18:44 23.04.2019
Ավագանու «Լույս» խմբակցության անդամ Անի Խաչատրյանը հարց ուղղեց քաղաքապետին այն մասին, թե «Սանիթեքի» հետ պայմանագիրը լուծարվելո՞ւ է, թե՞ ոչ: Հայկ Մարությանը պատասխանեց.
«Այս պարտականությունները կատարելու համար ստեղծվում է մարմին, մեր միակ պահանջը մաքուր Երևանն է, եթե ընկերությունը կարող է ապահովել, ուրախ կլինենք, եթե ոչ, մեր պարտականությունն է դա ապահովել»:
Ավելի լուրջ էր հարցուպատասխանը նույն խմբակցության անդամ Թեհմինա Վարդանյանի հետ, ում հարցը Նուբարաշենի աղբավայրի, քաղաքի աղբամանների ու աղբահանությանը վերաբերող այլ խնդիրների շուրջ բավական երկար էր, ուստի քաղաքապետը ընդհատեց. «Սա հարց է, չէ՞, թե՞ ելույթ, նմանվում է ելույթի», որին ի պատասխան` Վարդանյանն ասաց.
«Ես երկու րոպե ունեմ հարց տալու համար. ես հասկանում եմ, որ իմ հարցը ներվայնացնում է ձեզ, բայց ես երկու րոպե ժամանակ ունեմ, ժամանակ պահե´ք և հետևե´ք ժամանակին: 6 ամիս շարունակ բանակցել եք, ես ավագանու դահլիճում եմ հարց հնչեցրել, ասել եք` գտնվում ենք քննարկումների փուլում, հրապարակե´ք հանրությանը նամակները, ես չեմ կարող մի ամիս սպասել, մինչև քաղաքապետարանը բարեհաճի պատասխանել»:
Հայկ Մարությանն արձագանքեց. «Խնդրո´ւմ եմ, լղոզելու մեխանիզմը չշարունակել, բազմաթիվ հարցեր կային, մեկ հարց տվեք», ինչին Վարդանյանը արձագանքեց.
«Խնդրո´ւմ եմ, հարգելի´ լրագրողներ, ֆիքսե´ք, որ քաղաքապետը հրաժարվում է պատասխանից, դո´ւրս եկեք մանկապարտեզի տարիքից»:
Հայկ Մարությանը, անդրադառնալով հարցին, ասաց.
«Տիկի´ն Վարդանյան, խնդրո´ւմ եմ մնալ կոռեկտության սահմաններում, մեկ հարցի իրավունք ունեք, ձևակերպե´ք այնպես, որ հասկանալի լինի, 3 լղոզված հարց եք տալիս, մարդ չգիտի` որին պատասխանի: Կապված աղբավայրի հետ, ցավում եմ, եթե չգիտեք, մենք նոր աղբավայր ենք կառուցում, մրցույթը հայտարարված է, երկու-երեք ամսում պետք է կառուցվի, սա մեծ ծրագիր է, 26 մլն եվրոյի չափով: 10 մլն-ը դրամաշնորհ է, սրա մասին գիտի և հանրությունը և շահագրգիռ անձինք և ավագանին: Ինչ վերաբերում է աղբահանությանը, պարզ պրոցեսներ են գնում, ցավոք, երբ մենք եկանք, ավագանու անդամների, բոլորիս մասին է խոսքը, արդեն Երևան քաղաքը շատ մեծ ու լուրջ խնդիրներ ուներ, որոնց սահմանները անցել էին ու նրա շնորհիվ, որ մեկ ընկերություն էր աշխատում: Լուծումը տալիս ենք: Եթե ինչ-որ մեկը մտածում է, որ մենք հապճեպ սխալներ անելով պետք է լուծենք, սխալվում է, մենք հանգիստ գնում ենք»:
Ապա, դարձյալ դիմելով Թեհմինա Վարդանյանին, ասաց.
«Եթե դուք ելույթ ունենայիք դատարանում, հանրությունը կմտածեր, որ «Սանիթեքի» ներկայացուցիչն եք ու պաշտպանում եք իրենց շահերը»:
Վարդանյանը պատասխանեց. «Հենց այս մանիպուլյացիայի մասին էր խոսքը, ի՞նչ է նշանակում` «Սանիթեքի» իրավաբանն եք, ես թույլ չեմ տվել նման բանում մեղադրել, ասում եմ՝ ասե´ք, թե ինչի մասին են քննարկումները»:
09:40 11.04.2025
Դոմինիկյան Հանրապետությունը երեք օրով երկարաձգել է սուգը գիշերային ակումբում հրաձգության պատճառովԴոմինիկյան Հանրապետության նախագահ Լուիս Աբինադերը ևս երեք օրով երկարացրել է ազգային սուգը Jet Set գիշերային ակումբում տեղի ունեցած ողբերգությունից հետո, որի հետևանքով զոհվել է 221 մարդ՝ ըստ վերջին տվյալների։ Այս մասին հայտնում է տեղական Diario Libre թերթը։ Ըստ Սանտո Դոմինգոյի արտակարգ իրավիճակների ծառայության, որը նույնպես մեջբերում է թերթը, գիշերային ակումբի տանիքի փլուզումից հետո փրկարարական աշխատանքները […] ...
09:35 11.04.2025
Սի Ծինփինը ապրիլի 14-18-ը կայցելի Վիետնամ, Մալայզիա և ԿամբոջաՉինաստանի նախագահ Սի Ծինփինը ապրիլի 14-18-ը պետական այցեր կկատարի Վիետնամ, Մալայզիա և Կամբոջա։ Այս մասին հայտնում է Չինաստանի արտաքին գործերի նախարարությունը։ Սի Ծինփինը ապրիլի 14-15-ը կայցելի Հանոյ՝ Վիետնամի Կոմկուսի Կենտկոմի գլխավոր քարտուղար Լամի և Հանրապետության նախագահ Լուոնգ Կուոնգի հրավերով, ասվում է Չինաստանի ԱԳՆ կայքում տեղադրված հաղորդագրության մեջ։ Ապրիլի 15-18-ը ՉԺՀ-ի ղեկավարը Մալայզիայի թագավոր Իբրահիմի և […] ...
09:34 11.04.2025
ՊՆ-ը հաղորդագրություն է տարածելԱդրբեջանի ՊՆ հաղորդագրությունը, թե իբր ապրիլի 10-ին՝ ժամը 20:55-ի սահմաններում, ՀՀ ԶՈՒ ստորաբաժանումները կրակ են բացել սահմանագոտու հյուսիսարևելյան հատվածում տեղակայված ադրբեջանական դիրքերի ուղղությամբ, չի համապատասխանում իրականությանը, հայտնում են ՀՀ ՊՆ-ից։ «Հիշեցնենք, որ Հայաստանի Հանրապետության վարչապետի աշխատակազմն առաջարկել է հրադադարի ռեժիմի խախտման դեպքերի և/կամ այդ մասին տեղեկությունների հետաքննության Հայաստան-Ադրբեջան համատեղ մեխանիզմ ստեղծել, ինչին մինչև օրս Ադրբեջանը […] ...
09:30 11.04.2025
Համլետ Մանուկյանն ու Մամիկոն Խաչատրյանը ևս դուրս են եկել եզրափակիչ․ Աշխարհի գավաթԽորվաթիայի Օսյեկ քաղաքում ընթացող սպորտային մարմնամարզության աշխարհի գավաթի խաղարկության չորրորդ փուլի նժույգ թափեր վարժությունում Հայաստանը ներկայացնող Համլետ Մանուկյանն ու Մամիկոն Խաչատրյանը դուրս են եկել եզրափակիչ: Երիտասարդների աշխարհի չեմպիոն Մանուկյանը որակավորման փուլում վաստակել է 14,433, Մամիկոն Խաչատրյանը` 14,466 միավոր: Հիշեցնենք, որ մինչ այս օղակների վարժությունում եզրափակիչ են դուրս եկել Վահագն Դավթյանն ու Արթուր Ավետիսյանը: Հենացատկում էլ […] ...
09:25 11.04.2025
Kan․ Իսրայելն ու Թուրքիան Ադրբեջանում չեն կարողացել համաձայնության գալ Սիրիայի հարցովԻսրայելն ու Թուրքիան չկարողացան համաձայնության գալ Սիրիայում իրենց միջև լարվածությունը կանխելու համար Ադրբեջանում կայացած բանակցությունների փուլի ընթացքում։ Այսպիսի հայտարարություն է արել Իսրայելի պետական հեռուստառադիոընկերությունը՝ Kan-ը։ Բանակցությունները, որոնց ընթացքում իսրայելական և թուրքական կողմերը փորձում են պայմանավորվել Սիրիայում իրենց միջև հակամարտությունները կանխելու մեխանիզմի ստեղծման շուրջ, պետք է շարունակվեն հրեական Պասեքի տոնի ավարտից հետո, որն այս տարի ապրիլի […] ...
09:19 11.04.2025
Զինված ուժերում մարդու իրավունքների պաշտպանության հետ կապվածuu խնդիրները պետք է գտնվեն հատուկ ուշադրության կենտրոնում. Անահիտ Մանասյանը մասնակցել է ոլորտային քննարկմանՄարդու իրավունքների պաշտպան Անահիտ Մանասյանն ապրիլի 10-ին մասնակցել է Հայաստանի Ազգային ժողովի կողմից՝ Անվտանգության ոլորտի կառավարման ժնևյան կենտրոնի (DCAF) աջակցությամբ կազմակերպված «Մարդու իրավունքների խթանումը Հայաստանի զինված ուժերում» երկօրյա քննարկմանը և հանդես եկել բացման խոսքով, հայտնում են ՄԻՊ-ի աշխատակազմից։ «Միջոցառման նպատակն է պաշտպանության ոլորտի կառավարման և վերահսկողության հիմնական շահագրգիռ կողմերի հետ քննարկելու, թե ինչպես ապահովել և […] ...
