14:45 25.05.2019
Քաղաքաշինության կոմիտեի աշխատանքային խումբը, որը հաշվառում է Շիրակի, Լոռիի և Արագածոտնի մարզերի ոչ հիմնական շինությունները, այսօր հերթական նիստն է անցկացրել Գյումրիում: Նիստի ընթացքում ներկայացվել են ոչ հիմնական շինությունների նոր թվային տվյալները, համաձայն որոնց` Շիրակի մարզում կա 3253 տնակ, որից 2871-ը` Գյումրիում:
Այս թիվը, Գյումրիի քաղաքապետարանի ներկայացրած նախորդ տվյալների համեմատ, ավելի է 34-ով, և հիմա հանձնաժողովը պարզելու է, թե ինչի արդյունքում է Գյումրիում տնակների թիվն ավելացել: Առայժմ վերջնական չեն կադաստրի և անձնագրային բաժինների տրամադրած տվյալները տնակներում ապրող ընտանիքների մասին:
Աշխատանքային խումբը 3 մարզերի 28 հազար անձի մասին է հարցում կատարել, բայց տվյալներ ստացվել են միայն 3253-ի համար: Կադաստրային տվյալների բազան այս կառույցը խոստացել է ներկայացնել մինչև հունիսի 15-ը: Աշխատանքային խումբը ուսումնասիրում է նաև Գյումրիում անօթևանության խնդրի լուծման առաջարկները, որոնք ներկայացրել է 2 հասարակական կազմակերպություն: Մասնավորապես, առաջարկներից մեկը վերաբերում է ոչ թե տնակների, այլ անօթևանների հաշվառմանը: Իսկ այս ուսումնասիրությունների վերջնարդյունքը լինելու է անօթևանության խնդրի լուծման տարբերակի ընտրությունը: Քաղաքաշինության կոմիտեի նախագահ Վահագն Վերմիշյանը նշել է, որ ինքը կողմնակից է Գյումրիում բնակարանաշինական ծրագիրն:
«Իհարկե վարչապետինն է վերջնական որոշումը, բայց իմ հակվածությունը ավելի շատ սոցիալական բնակարանների ապահովումն է, որովհետև սոցիալապես գերզարգացած երկներում՝ Նորվեգիայում, Շվեդիայում, Ֆինլանդիայում, բնակչության 20 տոկոսը բնակվում է սոցիալական բնակարաններում, և դա նորմա է»,- ասել է քաղաքաշինության կոմիտեի նախագահ Վահագն Վերմիշյանը:
Նա նաև խոսել է հնարավոր այն ժամկետներից, երբ հնարավոր կլինի Շիրակում, Լոռիում և Արագածոտնում լուծել անօթևանության խնդիրը: Ըստ Վերմիշյանի`այս պրոցեսը երկարաժամկետ է.
«Ֆինանսավորումը ո՞նց կստացվի, հավանաբար, կառավարությունը կգտնի համապատասխան միջոցներ գոնե ինչ-որ տարաժամկետ մի քանի տարիների, ասենք 10 տարվա ընթացքում այս հարցը լուծի: Սա շատ երկար ժամկետ է, ես կուզեի, որ մի սեզոնի մեջ լուծեինք, դա իմ երազանքն է, բայց ունենք այն, ինչ ունենք»,- նշել է Վահագն Վերմիշյանը:
Հիշեցնենք, որ 3 մարզերի ոչ հիմնական շինությունները հաշվառելու մասին որոշումը կայացվել էր 2018-ի դեկտեմբերի 7-ին՝ Գյումրիում կառավարության արտագնա նիստի ընթացքում, իսկ այս գործընթացի վերջնաժամկետ սահմանված է հունիսի 30-ը:
16:42 04.04.2025
Գեղարքունիքի մարզի պարեկներն ապօրինի թմրաշրջանառության դեպքեր են բացահայտելՀանցագործությունների, այդ թվում՝ ապօրինի թմրաշրջանառության դեմ Գեղարքունիքի պարեկների պայքարը շարունակում է դրական արդյունքներ տալ։ Ներկայացնենք մարտի 31-ից ապրիլի 3-ն ընկած ժամանակահատվածում բացահայտումներից մի քանիսը: Գեղարքունիքի պարեկները մարտի 31-ին Երևան-Սևան-Իջևան ճանապարհին ծառայություն իրականացնելիս, թմրամիջոց պահելու և օգտագործելու կասկածանքով, ձերբակալել ու մեքենայով հանդերձ՝ Համայնքային ոստիկանության Սևանի բաժին են ներկայացրել Ճամբարակի 24-ամյա մի բնակչի։ Բաժնում երիտասարդը ներկայացրել է […] ...
16:36 04.04.2025
Ռուբիոն կարծում է, որ ԱՄՆ Կոնգրեսը կպահանջի Ռուսաստանի դեմ պատժամիջոցների խստացումԱՄՆ պետքարտուղար Մարկո Ռուբիոն կարծում է, որ ԱՄՆ Կոնգրեսը ճնշում կգործադրի նախագահ Դոնալդ Թրամփի վարչակազմի վրա՝ Ռուսաստանի դեմ պատժամիջոցները խստացնելու համար։ «Կապիտոլիումից կավելացվի ճնշումը պատժամիջոցները մեծացնելու համար, և մենք չենք կարողանա կանխել դա, եթե առաջընթաց չգրանցենք խաղաղ կարգավորման հարցում (Ուկրաինայում)», – ասել է նա Բրյուսելում ՆԱՏՕ-ի արտաքին քաղաքականության ղեկավարների հանդիպման արդյունքներով կայացած մամուլի ասուլիսում։ Ռուբիոն […] ...
16:33 04.04.2025
Ալեքսանդր Օվեչկինը NHL-ում նետել է 891-րդ տափօղակըՀոկեյի ազգային լիգայի (NHL) կանոնավոր առաջնության հերթական խաղում «Վաշինգտոն Քեփիթալզը» հյուրընկալվելիս 4-3 հաշվով հաղթել է «Բոսթոն Բրյուինզին»: Մայրաքաղաքային թիմի կազմում այս մրցաշրջանում 38-րդ տափօղակն է նետել Ալեքսանդր Օվեչկինը: 39-ամյա ռուս հարձակվողը գոլերի քանակը հասցրել է 891-ի: Բոլոր ժամանակների գլխավոր ռմբարկու Ուեյն Գրեցկիի ռեկորդը գերազանցելու համար Օվեչկինին պետք է աչքի ընկնել ևս 4 անգամ: Լեգենդար Գրեցկին […] ...
16:27 04.04.2025
Ռյուտե. ԱՄՆ-ը կշարունակի զենք մատակարարել ՈւկրաինայինՆԱՏՕ-ի գլխավոր քարտուղար Մարկ Ռյուտեն հայտարարել է, որ ԱՄՆ-ից զենքի և հետախուզական տվյալների հոսքը Ուկրաինա կշարունակվի, չնայած այն բանին, որ ամերիկյան կողմը չի մասնակցի ապրիլի 11-ին Բրյուսելում Ուկրաինայի հարցով կոնտակտային խմբի հանդիպմանը։ «Ոչինչ չի փոխվի: ԱՄՆ-ի օգնության և հետախուզական տվյալների հոսքը կշարունակվի»,- ասել է նա ՆԱՏՕ-ի արտգործնախարարների հանդիպման արդյունքներով կայացած մամուլի ասուլիսում: Ավելի վաղ ՆԱՏՕ-ի […] ...
16:24 04.04.2025
Առանձնապես խոշոր չափերով կաշառք ստանալուն օժանդակելու և կաշառք տալու մեջ մեղադրվող դատավորի օգնականի ու համայնքի վարչական ղեկավարի վերաբերյալ վարույթով նախաքննությունն ավարտվել էՀՀ հակակոռուպցիոն կոմիտեում Ազգային անվտանգության ծառայությունից ստացված նյութերի հիման վրա նախաձեռնված քրեական վարույթով պարզվել է, որ ընդհանուր իրավասության դատարանի դատավորի օգնականը օժանդակել է ՀՀ դատական իշխանության ներկայացուցչի կողմից առանձնապես խոշոր չափերով կաշառք ստանալուն՝ նույն մարզի համայնքի վարչական ղեկավարի մատնանշած անձի օգտին բարենպաստ վճիռ կայացնելու համար: Մասնավորապես՝ նախաքննությամբ հիմնավորվել է, որ ՀՀ դատական իշխանության պաշտոնատար անձը, […] ...
16:15 04.04.2025
Մհեր Գրիգորյանն ու Մագդալենա Գրոնոն քննարկել են տարածաշրջանում հաղորդակցությունների և տնտեսական կապերի ապաշրջափակման համար առկա հնարավորություններըՓոխվարչապետ Մհեր Գրիգորյանն ընդունել է Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցիչ Մագդալենա Գրոնոյին: Հանդիպմանը ներկա էր նաև Հայաստանում ԵՄ պատվիրակության ղեկավար, դեսպան Վասիլիս Մարագոսը: Հանդիպման ընթացքում զրուցակիցները մտքեր են փոխանակել տարածաշրջանային զարգացումների շուրջ, քննարկվել են սահմանազատման գործընթացի ընթացքը և տարածաշրջանում բոլոր հաղորդակցությունների և տնտեսական կապերի ապաշրջափակման համար առկա հնարավորությունները: ...
