոցը նախապատրաստություն է  հասուն կյանքին:  Բայց չի սովորեցնում ոչ մի պետքական բան՝ ինչպես պահպանել և ավելացնել  եկամուտը, ինչպես ստանալ եկամուտ, ինչպես  փող աշխատել: Բացի այդ դպրոցում պետք է սովորեցնեն հասկանալ միմյանց՝ չէ՞ որ ամենակարևորն ու դժվարը շփումն է: Ես կարդացել եմ, որ հենց դրա պակասի պատճառով են աշխարհում ամենաշատ  ամուսնալուծությունները: