14:59 18.05.2019
Ինչպես ավելի վաղ տեղեկացրել էինք, այսօր Թանգարանային գիշերն է: Բոլոր թանգարանների այսօրվա ցուցադրությունների օրակարգին կարող եք ծանոթանալ հետևյալ հղումով:
Իհարկե, թանգարանները շատ են, և կողմնորոշվելը դժվար է: Մինչ դուք կմտածեք, SHANTNEWS.am-ն առաջարկում է Ձեզ երթուղի, որին հետևելով` կարող եք այսօր այցելել մինչև 13 թանգարան և ներկա գտնվել հետաքրքիր միջոցառումների:
Թանգարաններով շրջայցը կարող եք սկսել 16:30-ին, Կոմիտասի թանգարան-ինստիտուտից, որտեղ ներկայացվելու է «Ապագայի մտածողը» ժամանակավոր ցուցադրությունը:
Այնուհետև տրանսպորտով կարող եք գնալ Ժամանակակից արվեստի թանգարան, որտեղ նոր մշտական ցուցադրություն է լինելու, և, իհարկե, յուրօրինակ լուսանկարներ կարող եք ունենալ այս թանգարանից:
Ժամանակակից արվեստի թանգարանը 18:00-ին լքում ենք և շարժվում Պուշկինի 70 հասցեում գտնվող Հակոբ Կոջոյանի և Արա Սարգսյանի տուն-թանգարան, որտեղ 18:30-19:30-ը բրուտագործության և կերպարվեստի վարպետության դասեր են լինելու: Կարող եք մնալ այստեղ ըստ ցանկության, բայց ամեն ինչ հասցնելու համար խորհուրդ ենք տալիս մի փոքր շտապել:
Բրուտագործություն «սովորելուց» հետո կարող եք գնալ սկզբում Մարտիրոս Սարյանի տուն-թանգարան, այնուհետև Հովհ. Թումանյանի թանգարան, որտեղ լինելու են մշտական ցուցադրությունները: Այսքանից հետո ճիշտ ժամանակն է ծանոթանալ նաև Արամ Խաչատրյանի թանգարանին, որը գտնվում է Սահմանադրական դատարանի մոտ:
Խաչատրյանական երաժշտական մթնոլորտից միանգամից պետք է տեղափոխվել ԳաֆէսՃեան արվեստի կենտրոն, որտեղ այցելուները «Ստեղծիր քո շրջայցը» ճանաչողական-ժամանցային առցանց հարթակի միջոցով կարող են ծանոթանալ թանգարանին:
Կասկադի տարածքում է գտնվում նաև Երվանդ Քոչարի թանգարանը, որտեղ առավոտյան 12:00-ից աշխատակիցներն իրականացնում են թեմատիկ էքսկուրսիաներ:
Այսքանից հետո, եթե ժամը 20:00-ն է կամ մի փոքր անց, ապա Հանրապետության հրապարակ հասնելու ժամանակն է, քանի որ Հայաստանի ազգային պատկերասրահում ժամը 20:00-ից մեկնարկելու է «Լեոնարդո դա Վինչի. հեքիաթներ, լեգենդներ, առակներ» ընթերցումը, որը նվիրված է մեծ արվեստագետի մահվան 500-ամյակին:
Այնուհետև, եթե ժամանակ գտնեք, ապա կարող եք շրջել Գրականության և արվեստի թանգարանում, որը գտնվում է հենց հարևանությամբ:
Իսկ օրը կարող եք ամփոփել Էրեբունի պատմահնագիտական արգելոց-թանգարանում, որտեղ 21:00-ից «Այրոգի» ստվերների թատրոնի ներկայացում է լինելու, իսկ 22:00-ից մինչև 24:00-ն սպասվում է գիշերային զբոսանք ամրոցի տարածքում:
Հիշեցնենք, որ այսօր մետրոն արտակարգ աշխատելու է արտակարգ ռեժիմով:
Ստորև ներկայացնում ենք քարտեզ, որը ձեզ կօգնի հասնել մեր նշած թանգարաններ:
Ուրախ ժամանց:
14:16 19.04.2025
Նախագահ Վահագն Խաչատուրյանն ընդունել է Ղազախստանի մշակույթի և տեղեկատվության նախարար Աիդա ԲալաևայինՀանրապետության նախագահ Վահագն Խաչատուրյանը ընդունել է Ղազախստանի մշակույթի և տեղեկատվության նախարար Աիդա Բալաևային: Նախարարի գլխավորած պատվիրակությունը մեր երկրում է գտնվում ապրիլի 18-19-ին Հայաստանում Ղազախստանի մշակութային օրերի միջոցառումներին մասնակցելու շրջանակում: Ողջունելով նախարարին՝ նախագահ Խաչատուրյանը ընդգծել է, որ նման այցերը ոչ միայն խորացնում են երկկողմ կապերը, այլև նոր շունչ են հաղորդում ժողովուրդների միջև բարեկամական հարաբերությունների զարգացմանը։ Նա […] ...
13:58 19.04.2025
Հռոմում մեկնարկել է ԱՄՆ-ի և Իրանի միջև բանակցությունների երկրորդ փուլըՀռոմում մեկնարկել է ԱՄՆ-ի և Իրանի միջև Թեհրանի միջուկային ծրագրի շուրջ ստեղծված ճգնաժամի կարգավորման բանակցությունների երկրորդ փուլը։ Այս մասին հայտնում է Իրանի պետական հեռարձակողը, փոխանցում է ՏԱՍՍ-ը: Խորհրդակցությունները անցկացվում են Օմանի դեսպանի նստավայրում։ Ավելի վաղ Իրանի ԱԳ նախարարության պաշտոնական ներկայացուցիչ Էսմայիլ Բաղային հայտնել էր, որ Իտալիայի մայրաքաղաքում անուղղակի բանակցություններ կանցկացվեն Օմանի ԱԳ նախարարի միջնորդությամբ։ ...
13:50 19.04.2025
Այսօր կկայանան վերջին տուրի հանդիպումները. Հոկեյի ԱԱԱյսօր Երևանում կկայանա տափօղակով հոկեյի Աշխարհի IV դիվիզիոնի առաջնության վերջին տուրը։ Հայաստանի հավաքականն ԱԱ-ի շրջանակում վերջին հանդիպումը կանցկացնի՝ մրցելով Ինդոնեզիայի հետ։ Հանդիպումը կմեկնարկի 17։00-ին։ Այսօրվա հանդիպումների ժամանակացույցը․ Մալայզիա — Ուզբեկստան / 14։00 Հայաստան — Ինդոնեզիա / 17։00 Իրան — Քուվեյթ / 20։00 Հայաստանի հավաքականն ունի 9 միավոր և երկրորդն է մրցաշարային աղյուսակում, իսկ առաջատարն Ուզբեկստանի […] ...
13:33 19.04.2025
Իրանի ԱԳ նախարարը ժամանել է ՀռոմԻրանի ԱԳ նախարար Աբբաս Արաղչին ժամանել է Իտալիայի մայրաքաղաք Հռոմ՝ մասնակցելու Միացյալ Նահանգների հետ բանակցությունների երկրորդ փուլին։ Ինչպես տեղեկացնում է իրանական IRNA գործակալությունը, Թեհրանն ու Վաշինգտոնը բանակցություններ են վարում Իսլամական Հանրապետության քաղաքացիական միջուկային ծրագրի և Իրանի դեմ ամերիկյան պատժամիջոցների դադարեցման շուրջ քննարկումների համար: ...
13:22 19.04.2025
Առաջիկա օրերի եղանակային կանխատեսումըՀանրապետության տարածքում ապրիլի 19-ի ցերեկը սպասվում է առանց տեղումների եղանակ։ Ապրիլի 20-24-ին առանձին շրջաններում սպասվում է կարճատև անձրև և ամպրոպ։ Քամին՝ հարավարևմտյան՝ 2-5մ/վ: Ապրիլի 21-24-ին առանձին վայրերում սպասվում է քամու ուժգնացում՝ 14-18մ/վ արագությամբ։ Օդի ջերմաստիճանն ապրիլի 19-ի ցերեկը, 20-22-ին աստիճանաբար կբարձրանա 3-5 աստիճանով։ Երևան քաղաքում ապրիլի 19-ի ցերեկը սպասվում է առանց տեղումների եղանակ։ Ապրիլի 20-24-ին […] ...
13:12 19.04.2025
Այսօր երեկոյան եկեղեցիներում կմատուցվի Ճրագալույցի Սուրբ ՊատարագՍուրբ Հարության տոնը՝ Զատիկը, այս տարի սկսվում է ապրիլի 19-ի երեկոյան, երբ, ըստ եկեղեցական կարգի, օրը փոխվում է: Շաբաթ երեկոյան եկեղեցիներում մատուցվում է Ճրագալույցի Սուրբ Պատարագ: Ճրագալույց նշանակում է ճրագ լուցանել, այսինքն՝ ճրագ, մոմ վառել: Այդպես է կոչվում երեկոյան Պատարագը, որը Հայ Եկեղեցում կատարվում է Սուրբ Ծննդյան և Սուրբ Հարության տոներին նախորդող օրվա երեկոյան: Ճրագալույցի […] ...
