18:53 27.07.2019
Շիրակի մարզում 114 վթարային շենք կա, որոնց ամրացումը տեսականորեն ամեն տարի մարզպետարանի համապատասխան փաստաթղթերով ներկայացվում է կառավարությանը, բայց ֆինանսավորում չի հատկացվում: Արդյունքում Գյումրիի վթարայինների թիվը 88-ից արդեն դարձել է 92, իսկ շենքերի վթարայնության աստիճանը բարձրացել է: Պետբյուջեն ամրացման համար գումարներ, իսկ փրկարար ծառայությունը փլուզումների հետևանքները վնասազերծելու համար տեխնիկա չունի: Սեյսմիկ ծառայության ուսումնասիրություններն էլ միայն ակնադիտական են: Այս խնդիրների մասին են խոսել համապատասխան կառույցների պատասխանատուները: Շիրակի մարզի վթարային շենքերի սեյսմիկ ուսումնասիրություն, որպես այդպիսին, 1998-ին է կատարվել: Հետո տարբեր տարիներին ՝ պայմանավորված շենքերում փլուզումների հետ, միայն ակնադիտական ուսումնասիրություններ են կատարվել: Իրականացվել է նաև Գյումրիի սեյսմիկ ռիսկի գնահատում. ամենամեծ վտանգը վթարայիններն են ներկայացնում:
«Հաշվարկված էր, որ 200 զոհ կլինի վթարային շենքում: Բայց դա 2006-ին կատարված սեյսմիկ ռիսկի գնահատմամբ: Հիմա բնակիչների մի մասը տեղափոխվել է վթարային շենքերից: Այսինքն՝ ավելի քիչ են այդ շենքները բնակեցված: Ցավով եմ նշում, որ ներկայում իրականացվում է վթարային շենքների ակնադիտական ուսումնասիրություն: Նեղ մասնագիտական և գործիքային ուսումնասիրություններն աշխատատար և ֆինանսատար են: Ըստ էության՝ համայնքապետարանը պետք է հանդես գա որպես պատվիրատու: Կառավարության որոշում կա, համաձայն որի՝ բոլոր շենքները պետք է անցնեն անձնագրավորում: 10 տարին մեկ շենքները պետք է ուսումնասիրվեն, ունենան համապատասխան անձնագրեր, որոնց մեջ պետք է լինեն շենքի վթարայնության աստիճանը և այլ պարամետրեր» ,- ասել է «ՍՊՏԾ» հյուսիսային տարածաշրջանային կենտրոնի պետ Կարեն Մխիթարյանը:
Շիրակի մարզպետարանը Տարածքային կառավարման և ենթակառուցվածքների նախարարություն է ներկայացրել 4-րդ աստիճանի վթարայնության 10 շենքի ցանկ: Այս ցանկն ամեն տարի ներկայացվում է գործադիրին: Պարտադիր գործընթաց է, որը մարզպետարանը կատարում է, թեև՝ անարդյունք: Ցանկի հետ նաև առաջարկներ են ներկայացնում, թե ինչպես ավելի ձեռնտու կլինի վթարայիններում ապրողների բնակարանային հարցը լուծելը:
«Իհարկե, պետությանն ավելի ձեռնտու է վթարայինները քանդելն ու բնակիչներին բնակարանների գնման վկայագրեր տրամադրելը: Բայց, օրինակ, Տիգրան Մեծ 5 շենքի դեպքում պետք է ամրացում կատարվի: Այդ շենքի մի հատվածն ամրացված է: Մյուս մասն էլ պետք է ուժեղացվի: Իսկ Ամասիայի 26 փողոց 15 շենքի բնակիչներին առաջարկել ենք վկայագրերի տրամադրման միջոցով փոխհատուցում տրամադրել»,- ասել է Շիրակի մարզպետարանի ճարտարապետաշինարարական բաժնի գլխավոր մասնագետ Մկրտիչ Ասատրյանը:
Բնակարանի գնման վկայագրի տարբերակով փոխհատուցում կատարելու առաջարկ է արվել Անտառավան 26, Ղուկասյան 29, Իսահակյան 9, Հանեսօղլյան 5 շենքերի, ինչպես նաև Ամասիայի 26-րդ փողոցի 15 շենքի բնակիչներին: Կառավարությունում ցանկն ու առաջարկները դեռ քննարկում են:
16:42 04.04.2025
Գեղարքունիքի մարզի պարեկներն ապօրինի թմրաշրջանառության դեպքեր են բացահայտելՀանցագործությունների, այդ թվում՝ ապօրինի թմրաշրջանառության դեմ Գեղարքունիքի պարեկների պայքարը շարունակում է դրական արդյունքներ տալ։ Ներկայացնենք մարտի 31-ից ապրիլի 3-ն ընկած ժամանակահատվածում բացահայտումներից մի քանիսը: Գեղարքունիքի պարեկները մարտի 31-ին Երևան-Սևան-Իջևան ճանապարհին ծառայություն իրականացնելիս, թմրամիջոց պահելու և օգտագործելու կասկածանքով, ձերբակալել ու մեքենայով հանդերձ՝ Համայնքային ոստիկանության Սևանի բաժին են ներկայացրել Ճամբարակի 24-ամյա մի բնակչի։ Բաժնում երիտասարդը ներկայացրել է […] ...
16:36 04.04.2025
Ռուբիոն կարծում է, որ ԱՄՆ Կոնգրեսը կպահանջի Ռուսաստանի դեմ պատժամիջոցների խստացումԱՄՆ պետքարտուղար Մարկո Ռուբիոն կարծում է, որ ԱՄՆ Կոնգրեսը ճնշում կգործադրի նախագահ Դոնալդ Թրամփի վարչակազմի վրա՝ Ռուսաստանի դեմ պատժամիջոցները խստացնելու համար։ «Կապիտոլիումից կավելացվի ճնշումը պատժամիջոցները մեծացնելու համար, և մենք չենք կարողանա կանխել դա, եթե առաջընթաց չգրանցենք խաղաղ կարգավորման հարցում (Ուկրաինայում)», – ասել է նա Բրյուսելում ՆԱՏՕ-ի արտաքին քաղաքականության ղեկավարների հանդիպման արդյունքներով կայացած մամուլի ասուլիսում։ Ռուբիոն […] ...
16:33 04.04.2025
Ալեքսանդր Օվեչկինը NHL-ում նետել է 891-րդ տափօղակըՀոկեյի ազգային լիգայի (NHL) կանոնավոր առաջնության հերթական խաղում «Վաշինգտոն Քեփիթալզը» հյուրընկալվելիս 4-3 հաշվով հաղթել է «Բոսթոն Բրյուինզին»: Մայրաքաղաքային թիմի կազմում այս մրցաշրջանում 38-րդ տափօղակն է նետել Ալեքսանդր Օվեչկինը: 39-ամյա ռուս հարձակվողը գոլերի քանակը հասցրել է 891-ի: Բոլոր ժամանակների գլխավոր ռմբարկու Ուեյն Գրեցկիի ռեկորդը գերազանցելու համար Օվեչկինին պետք է աչքի ընկնել ևս 4 անգամ: Լեգենդար Գրեցկին […] ...
16:27 04.04.2025
Ռյուտե. ԱՄՆ-ը կշարունակի զենք մատակարարել ՈւկրաինայինՆԱՏՕ-ի գլխավոր քարտուղար Մարկ Ռյուտեն հայտարարել է, որ ԱՄՆ-ից զենքի և հետախուզական տվյալների հոսքը Ուկրաինա կշարունակվի, չնայած այն բանին, որ ամերիկյան կողմը չի մասնակցի ապրիլի 11-ին Բրյուսելում Ուկրաինայի հարցով կոնտակտային խմբի հանդիպմանը։ «Ոչինչ չի փոխվի: ԱՄՆ-ի օգնության և հետախուզական տվյալների հոսքը կշարունակվի»,- ասել է նա ՆԱՏՕ-ի արտգործնախարարների հանդիպման արդյունքներով կայացած մամուլի ասուլիսում: Ավելի վաղ ՆԱՏՕ-ի […] ...
16:24 04.04.2025
Առանձնապես խոշոր չափերով կաշառք ստանալուն օժանդակելու և կաշառք տալու մեջ մեղադրվող դատավորի օգնականի ու համայնքի վարչական ղեկավարի վերաբերյալ վարույթով նախաքննությունն ավարտվել էՀՀ հակակոռուպցիոն կոմիտեում Ազգային անվտանգության ծառայությունից ստացված նյութերի հիման վրա նախաձեռնված քրեական վարույթով պարզվել է, որ ընդհանուր իրավասության դատարանի դատավորի օգնականը օժանդակել է ՀՀ դատական իշխանության ներկայացուցչի կողմից առանձնապես խոշոր չափերով կաշառք ստանալուն՝ նույն մարզի համայնքի վարչական ղեկավարի մատնանշած անձի օգտին բարենպաստ վճիռ կայացնելու համար: Մասնավորապես՝ նախաքննությամբ հիմնավորվել է, որ ՀՀ դատական իշխանության պաշտոնատար անձը, […] ...
16:15 04.04.2025
Մհեր Գրիգորյանն ու Մագդալենա Գրոնոն քննարկել են տարածաշրջանում հաղորդակցությունների և տնտեսական կապերի ապաշրջափակման համար առկա հնարավորություններըՓոխվարչապետ Մհեր Գրիգորյանն ընդունել է Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցիչ Մագդալենա Գրոնոյին: Հանդիպմանը ներկա էր նաև Հայաստանում ԵՄ պատվիրակության ղեկավար, դեսպան Վասիլիս Մարագոսը: Հանդիպման ընթացքում զրուցակիցները մտքեր են փոխանակել տարածաշրջանային զարգացումների շուրջ, քննարկվել են սահմանազատման գործընթացի ընթացքը և տարածաշրջանում բոլոր հաղորդակցությունների և տնտեսական կապերի ապաշրջափակման համար առկա հնարավորությունները: ...
