17:30 04.07.2019
ԱՄՆ նախագահ Դոնալդ Թրամփը խոստացել է այս տարի հուլիսի 4-ը՝ Անկախության տոնը, նշել առանձնահատուկ շքեղությամբ:
«Հուլիսի 4-ին Լինքոլնի հուշահամալիրի մոտ Ամերիկային հղած մեր ողջույնը մեծ իրադարձություն է լինելու: Դա անմոռանալի շոու է դառնալու»,- գրել է Թրամը Twitter-ի իր էջում:
Our July 4th Salute to America at the Lincoln Memorial is looking to be really big. It will be the show of a lifetime!
— Donald J. Trump (@realDonaldTrump) July 3, 2019
ԱՄՆ նախագահը ելույթ կունենա Վաշինգտոնում գտնվող Լինքոլնի հուշահամալիրի մոտ: Միացյալ Նահանգների 16-րդ նախագահ Աբրահամ Լինքոլնն էր, որ հաղթեց քաղաքացիական պատերազմում և վերջ դրեց ստրկությանը: Հենց նրա հուշահամալիրի մոտ է «Ես ունեմ երազանք» ելույթով հանդես եկել քաղաքացիական իրավունքների շարժման ամենակարկառուն ներկայացուցիչներից մեկը՝ Մարտին Լյութեր Քինգը:
Թրամփի քննադատները նշում են, որ նախագահը չի դիմացել գայթակղությանը և անկախության տոնը որոշել է վերածել ընտրարշավի:
Ռազմական ինքնաթիռների, ուղղաթիռների, տանկերի և այլ զինտեխնիկայի մասնակցությամբ ռազմական շքերթի համար ավելի քան 2.5 մլն դոլար է ծախսվել, ինչը նույնպես քննադատվել է:
Անկախ այս ամենից՝ Թրամփն «անմոռանալի օր» է խոստացել ամերիկացիներին:
«Մենք հրաշալի հուլիսչորսյան տոնակատարություններ կունենանք Վաշինգտոնում: Դա կլինի աննախադեպ, յուրահատուկ: Հուսով եմ՝ շատ մարդիկ կգան: Դա կլինի տուրք Ամերիկային: Ես այստեղ կլինեմ, մի քանի բառ կասեմ: Մեր գլխավերևում ինքնաթիռներ կթռչեն: Ռազմական ինքնաթիռներ, տանկեր կլինեն: Մենք ունենք բոլորովին նոր «Շերման» տանկեր, բոլորովին նոր «Աբրամս» տանկեր: Մենք հրաշալի զինտեխնիկա կցուցադրենք՝ բոլորովին նոր, և մենք հպարտանում ենք դրանով: Մենք բազմաթիվ նոր տանկեր ենք արտադրում»,- ասել է Թրամփը:
Նոր զինտեխնիկայի թեման լրատվամիջոցներում լուրջ քննարկումների առիթ է դարձել: Թերևս անսպասելի չէր, որ հենց ռուսական լրատվամիջոցներն ակտիվորեն սկսեցին քննարկել այն, որ Լինքոլնի հուշահամալիրի մոտ տեղափոխված ռազմական տեխնիկայի առաջին միավորների՝ «Բրեդլի» զրահամեքենաների ներկը տեղ-տեղ թափված է, տակից երևում են ժանգի հետքեր, իսկ 25 մմ տրամաչափի թնդանոթների փողերը հանված են, անցքերը` փակված կանաչ կպչուն ժապավենով:
Լրատվամիջոցների այն հարցին, թե ինչու է հենց այդ, ոչ այնքան նոր տեխնիկան բերվել, Պենտագոնը РИА Новости-ին հետևյալ պատասխանն է տվել.
«Սպիտակ տունը հենց դրանք է խնդրել: Որոշվել է այդ մեքենաները ուղարկել: Դրանք Ազգային ծառուղի բերելուց առաջ մաքրել են»:
Թրամփն ամերիկյան ռազմական տեխնիկան ցուցադրելու գաղափարը փայփայում է դեռ 2017-ից: Այդ միտքը նրա մոտ ծնվել էր այն բանից հետո, երբ Ֆրանսիայի նախագահ Էմանուել Մակրոնի հետ Փարիզում դիտել էր Բաստիլի գրավման օրվան նվիրված շքերթը: ԱՄՆ նախագահը նախատեսում էր ռազմական տեխնիկայի մասնակցությամբ շքերթ անցկացնել դեռ անցյալ տարվա հուլիսի 4-ին, սակայն քաղաքային իշխանությունները դրա համար 22 մլն դոլար էին պահանջել, և միջոցառումը տեղափոխվել էր այս տարի:
10:53 10.04.2025
Ռուսաստանի և ԱՄՆ պատվիրակությունները ժամանել են Ստամբուլ՝ բանակցությունների վայրՌուսաստանից և ԱՄՆ-ից պատվիրակություններ են ժամանել Ստամբուլում Ռուսաստանի գլխավոր հյուպատոսության շենք։ Այս մասին հայտնում է ՏԱՍՍ-ի թղթակիցը։ Ռուս բանակցողները ժամանել են տեղական ժամանակով 09:25-ի սահմաններում: Ամերիկյան կողմը ժամանել է 5 րոպե անց։ Սպասվում է, որ բանակցությունները կսկսվեն ժամը 10:00-ին։ ...
10:41 10.04.2025
ԵԱՀԿ խորհրդարանական վեհաժողովի նախագահ տեղեկացրել է, որ առաջիկայում նախատեսված է իր այցը տարածաշրջան, որը կծառայի խաղաղության և անվտանգության օրակարգինԱԺ փոխնախագահ Հակոբ Արշակյանը Միջխորհրդարանական միության 150-րդ վեհաժողովի շրջանակում Տաշքենդում հանդիպել է ԵԱՀԿ խորհրդարանական վեհաժողովի նախագահ Պիա Կաումայի հետ: Զրուցակիցները քննարկել են տարածաշրջանում խաղաղությանը եւ անվտանգությանը վերաբերող հարցեր: ՀՀ ԱԺ փոխնախագահն ընդգծել է, որ չնայած խաղաղության պայմանագրի շուրջ բանակցությունների ավարտին՝ Ադրբեջանը լրացուցիչ նախապայմաններ է առաջադրում, այդ թվում՝ ԵԱՀԿ Մինսկի խմբի լուծարման եւ գործունեության դադարեցման վերաբերյալ: Արհեստական […] ...
10:24 10.04.2025
Տարադրամի փոխարժեքներն ապրիլի 10-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 390 դրամ, վաճառքի նվազագույն արժեքը՝ 393 դրամ: Եվրոյի առքի առավելագույն արժեքն է 426 դրամ, վաճառքի նվազագույն արժեքը՝ 434․50 դրամ: Ռուսական ռուբլու առքի առավելագույն արժեքն է 4․52 դրամ, վաճառքի նվազագույն արժեքը՝ 4․63 դրամ։ ...
10:17 10.04.2025
«Բարսելոնան» ջախջախել է «Բորուսիային»․ ՉԼ 1/4 եզրափակիչՉեմպիոնների լիգայի քառորդ եզրափակչի առաջին խաղում «Բարսելոնան» սեփական դաշտում 4-0 հաշվով հաղթել է Դորտմունդի «Բորուսիային»։ Դուբլ է գրանցել Ռոբերտ Լևանդովսկին, մեկական անգամ էլ աչքի են ընկել Ռաֆինյան ու Լամին Յամալը։ Պատասխան հանդիպումը կկայանա ապրիլի 15-ին։ ...
10:08 10.04.2025
Արագյուղի միջնակարգ դպրոցում գործարկվելու է էլեկտրական շչակԱպրիլի 11-ին՝ ժամը 10:00-ից մինչև 14:00-ն ընկած ժամանակահատվածում, Կոտայքի մարզի Եղվարդ համայնքի «Արագյուղի միջնակարգ դպրոց» ՊՈԱԿ-ում անցկացվելու է «Ազդարարում, տարհանում, պատսպարում» թեմայով դասախոսություն, որի ընթացքում գործարկվելու է էլեկտրական շչակ։ ...
10:00 10.04.2025
Սաուդյան Արաբիայի արտգործնախարարը Ռուբիոյի հետ քննարկել է Գազայի և Ուկրաինայի իրավիճակըՍաուդյան Արաբիայի արտաքին գործերի նախարար արքայազն Ֆեյսալ բեն Ֆարհան Ալ Սաուդը Վաշինգտոնում ԱՄՆ պետքարտուղար Մարկո Ռուբիոյի հետ քննարկել է երկու երկրների համատեղ ջանքերը՝ Ուկրաինայում, Գազայի հատվածում, Եմենում և Սուդանում հակամարտությունները լուծելու համար։ Այս մասին հայտնել է թագավորության արտաքին գործերի նախարարությունը։ «Կողմերը քննարկել են տարածաշրջանային և միջազգային հարցերի շուրջ համակարգման ամրապնդման և համատեղ գործողությունների ակտիվացման ուղիները, […] ...
