Գյումրու օրը՝ յուրօրինակ հարթակ պատանի ստեղծագործողների համար – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
04 04 2025
  • $
    391.22
  • RUBLE
    4.63
  • 431.28
WEATHER
+19.09 oC

Գյումրու օրը՝ յուրօրինակ հարթակ պատանի ստեղծագործողների համար

18:40 25.08.2019

Քաղաքի օրն ամեն տարի լավ առիթ է դառնում անցորդներին ու հյուրերին ներկայացնելու նաև պատանի ստեղծագործողների աշխատանքները։ Գյումրու գեղագիտական կենտրոնի սաների նկարները ոչ միայն բազմերանգ ու գունեղ են, նաև բազմատեսակ են՝ օգտագործված նկարչական նյութերով, որոնք գեղագիտական նոր ճաշակ են ձևավորում։ Իսկ երիտասարդական պալատի նախաձեռնությամբ «Վարպետների քաղաք Գյումրի» կտավը հենց տեղում էլ ստեղծվեց, ոչ միայն գյումրեցիների, նաև տեղացի ու արտասահմանցի հյուրերի վրձնով։

Գյումրու ռոք դպրոցի սաները մեր խնդրանքով իմպրովիզ են անում, ռոքի հնչյուններով Գյումրու մասին երգ կատարում, որն էլ անցորդներին ու հյուրերին Շիրազի փողոցի տոնական տրամադրությունն է թելադրում։ Ոչ հեռու, երիտասարդական պալատի սաների նախաձեռնությամբ նոր կտավ է ստեղծվում։ Վրձնով Գյումրու մասին իրենց սրտի խոսքն են թողնում բոլորը՝ մեծ, թե փոքր։ Ոչ միայն ցանկություններ, նաև տրամադրություն բարձրացնող նկարներ։

Գյումրիին ուղղված մաղթանքներ կտավի վրա նաև օտարերկրացի հյուրերն են թողնում։ Հունգարիայից եկած զբոսաշրջիկները պատահաբար անցնելիս են վրձինը վերցնում ու գրում, որ Գյումրին շատ են սիրում, որովհետև շատ են հավանել քաղաքն ու մարդկանց:

Անցած տարի կտավը «Վերածնվող Գյումրի»՝ այս տարի՝ «Վարպետների քաղաք Գյումրի» խորագիրն է կրում։ Կտավին շտապում է իր արվեստի մի հետքն էլ թողնել ժողովրդական նկարիչ Հրանտ Թաթոսը։

Սպասում էին, որ Արթիկում ծնված ու Շիրակի մարզում կայացած գեղանկարիչը մարզին նվիրված իր գործերից էր մի պատառիկ թողնելու, բայց այդպես չարեց։ Արդեն նկարած մի արև գտավ, ու վրան դրոշմեց 1 բառ միայն՝ Մինաս։ Ասում է, որ մեր հրաշք աշխարհի կարկառուն դեմքերից է Մինասը, ու եթե խոսքը նկարչության մասին է, ուրեմն՝ Մինաս:

Գյումրու հետ քաղաքի տոնը նշելու է եկել նաև Կոմանդոսը՝ Արցախի հերոս Արկադի Տեր-Թադևոսյանը, ով արմատներով շիրակցի է, հիանում է ոչ միայն Գյումրու ճարտարապետությամբ ու պատմական անցյալով, այլև քաղաքի հանդեպ վերջերս ցուցաբերվող մեծ ուշադրությամբ։

Գյումրին իր առօրյայով ու կենցաղով նաև գեղագիտական կենտրոնի սաների աշխատանքներում է։ «Վրձնում եմ Գյումրին» խորագրով են նրանք ստեղծագործել, բնության պատկերներ ստեղծել նույնիսկ կտորով, թել ու ասեղով։ Այսօր սելֆիների պակաս չեղավ։ Հնամենի քաղաքի պատմությունն ու պատմական միջավայրը համեմված ժամանակակից ատրիբուտներով: Քաղաքի այս մեկ օրն էլ շատերի համար լավագույնը դարձավ տարվա մեջ:

Բոլոր լուրերը

Կապակցված լուրեր

Վահագն Խաչատուրյանին իր հավատարմագրերն է հանձնել Հայաստանում Նոր Զելանդիայի նորանշանակ դեսպանը

17:20 04.04.2025

Վահագն Խաչատուրյանին իր հավատարմագրերն է հանձնել Հայաստանում Նոր Զելանդիայի նորանշանակ դեսպանը

Հանրապետության նախագահ Վահագն Խաչատուրյանին իր հավատարմագրերն է հանձնել Հայաստանում Նոր Զելանդիայի արտակարգ և լիազոր դեսպան Մարկ Ջուլիան Թրեյնորը (նստավայրը՝ Մոսկվա): Շնորհավորելով դեսպանին նշանակման կապակցությամբ՝ նախագահ Խաչատուրյանը հույս է հայտնել, որ նրա գործունեությունը կնպաստի երկու երկրների միջև համագործակցության զարգացմանն ու տարբեր ոլորտներում կապերի խորացմանը։ «Հայաստանը բարձր է գնահատում Նոր Զելանդիայի հետ բարեկամական հարաբերությունները, որոնք հիմնված են […] ...

Դոնալդ Թրամփի վարչակազմը լավատեսորեն է տրամադրված Ուկրաինայում խաղաղ կարգավորման հարցում․ Ռուբիո

17:17 04.04.2025

Դոնալդ Թրամփի վարչակազմը լավատեսորեն է տրամադրված Ուկրաինայում խաղաղ կարգավորման հարցում․ Ռուբիո

ԱՄՆ նախագահ Դոնալդ Թրամփի վարչակազմը լավատեսորեն է տրամադրված Ուկրաինայում խաղաղ կարգավորման հարցում, սակայն հասկանում է, որ բանակցային գործընթացը բարդ է լինելու։ Այս մասին հայտարարել է ԱՄՆ պետքարտուղար Մարկո Ռուբիոն։ «Մենք առաջընթաց ենք գրանցում դեպի խաղաղություն: Բանակցային գործընթացը դժվար կլինի, բայց մենք մնում ենք լավատես», – ասել է նա Բրյուսելում ՆԱՏՕ-ի արտգործնախարարների հանդիպումից հետո կայացած մամուլի […] ...

Ստեփանավանի համայնքային ոստիկանները գողության դեպք են բացահայտել

17:14 04.04.2025

Ստեփանավանի համայնքային ոստիկանները գողության դեպք են բացահայտել

Համայնքային ոստիկանության Ստեփանավանի բաժնի ծառայողները մարտի 28-ին Ստեփանավան քաղաքի Ռումինական փողոցում տեղադրված տեսախցիկի ձայնագրությունները դիտելիս նկատել են, որ երկու անձինք պոկում և գողանում են տեսախցիկը: Կազմված փաստաթղթերն ուղարկվել են նախաքննական մարմին, որտեղ նախաձեռնվել է քրեական վարույթ: Ձեռնարկված օպերատիվ-հետախուզական միջոցառումների արդյունքում պարզվել է, որ գողությունը կատարել են Ստեփանավանի բնակիչ 24 և 23 տարեկան երկու երիտասարդ: Բացատրական […] ...

Սպորտային նպաստ՝ Լոս Անջելեսի Օլիմպիական խաղերին նախապատրաստվող մարզիկներին, մարզիչներին և բժիշկներին. նախագիծ

17:11 04.04.2025

Սպորտային նպաստ՝ Լոս Անջելեսի Օլիմպիական խաղերին նախապատրաստվող մարզիկներին, մարզիչներին և բժիշկներին. նախագիծ

ՀՀ կրթության, գիտության, մշակույթի և սպորտի նախարարությունը հանրային քննարկման է ներկայացրել «Լոս Անջելես 2028» ամառային Оլիմպիական խաղերին նախապատրաստվող մարզիկների, հավաքականների մարզիչների, անձնական մարզիչների, բժիշկների և մերսողների համար սպորտային նպաստ տրամադրելու կարգը: Նախագիծը մշակվել է՝ հիմնվելով «Ֆիզիկական կուլտուրայի և սպորտի մասին» օրենքի համապատասխան դրույթների վրա: Առաջարկվում է «Լոս Անջելես 2028» ամառային Օլիմպիական խաղերին լավագույնս նախապատրաստվելու համար […] ...

Ինչ է պարզել ՄԻՊ արագ արձագանքման խումբը «Նուբարաշեն» ՔԿՀ-ում

17:08 04.04.2025

Ինչ է պարզել ՄԻՊ արագ արձագանքման խումբը «Նուբարաշեն» ՔԿՀ-ում

Ապրիլի 3-ին Մարդու իրավունքների պաշտպանի թեժ գծի հեռախոսահամարին ահազանգ էր ստացվել առ այն, որ «Նուբարաշեն» քրեակատարողական հիմնարկում դիմակներով անձինք ծեծի են ենթարկել ցմահ դատապարտյալներին։ Սոցիալական ցանցերի և զանգվածային լրատվության միջոցների մշտադիտարկման արդյունքում ստացվել էր նաև տեղեկություն, որ դատապարտյալներին որևէ բուժօգնություն չի ցուցաբերվում։ ՄԻՊ-ից հայտնում են, որ Պաշտպանի հանձնարարությամբ «Նուբարաշեն» քրեակատարողական հիմնարկ է մեկնել արագ արձագանքման […] ...

38-ամյա տղամարդու և 20-ամյա աղջկա խուզարկությամբ «Մակարով» ատրճանակներ են հայտնաբերվել․ ՔՈԳՎ բացահայտումները

17:04 04.04.2025

38-ամյա տղամարդու և 20-ամյա աղջկա խուզարկությամբ «Մակարով» ատրճանակներ են հայտնաբերվել․ ՔՈԳՎ բացահայտումները

Ծանր և առանձնապես ծանր հանցագործությունների կանխարգելման գործում էական նշանակություն ունի բնակչութան մոտ ապօրինի պահվող զենք-զինամթերքի հայտնաբերումն ու առգրավումը: Պատահական չէ, որ իրավապահ մարմինները մշտական ուշադրության կենտրոնում են պահում այս գործը: Քրեական ոստիկանության գլխավոր վարչության մարդու դեմ ուղղված հանցագործությունների դեմ պայքարի բաժնի ծառայողների վերջին բացահայտումներն էլ, անկասկած, ունեցան նաև կանխարգելիչ նշանակություն: Ապրիլի 2-ին բաժնի ծառայողները ստացել […] ...

BACK_TO_TOP