Հենրիխ Մխիթարյանը և Սոկրատիսը խոսել են իրենց ընկերության, ակումբի և նպատակների մասին – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
03 04 2025
  • $
    391.16
  • RUBLE
    4.65
  • 422.18
WEATHER
+8.04 oC

Հենրիխ Մխիթարյանը և Սոկրատիսը խոսել են իրենց ընկերության, ակումբի և նպատակների մասին

13:08 10.06.2019

Հայաստանի ֆուտբոլի ազգային հավաքականի ֆուտբոլիստ, «Արսենալի» կիսապաշտպան Հենրիխ Մխիթարյանը և նրա թիմակից Սոկրատիս Պապաստատոպուլոսը զրույց են ունեցել: Հարցազրույցը հրապարակվել է «Արսենալի» ֆեյսբուքյան էջում:

Ի պատասխան ակումբի վերաբերյալ Հենրիխի հարցի՝ Սոկրատիսը նշել է, որ «Արսենալը» հրաշալի ակումբ է, և ամեն ինչ լավ է նաև Հենրիխի և Օբամեյանգի նման ընկերների շնորհիվ:

Երկու ֆուտբոլիստները խոսել են Պրեմիեր լիգայի մասին:

«Ես գիտեի, որ շատ դժվար է լինելու: Ես եկել եմ շատ մեծ թիմ, որտեղ լավ խաղացողներ կան, և դա ինձ շատ է դուր գալիս»,- նշել է Սոկրատիսը:

Սոկրատիսն էլ Մխիթարյանին հարցրել է իրենից ստացած առաջին տպավորության մասին: Հենրիխի խոսքով` տարիներ առաջ Սոկրատիսին տեսնելու պահից ի վեր շատ լավ տպավորություն է ստացել նրանից և ուրախ է նման ընկեր ունենալ:

Այնուհետև Սոկրատիսն է կիսվել Հենրիխ Մխիթարյանի մասին իր տպավորություններով:

«Ես և Միկին երբեմն նույն բանն ենք մտածում, մեզ նույն բաներն են դուր գալիս, մենք խոսում ենք այնպիսի թեմաներից, որոնք երկուսիս համար էլ հետաքրքիր են: Երբ առաջին անգամ տեսա Միկիին, Գերմանիայում բոլորը նրա մասին էին խոսում, քանի որ նա «Բորուսիա»-ի համար այդ տարվա ամենաթանկ տրանսֆերն էր: Բոլորն ասում էին՝ «Դե ինչ, տեսնենք, շատ մեծ գումար է ծախսվել», սակայն հենց առաջին մարզումներից Միկին բոլորին տպավորեց, և բոլորը դրանից հետո համոզվեցին, որ Միկին իրեն շատ լավ կդրսևորի Գերմանիայում»,- ասել է Սոկրատիսը:

Այնուհետև երկու թիմակիցները խոսել են նաև Պիեռ Էմերիկ Օբամեյանգի մասին իրենց տպավորություններից և իրենց ընկերությունից: Սոկրատիսի խոսքով՝ Օբամեյանգը սկզբում շատ փակ էր, շատ չէր շփվում, սակայն տպավորում էր իր արագությամբ և հմտություններով:

«Մեկ կամ երկու ամիս հետո, երբ նա արդեն հարմարվել էր մյուս խաղացողների հետ, նա դարձավ այն Օբան, որին մենք գիտենք: Նա շատ ընկերասեր մարդ է: Միկին և Օբան այն երկու խաղացողներն են, երկու ընկերները, որոնց հետ խաղից հետո մենք խոսում ենք հեռախոսով, միմյանց հաղորդագրություններ ենք ուղարկում: Գուցե նրանք կգան Հունաստան, ես կգնամ Հայաստան կամ նույնիսկ Գաբոն»,- ասել է Սոկրատիսը:

«Մենք քեզ սպասում ենք Հայաստանում»,- նշել է Հենրիխ Մխիթարյանը:

Ընկերները խոսել են նաև տարիների ընթացքում իրենց կյանքում տեղի ունեցած փոփոխություններից: Սոկրատիսի խոսքով, իրենց մտածելակերպն է փոխվել տարիների ընթացքում, սակայն նաև այն, որ ինքն ու Օբամեյանգն ընտանիք և երեխաներ ունեն:

«Միկին էլ է փոխվել, բայց Միկին ընտանիք չունի: Հուսով եմ, առաջիկա տարիներին կմիանաս մեր ակումբին»,- ասել է Սոկրատիսը:

Այնուհետև Հենրիխ Մխիթարյանը խոսել է իր նպատակներից:

«Ես միշտ խաղացել եմ տիտղոսներ և գավաթներ շահելու համար, որովհետև ֆուտբոլային կարիերայի ավարտից հետո մարդիկ քեզ դրանով են հիշելու, և իհարկե, էմոցիոնալ խաղեր եմ ուզում: Ես ընտրել եմ «Արսենալը», որովհետև գիտեմ, որ նրանք ի վիճակի են հաղթել, և ես վստահ եմ, որ մեզ համար այս տարին շատ լավն է լինելու: Հաջորդ տարվա իմ նպատակն է «Արսենալը» կրկին տեսնել Չեմպիոնների լիգայում, որովհետև կարծում եմ, որ այս թիմի տեղն այդ մրցաշարում է: Ես փոքրուց նայել եմ, թե ինչպես է «Արսենալը» խաղում Չեմպիոնների լիգայում և ոչ թե Եվրոպայի լիգայում: Այնպիսի ժամանակներ էին, որ թիմը մի փոքր տառապեց, եթե կարելի է այդպես ասել, նրանց մոտ անհաջող շրջան էր, ուստի հույս ունեմ, որ մենք կունենանք հաջողություններ, կշարունակենք լավ աշխատանքը և Չեմպիոնների լիգայում կգրավենք մեր տեղը»,- ասել է Մխիթարյանը:

Բոլոր լուրերը

Կապակցված լուրեր

Հորիզոն 22.00

00:11 03.04.2025

Հորիզոն 22.00

Երևանում շուրջ 400 թեքահարթակ կկառուցվի

23:59 02.04.2025

Երևանում շուրջ 400 թեքահարթակ կկառուցվի

Հարմար և հավասար միջավայր ստեղծելը նշանակում է հաշվի առնել բոլորի կարիքները՝ առանց բացառության։ 2025թ. Երևանում շուրջ 400 թեքահարթակ կկառուցվի: Այս մասին հայտնել են Երևանի քաղաքապետարանից: Սահմանվել են այնպիսի պահանջներ, որպեսզի թեքահարթակները լինեն հարմարավետ ու մատչելի գործածության համար: Մանրամասները՝ տեսանյութում: ...

Հայ շախմատիստուհիների արդյունքները Եվրոպայի կանանց անհատական առաջնությունում 3 խաղափուլից հետո

23:54 02.04.2025

Հայ շախմատիստուհիների արդյունքները Եվրոպայի կանանց անհատական առաջնությունում 3 խաղափուլից հետո

Մարտի 31-ից ապրիլի 11-ը Հունաստանի Հռոդոս կղզում անցկացվում է 2025 թվականի շախմատի Եվրոպայի կանանց անհատական առաջնությունը: Այս մասին հայտնել են Հայաստանի շախմատի ֆեդերացիայից: 3 խաղափուլից հետո գրոսմայստեր Էլինա Դանիելյանը և Լիլիթ Մկրտչյանը ունեն 2.5 միավոր և գտնվում են առաջատարների շարքում: Կանանց միջազգային վարպետ Մարիամ Մկրտչյանը և կանանց գրոսմայստեր Մարիա Գևորգյանը ունեն 2 միավոր: Կանանց միջազգային […] ...

Երևանում մթնոլորտային օդի որակը մարտի 26-ից ապրիլի 1-ը

23:49 02.04.2025

Երևանում մթնոլորտային օդի որակը մարտի 26-ից ապրիլի 1-ը

«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացրել է Երևանում մթնոլորտային օդի որակը մարտի 26-ից ապրիլի 1-ը (2025թ.): Փոշու պարունակությունը գերազանցել է սահմանային թույլատրելի կոնցենտրացիան․ Կենտրոն վարչական շրջանում՝ գրեթե ամբողջ շաբաթվա ընթացքում, Նոր Նորքում՝ մարտի 29-ին 30-ին և 31-ին, Շենգավիթում՝ մարտի 30-ին 31-ին և ապրիլի 1-ին, Արաբկիրում՝ մարտի 30-ին։ Ազոտի և ծծմբի երկօքսիդների պարունակությունները չեն գերազանցել սահմանային […] ...

Al-Ikhbaria. Իսրայելը հարվածներ է հասցնում Համայի և Հոմսի ռազմական օդանավակայանների մոտակայքում

23:46 02.04.2025

Al-Ikhbaria. Իսրայելը հարվածներ է հասցնում Համայի և Հոմսի ռազմական օդանավակայանների մոտակայքում

Սիրիական Համա և Հոմս նահանգների ռազմական օդանավակայանների մերձակայքը ենթարկվել է իսրայելական օդուժի հարվածներին։ Այս մասին հայտնել է սիրիական Al-Ikhbaria հեռուստաալիքը։ Զոհերի և վիրավորների մասին առայժմ չկան տեղեկություններ: Տեղի լրատվամիջոցները հայտնել են նաև, որ Իսրայելի ռազմաօդային ուժերը ավիահարվածներ են հասցրել Դամասկոսին: Հարվածների թիրախը եղել է Սիրիայի մայրաքաղաքի հյուսիսում գտնվող գիտահետազոտական ​​կենտրոնը։ ...

Երևանում բախվել են «Ford»-ն ու շտապօգնության մեքենան

23:41 02.04.2025

Երևանում բախվել են «Ford»-ն ու շտապօգնության մեքենան

Այսօր՝ ապրիլի 2-ին, շտապօգնության ավտոմեքենայի մասնակցությամբ հերթական ավտովթարն է տեղի ունեցել Երևանում։ Ժամը 19:30-ի սահմաններում Կոմիտասի պողոտա-Վաղարշյան փողոցի խաչմերուկում բախվել են շտապօգնության «Toyota Hiace» մակնիշի և «Ford» մակնիշի ավտոմեքենաները։ Ըստ նախնական տեղեկությունների, տուժածներ չկան։ Ինչպես հայտնում է shamshyan.com-ը, բախման հետևանքով շտապօգնության ավտոմեքենան դուրս է եկել երթևեկելի գոտուց, բախվել բազալտե եզրաքարին, կոտրել այն, անցել հետիոտնի համար […] ...

BACK_TO_TOP