22:52 06.04.2019
Միջազգային լրատվամիջոցների ուշադրության կենտրոնում է հայտնվել Լիբիան: Երկրում իրավիճակը լարվում է: Լիբիայի ազգային բանակը մարշալ Խալիֆ Հաֆթարի գլխավորությամբ իր վերահսկողության տակ է վերցրել մայրաքաղաք Տրիպոլին ու ևս 2 քաղաք, Իսկ Մեծ յոթնյակի երկրները Ֆրանսիայում հանդիպել են՝ քննարկելու համար ստեղծված իրավիճակը:
«Անհապաղ դադարեցրե՛ք Տրիպոլիի վրա հարձակումը»,- այսպիսի կոչով են հանդես եկել Մեծ յոթնյակի երկրները Ֆրանսիայում կայացած հանդիպումից հետո:
Մեծ Բրիտանիայի, Գերմանիայի, Իտալիայի, Կանադայի, ԱՄՆ-ի, Ֆրանսիայի և Ճապոնիայի արտաքին գործերի նախարարները հայտարարել են, որ պետք է զգուշանալ Լիբիայում քաղաքական պատերազմի նոր փուլից: Իսկ Լիբիայում իրավիճակը սրվել է ապրիլի 4-ին, այն բանից հետո երբ մարշալ Խալիֆ Հաֆթարի գլխավորած Լիբիայի ազգային բանակը փորձել է ընդլայնել իր վերահսկողության գոտին:
Լիբիայի ազգային բանակի խոսնակն էլ հայտարարել է, որ իրենց ուժերը մայրաքաղաքի շրջակայքում իրականացնում են «Արժանապատվության պոռթկում օպերացիան»: Խոսնակը Տրիպոլիում ապրող մարդկանց բացատրել է, որ այս օպերացիայի նպատակն է ազատագրել մայրաքաղաք Տրիպոլին և Լիբիայի ամբողջ տարածքը հանցագործներից և ահաբեկիչներից:
«Մեր բանակը գալիս է ձեզ փրկելու ահաբեկիչներից և հանցագործներից, որպեսզի դուք կարողանաք ապրել ապահով և արժանապատիվ:»
Նա նշել է, որ արդեն իսկ իրականացված գործողությունների ընթացքում նրանց հաջողվել է իրենց վերահսկողության տակ վերցնել Ղարյան և Էլ-Ազիզիա քաղաքները: Խոսնակը նաև հայտնել է, որ գործողությունների ընթացքում զոհվել է ազգային բանակի 5 զինվոր:
Լիբիայում տիրող իրավիճակին անդրադարձել է նաև ՄԱԿ-ը: Կառույցը երեկ արտահերթ նիստ է գումարել և կոչ էր արել «Լիբիայի ազգային բանակ»-ի հրամանատար Խալիֆա Հաֆթարին դադարեցնել հարձակումը մայրաքաղաք Տրիպոլիի վրա, որտեղ տեղակայված է երկրի կառավարությունը:
ՄԱԿ-ի գլխավոր քարտուղար Անտոնիո Գուտերեշն այդ նիստից հետո մեկնել է Լիբիա բանակցություններ վարելու մարշալ Խալիֆա Հաֆթարի հետ: Հանդիպումից հետո գլխավոր քարտուղարը թվիթերի իր միկրոբլոգում գրել է.
«Լիբիան լքում եմ ծանր սրտով ու խորը մտահոգություններով: Ես դեռ հույս ունեմ, որ հնարավոր կլինի խուսափել արյունալի հակամարտությունից Տրիպոլիում և քաղաքի շուրջ: ՄԱԿ-ը հակված է քաղաքական լուծմանն աջակցելուն, և ինչ էլ լինի, հավատարիմ կլինի Լիբիայի ժողովրդին աջակցելուն»։
Հիշեցնենք, որ 2011-ին Լիբիայում տեղի ունեցած քաղաքացիական պատերազմից հետո երկրի նախկին բռնակալ Մուամար Քադաֆիի ռեժիմը տապալվեց, իսկ նրա դեմ միասնաբար հանդես եկող ուժերի միջև սկսվեցին հակասություններ:
15:30 19.04.2025
Արարատի մարզում «Toyota Vitz»-ը դուրս է եկել երթևեկելի գոտուց և կողաշրջված հայտնվել դաշտում. կա տուժածԱյսօր՝ ապրիլի 19-ին, ավտովթար է տեղի ունեցել Արարատի մարզում: Ժամը 14:00-ի սահմաններում Երևան-Երասխ ավտոճանապարհի 51 կմ հատվածում` Արարատ գյուղի վարչական տարածքում, «Toyota Vitz» մակնիշի ավտոմեքենան դեռևս անհայտ հանգամանքներում դուրս է եկել երթևեկելի գոտուց և կողաշրջված հայտնվել դաշտում: Ինչպես հայտնում է shamshyan.com-ը, վթարի հետևանքով 1 հոգի տեղափոխվել է «Արարատ» բժշկական կենտրոն: Վթարի փաստով քննչական բաժնում նախաձեռնվել […] ...
15:22 19.04.2025
Մարտական ատրճանակով` մարզադաշտում. Կոտայքի համայնքային ոստիկանները ձերբակալել են զինված երիտասարդինԱպրիլի 16-ին Համայնքային ոստիկանության Կոտայքի բաժում ստացվել է օպերատիվ տեղեկություն, որ Աբովյան քաղաքի մարզադաշտում գտնվող քաղաքացու մոտ կա մարտական ատրճանակ: Նույն օրը` ժամը 19:30-ին, համայնքային ոստիկանները ձերբակալել և Կոտայքի բաժին են տեղափոխել Կոտայքի մարզի Քասախ գյուղի բնակիչ 29-ամյա երիտասարդին: Նրա պայուսակում հայտնաբերվել է «Մակարով» ատրճանակ՝ լիցքավորված 7 փամփուշտով, նաև` մարիխուանա տեսակի թմրանյութի նմանվող զանգվածով փաթեթ […] ...
15:11 19.04.2025
Փրկարարները հայտնաբերել են Դիլիջանի անտառներում մոլորված քաղաքացունԱպրիլի 19-ին՝ ժամը 12:20-ին, Տավուշի մարզային փրկարարական վարչության ճգնաժամային կառավարման կենտրոն օտարերկրյա քաղաքացուց ահազանգ է ստացվել, որ ինքը Դիլիջանի անտառներում ընկել և հավանաբար կոտրել է ոտքը, չի կարողանում ինքնուրույն տեղաշարժվել, չգիտի իր գտնվելու վայրը․ անհրաժեշտ է փրկարարների օգնությունը: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Փրկարարներն օպերատիվ գործողությունների […] ...
14:50 19.04.2025
Ինչո՞ւ ձախողեց հին Հանրային խորհուրդը, ինչո՞ւմ կհաջողի նորը. Հեռանկար բանավեճԱյս շաբաթ իր աշխատանքը սկսեց Հանրային նոր խորհուրդը: Գործընթացը վերջնականացավ խորհրդի նախագահի նշանակմամբ: Այս կառույցը ստեղծվեց 2008 թվականին, բայց ավելի քան 3 տարի այն գրեթե չէր գործում: Կառավարությունը որոշեց ցրել խորհրդի հին կազմն ու նորը ձևավորել՝ նոր գործառույթով: Բայց արդյո՞ք անհրաժեշտ է հանրային նման կառույցի գործունեությունը և ինչո՞ւ: Այս ու այլ հարցեր «Հեռանկար բանավեճ»-ի տաղավարում […] ...
14:35 19.04.2025
Ալմա-Աթայի փողոցի հարակից տարածքում գտնվող զբոսայգին անվանակոչվել է ղազախ բանաստեղծ Աբայ Կունանբաևի անունովՀայաստանում Ղազախստանի մշակույթի օրեր են։ ՀՀ կրթության, գիտության, մշակույթի և սպորտի նախարար Ժաննա Անդրեասյանի և Ղազախստանի մշակույթի և տեղեկատվության նախարար Աիդա Բալաևայի մասնակցությամբ կայացել է Երևանի Ավան վարչական շրջանի Ալմա-Աթայի փողոցի հարակից տարածքում գտնվող զբոսայգու անվանակոչման արարողությունը։ Ի պատիվ ղազախ բանաստեղծ, լուսավորական շարժման ներկայացուցիչ, գրականության ու փիլիսոփայության անվանի գործիչ, ղազախական գրականության հիմնադիր Աբայ Կունանբաևի՝ զբոսայգում […] ...
