19:56 21.06.2019
Խորհրդարանում լրագրողները ՀՀ ԱԺ պետաիրավական հարցերի մշտական հանձնաժողովի փոխնախագահ Աննա Կարապետյանից փորձեցին հետաքրքրվել, թե ի՞նչ տեսակետ ունի ՍԴ դատավոր Վահե Գրիգորյանի՝ երեկ խորհրդարանում արած հայտարարությունների մասին:
Հիշեցնենք, որ Վահե Գրիգորյանը hայտարարել էր, որ մտնում է Սահմանադրական դատարան՝ ստանձնելով ՍԴ նախագահի լիազորությունների կատարումը:
«Վահե Գրիգորյանն արդեն պարզաբանել է, ես չեմ ուզում հիմա մեկնաբանել Գրիգորյանի հնչեցրած մտքերը»,- Կարապետյանը նախ այսպես արձագանքեց հարցերին:
Լրագրողները հետաքրքրվեցին՝ ձեզ համար անակնկա՞լ էր Վահե Գրիգորյանի այդ հայտարարությունը: Աննա Կարապետյանի խոսքով՝ ինքն այդ պահին դահլիճում չի եղել.
«Հետո, երբ լսեցի, անակնկալ էր»,- ասաց նա:
Ըստ հանձնաժողովի փոխնախագահի՝ ՍԴ անդամները հատուկ ընթացակարգով չեն դառնում դատավորներ, ընդամենը պետք է ամրագրվեր, որ սրանից հետո նրանք պետք է պաշտոնավարեն՝ իբրև ՍԴ դատավորներ.
«Բացակայում են այդ լուծումները, իմ լուծումների մասին ես հետո կասեմ»,- արձագանքեց Կարապետյանը:
Այլ հարց տվեցին՝ ձեզ համար հարց չի՞ առաջացել, թե ո՞վ է հիմա ի վերջո նստելու ՍԴ նախագահի աթոռին, այս հարցի արձագանքն էլ այսպիսին էր.
«Այս պահին ո՞վ է նստած, գիտե՞ք: Ես տեղեկություն չունեմ: Վահե Գրիգորյանը նման հայտարարություն է արել ու գնացել է այնտեղ, լուծումները կտեսնենք, շատ եք շտապում»:
Ի տարբերություն Արփինե Հովհաննիսյանի՝ Կարապետյանն ասաց, որ ինքը հանցակազմ չի տեսնում Վահե Գրիգորյանի հայտարարությունում:
«Վստահաբար, երկու նախագահ չի կարող ունենալ: ՍԴ նախագահը պետք է լինի դատավոր»:
SHANTNEWS.am-ը հետաքրքրվեց՝ այսինքն դուք կարծում եք, որ ՍԴ-ն այսքան ժամանակ ապօրինի՞ է գործել։
«Ոչ լեգիտիմ»,- պատասխանեց Կարապետյանը:
ՀՀ ԱԺ «Լուսավոր Հայաստան» խմբակցության ղեկավար Էդմոն Մարուքյանը երեկ լրագրողների հետ զրույցում հայտարարել էր, «որ այն որոշումները, որ ընդունել են, որոշում չե՞ն (խմբ.-խոսքը ՍԴ-ի անդամների մասին է): Եթե չեն, բա ինչի՞ ենք օրենքը փոխել դրա հիման վրա: Բա ինչի՞ է Հրայր Թովմասյանը գնում պրոտոկոլով վարչապետի կողքը կանգնում: Հասկանանք՝ միայն Վահե Գրիգորյանի՞ մոտեցումն է, թե՞ իշխանությունն է այդ մոտեցումը կիսում»:
Էդմոն Մարուքյանի հարցն ուղղեցինք նաև Աննա Կարապետյանին: Վերջինս, սակայն, մի քիչ մտածելուց հետո այսպես արձագանքեց.
«Էդմոն Մարուքյանի հայտարարությունները չեմ մեկնաբանի»:
Դիտարկմանը՝ եթե համարենք, որ դա Մարուքյանի հայտարարությունը չէ, ձեր կարծիքն ինչպիսի՞ն է, այսպիսի պատասխան հնչեց.
«Շնորհակալություն, ավարտեցի»,- ասաց պետաիրավական հարցերի մշտական հանձնաժողովի նախագահի տեղակալը:
Լրագրողների մոտ հարց մնաց՝ չկարողացա՞վ Աննա Կարապետյանը մեկնաբանել Մարուքյանի հայտարարությունը և խոսել այդ թեմայի մասին:
17:48 04.04.2025
UWW-ի անդրադարձը Ալեքսանյանին և ԱմոյանինԸմբշամարտի համաշխարհային ֆեդերացիան ներկայացրել է Սլովակիայի մայրաքաղաք Բրատիսլավայում ապրիլի 7-13-ը կայանալիք Եվրոպայի առաջնության անոնսը: Անդրադարձ է կատարվել նաև հունահռոմեական ոճի ըմբշամարտի Հայաստանի հավաքականի առաջատարներ Արթուր Ալեքսանյանին (97 կգ) և Մալխաս Ամոյանին (77 կգ): Օլիմպիական խաղերի ոսկե, արծաթե և բրոնզե մեդալակիր, աշխարհի քառակի ու Եվրոպայի 7-ակի չեմպիոն Ալեքսանյանի հիմնական մրցակիցները կլինեն Եվրոպայի նախկին չեմպիոն Կիրիլ Միլովը […] ...
17:42 04.04.2025
Արտարժույթի փոխանակման հայտարարությունները՝ ծուղակ․ ՆԳՆ ոստիկանությունը զգոնության կոչ է անումՍոցիալական տարբեր կայքերում բազմաթիվ են տարատեսակ, այսպես ասած՝ գայթակղիչ հայտարարությունները, որոնցով քաղաքացիներին առաջարկում են կատարել արտարժույթի՝ մասնավորապես ռուբլու փոխանակում՝ առավել բարձր արժեքով, քան տարադրամի փոխանակման կետերում։ Խարդախության սխեման հետևյալն է. Հանցավորները նախ վարձում են թանկարժեք ավտոմեքենա, որի վարորդին պատվիրում են գնալ երկկողմանի ելումուտ ունեցող առևտրի որևէ կենտրոնի տարածք։ Արտարժույթ փոխանակել ցանկացող անձին ևս խնդրում են […] ...
17:36 04.04.2025
Սակուրաները մեծանում և ծաղկում են այնպես, ինչպես հայ-ճապոնական հարաբերությունները. ԱԺ այգում նշվել է Հանամի տոնըԱպրիլի 4-ին ««Արումենիա-Նիպոն» հայ-ճապոնական գիտամշակութային միություն» հասարակական կազմակերպության նախաձեռնությամբ խորհրդարանի այգում նշվել է ճապոնական Հանամի տոնը, որին մասնակցել են ՀՀ ԱԺ պատգամավորներ, ՀՀ ԱԳՆ ներկայացուցիչներ, «Արումենիա-Նիպոն» միության անդամներ, այլ հյուրեր: Հայաստանում Ճապոնիայի փոխդեսպան Դաբիդե Ցունակակեն՝ ԱԺ այգում մասնակցելով ճապոնական Հանամի տոնին նվիրված միջոցառմանը, ասել է. «Ինձ համար մեծ հաճույք եւ պատիվ է այս գեղեցիկ օրն […] ...
17:30 04.04.2025
Շրջանառության հարկի դաշտում գործող առք ու վաճառք իրականացնող տնտեսվարողները կկարողանան աջակցություն ստանալԱյս տարվա 1-ին և 2-րդ եռամսյակների համար շրջանառության հարկի դաշտում գործող առք ու վաճառք իրականացնող տնտեսվարողները Կառավարության որոշմամբ աջակցություն կստանան՝ վճարված շրջանառության հարկի և նույն ժամանակաշրջանում առևտրական գործունեությունից ստացված եկամտի 5%-ի տարբերության չափով։ Բացի այդ, որպես լրացուցիչ աջակցություն, շրջանառության հարկի դաշտում գործող առք ու վաճառք իրականացնող տնտեսվարողները կստանան նաև վճարված շրջանառության հարկի և իրացման շրջանառության 1.5%-ի տարբերության չափով […] ...
17:26 04.04.2025
Կարևորվել է Հայաստանի և Վիետնամի առողջապահական ոլորտների միջև համագործակցությունըՆախարար Անահիտ Ավանեսյանն ընդունել է աշխատանքային այցով Հայաստանում գտնվող վիետնամական պատվիրակության առողջապահության ոլորտի ներկայացուցչին: Վիետնամի Հանրապետության առողջապահության նախարարի տեղակալ Թրան Վան Թուանի հետ հանդիպմանը նախարարը կարևորել է երկու երկրների առողջապահական ոլորտների միջև համագործակցությունը` նշելով. «Սա նոր հնարավորություն է քննարկելու այն մարտահրավերները, որոնք մեր երկրների առողջապահական համակարգերի համար արդիական են: Շատ ենք կարևորում նաև փորձի փոխանակումը […] ...
17:23 04.04.2025
Ո՞րն է Զիդանի անգլիական սիրելի մարզադաշտը«Ռեալի» նախկին գլխավոր մարզիչ Զինեդին Զիդանը նշել է, որ իր ամենասիրելի անգլիական ստադիոնը «Էնֆիլդն» է: ««Էնֆիլդը» յուրահատուկ մթնոլորտ ունի: Այնտեղ խաղերն այլ կերպ են ընթանում: Ակումբային մակարդակում չեմ խաղացել այնտեղ, բայց ԵՎՐՈ-1996-ի քառորդ եզրափաիչում կարևոր հանդիպում անցկացրինք Նիդերլանդների ընտրանու դեմ: «Ռեալը» գլխավորելիս էլ հանդիպում ունեցանք «Էնֆիլդում»՝ Չեմպիոնների լիգայում», – ֆրանսիացու խոսքերն է մեջբերում Givemesport-ը: ...
