Աշխարհահռչակ լուսանկարներ, որոնց հեղինակները հայեր են

Ճիշտ պահին արված կադրը կարող է հեղինակին հասցնել փառքի գագաթնակետին և համաշխարհային ճանաչում ապահովել:

Հայ լուսանկարիչների գործերը բազմիցս արժանացել են ուշադրության ու ստացել են բազում հեղինակավոր մրցանակներ:

Առանձնացնենք մի քանի լուսանկար, որոնք արվել են հայ լուսանկարիչների կողմից:

Օբաման հաղթանակից հետո

2011-ին նախագահական ընտրություններում հաղթանակից հետո Բարաք Օբաման հրապարկել էր կնոջ հետ այս հաղթական լուսանկարը, որը համացանցում միանգամից հայտնի էր դարձել և ռեկորդ սահմանել Twitter-ում: Լուսանկարի հեղինակը հայազգի ֆոտոլրագրող Սկաուտ Թուֆանկջյանն է: Նա հետագայում հարցազրույցում ասել է, որ անակնկալ է եղել, երբ որպես հաղթական լուսանկար տեսել է հենց իր աշխատանքը:

Չերչիլի լուսանկարն անգլիական թղթադրամի վրա

2016-ին Անգլիայի բանկը ներկայացրել է առաջին պլաստիկ թղթադրամի դիզայնը: 5 ֆունտանոցի վրա պատկերված է Ուինսթոն Չերչիլը: Նշենք, որ այդ նկարն արվել է 1941 թվականին, Յուսուֆ Քարշի կողմից: Նշենք, որ Յուսուֆը հայ է և 20-րդ դարի ընթացքում հասցրել է շատ այլ հայտնի առաջնորդների նկարել:

Սև ու սպիտակ Նազարբաևը

Այս լուսանկարն արվել է 2017 թվականին, ԱՊՀ երկրների գագաթնաժողովի ժամանակ: Ղազախստանի նախկին նախագահին լուսանկարել է Դավիթ Հակոբյանը: Լուսանկարն արված է «Խաղաքարտե տնակը» հայտնի քաղաքական դրամայի ոճի մեջ և կարճ ժամանակում տարածվել համացանցում:

Պուտինի էմոցիաները

Վլադիմիր Պուտինն է։ Նկարն արվել է 2013-ին՝ պետերբուրգցի հայտնի նկարիչ Ալեքսանդր Պետրոսյանի կողմից։ Դրանից հետո նրան նկարում են միայն հատուկ թույլտվություն ունեցողները, նախապես որոշված դիրքերից։

Երևանյան մետրոն` թավշյա հեղափոխության օրերին

The Sydney Morning Herald ավստրալական ամսագիրը հրապարակել էր 2018 թվականի ապրիլին Հայաստանում տեղի ունեցած իրադարձություններից արված լավագույն լուսանկարները, որոնց մեջ տեղ է գտել նաև PAN գործակալության լուսանկարիչ Կարո Սահակյանի այս լուսանկարը:

Կուբայական ավանդույթները` հայի աչքերով

2019-ի ապրիլին Ամստերդամում տեղի է ունեցել World Press Photo հայտնի լուսանկարչական մրցանակաբաշխությունը: «Ժամանակակից աշխարհի խնդիրները» անվանակարգում հաղթել է Դիանա Մարկոսյանի լուսանկարը, որն արվել է Կուբայում:

Հայ տատիկն ու հայելին

Հնագույն քաղաքների` Ռյազանում անցկացված ֆորումի կազմակերպիչները ֆոտոմրցույթի արդյունքների ավարտին որոշել են ֆորումի մասնակից քաղաքներում արված լավագույն լուսանկարները:

«Մարդիկ հնագույն քաղաքներում» անվանակարգում երկրորդ հորիզոնականում է հայտնվել «Կինը միշտ կին է» խորագրով լուսանկարը, որը նկարել է նկարիչ Արմեն Յենգոյանը:

Լուսանկարում Երևանի փողոցներից մեկում տարեց կինը զմայլվում է իրենով` նայելով հայելու մեջ: