12:14 05.08.2019
Արտակարգ իրավիճակների նախարարությունը հաղորդագրություն է տարածել, որում ներկայացվում է, որ այս տարի հրդեհների աննախադեպ աճ է գրանցվել:
Այս առիթով SHANTNEWS.am-ը զրուցել է ԱԻՆ հրդեհային և տեխնիկական անվտանգության հետաքննության վարչության պետի տեղակալ Սերգեյ Հայրապետյանի հետ:
Մեզ հետ զրույցում նա նշեց, որ հրդեհների ճնշող մեծամասնությունն առաջանում է մարդածին գործոնից.
«Հրդեհների առաջացման պատճառները բազմաթիվ են, դրանց 93-94 %-ը մարդածին բնույթ են կրում: Բնական պատճառներից առաջացող հրդեհները 6-7% դեպքերում են լինում, օրինակ՝ կայծակը: Նախորդ տարվա համեմատ, այս տարի ունենք հրդեհների աննախադեպ աճ: 7 ամսվա կտրվածքով ունենք 74% աճ, որը հիմնականում կապված է խոտածածկ տարածքների հրդեհների աճի հետ»:
Սերգեյ Հայրապետյանն ասաց, որ նախորդ տարի եղել է շուրջ 3179 հրդեհ, իսկ այս տարի՝ 5520 հրդեհ:
Մասնագետի խոսքով՝ այս տարվա մայիսին և հունիսին ջերմաստիճանը շատ բարձր է եղել, և դա ևս նպաստել է հրդեհների աճին:
Մեր այն հարցին, թե ի՞նչ կանոնների պետք է տիրապետի յուրաքանչյուր քաղաքացի, Սերգեյ Հայրապետյանը նշեց, որ մարդկանց իրավագիտակցությունը ցածր է, և շատ խելք պետք չէ՝ հասկանալու համար, որ չմարված ծխախոտը պետք չէ նետել խոտի վրա:
«Մարդիկ հիմա շատ են խորոված անում, սակայն չգիտեն, որ խարույկ կարելի է վառել այն տեղերում, որտեղ 1 մետր լայնությամբ հանքայնացված շերտ կա: Մեր ժողովուրդն աղբը նետում է ուր պատահի, և այն չորանալով՝ դառնում է հրդեհի նպաստման նյութ, մասնավորապես ապակե շշերը կատարում են ոսպնյակի դեր»:
Մեր այն հարցին, թե քանի՞ տոկոս են կազմում միտումնավոր հրդեհները, Սերգեյ Հայրապետյանն ասաց, որ դրանք շատ չնչին մաս են կազմում՝ մոտ 1%:
Զրույցը եզրափակելով՝ մասնագետը նշեց, որ եթե հրդեհը մեծ տարածք է ընդգրկելմ ապա հարկավոր է անմիջապես ահազանգել 911 ծառայություն, եթե նույնիսկ հնարավոր է այն մարել ինքնուրույն:
16:23 19.04.2025
Քո վճարած հարկը կյանք է փրկում. Անահիտ Ավանեսյան
16:23 19.04.2025
Քո վճարած հարկը կյանք է փրկում. Անահիտ ԱվանեսյանՀարկ վճարողի օրվա առթիվ ֆեյսբուքյան իր էջում գրառում է կատարել Առողջապահության նախարար Անահիտ Ավանեսյանը. «Պետպատվերով բուժծառայությունների մատուցում և անընդհատ ընդլայնում, որակի բարելավում, մեծածավալ կապիտալ շինարարություն ու վերազինում, բուժօգնության հասանելիություն, դեղապահովման ծրագրեր, արդյունքում` փրկված կյանքեր. դուք` ձեր վճարած հարկերով մեզ պատվիրակում եք կյանքի կոչել առողջապահական ծրագրեր, որոնք տարեցտարի առավել շատ քաղաքացիների կյանքի որակի բարելավմանն են նպաստում: […] ...
16:12 19.04.2025
Վալոդյա Գրիգորյանը ստանձնեց Փարաքար համայնքի ղեկավարի պաշտոնըՎալոդյա Գրիգորյանն այսօր՝ ապրիլի 19-ին, երդմամբ ստանձնեց Փարաքար խոշորացված համայնքի ղեկավարի պաշտոնը: Այս մասին հայտնում են Փարաքարի համայնքապետարանից։ ...
16:05 19.04.2025
ԱԺ նախագահ Ալեն Սիմոնյանի գլխավորած պատվիրակությունն աշխատանքային այցով ՌԴ-ում էրՀՀ ԱԺ նախագահ Ալեն Սիմոնյանի գլխավորած պատվիրակությունն աշխատանքային այցով ՌԴ-ում էր: Սանկտ Պետերբուրգում մեր երկրի խորհրդարանի ղեկավարը նախ մասնակցել է ԱՊՀ միջխորհրդարանական վեհաժողովի խորհրդի, ապա 58-րդ լիագումար նիստի աշխատանքներին, որոնց հաջորդել է Հայրենական մեծ պատերազմի հաղթանակի 80-ամյակին նվիրված հանդիսավոր նիստը: Մասնակիցներին ելույթով դիմել է Ալեն Սիմոնյանը: Մանրամասները՝ ԱԺ տեսանյութում: ...
16:00 19.04.2025
44-ամյա տղամարդու մեքենայում թմրամիջոց է հայտնաբերվել. նա կալանավորվել էՔրեական ոստիկանության թմրամիջոցների անօրինական շրջանառության դեմ պայքարի վարչության քրեական ոստիկանները ապօրինի թմրաշրջանառության վերաբերյալ օպերատիվ տվյալներն իրացրին Երևանի պարեկների և Համայնքային ոստիկանության Մալաթիայի բաժնի ծառայողների հետ: Նրանք ապրիլի 14-ին մայրաքաղաքի Բաբաջանյան փողոցում ձերբակալել և, «Օպել» մակնիշի ավտոմեքենայով հանդերձ, Մալաթիայի բաժին են տեղափոխել Նոր Հաճն քաղաքի 44-ամյա մի բնակչի։ 44-ամյա տղամարդը ներկայացվել է տարածքային քննչական բաժին։ Նախաձեռնվել […] ...
15:53 19.04.2025
12 տարի անց. «Հայ սուպերսթար»-ը վերադառնում է12 տարվա դադարից հետո դարձյալ եթերում կլինի «Հայսուպերսթար»-ը: «Շանթ»-ի հոբելյանական տարում լեգենդար այս նախագիծը հեռուստաընկերության անակնկալն է իր հեռուստադիտողների համար: Մանրամասները՝ ռեպորտաժում: ...
15:41 19.04.2025
Ձեր վճարած հարկերի շնորհիվ իրականացվել է 3 տասնյակի հասնող պետական աջակցության ծրագիր. Էկոնոմիկայի նախարարությունՎճարված հարկերի շնորհիվ իրականացվել է 3 տասնյակի հասնող պետական աջակցության ծրագիր: Այս մասին հայտնում են Էկոնոմիկայի նախարարությունից: «Հարգելի քաղաքացիներ, ձեր վճարած հարկերի շնորհիվ ՀՀ էկոնոմիկայի նախարարությունն իրականացրել է 3 տասնյակի հասնող պետական աջակցության ծրագրեր։ Միայն վերջին 1 տարում այդ ծրագրերից օգտվել է ավելի քան 10․000 քաղաքացի։ Պետության օժանդակությամբ նրանք կարողացել են իրենց կատարած ներդրումների դիմաց […] ...
