14:11 30.11.2017
Sur in English կայքն անդրադարձել է Հայաստանին և ներկայացրել է երկրի պատմությունը, մշակույթն ու խոհանոցը: Հոդվածագիր Էնդրյու Ֆորբսն իր անդրադարձը սկսում է մայրաքաղաք Երևանից և նշում է, որ այն «անդիմադրելի հմայք» ունի: Սակայն նրա վրա առավել մեծ ազդեցություն է գործել քաղաքի հյուրընկալությունը, ինչը, Ֆորբսի խոստովանմամբ, խիստ անսպասելի էր իր համար:
«Ես շրջապատված էի սրճարան-բարերով, որոնց ֆոնին հետևում էի հանգստյան օրերի արևոտ եղանակը վայելող ընտանիքներին: Օդում զգացվում էր թունդ սուրճի բույրը, կողքի սեղանից լսվում էր գինու շշի խցանի բացվելու ու բաժակի մեջ լցվող խմիչքի ձայնը: Մթնոլորտը տիպիկ միջերկրածովյան էր »,-նախաբանում գրում է հեղինակը:
Ֆորբսը նշում է, որ Հայաստանը գտնվում է բարդ տարածաշրջանում, որտեղ Եվրոպան խաչվում է Ասիային, որտեղ ավանդական քրիստոնեությունը հանդիպում է իսլամին:
Իսկ ինչ վերաբերում է խոհանիցոին, ապա հեղինակը նշում է, որ հայկական խոհանոցն ուղղակի հրաշալի է:
«Հայերը շատ են հպարտանում իրենց խոհանոցով և, ելնելով սեփական փորձից, կասեմ, որ խաղողի թփով տոլման ու ժենգյալով հացն ամենահամեղն են աշխարհում»,-գրում է Ֆորբսը:
«Եթե Հայաստանում եք, ապա պատրաստ եղեք բազմաթիվ կենացների»,-շարունակում է լրագրողը և պատմում է , որ հայերը պոետիկ կենացներ են նվիրում ընկերներին, սննդին, երկրին ու ընտանիքին: Ըստ Ֆորբսի՝ այս ամենն ուղղակի հրաշալի է միաձուլվում հայերին բնորոշ հյուրասիրությանն ու նրանցից ճառագող ջերմությանը:
Ֆորբսին գրավել է մեր պատմությունը և մշակույթը: Նրան առանձնապես տպավորել է 9-րդ դարին թվագրվող Տաթևի վանքը, որտեղ հասնելու համար «կարելի է նաև 4.5 ժամ դիմանալ Հայաստանի անբարեկարգ ճանապարհներով երթևեկելուն»:
«Հայաստան այցելող զբոսաշրջիկներին խորհուրդ կտամ վարձել տեղի գիդերից մեկին, որը հրաշալիորեն կպատմի ամենի մասին»,-գրում է Ֆորբսը:
Ինչ վերաբերում է թանգարաններին, ապա հեղինակին ամենաշատը տպավորել են Հայաստանի պատմության թանգարանն ու Մատենադարանը:
«Սա բացառիկ հետազոտական կենտրոն է՝ հայերենով գրված հազարավոր հնագույն գրքերի, մատյանների, ձեռագրերի ու փաստաթղթերի պահոց, որտեղ եղած նմուշներից որոշները պահպանվում են ՅՈՒՆԵՍԿՕ-ի կողմից»,-իր հիացմունքն է հայտնում Ֆորբսը:
Հեղինակը նաև խոսել է Հայոց ցեղասպանության զոհերի հուշահամալիր՝ Ծիծեռնակաբերդ այցելելու մասին: Նա նկատում է, որ անցած դարի 60-ական թվականներին կառուցված հուշահամալիրի ճարտարապետությունն աչքի է ընկնում հարուստ սիմվոլիզմով:
Ճանաչողական հոդվածի վերջին մասը նվիրված էր Արցախին:
«Առնվազն 6 ժամվա ճանապարհից հետո ինքնահռչակ հանրապետության մայրաքաղաք՝ Ստեփանակերտ հասնելուց հետո, ամենևին էլ չի առաջանում զգացում, որ սա հակամարտության գոտի է»,- գրում է նա:
Անտառապատ լեռներով հարուստ Արցախի տեսարժան վայրերի շարքում Ֆորբսն առանձնացնում է Հունոտի կիրճում գտնվող Ավանա Կարան քարանձավը, Գանձասարի վանքը: Հեղինակը նաև մասնակցել է Արցախի գինու փառատոնին:
«Արցախը ժամանակի մեջ կորած երկիր է: Տպավորիչ այցելությունից հետո կարող եմ ասել, որ Երևանն ու մյուս վայրերն առաջարկելու այնքան բան ունեն»,-արձանագրում է հեղինակը:
Ըստ Ֆորբսի՝ այստեղ կարելի է վայելել «Երևանին հատուկ սրճարանային առատությունը, պատկերասրահների ու թանգարանների հարուստ ժառանգությունը, հրաշալի խոհանոցն ու մարդկանց հյուրընկալությունը»:
16:44 28.04.2025
Անչելոտին ամենայն հավանականությամբ կգլխավորի Բրազիլիայի հավաքականըՄադրիդի «Ռեալի» գլխավոր մարզիչ Կառլո Անչելոտին, ամենայն հավանականությամբ, շուտով աշխատանքի կանցնի Բրազիլիայի ազգային հավաքականում, գրում է ինսայդեր Նիկոլո Սկիրան։ Իտալացուն այժմ մեկ քայլ է բաժանում հավաքականի գլխավոր մարզչի պաշտոնը ստանձնելուց։ Բրազիլիայի ֆուտբոլի կոնֆեդերացիայի (CBF) ներկայացուցիչների ու Անչելոտիի միջև բանակցությունները հաջող են ընթանում։ CBF-ում վստահ են, որ առաջիկա օրերին վերջնական համաձայնության կհասնեն իտալացու հետ։ Անչելոտին մինչև […] ...
16:34 28.04.2025
«Զվարթնոց» օդանավակայանի համայնքային ոստիկանները հայտնաբերել են օտարերկրացի հետախուզվողներիՀամայնքային ոստիկանության «Զվարթնոց» օդանավակայանի բաժնի ծառայողների ձեռնարկված օպերատիվ-հետախուզական միջոցառումների շնորհիվ ապրիլի 25-ին` գիշերվա ժամը 1-ին, Դոհա-Երևան չվերթի ժամանումից հետո, բաժին է բերվել և ձերբակալվել օտարերկրյա 28-ամյա քաղաքացի, որը 2022 թվականից Ուզբեկստանի իրավապահ մարմինների կողմից հետախուզվում էր խարդախության մեղադրանքով, խափանման միջոցը՝ կալանք: Ոստիկանները նաև ստացել էին օպերատիվ տեղեկություն, որ նույն օրը Ուզբեկստանի իրավապահների կողմից հետախուզվող 50-ամյա […] ...
16:25 28.04.2025
Դեսպան Վահագն Աֆյանն իր հավատարմագրերն է հանձնել Բանգլադեշի նախագահինՀՀ դեսպան Վահագն Աֆյանն (նստավայրը՝ Նյու Դելի) իր հավատարմագրերն է հանձնել Բանգլադեշի Ժողովրդական Հանրապետության նախագահ Մոհամմեդ Շահաբուդդինին։ Ինչպես տեղեկացնում են Հնդկաստանում Հայաստանի դեսպանությունից, Բանգլադեշում ՀՀ դեսպանը պատրաստակամություն է հայտնել ջանքեր ներդնել երկկողմ հարաբերությունների զարգացման և համագործակցության ակտիվացման գործում, ում հաջողություններ է մաղթել Բանգլադեշի նախագահը։ Մինչ այդ դեսպան Վ. Աֆյանն իր հավատարմագրերի պատճենն է հանձնել Բանգլադեշի […] ...
16:16 28.04.2025
«Բարսելոնան» ջախջախել է «Չելսիին» և դուրս եկել եզրափակիչ. Կանանց Չեմպիոնների լիգաԿանանց Չեմպիոնների լիգայի կիսաեզրափակիչ երկրորդ խաղում «Բարսելոնան» հյուրընկալվելիս 4:1 հաշվով հաղթել է Լոնդոնի «Չելսիին»։ Երկու խաղի արդյունքներով «Բարսելոնան» 8:2 հաշվով առավելության է հասել և դուրս եկել եզրափակիչ, որտեղ կմրցի «Արսենալ»-«Լիոն» զույգի հաղթողի հետ։ Կանանց Չեմպիոնների լիգայի եզրափակիչը կկայանա մայիսի 24-ին՝ Լիսաբոնում: ...
16:09 28.04.2025
Երևանում տղամարդը 5-րդ հարկից անզգուշաբար վայր է ընկելԱյսօր՝ ապրիլի 28-ին, արտակարգ դեպք է տեղի ունեցել Երևանում: Ժամը 11:30-ի սահմաններում Գուսան Շերամի 105 շենքի 5-րդ հարկի բնակիչը, ըստ նախնական տեղեկությունների, անզգուշաբար պատուհանից վայր է ընկել: Ինչպես հայտնում է shamshyan.com-ը, նրան ընկած հայտնաբերել են հարևանները, ովքեր ահազանգել են շտապօգնություն, և ժամանած բժիշկների հերթապահ խումբը նախ տեղում առաջին բուժօգնություն է ցուցաբերել, ապա տուժածին տեղափոխել է […] ...
16:00 28.04.2025
Reuters. Կոնկլավը կհանդիպի մայիսի 7-ին՝ ընտրելու նոր պապինՎատիկանում Հռոմի նոր պապի ընտրության համար կոնկլավը կհանդիպի մայիսի 7-ին: Այս մասին հայտնում է Reuters գործակալությունը ՝ հղում անելով իր աղբյուրին։ Նրա խոսքով՝ ամսաթիվը որոշվել է կարդինալների փակ հանդիպման ժամանակ, որը տեղի է ունեցել Հռոմի Ֆրանցիսկոս պապի հուղարկավորությունից հետո։ Ավելի ուշ Վատիկանը հաստատել է այս տեղեկությունը։ ...
