17:07 29.05.2019
Քիչ առաջ հայտնի դարձավ, որ Արագածավան գյուղի հողօգտագործողները փակել են գյուղի միջպետական ավտոճանապարհը՝ դժգոհելով ոռոգման ջրի սակագներից։ Գյուղացիները նշում են, որ ՋՈՄ-ը որոշել է ոռոգման ջրի դիմաց հեկտարի փոխարեն գանձվող գումարը հաշվարկել ըստ լիտրի։ Այսինքն` այն դեպքում, երբ գյուղացին իր 1 հա հողատարածքը ոռոգելու համար վճարում է առանց այդ էլ բարձր սակագին՝ 100 000 դրամ, ապա լիտրի պարագայում սակագինն ահռելի չափով կբարձրանա։ Ավտոճանապարհը փակած քաղաքացիներն ընդգծում են՝ եթե պատկան մարմինները չարձագանքեն, կփակեն նաև Երևան-Գյումրի երկաթգիծը։
SHANTNEWS.am-ի հետ զրույցում հողօգտագործողներից Նարեկ Հովհաննիսյանը նշեց, որ մոտ 15 օր առաջ իրենք այս հարցը կրկին բարձրաձայնել են, նման պատմություն եղել է, և այն ժամանակ եկել, ասել են, որ մեկ հեկտարը կոռոգեն 13500 դրամով, բայց չի փոխվել ոչինչ, և շարունակում են ոռոգել լիտրով:
«Հիմա մեկ հեկտարը ոռոգում ենք 30-50 հազար դրամով, այսինքն` մենք աշխատում ենք պետության համար: Մենք վարկ ենք վերցնում ու տալիս ենք պետությանը, և այդքան եկամուտ չենք ստանում: Մի հեկտարը երկու անգամ ոռոգելով կազմելու է 100 հազար դրամ, բայց մենք այդտեղից հանելու ենք ընդամենը 100-150 տուկ խոտ, որը լավագույն դեպքում կազմելու է 120 հազար դրամ: Մենք դրանով հողի հա՞րկը տանք, ջրի գումա՞րը տանք, թե՞ եկամուտ ունենանք»,- ասել է Նարեկը և նշել, որ ջուրն ինքնահոս է գալիս ու ճանապարհին ջրային ռեսուրսի զգալի կորուստներ են լինում:
Ջրի կորստի հարցը գումարային առումով պետությունը հանում է ՋՈՄ-ից, բայց վերջինս չի հանում գյուղացու վրայից: Հողօգտագործողները պահանջում են, որ հստակ սակագին սահմանեն հեկտարի համար, որ գյուղացին էլ իմանա, թե ինչի համար է այդքան աշխատում:
«Կարող ա ջրայինի աշխատողը գա, նայի սիրուն աչքեր ունեք, քեզ ասի 15 հազար հեկտարը, իսկ մյուսին ասի` 50 հազար»,- նշեց Նարեկ Հովհաննիսյանը և հավելեց, որ այդ հարցով զանգել են գյուղնախարարի տեղակալին և վերջինս ասել է, որ այդ հարցով իրեն չանհանգստացնեն:
Այս պահին մոտ 150 հոգի փակել է միջպետական ճանապարհն ու երկաթգիծը, բեռնատարները կանգնած են ճանապարհին: Դեռևս պատկան մարմիններից ոչ մեկը չի եկել գյուղացիների հետ բանակցելու, միայն իրավապահ մարմիններից են եկել և ցանկանում են ցուցարարներին ցրել:
15:30 19.04.2025
Արարատի մարզում «Toyota Vitz»-ը դուրս է եկել երթևեկելի գոտուց և կողաշրջված հայտնվել դաշտում. կա տուժածԱյսօր՝ ապրիլի 19-ին, ավտովթար է տեղի ունեցել Արարատի մարզում: Ժամը 14:00-ի սահմաններում Երևան-Երասխ ավտոճանապարհի 51 կմ հատվածում` Արարատ գյուղի վարչական տարածքում, «Toyota Vitz» մակնիշի ավտոմեքենան դեռևս անհայտ հանգամանքներում դուրս է եկել երթևեկելի գոտուց և կողաշրջված հայտնվել դաշտում: Ինչպես հայտնում է shamshyan.com-ը, վթարի հետևանքով 1 հոգի տեղափոխվել է «Արարատ» բժշկական կենտրոն: Վթարի փաստով քննչական բաժնում նախաձեռնվել […] ...
15:22 19.04.2025
Մարտական ատրճանակով` մարզադաշտում. Կոտայքի համայնքային ոստիկանները ձերբակալել են զինված երիտասարդինԱպրիլի 16-ին Համայնքային ոստիկանության Կոտայքի բաժում ստացվել է օպերատիվ տեղեկություն, որ Աբովյան քաղաքի մարզադաշտում գտնվող քաղաքացու մոտ կա մարտական ատրճանակ: Նույն օրը` ժամը 19:30-ին, համայնքային ոստիկանները ձերբակալել և Կոտայքի բաժին են տեղափոխել Կոտայքի մարզի Քասախ գյուղի բնակիչ 29-ամյա երիտասարդին: Նրա պայուսակում հայտնաբերվել է «Մակարով» ատրճանակ՝ լիցքավորված 7 փամփուշտով, նաև` մարիխուանա տեսակի թմրանյութի նմանվող զանգվածով փաթեթ […] ...
15:11 19.04.2025
Փրկարարները հայտնաբերել են Դիլիջանի անտառներում մոլորված քաղաքացունԱպրիլի 19-ին՝ ժամը 12:20-ին, Տավուշի մարզային փրկարարական վարչության ճգնաժամային կառավարման կենտրոն օտարերկրյա քաղաքացուց ահազանգ է ստացվել, որ ինքը Դիլիջանի անտառներում ընկել և հավանաբար կոտրել է ոտքը, չի կարողանում ինքնուրույն տեղաշարժվել, չգիտի իր գտնվելու վայրը․ անհրաժեշտ է փրկարարների օգնությունը: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Փրկարարներն օպերատիվ գործողությունների […] ...
14:50 19.04.2025
Ինչո՞ւ ձախողեց հին Հանրային խորհուրդը, ինչո՞ւմ կհաջողի նորը. Հեռանկար բանավեճԱյս շաբաթ իր աշխատանքը սկսեց Հանրային նոր խորհուրդը: Գործընթացը վերջնականացավ խորհրդի նախագահի նշանակմամբ: Այս կառույցը ստեղծվեց 2008 թվականին, բայց ավելի քան 3 տարի այն գրեթե չէր գործում: Կառավարությունը որոշեց ցրել խորհրդի հին կազմն ու նորը ձևավորել՝ նոր գործառույթով: Բայց արդյո՞ք անհրաժեշտ է հանրային նման կառույցի գործունեությունը և ինչո՞ւ: Այս ու այլ հարցեր «Հեռանկար բանավեճ»-ի տաղավարում […] ...
14:35 19.04.2025
Ալմա-Աթայի փողոցի հարակից տարածքում գտնվող զբոսայգին անվանակոչվել է ղազախ բանաստեղծ Աբայ Կունանբաևի անունովՀայաստանում Ղազախստանի մշակույթի օրեր են։ ՀՀ կրթության, գիտության, մշակույթի և սպորտի նախարար Ժաննա Անդրեասյանի և Ղազախստանի մշակույթի և տեղեկատվության նախարար Աիդա Բալաևայի մասնակցությամբ կայացել է Երևանի Ավան վարչական շրջանի Ալմա-Աթայի փողոցի հարակից տարածքում գտնվող զբոսայգու անվանակոչման արարողությունը։ Ի պատիվ ղազախ բանաստեղծ, լուսավորական շարժման ներկայացուցիչ, գրականության ու փիլիսոփայության անվանի գործիչ, ղազախական գրականության հիմնադիր Աբայ Կունանբաևի՝ զբոսայգում […] ...
