Բրիտանացի հայտնի մանկավարժ Փոլ Ջուրին կազմել է հայտնի առասպելների տասնյակը, որին մարդիկ դարեր շարունակ հավատում են, չնայած` դրանք չեն համախատասխանում իրականությանը: Օրինակ՝
1.Ալբերտ Էյնշտեյնը դպրոցում շատ վատ է սովորել
Բազմաթիվ աշակերտներ, ովքեր չեն սիրում դպրոցը ու նաև նրանց ծնողները, հաճախ իրենց հուսադրում են, թե Էյնշտեյնը դպրոցում վատ էր սովորում: Բայց դա չխանգարեց նրան դառնալ մարդկության պատմության հանճարեղ գիտնականներից մեկը, հայտնաբերել հարաբերականության տեսությունը և Նոբելյան մրցանակ շահել: Ուստի, ամեն ինչ չէ, որ կորած է: Իրականում Էյնշտեյնը գերազանց առաջադիմություն է ունեցել, ու հատկապես՝ փայլուն գիտելիքներ մաթեմատիկայից: Ի դեպ, այս դպրոցում գործել է գնահատման 6 աստիճան համակարգ:
2 Մկները պանիր են սիրում
Այս խորը մոլորության մասին անգամ ասացվածք կա՝ անվճար պանիրը լինում է միայն թակարդում: Մինչդեռ վերջերս գիտնականները պարզել են, որ մկներն ավելի շատ գետնանուշի կարագ և ցորեն են սիրում: Իսկ ամենաշատը՝ սիրում են շոկոլադ: Այնպես որ, հայտնի ասացվածքում պանիրը վստահաբար կարելի է փոխել շոկոլադով:
3. Նապոլեոնը շատ կարճահասակ էր
Սովորաբար կարճահասակ մարդիկ են իրենց հուսադրում՝ Նապոլեոնը ևս կարճահասակ էր: Անգամ ասում են՝ կա Նապոլեոնի բարդույթ: Մինչդեռ Նապոլեոնը 170 սմ հասակ է ունեցել, ինչն այդ ժամանակ տղամարդու համար միջին հասակ էր համարվում:
4. Լեմինգները խմբով նետվում են ժայռից և միահամուռ ինքնասպանություն գործում
Այս առասպելի հիմքում հին դիսնեյան մուլտֆիլմն է: Իրականում նրանք խմբակային ինքնասպանություն չեն կատարում, ու ընդհանրապես միայնակ էլ սուիցիդալ հակումներ չունեն:
5. Երկրագնդի տարբեր կողմերում լոգարանի ջուրը տարբեր կողմերով է պտտվում և հոսում ցած
Բազմաթիվ փորձարկումներ են արվել այս առասպելը հաստատելու կամ ցրելու համար: Պարզվել է, որ թե՛ Հարավային, և թե՛ Հյուիսիսային կիսագնդերում լոգարանից հեռացող ջուրը հոսում է նույն ուղղությամբ՝ ժամացույցի սլաքի ուղղությամբ:
6. Էլեկտրական լամպը ստեղծել է Թոմաս Էդիսոնը
Էդիսոնն, իհարկե, հանճարեղ գիտնական է, սակայն լամպը ստեղծել է Ջոզեֆ Սուեն, համոզված են անգլիացիները: Ռուսները կարծում են, որ լամպը ստեղծել է Ալեքսանդր Լոդիգինը: Նա անգամ արտոնագիր ուներ՝ 1874 թվականի հուլիսի 11-ին տրված: Ընդ որում, Լոդիգինն առաջինն է առաջարկել լամպի մեջ օգտագործել պարուրաձև վոլֆրամի թելեր:
7. Մարդիկ առաջացել են կապիկից
Դարվինն ընդամենը փաստել է, որ և՛ մարդիկ, և՛ կապիկները ունեցել են ընդհանուր նախնիներ: Ժամանակակից գիտնականներն այժմ ավելի ու ավելի հակված են հավատալ այդ վարկածին:
.
8. Կոլումբոսի կարծիքով՝ երկրագունդը հարթ է եղել
Կոլումբոսի ժամանակներում շատերն են այդպես մտածել և համոզված են եղել, թե Կոլոմբոսը նույնպես համակարծիք է իրենց հետ: Մինչդեռ մեծ ճանապարհորդն այդքան միամիտ ու պարզամիտ չէր, այլապես շրջանցող ճամփով չէր ճանապարհվի դեպի Հնդկաստան:
9. Լեզվի տարբեր հատվածները տարբեր կերպ են ընկալում համերը
Իսկապես, լեզվի վրա հարյուրավոր ռեցեպտորներ կան, որոնք տարբերում են բազմաթիվ համեր: Սակայն դրանք լեզվի տարբեր հատվածները չեն: Ու այնպես չէ, որ այդ ընկալիչները տեղաբաշխված են լեզվի տարբեր կողմերում:
10. Արջերը մեղր են սիրում
Բրիտանացի գիտնականին լրացնում է ամերիկացի կենսաբան Լինն Ռոջերսը: Արջերի հետ երկարատև շփումների արդյունքում նա պարզել է, որ ծուռթաթերն ամենևին էլ չեն սիրում մեղր: Ու լավ է, որ այդ մասին չգիտեր Վիննի-Թուխի մուլտֆիլմի հեղինակը, այլապես մենք կզրկվեինք ոչ միայն այդ, այլև հարյուրավոր հրաշալի մուլտֆիլմերից:
Նոյեմբերի 28-ին՝ ժամը 19։50-ի դրությամբ, Աշոցքի, Ապարանի, Արագածի, Սպիտակի, Արարատի, Վայքի տարածաշրջաններում ձյուն է տեղում, հայտնում է «Ճանապարհային դեպարտամենտ» հիմնադրամը։ Ծիլքարից մինչև Ջրաշեն (Սպիտակի ոլորաններ) ճանապարհահատվածը դժվարանցանելի է կցորդով տրանսպորտային միջոցների համար։ Արագած-Ծիլքար, Ալագյազ-Արթիկ ավտոճանապարհներին հատված-հատված բուք է։ Աբովյանի, Հրազդանի, Վարդենիսի տարածաշրջանների ավտոճանապարհներին, Տաշիր-Գոգավան ճանապարհահատվածում և Վարդենյաց լեռնանցքում տեղ-տեղ մերկասառույց է։ Միջպետական և հանրապետական նշանակության […] ...
Արդարադատության նախարարի տեղակալ Լևոն Բալյանը բացման խոսքով է ներկայացել «Կատարողական վարույթի մասին» նոր օրենքին նվիրված «Վերապատրաստում դասընթացավարների համար» եռօրյա միջոցառմանը։ Միջոցառմանը մասնակցել են դատավորներ, պետական և մասնավոր ոլորտի ներկայացուցիչներ, ովքեր օրենքի կիրարկման վերաբերյալ հետագայում ոլորտային վերապատրաստումներ են իրականացնելու: Նախարարի տեղակալը նշել է, 2025թ. հուլիսի 1-ից ուժի մեջ է մտնելու հարկադիր կատարմանն առնչվող ամբողջական, համապարփակ կարգավորումներ […] ...
Կանանց Հայաստանի ազգային հավաքականը նոյեմբերի 28-ին Մոլդովայի Վադուլ Լուի Վոդա քաղաքում կայացած ընկերական խաղում ոչ-ոքի է խաղացել դաշտի տերերի՝ Մոլդովայի ընտրանու հետ։ Այս մասին հայտնում է ՀՖՖ պաշտոնական կայքը։ Մեր հավաքականի կազմում հանդիպման հաշիվը 34-րդ րոպեին բացել է Լառա Կազանչյան, իսկ տանտերերից հանդիպման հիմնական ժամանակի ավարտից 14 րոպե առաջ պատասխանել է Վերոնիկա Կոժուհարին՝ 1։1։ Կանանց […] ...
Միասնական սոցիալական ծառայությունից հայտնում են, որ նախկին ԽՍՀՄ խնայբանկի ՀԽՍՀ հանրապետական բանկում մինչև 1993 թվականի հունիսի 10-ը ներդրված դրամական ավանդների դիմաց փոխհատուցման 2024 թվականի նոյեմբեր ամսվա վճարման ցուցակներում ներառված հերթական համարների միջակայքերը տրամադրվում են ստորև ներկայացված աղյուսակի տեսքով: ...
ՆԳՆ Միգրացիայի և քաղաքացիության ծառայության աշխատանքներն առավել արդյունավետ կազմակերպելու, քաղաքացիներին մատուցվող ծառայություններն առավել հասանելի դարձնելու, ինչպես նաև ԼՂ-ից բռնի տեղահանված անձանց` ՀՀ քաղաքացիություն ստանալու վերաբերյալ դիմումների ընդունմանն աջակցելու նպատակով դեկտեմբերի 4-ից 6-ը շրջիկ ձևաչափով ծառայություններ կմատուցվեն Սյունիքի և Վայոց ձորի մարզերում: Դեկտեմբերի 4-ին՝ ժամը 15:00-18:00, Քաջարանի համայնքապետարանում՝ (Լեռնագործների փող., 4 շենք), դեկտեմբերի 5-ին, ժամը 10:00-12:00, […] ...
