15:52 22.05.2019
Հայաստանի ԳԱԱ կենդանաբանության և հիդրոէկոլոգիայի գիտական կենտրոնի տնօրեն Բարդուխ Գաբրիելյանն այսօր անդրադարձել է սիգի որսին:
«Ինչպես գիտեք, ամեն տարի մենք մեր ուսումնասիրություններն ավարտում ենք հոկտեմբեր ամսին և տարվա վերջ տալիս ենք արդյունքները: Բայց որսը շարունակվում է նաև հոկտեմբերից հետո՝ Ամանորին, Զատկին, և մեր տված թվերը կարող են տարբերվել, հատկապես գարնանը: Լավ կլիներ գարնանը ևս ճշգրտել»,- ասել է Գաբրիելյանը՝ հիշեցնելով, որ ԲՆ մտադիր է այս տարի թույլատրել որոշակի քանակի որս:
Ըստ Գաբրիելյանի՝ իրենք տվել են խորհուրդներ, թե ինչպես է պետք որսը կատարել: Խնդիրն այն է, որ այս տարի սիգի պաշարների ուսումնասիրությունների համար տենդեր չի հայտարարվել:
«Մեկնաբանությունը, որ հատկացվող գումարը բավարար չէ, ուստի ընդհանրապես պետք է չտրամադրվի, հիմնավոր չէ, կարող էինք 7 մլն տրամադրել միայն սիգի պաշարների ուսումնասիրմանը: Ինչ վերաբերում է որսին, տարվա վերջին մենք տվել ենք եզրակացությունը, որ պետք է արգելքը շարունակվի: Մինչև 1000 տոննա չհասնի, մենք գտնում ենք, որ չպետք է թույլատրվի: Եթե 150 տոննա թույլատրվի, դրա անվան տակ կսկսեն ավելին որսալ, նույն բանն է ստացվում»,- ասել է Գաբրիելյանը:
Հիշեցնենք, որ որոշ ժամանակ առաջ SHANTNEWS.am-ի հարցին պատասխանելով` ՀՀ բնապահպանության նախարար Էրիկ Գրիգորյանն անդրադարձել է այն լուրերին, թե բնապահպանության նախարարությունը մտադիր է այս տարի պաշտոնապես թույլատրել սիգի որսը.
«2019 թվականի համար արդեն հետազոտություններն արված և տրամադրված էին: Ակադեմիայի կողմից սիգի համար տրամադրված է պիլոտային 150 տոննա, որ կարող ենք որսը հայտարարել: Բայց կրկին ես ուզում եմ, որպեսզի մենք ազնիվ լինենք, սիգի պաշարների հետ կապված կան որոշակի պաշարներ, բայց ինչ-ինչ պատճառներով օրինական դաշտ չի մտել: Կիսաօրինական կամ անօրինական ձկնորսությամբ զբաղվողները սիգը հենց հիմա Սևանի ավազանում վաճառում են 30, 40, 50 դրամով, չնայած, որ այդ ձուկը Երևանի ռեստորաններում վաճառվում է 2000 կամ 3000 դրամով»,- ասել է նախարարը:
Էրիկ Գրիգորյանը նաև հույս է հայտնել, որ փոփոխության արդյունքում սիգը չի վաճառվի 30 դրամով:
SHANTNEWS.am-ի հարցին, թե ինչպե՞ս է վերահսկվելու, որ հենց 150 տոննայի որս լինի, նախարարը պատասխանեց.
«Նախագիծը նախատեսում է նաև որոշակի հսկման և մոնիթորինգի գործիքներ: Մեր նպատակն այս պահին այն է, որպեսզի հասկանանք, թե կայուն օգտագործման պարագայում ինչ կարող ենք կանխատեսել: Մեր խնդիրն է, որպեսզի ձվադրման ժամանակահատվածում ընդհանրապես չլինի, որպեսզի մանրաձկան ժամանակ մանր ցանցերով չլինի և կարգավորվի»:
14:35 19.04.2025
Ալմա-Աթայի փողոցի հարակից տարածքում գտնվող զբոսայգին անվանակոչվել է ղազախ բանաստեղծ Աբայ Կունանբաևի անունովՀայաստանում Ղազախստանի մշակույթի օրեր են։ ՀՀ կրթության, գիտության, մշակույթի և սպորտի նախարար Ժաննա Անդրեասյանի և Ղազախստանի մշակույթի և տեղեկատվության նախարար Աիդա Բալաևայի մասնակցությամբ կայացել է Երևանի Ավան վարչական շրջանի Ալմա-Աթայի փողոցի հարակից տարածքում գտնվող զբոսայգու անվանակոչման արարողությունը։ Ի պատիվ ղազախ բանաստեղծ, լուսավորական շարժման ներկայացուցիչ, գրականության ու փիլիսոփայության անվանի գործիչ, ղազախական գրականության հիմնադիր Աբայ Կունանբաևի՝ զբոսայգում […] ...
14:16 19.04.2025
Նախագահ Վահագն Խաչատուրյանն ընդունել է Ղազախստանի մշակույթի և տեղեկատվության նախարար Աիդա ԲալաևայինՀանրապետության նախագահ Վահագն Խաչատուրյանը ընդունել է Ղազախստանի մշակույթի և տեղեկատվության նախարար Աիդա Բալաևային: Նախարարի գլխավորած պատվիրակությունը մեր երկրում է գտնվում ապրիլի 18-19-ին Հայաստանում Ղազախստանի մշակութային օրերի միջոցառումներին մասնակցելու շրջանակում: Ողջունելով նախարարին՝ նախագահ Խաչատուրյանը ընդգծել է, որ նման այցերը ոչ միայն խորացնում են երկկողմ կապերը, այլև նոր շունչ են հաղորդում ժողովուրդների միջև բարեկամական հարաբերությունների զարգացմանը։ Նա […] ...
13:58 19.04.2025
Հռոմում մեկնարկել է ԱՄՆ-ի և Իրանի միջև բանակցությունների երկրորդ փուլըՀռոմում մեկնարկել է ԱՄՆ-ի և Իրանի միջև Թեհրանի միջուկային ծրագրի շուրջ ստեղծված ճգնաժամի կարգավորման բանակցությունների երկրորդ փուլը։ Այս մասին հայտնում է Իրանի պետական հեռարձակողը, փոխանցում է ՏԱՍՍ-ը: Խորհրդակցությունները անցկացվում են Օմանի դեսպանի նստավայրում։ Ավելի վաղ Իրանի ԱԳ նախարարության պաշտոնական ներկայացուցիչ Էսմայիլ Բաղային հայտնել էր, որ Իտալիայի մայրաքաղաքում անուղղակի բանակցություններ կանցկացվեն Օմանի ԱԳ նախարարի միջնորդությամբ։ ...
13:50 19.04.2025
Այսօր կկայանան վերջին տուրի հանդիպումները. Հոկեյի ԱԱԱյսօր Երևանում կկայանա տափօղակով հոկեյի Աշխարհի IV դիվիզիոնի առաջնության վերջին տուրը։ Հայաստանի հավաքականն ԱԱ-ի շրջանակում վերջին հանդիպումը կանցկացնի՝ մրցելով Ինդոնեզիայի հետ։ Հանդիպումը կմեկնարկի 17։00-ին։ Այսօրվա հանդիպումների ժամանակացույցը․ Մալայզիա — Ուզբեկստան / 14։00 Հայաստան — Ինդոնեզիա / 17։00 Իրան — Քուվեյթ / 20։00 Հայաստանի հավաքականն ունի 9 միավոր և երկրորդն է մրցաշարային աղյուսակում, իսկ առաջատարն Ուզբեկստանի […] ...
13:33 19.04.2025
Իրանի ԱԳ նախարարը ժամանել է ՀռոմԻրանի ԱԳ նախարար Աբբաս Արաղչին ժամանել է Իտալիայի մայրաքաղաք Հռոմ՝ մասնակցելու Միացյալ Նահանգների հետ բանակցությունների երկրորդ փուլին։ Ինչպես տեղեկացնում է իրանական IRNA գործակալությունը, Թեհրանն ու Վաշինգտոնը բանակցություններ են վարում Իսլամական Հանրապետության քաղաքացիական միջուկային ծրագրի և Իրանի դեմ ամերիկյան պատժամիջոցների դադարեցման շուրջ քննարկումների համար: ...
13:22 19.04.2025
Առաջիկա օրերի եղանակային կանխատեսումըՀանրապետության տարածքում ապրիլի 19-ի ցերեկը սպասվում է առանց տեղումների եղանակ։ Ապրիլի 20-24-ին առանձին շրջաններում սպասվում է կարճատև անձրև և ամպրոպ։ Քամին՝ հարավարևմտյան՝ 2-5մ/վ: Ապրիլի 21-24-ին առանձին վայրերում սպասվում է քամու ուժգնացում՝ 14-18մ/վ արագությամբ։ Օդի ջերմաստիճանն ապրիլի 19-ի ցերեկը, 20-22-ին աստիճանաբար կբարձրանա 3-5 աստիճանով։ Երևան քաղաքում ապրիլի 19-ի ցերեկը սպասվում է առանց տեղումների եղանակ։ Ապրիլի 20-24-ին […] ...
