25 11 2024

$

389.76
3.79
€

406.40

+16.09 ^oC

Աշխատատեղերն ամբողջ աշխարհում կարող են կրճատվել մինչև 20 տոկոսով

ԳԻՏՈՒԹՅՈՒՆ ԵՎ ՏՏ

15:03 05.12.2017

Մինչև 2030 թվականը, ընդամենը 12-13 տարում, աշխարհում կարող է կրճատվել 800 միլիոն աշխատատեղ։ Ամերիկյան McKinsey & Co ընկերության հետազոտության համաձայն՝ այս հաստիքները կլրացնեն ռոբոտները։ Ընդ որում՝ աշխատատեղերի կրճատում կլինի և՛ զարգացած, և՛ ոչ զարգացած երկրներում։

Մարդիկ կկորցնեն իրենց աշխատանքը և ստիպված կլինեն վերամասնագիտանալ այլ ոլորտներում։

Իրեր տեղափոխող ռոբոտներն ու անօդաչու թռչող սարքերը, առանց վարորդի աշխատող մեքենաներն այս պահին ամենաակնառու օրինակներն են, սակայն կան նաև ոչ այնքան ակնառու օրինակներ՝ ծրագրեր, որոնք մարդու փոխարեն մեխանիկական աշխատանքն իրականացնում են նույնիսկ այնպիսի ոլորտում, ինչպիսին լրագրությունն է։ Մեր մասնագիտության այս նորամուծությունը կիրառվում է նաև Հայաստանում։

«Արմենպրեսում» ավտոմատացումը թույլ է տվել մեծացնել թողարկվող արտադրանքի ծավալը։ Ռոբոտն ինքնուրույն գրում է տարադրամների փոխարժեքների ու ֆինանսական ցուցանիշների մասին լուրերը՝ հրապարակումներ, որոնց բովանդակությունը կրկնվում է, փոփոխվում են միայն թվային տվյալները։ Հեռանկարում ծրագիրը պետք է կարողանա ինքնուրույն թողարկել ինֆորմացիոն լրատվության մեծ մասը, սակայն սա դեռ չի նշանակում մասնագիտության վախճանը։

Արհեստական բանականության ներդրումը տնտեսական բաղկացուցչից էլ է կախված։ Այն լայնորեն կօգտագործվի, եթե ավելի էժան լինի, քան մարդու աշխատուժը։ Այս սկզբունքով առաջինը թիրախում են հայտնվում ավելի թանկարժեք մասնագիտությունները՝ իրավաբաններն ու որոշ մասնագիտացումներ ունեցող բժիշկները։ Բայց որքան համակարգչային տեխնիկան զարգանում է, այնքան ավելի էժան է դառնում այն։ Մարդուն մեքենայով փոխարինելը ժամանակի հարց է դառնում։

Սաուդյան Արաբիայում այս տարի աշխարհում առաջին անգամ քաղաքացիություն է ստացել մարդանման ռոբոտ Սոֆյան, որն աշխատում կամ մտածում է արհեստական բանականությամբ։ Այն ունի ինքնուրույն սովորելու ունակություն, ինչի շնորհիվ կարողանում է շփվել մարդու հետ ու տրամաբանական զրույց վարել, թեև դեռ ընկալման թերություններ ունի։

Արհեստական բանականություն

Հայաստան

Ռոբոտներ

Բաժանորդագրվեք SHANTNEWS.am-ին Telegram-ում

Բոլոր լուրերը

11:47 25.11.2024
Իրանն ու «եվրոեռյակը» բանակցություններ կվարեն փոխարտգործնախարարների մակարդակով

Կապակցված լուրեր

11:40 25.11.2024

Կոբախիձեն խորհրդարանին է ներկայացրել Բոչորիշվիլիի թեկնածությունը ԱԳ նախարարի պաշտոնում

Վրաստանի վարչապետ Իրակլի Կոբախիձեն խորհրդարանին է ներկայացրել Եվրոպայի հետ հարաբերությունների խորհրդարանական կոմիտեի ղեկավար Մակի Բոչորիշվիլիի թեկնածությունը հանրապետության արտաքին գործերի նախարարության ղեկավարի պաշտոնում։ «Նա հատուկ ներածության կարիք չունի, բայց ևս մեկ անգամ ուզում եմ հիշեցնել, որ տիկին Մակի Բոչորիշվիլին դիվանագիտական ծառայության մեծ փորձ ունի, նա հաջողությամբ զբաղվում է իր բիզնեսով ավելի քան 20 տարի։ Դուք գիտեք, […] ...

11:35 25.11.2024

«Երևանի թիվ 175 միջնակարգ դպրոց» ՊՈԱԿ-ում գործարկվելու է էլեկտրական շչակ

Նոյեմբերի 26-ին՝ ժամը 11:00-ին, «Երևանի թիվ 175 միջնակարգ դպրոց» ՊՈԱԿ-ում անցկացվելու է «Ազդարարում, տարհանում, պատսպարում» թեմայով հատուկ տակտիկական ուսումնավարժություն, որի ընթացքում գործարկվելու է էլեկտրական շչակ: Այս մասին հայտնում է ՆԳՆ փրկարար ծառայությունը։ ...

11:28 25.11.2024

33-ամյա երիտասարդին մարմնական վնասվածք պատճառած տղամարդը ձերբակալվել է

Նոյեմբերի 22-ի ժամը 20.32-ին ՆԳՆ ոստիկանության Արագածոտնի մարզի օպերատիվ կառավարման կենտրոն հաղորդում է ստացվել, որ «գանգուղեղային վնասվածք» ախտորոշմամբ «Արմենիա» բժշկական կենտրոն բուժօգնության է դիմել Արագածոտն գյուղի բնակիչ 33-ամյա երիտասարդ: Համայնքային ոստիկանության Աշտարակի բաժնի և ՔՈԳՎ Արագածոտնի մարզային վարչության ծառայողների համատեղ ձեռնարկած միջոցառումների արդյունքում պարզվել է, որ Արագածոտն գյուղում տեղի ունեցած վիճաբանության ժամանակ 33-ամյա երիտասարդի գլխին […] ...

11:20 25.11.2024

Ճապոնիայի ափերի մոտ 5,1 մագնիտուդ երկրաշարժ է տեղի ունեցել

Ճապոնիայի Օկինավա կղզու արևելյան ափերի մոտ 5,1 մագնիտուդ երկրաշարժ է գրանցվել։ Այս մասին հայտնում է Եվրոպական-միջերկրածովյան սեյսմոլոգիական կենտրոնը։ Էպիկենտրոնը գտնվել է Նահա քաղաքից 90 կմ հարավ-արեւելք, որտեղ ապրում է մոտ 300 հազար մարդ։ Օջախն ընկել է 10 կմ խորության վրա։ Զոհերի և ավերածությունների մասին տեղեկություններ չկան։ Ցունամիի սպառնալիք չի հայտարարվել։ ...

11:13 25.11.2024

Մոտոցիկլավարը մահացել է. փախուստի դիմած վարորդը ներկայացել է վարույթն իրականացնող մարմին

Նոյեմբերի 22-ին, կեսգիշերն անց, Երևանի Սեբաստիայի փողոցում իրար են բախվել «ԳԱԶ-32213»-ը և «Հոնդա» մակնիշի մոտոցիկլետը, ինչից հետո մոտոցիկլետը բախվել է կայանած «Նիսան» մակնիշի մեքենային: Մոտոցիկլավարը՝ 33-ամյա Մկրտիչ Ղ.-ն, մահացել է, իսկ վարորդը պատահարի վայրից դիմել է փախուստի: Համայնքային ոստիկանության Մալաթիայի բաժնի ծառայողների ձեռնարկած միջոցառումների շնորհիվ պարզվել է «ԳԱԶ 32213»-ի վարորդի ինքնությունը: Բացատրական աշխատանքի արդյունքում նա […] ...

11:05 25.11.2024

Վիլնյուսում բնակելի շենքի մոտ բեռնատար ինքնաթիռ է կործանվել

Գերմանական DHL տրանսպորտային ընկերության ինքնաթիռը կործանվել է Վիլնյուսի օդանավակայանի մոտ, հայտնում է Reuters-ը ՝ հղում անելով Լիտվայի ոստիկանությանը։ «Վիլնյուսի օդանավակայանի մոտակայքում վթարի է ենթարկվել DHL բեռնատար ինքնաթիռ»,- ասվում է հաղորդագրության մեջ։ Գործակալությունը պարզաբանում է, որ ինքնաթիռն ընկել է, երբ պատրաստվում էր վայրէջք կատարել։ Օդանավը շահագործում է իսպանական Swiftair ավիաընկերությունը։ Ինչպես հայտնում է LRT ազգային ռադիոն, […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.