14:51 02.04.2019
Ապրիլի 2-ը ամբողջ աշխարհում նշվում է որպես Աուտիզմի իրազեկման համաշխարհային օր: Հայաստանում այդ օրվա առթիվ ամեն տարի կազմակերպվում են իրազեկման տարատեսակ միջոցառումներ: Օրվա առիթով ՀՀ նախագահ Արմեն Սարգսյանի տիկին Նունե Սարգսյանը այցելել է «Երևան իմ սեր» հիմնադրամի «Լուսե» վերականգնողական կենտրոն:
Նախագահի տիկինը շրջեց կենտրոնում, ծանոթացավ երեխաների, նրանց ծնողների հետ ու կենտրոնում տարվող աշխատանքներին: Նունե Սարգսյանը համբերություն մաղթեց ծնողներին` շեշտելով, որ լավ գիտակցում է խնամակալի ծանր պարտականությունը:
Նունե Սարգսյանը կարևորեց այն հանգամանքը, որ կենտրոնում աշխատանքներ են տարվում ոչ միայն երեխաների, այլև ծնողների հետ:
«Ծնողը կամ խնամակալը պետք է համբերություն ունենա, որ աուտիզմ ունեցող երեխային փորձի սովորեցնել կյանքի տարրական կարիքները, փորձի գտնել այդ երեխայի տաղանդը, քանի որ ամեն մարդ տաղանդ ունի՝ մեծ կամ փոքր, և հատկապես հաշմանդամ և աուտիզմ ունեցող երեխաներն ունեն այդ տաղանդը և դա պետք է բացահայտել ու զարգացնել»,- նշեց նախագահի կինը:
Նման այցելությունները նպատակ ունեն հավասարություն քարոզելու, ասում են միջոցառման կազմակերպիչները, քանի որ այսօր աուտիզմով տառապող մարդիկ առաջին հերթին կարիք ունեն սոցիալիզացման: Նախագահի տիկինը նաև արձանագրեց, որ հասարակությունը պետք է փոխի մտածելակերպն ու վերաբերմունքը, թեպետ նկատեց նաև, որ մտածելակերպն ու վերաբերմունքը հաշմանդամություն ունեցող անձանց նկատմամբ փոխվում է:
«Ես հիշում եմ իմ մանկության տարիները, երբ մենք հաշմանդամներ էինք տեսնում, ապշած նայում էինք, որովհետև նրանք տարբեր էին, և նրանց թաքցնում էին ընտանիքները: Բայց հիմա դա փոխվել է: Իմ թոռնիկները, երբ տեսնում են հաշմանդամ երեխա, անմիջապես վազում են, փորձում օգնել և շատ նորմալ է նրանց համար, որովհետև նրանց աչքը սովոր է, նրանց դաստիարակությունը ուրիշ է, և հաշմանդամներին այլևս չեն թաքցնում: Փաստորեն մենք հասկացել ենք, որ մեր հասարակության մի մասն են նրանք»,- ասաց Նունե Սարգսյանը:
Նախագահի տիկինը իր խոսքում ասաց նաև, որ առողջ լինելը լավ բան է, բայց առողջ մարդիկ հաճախ ընդունում են առողջությունը որպես Աստծո կողմից տրված նվեր` առանց մտածելու, որ այդ առողջությունը պետք է խնամել ու փայփայել: Նունե Սարգսյանը նաև պատմեց, որ եղել է մի շրջան, երբ ինքն էլ չի կարողացել քայլել և երբ հաղթահարել է խնդիրը, ավելի է կարևորել առողջությունը:
«Ես ապաքինվեցի և կամաց-կամաց սկսեցի քայլել: Ես ամեն օր իմ մտքում շնորհակալություն էի ասում երկու ոտքերիս»,- ասաց նա:
14:35 19.04.2025
Ալմա-Աթայի փողոցի հարակից տարածքում գտնվող զբոսայգին անվանակոչվել է ղազախ բանաստեղծ Աբայ Կունանբաևի անունովՀայաստանում Ղազախստանի մշակույթի օրեր են։ ՀՀ կրթության, գիտության, մշակույթի և սպորտի նախարար Ժաննա Անդրեասյանի և Ղազախստանի մշակույթի և տեղեկատվության նախարար Աիդա Բալաևայի մասնակցությամբ կայացել է Երևանի Ավան վարչական շրջանի Ալմա-Աթայի փողոցի հարակից տարածքում գտնվող զբոսայգու անվանակոչման արարողությունը։ Ի պատիվ ղազախ բանաստեղծ, լուսավորական շարժման ներկայացուցիչ, գրականության ու փիլիսոփայության անվանի գործիչ, ղազախական գրականության հիմնադիր Աբայ Կունանբաևի՝ զբոսայգում […] ...
14:16 19.04.2025
Նախագահ Վահագն Խաչատուրյանն ընդունել է Ղազախստանի մշակույթի և տեղեկատվության նախարար Աիդա ԲալաևայինՀանրապետության նախագահ Վահագն Խաչատուրյանը ընդունել է Ղազախստանի մշակույթի և տեղեկատվության նախարար Աիդա Բալաևային: Նախարարի գլխավորած պատվիրակությունը մեր երկրում է գտնվում ապրիլի 18-19-ին Հայաստանում Ղազախստանի մշակութային օրերի միջոցառումներին մասնակցելու շրջանակում: Ողջունելով նախարարին՝ նախագահ Խաչատուրյանը ընդգծել է, որ նման այցերը ոչ միայն խորացնում են երկկողմ կապերը, այլև նոր շունչ են հաղորդում ժողովուրդների միջև բարեկամական հարաբերությունների զարգացմանը։ Նա […] ...
13:58 19.04.2025
Հռոմում մեկնարկել է ԱՄՆ-ի և Իրանի միջև բանակցությունների երկրորդ փուլըՀռոմում մեկնարկել է ԱՄՆ-ի և Իրանի միջև Թեհրանի միջուկային ծրագրի շուրջ ստեղծված ճգնաժամի կարգավորման բանակցությունների երկրորդ փուլը։ Այս մասին հայտնում է Իրանի պետական հեռարձակողը, փոխանցում է ՏԱՍՍ-ը: Խորհրդակցությունները անցկացվում են Օմանի դեսպանի նստավայրում։ Ավելի վաղ Իրանի ԱԳ նախարարության պաշտոնական ներկայացուցիչ Էսմայիլ Բաղային հայտնել էր, որ Իտալիայի մայրաքաղաքում անուղղակի բանակցություններ կանցկացվեն Օմանի ԱԳ նախարարի միջնորդությամբ։ ...
13:50 19.04.2025
Այսօր կկայանան վերջին տուրի հանդիպումները. Հոկեյի ԱԱԱյսօր Երևանում կկայանա տափօղակով հոկեյի Աշխարհի IV դիվիզիոնի առաջնության վերջին տուրը։ Հայաստանի հավաքականն ԱԱ-ի շրջանակում վերջին հանդիպումը կանցկացնի՝ մրցելով Ինդոնեզիայի հետ։ Հանդիպումը կմեկնարկի 17։00-ին։ Այսօրվա հանդիպումների ժամանակացույցը․ Մալայզիա — Ուզբեկստան / 14։00 Հայաստան — Ինդոնեզիա / 17։00 Իրան — Քուվեյթ / 20։00 Հայաստանի հավաքականն ունի 9 միավոր և երկրորդն է մրցաշարային աղյուսակում, իսկ առաջատարն Ուզբեկստանի […] ...
13:33 19.04.2025
Իրանի ԱԳ նախարարը ժամանել է ՀռոմԻրանի ԱԳ նախարար Աբբաս Արաղչին ժամանել է Իտալիայի մայրաքաղաք Հռոմ՝ մասնակցելու Միացյալ Նահանգների հետ բանակցությունների երկրորդ փուլին։ Ինչպես տեղեկացնում է իրանական IRNA գործակալությունը, Թեհրանն ու Վաշինգտոնը բանակցություններ են վարում Իսլամական Հանրապետության քաղաքացիական միջուկային ծրագրի և Իրանի դեմ ամերիկյան պատժամիջոցների դադարեցման շուրջ քննարկումների համար: ...
13:22 19.04.2025
Առաջիկա օրերի եղանակային կանխատեսումըՀանրապետության տարածքում ապրիլի 19-ի ցերեկը սպասվում է առանց տեղումների եղանակ։ Ապրիլի 20-24-ին առանձին շրջաններում սպասվում է կարճատև անձրև և ամպրոպ։ Քամին՝ հարավարևմտյան՝ 2-5մ/վ: Ապրիլի 21-24-ին առանձին վայրերում սպասվում է քամու ուժգնացում՝ 14-18մ/վ արագությամբ։ Օդի ջերմաստիճանն ապրիլի 19-ի ցերեկը, 20-22-ին աստիճանաբար կբարձրանա 3-5 աստիճանով։ Երևան քաղաքում ապրիլի 19-ի ցերեկը սպասվում է առանց տեղումների եղանակ։ Ապրիլի 20-24-ին […] ...
