25 11 2024

$

389.76
3.79
€

406.40

+16.09 ^oC

Ավագ լեյտենանտ Հրաչ Գալստյանի դուստրը հայրիկին ճանաչում է լուսանկարներով

ՀԱՅԱՍՏԱՆ

16:43 02.04.2019

2016 թվականի Ապրիլյան պատերազմը 90-ականների Արցախյան ազատամարտից հետո առաջին լայնածավալ մարտական գործողությունն էր արցախա-ադրբեջանական սահմանի երկայնքով: Իսկ դիրքերում կռվողները հենց 90-ականների սերունդն էր: 18-20 տարեկան զինվորներն Արցախյան ազատամարտով անցածների զավակներն էին, թոռները:

Ու հիմա ունենք հերոսների երկու սերունդ, որոնց կյանքի գինն այսօր Արցախի սահմանին տիրող հարաբերական հանգստությունն է: Ապրիլյան պատերազմի զոհերի ընտանիքներում այդ օրերի մղձավանջի հիշողություններն են, բայցև այն հպարտությունը, որ կարող են ունենալ միայն հայ զինվորի ծնողները:

Անահիտն իր հայրիկին՝ ավագ լեյտենանտ Հրաչ Գալստյանի չի տեսել, նրան ճանաչում է միայն լուսանկարներով: Շուտով կդառնա 3 տարեկան: Հրաչը երազում էր իր առաջնեկին գրկելու ու նրա ծնունդով երջանկանալու մասին:

«Մեր կյանքում ոչինչ էլ չի փոխվել, նույնն է մնացել։ Անահիտն է հիմա իր լույսով լուսավորում մեր տունը։ Նույն կարոտն է, նույն սպասումը, ոչինչ չի փոխվել, էս երեք տարին անցավ երեք օրվա նման, մենք Հրաչից երբեք էսքան երկար չէինք բաժանվել, շատ դժվար է»,- արցունքները խեղդելով ասում է Հրաչ Գալստյանի մայրը՝ Անահիտ Գալստյանը։

3 տարի առաջ ռմբակոծող Թալիշից Հրաչը կարողացել էր գիշերով կնոջը՝ Անուշին, մի կերպ ուղարկել Գյումրի: Անուշը խնդրել էր իր հետ գալ, բայց Հրաչը զինվորներին մենակ թողնել չէր կարող: Շտապել էր դիրքեր, որտեղից էլ չվերադարձավ:

«Երբ ինձ ճանապարհում էր, խնդրեցի ինձ հետ գալ, բայց Հրաչն ընտրեց հայրենիքն ու իր զինվորներին։ Ես մնացի աղջկաս հետ, Անահիտն ամենաթանկ հիշողությունն է Հրաչից, աղջկաս հետ մեծանում ենք»,- պատմում է Հրաչ Գալստյանի կինը՝ Անուշը:

1.5 ամիս անց ծնվեց Անահիտը: Գյումրեցի Հրաչի ու թալիշցի Անուշի սիրո պատմությունն Անահիտի ներկայությամբ պատմվելու է, իսկ երեխայի ավելացող հարցերին պատասխաններ երբեմն չունեն: Անահիտը Հրաչի մահից հետո ծնված միակ երեխան չէ:

«Էն Հրաչոս երկրաշարժին մահացավ, էս Հրաչոս` պատերազմին, էս թոռնիկս էլ ըմբես եղավ, որ հենց իրա ծնունդի օրը ծնվավ, էլ չկրնացի տղայիս արգելեի, որ իրա ախպոր անունը դներ»,- ասում է Վարդան Գալստյանը:

Ճակատագիրն էր այդպիսին: Հրաչ անունով առաջին որդուն Գալստյանները կորցրել էին երկրաշարժին, հերոս Հրաչն այս ընտանիքում ծնվել էր 1991 թվականին: Հիմա նրա անվանադիրը եղբոր որդին է, 2 տարեկան Հրաչը, նա ծնվել է հորեղբոր ծննդյան օրը: Փոքրիկ Հրաչի հայրը հիմա Թալիշում է, պայմանագրային զինծառայող է:

Ալեքս Սարգսյան

Բաժանորդագրվեք SHANTNEWS.am-ին Telegram-ում

Բոլոր լուրերը

10:59 25.11.2024
Արագածոտնի մարզի Ծիլքար բնակավայրում գործարկվելու են էլեկտրական շչակներ

Կապակցված լուրեր

10:52 25.11.2024

Բեռնատարն ընկել է գետը, վարորդը մահացել է

Նոյեմբերի 22-ին, ժամը 11.05-ին, Մեղրի-Երևան ճանապարհի 218-րդ կմ-ին «ԻՎԵԿՈ» բեռնատարը դուրս է եկել երթևեկելի գոտուց և ընկել գետը: 50-ամյա վարորդ Ալիզադեն Յ.-ն մահացել է: Կատարվում է նախաքննություն: ...

10:50 25.11.2024

Վրաստանում հայտնել են, որ նախագահական ընտրությունները տեղի կունենան 2024 թվականին

Վրաստանում նախագահական ընտրությունները, ինչպես նաև նախագահի երդմնակալության արարողությունը նախատեսվում է անցկացնել 2024 թվականին։ Այս մասին լրագրողներին հայտնել է Վրաստանի խորհրդարանի նախագահ Շալվա Պապուաշվիլին։ «Մենք պետք է նախագահ ընտրենք հինգ տարի ժամկետով, հետևաբար, որպեսզի նախագահն ընտրվի հինգ տարով, կարևոր է, որ ընտրություններն ու երդմնակալությունը տեղի ունենան այս տարի»,- ասել է Պապուաշվիլին։ ...

10:42 25.11.2024

Որպես անհետ կորած որոնվող 18-ամյա աղջիկը հայտնաբերվել է

Նոյեմբերի 20-ին հաղորդվել էր 2006 թ. Սուսաննա Բունիաթյանի անհետ կորելու մասին: Համայնքային ոստիկանության Հրազդանի բաժնի ծառայողների ձեռնարկած օպերատիվ-հետախուզական միջոցառումների արդյունքում նոյեմբերի 22-ին, ժամը 21.30-ին, Հրազդան քաղաքի Միկրոշրջան թաղամասում նա հայտնաբերվել և տեղափոխվել է Հրազդանի բաժին, ապա ներկայացվել է Կոտայքի մարզային քննչական վարչություն: Հանգամանքները պարզվում են: ...

10:35 25.11.2024

2024թ․-ի երրորդ եռամսյակում ՀՆԱ-ն ընթացիկ գներով կազմել է 2 տրլն 738 մլրդ 969.1 մլն դրամ

2024թ․-ի երրորդ եռամսյակում Հայաստանի Համախառն ներքին արդյունքն (ՀՆԱ) ընթացիկ գներով կազմել է 2 տրլն 738 մլրդ 969.1 մլն ՀՀ դրամ՝ նախորդ տարվա նույն ժամանակահատվածի 2 տրլն 574 մլրդ 593․3 մլն ՀՀ դրամի համեմատ։ Նախորդ տարվա նույն ժամանակահատվածի նկատմամբ ՀՀ-ում ՀՆԱ-ն աճել է 5․2%-ով։ 2024թ.-ի երրորդ եռամսյակում Հայաստանում մեկ շնչի հաշվով ՀՆԱ-ն կազմել է 894 հազ. […] ...

10:33 25.11.2024

Ռուսաստանը հավատարիմ է մնում Հայաստանի անվտանգությունն ապահովելու իր պարտավորություններին. Սերգեյ Կոպիրկին

Ռուսաստանի Դաշնությունը հավատարիմ է մնում Հայաստանի անվտանգությունն ապահովելու իր պարտավորություններին՝ ինչպես երկկողմ ձևաչափով, այնպես էլ Հավաքական անվտանգության պայմանագրի կազմակերպության (ՀԱՊԿ) միջոցով։ «Արմենպրես»-ի փոխանցմամբ՝ այս մասին «Իզվեստիա» թերթին տված հարցազրույցում հայտարարել է Հայաստանում Ռուսաստանի դեսպան Սերգեյ Կոպիրկինն՝ անդրադառնալով հարցին, թե որո՞նք են ՀԱՊԿ-ում Երևանի լիարժեք գործունեության վերսկսման հեռանկարները, և արդյոք այդ գործունեության սառեցումն ազդե՞լ է Մոսկվայի […] ...

10:22 25.11.2024

Վերացվել է Արամի փողոցի վրա գտնվող հանրային սննդի օբյեկտի խոհանոցի արտադրական գործունեության կասեցումը

«Պեստո» ՍՊԸ-ին պատկանող հանրային սննդի օբյեկտում ՀՀ սննդամթերքի անվտանգության տեսչական մարմնի արագ արձագանքման բաժնի տեսուչները իրականացարել են կրկնակի ստուգայց, որի ընթացքում խախտումներ չեն հայտնաբերել (ք․ Երևան, Արամի փ․)։ Հանրային սննդի օբյեկտի խոհանոցի արտադրական գործունեության կասեցումը վերացվել է։ ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.