16:57 31.05.2019
Արցախից ամեն օր դեպի արտաքին աշխարհ ազդակներ գնան Արցախի խաղաղ դեմքի մասին։ Այս խորհուրդը դեռ 1990-ականներին Արցախի խորհրդարանում որպես փորձագետ աշխատելիս տվել է Լարիսա Ալավերդյանը։ Նրա խոսքերով՝ հիմա Արցախում ֆուտբոլային առաջնության անցկացումը հենց այդ համատեքստում կարելի է տեսնել։ ShantNews.am-ի հետ զրույցում այսօր այսպիսի տեսակետ հայտնեց ինքը՝ Ալավերդյանը։
«Այսինքն` Արցախը պետք է հանդես գա, և՛ ներքին իր կյանքում, և՛ արտաքին աշխարհի համար ուղարկի այն ազդակները, որոնք խոսում են նրա` խաղաղ ապրելու ոչ միայն ցանկության, այլև ունակության մասին»,- ասաց Ալավերդյանը՝ գոհունակությունը հայտնելով Արցախում չճանաչված պետությունների ֆուտբոլային կոնֆեդերացիայի առաջնության անցկացման առիթով։
Նույնը, ըստ Ալավերդյանի, վերաբերում է տարբեր փառատոններին, կոնֆերանսներին, և ոչ միայն քաղաքական թեմաներով, այլ հենց Արցախի խաղաղ կյանքում դրսևորումների մասին, որտեղ արցախցիները նույնքան ստեղծագործ ու խիզախ են ներկայանում, որքան մարտական գործողությունների մեջ։
Արցախում մրցաշարն անցկացվելու է Արցախի 4 քաղաքներում՝ Ստեփանակերտ, Ասկերան, Մարտունի, Մարտակերտ։ Արցախում արդեն սկսել են ընդունել հյուրերին, որոնք ժամանում են 7 չճանաչված կամ կիսաճանաչված երկրներից։ Մրցաշարին մասնակցելու են հետևյալ հավաքականները՝
Մրցաշարի հանդիսավոր բացումը լինելու է հունիսի 1-ին, իսկ խաղերն անցկացվելու են հունիսի 2-9 ժամանակահատվածում։ Այս միջոցառումները կարծես համընկնում են Բաքվում Հենրիխ Մխիթարյանի հետ կապված սկանդալի հետ։ Մխիթարյանին Բաքուն ոչ միայն պատշաճ անվտանգության երաշխիքներ չտվեց, այլև համացանցում հայտնվեց տեսանյութ, թե ինչպես են ադրբեջանցիները կանգնեցնում մարդկանց, որոնք կրում են Մխիթարյանի անունով մարզաշապիկ։
Mkhitaryan fans are feeling the long arm of the law in Baku ahead of the Europa League final…. 😁.#Mkhitaryan #Arsenal #EuropaLeague #Baku #Chelsea #aubameyang pic.twitter.com/a1CIuXOo9L
— sntv (@sntvstory) May 28, 2019
Լարիսա Ալավերդյանը սրա վերաբերյալ նշում է, որ առաջին անգամ Արցախ այցելող արտասահմանցիները զարմանում են, որ փողոցում քայլելիս իրենց ոչ միայն չեն կանգնեցնում, այլև նույնիսկ զինվորականները, առավել ևս զինված մարդիկ շատ քիչ են։ Հակամարտության մեջ գտնվող մյուս երկրներում, ըստ Ալավերդյանի, իրավիճակն այդքան հանգիստ չի լինում։
«Եվ Բաքվում եղածը զավեշտ կլիներ, եթե չլինեին այն բոլոր հայտարարությունները դրանից առաջ, դրանից հետո և ընդհանրապես միշտ։ Հայտարարությունները, որոնք խոսում են նրա մասին, որ Ադրբեջանը պարզապես չի էլ թաքցնում, ճիշտ հակառակը՝ հրապարակայնորեն հակադրվում է միջազգային նորմերին, մասնավորապես՝ ցուցադրելով իր ամբողջովին ռասիստական կեցվածքը»,- ասաց Ալավերդյանը։
Նրա խոսքերով՝ Արցախում նման միջոցառումների հաճախ անցկացումը թույլ կտա աշխարհից այնտեղ ժամանող մարդկանց տեսնել Արցախի խաղաղ, ստեղծագործ դեմքը՝ նաև սպորտային ու մշակութային ոլորտներում։ Հայաստանում մարդու իրավունքների առաջին պաշտպանի խոսքերով՝ այդպիսի նախաձեռնությունները շատ կարևոր են՝ ցույց տալու համար իրական արժեքները` ի հակադրություն Ադրբեջանում իրականացվող կեղծ խաղաղասիրական նախագծերի։
23:59 02.04.2025
Երևանում շուրջ 400 թեքահարթակ կկառուցվիՀարմար և հավասար միջավայր ստեղծելը նշանակում է հաշվի առնել բոլորի կարիքները՝ առանց բացառության։ 2025թ. Երևանում շուրջ 400 թեքահարթակ կկառուցվի: Այս մասին հայտնել են Երևանի քաղաքապետարանից: Սահմանվել են այնպիսի պահանջներ, որպեսզի թեքահարթակները լինեն հարմարավետ ու մատչելի գործածության համար: Մանրամասները՝ տեսանյութում: ...
23:54 02.04.2025
Հայ շախմատիստուհիների արդյունքները Եվրոպայի կանանց անհատական առաջնությունում 3 խաղափուլից հետոՄարտի 31-ից ապրիլի 11-ը Հունաստանի Հռոդոս կղզում անցկացվում է 2025 թվականի շախմատի Եվրոպայի կանանց անհատական առաջնությունը: Այս մասին հայտնել են Հայաստանի շախմատի ֆեդերացիայից: 3 խաղափուլից հետո գրոսմայստեր Էլինա Դանիելյանը և Լիլիթ Մկրտչյանը ունեն 2.5 միավոր և գտնվում են առաջատարների շարքում: Կանանց միջազգային վարպետ Մարիամ Մկրտչյանը և կանանց գրոսմայստեր Մարիա Գևորգյանը ունեն 2 միավոր: Կանանց միջազգային […] ...
23:49 02.04.2025
Երևանում մթնոլորտային օդի որակը մարտի 26-ից ապրիլի 1-ը«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացրել է Երևանում մթնոլորտային օդի որակը մարտի 26-ից ապրիլի 1-ը (2025թ.): Փոշու պարունակությունը գերազանցել է սահմանային թույլատրելի կոնցենտրացիան․ Կենտրոն վարչական շրջանում՝ գրեթե ամբողջ շաբաթվա ընթացքում, Նոր Նորքում՝ մարտի 29-ին 30-ին և 31-ին, Շենգավիթում՝ մարտի 30-ին 31-ին և ապրիլի 1-ին, Արաբկիրում՝ մարտի 30-ին։ Ազոտի և ծծմբի երկօքսիդների պարունակությունները չեն գերազանցել սահմանային […] ...
23:46 02.04.2025
Al-Ikhbaria. Իսրայելը հարվածներ է հասցնում Համայի և Հոմսի ռազմական օդանավակայանների մոտակայքումՍիրիական Համա և Հոմս նահանգների ռազմական օդանավակայանների մերձակայքը ենթարկվել է իսրայելական օդուժի հարվածներին։ Այս մասին հայտնել է սիրիական Al-Ikhbaria հեռուստաալիքը։ Զոհերի և վիրավորների մասին առայժմ չկան տեղեկություններ: Տեղի լրատվամիջոցները հայտնել են նաև, որ Իսրայելի ռազմաօդային ուժերը ավիահարվածներ են հասցրել Դամասկոսին: Հարվածների թիրախը եղել է Սիրիայի մայրաքաղաքի հյուսիսում գտնվող գիտահետազոտական կենտրոնը։ ...
23:41 02.04.2025
Երևանում բախվել են «Ford»-ն ու շտապօգնության մեքենանԱյսօր՝ ապրիլի 2-ին, շտապօգնության ավտոմեքենայի մասնակցությամբ հերթական ավտովթարն է տեղի ունեցել Երևանում։ Ժամը 19:30-ի սահմաններում Կոմիտասի պողոտա-Վաղարշյան փողոցի խաչմերուկում բախվել են շտապօգնության «Toyota Hiace» մակնիշի և «Ford» մակնիշի ավտոմեքենաները։ Ըստ նախնական տեղեկությունների, տուժածներ չկան։ Ինչպես հայտնում է shamshyan.com-ը, բախման հետևանքով շտապօգնության ավտոմեքենան դուրս է եկել երթևեկելի գոտուց, բախվել բազալտե եզրաքարին, կոտրել այն, անցել հետիոտնի համար […] ...
