15:53 12.08.2019
ԼՂՀ Պաշտպանության բանակի նախկին հրամանատար Սամվել Բաբայանն այսօր լրագրողների հետ հանդիպմանն անդրադարձել է մի շարք հարցերի՝ իր նախաձեռնած ստորագրահավաքից մինչև Արցախի ու Հայաստանի միացման վերաբերյալ:
Բաբայանը, ով մտադիր է առաջադրվել իբրև Արցախի նախագահի թեկնածու, խոսելով «ԱԱԾ ղեկավարի միջնորդությամբ» Արցախի «Ազատ Հայրենիք» կուսակցության նախագահ Արայիկ Հարությունյանի հետ կազմակերպված հանդիպման մասին, նշել է՝ ԱԱԾ ղեկավարը որևէ կապ չունի, իրենք արդեն հինգ անգամ հանդիպել են և հանդիպել են որպես քաղաքական ուժերի ներկայացուցիչներ: Բաբայանն ընդգծել է՝ միասնական թեկնածու չի լինելու, իրենք գնալու են իրենց ճանապարհով:
Անդրադառնալով Սահմանադրության որոշ հոդվածների փոփոխման պահանջով իր կազմակերպած ստորագրահավաքին՝ Բաբայանն ասել է, որ Արցախում որևէ լարվածություն չկա, իրենք պարզապես ստորագրահավաք են կազմակերպել: Հարցին՝ հնարավո՞ր է փողոցային պայքարի դուրս գան, նա նշել է.
«Ժողովուրդը պետք է պատրաստ լինի, Բաբայանը ոչ մեկին չի հրահրում: Ժողովուրդը եթե ցանկություն ունի իր նպատակին հասնելու, նա պահանջելու է: Բաբայանը չի հրահրում ժողովրդին, ինչպես որ ներկայացվում է: Ժողովուրդը եթե ցանկություն ունենա, և եթե նրան մերժեն, հայտարարեն մերժումը, չի բացառվում, որ նրանք գնան պահանջելու, պարտադրելու»:
Արցախի ու Հայաստանի միացման թեզին անդրադառնալով՝ Բաբայանն ասել է, որ ինքը միշտ էլ միացման կողմնակից է եղել, բոլոր քայլերն անում է, որ միացումը լինի, բայց պետք չէ, որ այսօր բացահայտ դա կատարեն: Նա կարծում է՝ օրենսդրական դաշտը պետք է հարթվի, ինտեգրվի, որ տարբերություն չլինի՝ անձը Ստեփանակերտո՞ւմ է ապրում, Գյումրիո՞ւմ, թե՞ այլ տեղ:
Բաբայանն ասել է, որ ողջունում է ՀՀ վարչապետ Նիկոլ Փաշինյանի արտահայտությունը՝ Արցախը Հայաստան է և վերջ:
«Նա առաջին ղեկավարն է, որ բացահայտ նման հայտարարություն է անում աշխարհին, ներկայացնում հայկական դիրքորոշումը, բայց քանի որ Արցախում ընտրվում է ղեկավար, նա պարտավոր է Արցախի շահերը ներկայացնել բանակցությունների սեղանի շուրջ: Որ օրը նշանակվի մարզպետ, դա պետք չի լինի, սակայն եթե ընտրվում է ղեկավար, պետք է ժողովրդի կողմից լիազորվի և բանակցություններ վարի»,- ասել է նա:
ԼՂՀ ՊԲ նախկին հրամանատարը նաև ողջունելի է համարում ՀՀ իշխանությունների պատրաստակամությունը՝ հետևելու Արցախում կայանալիք նախագահական ընտրությունների անցկացմանը: Նա նշել է, որ քվեարկության արդյունքները՝ թվերն իրականությանը չեն համապատասխանել, այժմ ՀՀ իշխանությունները ջանք են ներդնելու, որ թափանցիկ ընտրություն լինի, որ ողջունեն իրար ու ընտրություններից դուրս գան համախմբված, ոչ թե մասնատված:
Խոսելով Ռոբերտ Քոչարյանի նկատմամբ հարուցված քրգործի վերաբերյալ իր որոշ արտահայտությունների մասին, պատասխանելով հարցին՝ մտավախություն չունի՞, որ այդ արտահայտությունները կարող են վնասել իր վարկանիշին, Բաբայանը խորհուրդ է տվել վարկանիշի մասին մտածելով խոսողներին.
«Թող մեկ-մեկ ջուր խմեն, մեկ-մեկ բերաններում ջուր հավաքեն, չասեն իրական պատկերը: Ես միշտ ասում եմ ինչ իրականությունն է՝ չմտածելով վարկանիշի մասին»:
16:27 04.04.2025
Ռյուտե. ԱՄՆ-ը կշարունակի զենք մատակարարել ՈւկրաինայինՆԱՏՕ-ի գլխավոր քարտուղար Մարկ Ռյուտեն հայտարարել է, որ ԱՄՆ-ից զենքի և հետախուզական տվյալների հոսքը Ուկրաինա կշարունակվի, չնայած այն բանին, որ ամերիկյան կողմը չի մասնակցի ապրիլի 11-ին Բրյուսելում Ուկրաինայի հարցով կոնտակտային խմբի հանդիպմանը։ «Ոչինչ չի փոխվի: ԱՄՆ-ի օգնության և հետախուզական տվյալների հոսքը կշարունակվի»,- ասել է նա ՆԱՏՕ-ի արտգործնախարարների հանդիպման արդյունքներով կայացած մամուլի ասուլիսում: Ավելի վաղ ՆԱՏՕ-ի […] ...
16:24 04.04.2025
Առանձնապես խոշոր չափերով կաշառք ստանալուն օժանդակելու և կաշառք տալու մեջ մեղադրվող դատավորի օգնականի ու համայնքի վարչական ղեկավարի վերաբերյալ վարույթով նախաքննությունն ավարտվել էՀՀ հակակոռուպցիոն կոմիտեում Ազգային անվտանգության ծառայությունից ստացված նյութերի հիման վրա նախաձեռնված քրեական վարույթով պարզվել է, որ ընդհանուր իրավասության դատարանի դատավորի օգնականը օժանդակել է ՀՀ դատական իշխանության ներկայացուցչի կողմից առանձնապես խոշոր չափերով կաշառք ստանալուն՝ նույն մարզի համայնքի վարչական ղեկավարի մատնանշած անձի օգտին բարենպաստ վճիռ կայացնելու համար: Մասնավորապես՝ նախաքննությամբ հիմնավորվել է, որ ՀՀ դատական իշխանության պաշտոնատար անձը, […] ...
16:15 04.04.2025
Մհեր Գրիգորյանն ու Մագդալենա Գրոնոն քննարկել են տարածաշրջանում հաղորդակցությունների և տնտեսական կապերի ապաշրջափակման համար առկա հնարավորություններըՓոխվարչապետ Մհեր Գրիգորյանն ընդունել է Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցիչ Մագդալենա Գրոնոյին: Հանդիպմանը ներկա էր նաև Հայաստանում ԵՄ պատվիրակության ղեկավար, դեսպան Վասիլիս Մարագոսը: Հանդիպման ընթացքում զրուցակիցները մտքեր են փոխանակել տարածաշրջանային զարգացումների շուրջ, քննարկվել են սահմանազատման գործընթացի ընթացքը և տարածաշրջանում բոլոր հաղորդակցությունների և տնտեսական կապերի ապաշրջափակման համար առկա հնարավորությունները: ...
16:07 04.04.2025
ՀՀ ֆինանսների նախարարը հանդիպել է Նուբար Աֆեյանի հետՀՀ ֆինանսների նախարար Վահե Հովհաննիսյանը հանդիպել է գործարար և բարերար, «Flagship Pioneering» ընկերության հիմնադիր և գործադիր տնօրեն Նուբար Աֆեյանի հետ։ Հանդիպման ընթացքում կողմերը քննարկել են Նուբար Աֆեյանի` Afeyan Initiatives for Armenia (AIFA) հիմնադրամի գործունեությունը Հայաստանում, ինչպես նաև մեր երկրում համագործակցության ընդլայնման հնարավորությունները։ Նախարարն անդրադարձել է Հայաստանում ներդրումային միջավայրի բարելավման հնարավորություններին՝ ընդգծելով նորարարությունների խթանման, գիտության և […] ...
15:59 04.04.2025
«Բարսելոնան» կարող է Շչեսնիին դուրս թողնել ՉԼ հայտացուցակից«Բարսելոնայի» դարպասապահ Վոյցեխ Շչեսնին կարող է դուրս մնալ ակումբի` Չեմպիոնների լիգայի մնացած հանդիպումների հայտացուցակից, հայտնում է ESPN-ը։ «Բարսելոնան» մտադիր է այդ քայլին դիմել` ակումբի հիմնական դարպասապահ Մարկ-Անդրե տեր Շտեգենին հայտավորելու համար։ Չեմպիոնների լիգայում թույլատրված է հայտավորել 17 արտասահմանցու։ Մյուս 8 տեղերը պետք է զբաղեցնեն ակումբի երկիրը ներկայացնող ֆուտբոլիստները։ Օրենքը թույլ է տալիս վնասվածքների դեպքում դարպասապահներին […] ...
15:50 04.04.2025
Մարտուն Գրիգորյանը որոշում է կայացրել․ արդյո՞ք կտա անհրաժեշտ քանակությամբ քվե Վարդան ՂուկասյանինՄարտուն Գրիգորյանը որոշում է կայացրել անհրաժեշտ քանակությամբ քվե տալ Վարդան Ղուկասյանին, որպեսզի նա ընտրվի Գյումրու քաղաքապետ։ Այս մասին նա հայտնել է Ֆեյսբուքի իր էջում։ «Հարգելի գյումրեցիներ, շնորհակալ ենք Գյումրու ավագանու ընտրություններին ձեր մասնակցության համար, նախորդ օրերին ինձ ջերմ ու առանձնահատուկ ընդունելության, թիմիս աջակցելու և ‹‹Մեր քաղաքը›› դաշինքին ընտրելու համար։ Դուք տեսաք, թե ինչ կատարվեց և […] ...
