Աննան ասում է՝ Երևանի մեր տունը վաճառենք ու տուն գնենք Գյումրիում. վարչապետը հիացած է – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
04 04 2025
  • $
    391.22
  • RUBLE
    4.63
  • 431.28
WEATHER
+19.09 oC

Աննան ասում է՝ Երևանի մեր տունը վաճառենք ու տուն գնենք Գյումրիում. վարչապետը հիացած է

15:38 11.08.2019

Երեկ Մարալիկում բամբակամանվածքային ֆաբրիկայի բացման արարողությանը մասնակցելուց հետո վարչապետ Նիկոլ Փաշինյանը գիշերել է Գյումրիում, իսկ այսօր առավոտյան տիկնոջ՝  Աննա Հակոբյանի ուղեկցությամբ, ճանաչողական շրջայց է կատարել քաղաքի պատմական միջուկում, որին ֆեյսբուքյան ուղիղ եթերով հետևելու հնարավորություն են ունեցել հազարավոր հետևորդներ:

Նիկոլ Փաշինյանն իր հայրենաճանաչության մասին կիրակնօրյա շրջայցը Գյումրիում սկսել է Ռիժկովի ճեմափողոցի սրճարաններից մեկում մեկ գավաթ սուրճ խմելուց հետո, ապա գյումրեցիներին ջերմորեն բարևելուց ու փոխադարձ ողջույններ ստանալուց հետո վարչապետը  շրջայց է կատարել վերակառուցված Աբովյան ճեմափողոցում ու հիացել սև սրբատաշ քարերով  կառուցված շենքերի ճարտարապետությամբ:

Այնուհետ Նիկոլ Փաշինյանն ու Աննա Հակոբյանը այցելել են Վարպետաց փողոցում գտնվող Հովհաննես Շիրազի, Ավետիք Իսահակյանի և Մհեր Մկրտչյանի թանգարաններ, ծանոթացել  հայտնի գյումրեցիների անձնական իրերին, հիացել հին Գյումրվա կենցաղի մաս կազմող կահկարասիով: Ավետիք Իսահակյանի  տուն թանգարանում Աննա Հակոբյանը նաև լուսանկարվել է վարպետի մոր՝ Սանամի  թանթանայով (հին Գյումրվա կանանց տարազի մաս կազմող գլխանոց):

Շրջելով քաղաքի պատմական միջուկում` vարչապետը  անընդհատ իր հիացմունքն է արտահայտել Գյումրիի հին ու սալապատ փողոցների, գեղեցիկ շինությունների մասին ու բոլորին կոչ արել գալ ու վայելել հին քաղաքակրթության օրրաններից մեկի միջավայրը.

«Այն, ինչ մենք այսօր Գյումրիում տեսնում ենք, աննկարագրելի է, տեսախցիկի միջոցով զգացողություններս ամբողջությամբ փոխանցել հնարավոր չէ: Գյումրին բացահայտում է ինձ համար, այստեղ այնքան բան կա տեսնելու, որի մասին մենք մինչ այս ոչինչ չգիտեինք: Եկեք Գյումրի, աննկարագրելի բաներ կարող եք այստեղ տեսնել»:

Իսկ Աննա Հակոբյանն էլ ուղիղ եթերում ասել է, որ ոտքով  քայլելուց չի հոգնել, պարզապես տեսածից կորցրել է խոսելու ունակությունը, հիացած է ու շփոթված.

«Այնքան բան  կա տեսնելու, ամեն ինչ այստեղ հետաքրքիր է, այն հնությունը, որը Գյումրիում պահպանված է, հիասքանչ է, իմ տատիկն էլ է Գյումրիից, և ես այստեղ ինձ շատ հարազատ բաներ եմ տեսնում ու զգում»:

Նիկոլ Փաշինյանը զբոսանքի ընթացքում այցելել է նաև պատմական միջուկում տեղակայված սրճարաններ, ռեստորաններ, հուշանվերների խանութներ: Քաղաքի հին ռեստորաններից մեկում վարչապետը  տեսախցիկով շրջել է նաև խոհանոցում, լուսանկարել Գյումրվա ավանդական ճաշատեսակ քյալլան, ապա շրջել է մոտակայքում գտնվող  կերամիկայի արվեստանոցում ու հիացել վերականգնված հայկական հախճապակիների եզակի նմուշներով:

Վարչապետը ճանաչողական շրջայցի ընթացքում զրուցել ու լուսանկարվել է անցորդների ու քաղաքում գտնվող զբոսաշրջիկների հետ, հետաքրքրվել նրանց տպավորություններով, զգացողություններվ, ապա այցելել է քաղաքի ամենահին Սուրբ Նշան եկեղեցի ու մասնակցել ժամերգությանը:

Նիկոլ Փաշինյանն ու Աննա Հակոբյանը եղել են նայև այն պատմական բակում, որտեղ նկարահանվել են «Մեր մանկության տանգոն», «Ուրախ ավտոբուս» ֆիլմերը, հիացել կամարաձև թռիչքներով կառուցված նկուղներով, մառաններով ու բակի բնակիչներին խորհուրդ տվել ունեցած ժառանգությունը ճիշտ օգտագործելով միջավայրը դարձնել գրավիչ ու նաև դրանով գումար աշխատել:

Փաշինյանը Ռուսաստանից ժամանած հայ ընտանիքի հետ զրույցում նաև նշել է, որ Աննա Հակոբյանն իրեն խորհուրդ է տվել վաճառել Երևանում ունեցած բնակարանն ու տուն գնել Գյումրիում: Դա, ըստ վարչապետի,  կլինի ներդրում Գյումրիի զարգացման գործում և լավագույն օրինակը հայրենակիցների համար:

Վարչապետը եղել է նաև  քաղաքի պատմական միջուկում գտնվող հյուրատներում, շրջել հանգստի համար նախատեսված սենյակներով ու դրանց համար նախատեսված օրավարձերը հայտարարելով կոչ արել զբոսաշրջիկներին գալ և իրենց մատչելի հանգիստը վայելել Հայաստանի երկրորդ քաղաքում և օգտվել հին  Գյումրվա կոլորիտով ձևավորված  հյուրանոցային սենյակներից:

Վարչապետը եղել է նաև Գյումրիի ռոք դպրոցում, զրուցել երիտասարդների հետ, լսել նրանց կատարումները ու նշել, որ ուրախ է, երբ քաղաքի փողոցներում արդեն տեսնում է երկար մազերով ու շորտերով տղաների, ինչը տարիներ առաջ Գյումրիում տեսնել հնարավոր չէր:

Վարչապետը հայտարարել է,որ օգոստոսի 25-ին ներկա է գտնվելու «Գյումրվա օր» միջոցառմանը:

 

Բոլոր լուրերը

Կապակցված լուրեր

Ռյուտե. ԱՄՆ-ը կշարունակի զենք մատակարարել Ուկրաինային

16:27 04.04.2025

Ռյուտե. ԱՄՆ-ը կշարունակի զենք մատակարարել Ուկրաինային

ՆԱՏՕ-ի գլխավոր քարտուղար Մարկ Ռյուտեն հայտարարել է, որ ԱՄՆ-ից զենքի և հետախուզական տվյալների հոսքը Ուկրաինա կշարունակվի, չնայած այն բանին, որ ամերիկյան կողմը չի մասնակցի ապրիլի 11-ին Բրյուսելում Ուկրաինայի հարցով կոնտակտային խմբի հանդիպմանը։ «Ոչինչ չի փոխվի: ԱՄՆ-ի օգնության և հետախուզական տվյալների հոսքը կշարունակվի»,- ասել է նա ՆԱՏՕ-ի արտգործնախարարների հանդիպման արդյունքներով կայացած մամուլի ասուլիսում: Ավելի վաղ ՆԱՏՕ-ի […] ...

Առանձնապես խոշոր չափերով կաշառք ստանալուն օժանդակելու և կաշառք տալու մեջ մեղադրվող դատավորի օգնականի ու համայնքի վարչական ղեկավարի վերաբերյալ վարույթով նախաքննությունն ավարտվել է

16:24 04.04.2025

Առանձնապես խոշոր չափերով կաշառք ստանալուն օժանդակելու և կաշառք տալու մեջ մեղադրվող դատավորի օգնականի ու համայնքի վարչական ղեկավարի վերաբերյալ վարույթով նախաքննությունն ավարտվել է

ՀՀ հակակոռուպցիոն կոմիտեում Ազգային անվտանգության ծառայությունից ստացված նյութերի հիման վրա նախաձեռնված քրեական վարույթով պարզվել է, որ ընդհանուր իրավասության դատարանի դատավորի օգնականը օժանդակել է ՀՀ դատական իշխանության ներկայացուցչի կողմից առանձնապես խոշոր չափերով կաշառք ստանալուն՝ նույն մարզի համայնքի վարչական ղեկավարի մատնանշած անձի օգտին բարենպաստ վճիռ կայացնելու համար: Մասնավորապես՝ նախաքննությամբ հիմնավորվել է, որ ՀՀ դատական իշխանության պաշտոնատար անձը, […] ...

Մհեր Գրիգորյանն ու Մագդալենա Գրոնոն քննարկել են տարածաշրջանում հաղորդակցությունների և տնտեսական կապերի ապաշրջափակման համար առկա հնարավորությունները

16:15 04.04.2025

Մհեր Գրիգորյանն ու Մագդալենա Գրոնոն քննարկել են տարածաշրջանում հաղորդակցությունների և տնտեսական կապերի ապաշրջափակման համար առկա հնարավորությունները

Փոխվարչապետ Մհեր Գրիգորյանն ընդունել է Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցիչ Մագդալենա Գրոնոյին: Հանդիպմանը ներկա էր նաև Հայաստանում ԵՄ պատվիրակության ղեկավար, դեսպան Վասիլիս Մարագոսը: Հանդիպման ընթացքում զրուցակիցները մտքեր են փոխանակել տարածաշրջանային զարգացումների շուրջ, քննարկվել են սահմանազատման գործընթացի ընթացքը և տարածաշրջանում բոլոր հաղորդակցությունների և տնտեսական կապերի ապաշրջափակման համար առկա հնարավորությունները: ...

ՀՀ ֆինանսների նախարարը հանդիպել է Նուբար Աֆեյանի հետ

16:07 04.04.2025

ՀՀ ֆինանսների նախարարը հանդիպել է Նուբար Աֆեյանի հետ

ՀՀ ֆինանսների նախարար Վահե Հովհաննիսյանը հանդիպել է գործարար և բարերար, «Flagship Pioneering» ընկերության հիմնադիր և գործադիր տնօրեն Նուբար Աֆեյանի հետ։ Հանդիպման ընթացքում կողմերը քննարկել են Նուբար Աֆեյանի` Afeyan Initiatives for Armenia (AIFA) հիմնադրամի գործունեությունը Հայաստանում, ինչպես նաև մեր երկրում համագործակցության ընդլայնման հնարավորությունները։ Նախարարն անդրադարձել է Հայաստանում ներդրումային միջավայրի բարելավման հնարավորություններին՝ ընդգծելով նորարարությունների խթանման, գիտության և […] ...

«Բարսելոնան» կարող է Շչեսնիին դուրս թողնել ՉԼ հայտացուցակից

15:59 04.04.2025

«Բարսելոնան» կարող է Շչեսնիին դուրս թողնել ՉԼ հայտացուցակից

«Բարսելոնայի» դարպասապահ Վոյցեխ Շչեսնին կարող է դուրս մնալ ակումբի` Չեմպիոնների լիգայի մնացած հանդիպումների հայտացուցակից, հայտնում է ESPN-ը։ «Բարսելոնան» մտադիր է այդ քայլին դիմել` ակումբի հիմնական դարպասապահ Մարկ-Անդրե տեր Շտեգենին հայտավորելու համար։ Չեմպիոնների լիգայում թույլատրված է հայտավորել 17 արտասահմանցու։ Մյուս 8 տեղերը պետք է զբաղեցնեն ակումբի երկիրը ներկայացնող ֆուտբոլիստները։ Օրենքը թույլ է տալիս վնասվածքների դեպքում դարպասապահներին […] ...

Մարտուն Գրիգորյանը որոշում է կայացրել․ արդյո՞ք կտա անհրաժեշտ քանակությամբ քվե Վարդան Ղուկասյանին

15:50 04.04.2025

Մարտուն Գրիգորյանը որոշում է կայացրել․ արդյո՞ք կտա անհրաժեշտ քանակությամբ քվե Վարդան Ղուկասյանին

Մարտուն Գրիգորյանը որոշում է կայացրել անհրաժեշտ քանակությամբ քվե տալ Վարդան Ղուկասյանին, որպեսզի նա ընտրվի Գյումրու քաղաքապետ։ Այս մասին նա հայտնել է  Ֆեյսբուքի իր էջում։ «Հարգելի գյումրեցիներ, շնորհակալ ենք Գյումրու ավագանու ընտրություններին ձեր մասնակցության համար, նախորդ օրերին ինձ ջերմ ու առանձնահատուկ ընդունելության, թիմիս աջակցելու և ‹‹Մեր քաղաքը›› դաշինքին ընտրելու համար։ Դուք տեսաք, թե ինչ կատարվեց և […] ...

BACK_TO_TOP