25 11 2024

$

389.76
3.79
€

406.40

+15.09 ^oC

Դպրոցների տնօրենների ընտրության կարգն ու մրցույթի կանոնները փոխվել են

ԿՐԹՈՒԹՅՈՒՆ

21:58 11.04.2019

Դպրոցների տնօրենների թափուր պաշտոնների համար հայտարարված մրցույթները հայտնվել են հասարակության ուշադրության կենտրոնում, դրանցից շատերը նույնիսկ անցնում են լարված ու մրցակցային թեժ պայքարով: Երբեմն դպրոցների կառավարման խորհուրդների անդամները բարձրաձայնում են մրցույթները խախտումներով և ոչ օբյեկտիվ անցկացնելու մասին: Այս ամենը հաշվի առնելով՝ Կրթության և գիտության նախարարությունն արմատապես փոխել է դպրոցների տնօրենների մրցույթների անցկացման կարգը:

«Տնօրենների նշանակման և ընտրության կարգը փոփոխվել է և հիմա արդեն շրջանառության մեջ է դրվել գերատեսչություններից կարծիքներ ստանալու նպատակով: Ամբողջ տրամաբանությունը եթե հակիրճ բացատրեմ, կայանում է նրանում, որ տնօրենի ընտրության գործընթացում մեծացել է մանկավարժական կոլեկտիվի և ծնողական համայնքի դերակատարությունը»,- նշել է ԿԳՆ հանրակրթության վարչության պետ Աշոտ Արշակյանը:

Նախարարության պատասխանատուն նաև նշել է, որ փոփոխվել է նաև դպրոցների կառավարման խորհուրդների կազմը, նախկին 8 անդամի փոխարեն նոր խորհուրդները կունենան 9 անդամ և 3-ական տեղ հատկացվելու է մանկավարժական և ծնողական խորհուրդներին:

«Նախքան մրցույթը հավակնորդը պետք է հանդիպում-քննարկում ունենա մանկավարժական և ծնողական խորհուրդների հետ, ծնողական խորհուրդները պետք է կատարեն իրենց ընտրությունը և իրենց ձայնը փոխանցեն մրցութային հանձնաժողովին: Գաղափարը կայանում է նրանում, որ մանկավարժական և ծնողական հանրույթը տնօրենի ընտրության ժամանակ կունենա որոշիչ դեր», – պարզաբանել է Աշոտ Արշակյանը:

Նոր կարգով կարևորվում է նաև աշակերտական հանրույթի ձայնը, չնայած այն հանգամանքին, որ կառավարման խորհուրդների կազմում աշակերտներն ընդգրկված չեն:

«Եվս մեկ փոփոխություն ենք կատարել և պարտադիր պայման ենք սահմանել, որ հավակնորդները մինչև իրենց զարգացման ծրագիրը գրելը պետք է պարտադիր հանդիպեն աշակերտների և աշակերտական խորհրդի հետ և միայն նրանց հետ զրուցելուց հետո նոր գրեն ու ներկայացնեն իրենց զարգացման ծրագիրը»,- ասել է ԿԳՆ հանրակրթության վարչության պետը:

Աշոտ Արշակյանը նաև նշել է, որ դպրոցներում կառավարման խորհուրդը բարձրագույն մարմին է, որտեղ հաշվի է առնվում և՛ մանկավարժական, և՛ ծնողական խորհուրդների, և՛ լիազոր մարմինների ներկայացուցիչների ձայները, այսինքն՝ բոլոր շահագրգիռ կողմերը ներկայացված են, և այս փոփոխությունների նպատակը տնօրենների մրցույթները հնարավորինս թափանցիկ ու օբյեկտիվ անցկացնելն է:

Ալեքս Սարգսյան

Բաժանորդագրվեք SHANTNEWS.am-ին Telegram-ում

Բոլոր լուրերը

10:42 25.11.2024
Որպես անհետ կորած որոնվող 18-ամյա աղջիկը հայտնաբերվել է

Կապակցված լուրեր

10:42 25.11.2024

Որպես անհետ կորած որոնվող 18-ամյա աղջիկը հայտնաբերվել է

Նոյեմբերի 20-ին հաղորդվել էր 2006 թ. Սուսաննա Բունիաթյանի անհետ կորելու մասին: Համայնքային ոստիկանության Հրազդանի բաժնի ծառայողների ձեռնարկած օպերատիվ-հետախուզական միջոցառումների արդյունքում նոյեմբերի 22-ին, ժամը 21.30-ին, Հրազդան քաղաքի Միկրոշրջան թաղամասում նա հայտնաբերվել և տեղափոխվել է Հրազդանի բաժին, ապա ներկայացվել է Կոտայքի մարզային քննչական վարչություն: Հանգամանքները պարզվում են: ...

10:35 25.11.2024

2024թ․-ի երրորդ եռամսյակում ՀՆԱ-ն ընթացիկ գներով կազմել է 2 տրլն 738 մլրդ 969.1 մլն դրամ

2024թ․-ի երրորդ եռամսյակում Հայաստանի Համախառն ներքին արդյունքն (ՀՆԱ) ընթացիկ գներով կազմել է 2 տրլն 738 մլրդ 969.1 մլն ՀՀ դրամ՝ նախորդ տարվա նույն ժամանակահատվածի 2 տրլն 574 մլրդ 593․3 մլն ՀՀ դրամի համեմատ։ Նախորդ տարվա նույն ժամանակահատվածի նկատմամբ ՀՀ-ում ՀՆԱ-ն աճել է 5․2%-ով։ 2024թ.-ի երրորդ եռամսյակում Հայաստանում մեկ շնչի հաշվով ՀՆԱ-ն կազմել է 894 հազ. […] ...

10:33 25.11.2024

Ռուսաստանը հավատարիմ է մնում Հայաստանի անվտանգությունն ապահովելու իր պարտավորություններին. Սերգեյ Կոպիրկին

Ռուսաստանի Դաշնությունը հավատարիմ է մնում Հայաստանի անվտանգությունն ապահովելու իր պարտավորություններին՝ ինչպես երկկողմ ձևաչափով, այնպես էլ Հավաքական անվտանգության պայմանագրի կազմակերպության (ՀԱՊԿ) միջոցով։ «Արմենպրես»-ի փոխանցմամբ՝ այս մասին «Իզվեստիա» թերթին տված հարցազրույցում հայտարարել է Հայաստանում Ռուսաստանի դեսպան Սերգեյ Կոպիրկինն՝ անդրադառնալով հարցին, թե որո՞նք են ՀԱՊԿ-ում Երևանի լիարժեք գործունեության վերսկսման հեռանկարները, և արդյոք այդ գործունեության սառեցումն ազդե՞լ է Մոսկվայի […] ...

10:22 25.11.2024

Վերացվել է Արամի փողոցի վրա գտնվող հանրային սննդի օբյեկտի խոհանոցի արտադրական գործունեության կասեցումը

«Պեստո» ՍՊԸ-ին պատկանող հանրային սննդի օբյեկտում ՀՀ սննդամթերքի անվտանգության տեսչական մարմնի արագ արձագանքման բաժնի տեսուչները իրականացարել են կրկնակի ստուգայց, որի ընթացքում խախտումներ չեն հայտնաբերել (ք․ Երևան, Արամի փ․)։ Հանրային սննդի օբյեկտի խոհանոցի արտադրական գործունեության կասեցումը վերացվել է։ ...

10:16 25.11.2024

Տարադրամի փոխարժեքները նոյեմբերի 25-ին

Shantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 389 դրամ, վաճառքի նվազագույն արժեքը՝ 392 դրամ: Եվրոյի առքի առավելագույն արժեքն է 407 դրամ, վաճառքի նվազագույն արժեքը՝ 412 դրամ: Ռուսական ռուբլու առքի առավելագույն արժեքն է 3․75 դրամ, վաճառքի նվազագույն արժեքը՝ 3․82 դրամ: ...

10:00 25.11.2024

Իշխող կուսակցության թեկնածուն ընդունել է Ուրուգվայի նախագահական ընտրություններում իր պարտությունը

Իշխող աջ կենտրոնամետ Ազգային կուսակցության թեկնածու Ալվարո Դելգադոն շնորհավորել է ձախ կենտրոնամետ «Լայն ճակատ» կոալիցիայի մրցակից Յամանդա Օրսիին՝ նախագահական ընտրությունների երկրորդ փուլում հաղթանակի կապակցությամբ։ «Ցավով, բայց առանց մեղքի զգացման կարող ենք շնորհավորել հաղթանակածին»,- ասել է նա՝ դիմելով իր կողմնակիցներին։ Նոյեմբերի 24-ին Ուրուգվայում կայացել է նախագահական ընտրությունների երկրորդ փուլը։ Exit poll-ը ցույց է տվել Օրսիի համոզիչ […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.