22 11 2024

$

389.76
3.79
€

406.40

+5.09 ^oC

Ուկրաինայի նախագահական ընտրապայքարի ֆավորիտները, քարոզարշավն ու խոստումները

ԱՇԽԱՐՀ

17:31 30.03.2019

Ուկրաինայում վաղը նախագահ կընտրեն: Այս երկրում սա արդեն 7-րդ նախագահական ընտրություններն են: Երկրի ղեկավարի պաշտոնին հավակնում է միանգամից 39 թեկնածու: Այս թիվը ռեկորդային է Ուկրաինայի համար: Մոտ 3 ամիս տևած թեժ ու սկանդալային քարոզարշավից հետո այսօր երկում «լռության օր» է:

SHANTNEWS.am-ը որոշել է խախտել լռությունը և ներկայացնել նախագահի թեկնածուներին և քարոզարշավի ամենաուշագրավ դրվագները:

Քարոզարշավի սկզբում ընտրապայքարին մասնակցելու համար գրանցվել էր նախագահի 44 թեկնածու, բայց շուտով նրանցից 5-ը, գիտակցելով իր շանսը, հանեց թեկնածությունը, որոնց թվում էր նաև ուկրաինական հայտնի «Օկեան Էլզի» խմբի մենակատար Սվյատոսլավ Վակարչուկը:

Իսկ արդեն քարոզարշավի վերջում՝ մոնիթորինգների համաձայն, ձևավորվել է թեկնածուների վարկանշային հնգյակը:

Վլադիմիր Զելինսկի

Առաջադրված ամենաանսպասելի թեկնածուն շոումեն, կատակերգու դերասան Վլադիմիր Զելինսկին է, որը ներկա պահին վարկանիշով առաջատար թեկնածուներից է, սակայն, երբ նա ամիսներ առաջ հայտարարեց իր թեկնածությունը առաջադրելու մասին, շատերը կարծեցին, որ դա շոումենի հերթական կատակն է:

«Սա ֆեյք նորություն չէ: Ես շատ լուրջ եմ տրամադրված մեր երկրի և ժողովրդի կյանքի նկատմամբ: Սա կատակ չէ»,- ասել էր Զելինսկին:

Զելինսկու հայտարարությունը սկզբում չընկալվեց, քանի որ նա այդ ժամանակ նկարահանվում էր երկրում շատ սիրված «Ժողովրդի ծառան» հեռուստասերիալում, որում պատմության հասարակ ուսուցչից մեկ օրում դառնում է երկրի նախագահ: Սա այն քիչ դեպքերից է, երբ ֆիլմը իրականություն դառնալու ճանապարհին է: Ի դեպ, «Ժողովրդի ծառան» սերիալի վերնագիրը դարձել է Զելինսկու կուսակցության անվանումը:

Պյոտր Պորոշենկո

Ուկրաինայի ներկայիս նախագահ Պյոտր Պորոշենկոն նույնպես առաջադրել է իր թեկնածությունը: Չնայած իր դեմ հնչած մեղադրանքներին, կոռուպցիոն սկանդալներին, նան ըստ հարցումներին երկորրդ հորիզոնականում է:

Պորոշենկոն նշում է, որ ինքը Պուտինի համար ամենաանցանկալի թեկնածուն է և պարտություն չի կրել ոչ մի ընտրությունում:

«Պուտինը շատ լավ հասկանում է, որ Ուկրաինային կորցնելով` կորցնում է կայսրություն ձևավորելու իր ծրագրերը»,- ասել է Պորոշենկոն:

Նրա քարոզարշավի ընթացքում եղել են թե´ զավեշտալի, թե´ ուշագրավ դեպքեր: Հանրահավաքներից մեկի ժամանակ Պորոշենկոն անակնկալ քաշել է մասնակիցներից մեկի քիթը: Իսկ փողոցում` քաղաքացիների հետ շփվելիս, Պորոշենկոն հարվածել է իրեն նկարող քաղաքացու հեռախոսին, քանի որ վերջինս իրեն անցանկալի հարց էր ուղղել:

Նախագահի թեկնածուի հանրահավաքներից մեկի ժամանակ նույնիսկ բախումներն են եղել: Ազգայնական կուսակցության ակտիվիստները փորձել էին շրջափակել Պորոշենկոյի ավտոշարասյունը: Ոստիկանության և ցուցարարների միջև բախումների հետևանքով տուժել էր 15 հոգի:

Յուլյա Տիմոշենկո

Հաջորդ թեկնածուն Ուկրաինայի քաղաքական դաշտում քաջ հայտնի Յուլյա Տիմոշենկոն է: Գերագույն ռադայի պատգամավորին համարում են ամենաուժեղ ընդդիմադիր գործիչներից մեկը: Նա, ըստ հարցումների, երրորդ հորիզոնականում է:

Տիմոշենկոն այս քարոզարշավի ընթացքում հրաժարվել է իր «բրենդային հյուսքերից»` խոստանալով հաղթելու դեպքում վերադարձնել դրանք:

«Ես վստահ եմ իմ հաղթանակի մեջ և հաղթելու դեպքում խոստանում եմ վերադարձնել ուկրաինական ամազոնուհիների սանրվածքս»,- ասել է Տիմոշենկոն:

Իր ամբողջ ընտրարշավի ընթացքում Տիմոշենկոն հիմնականում քննադատություններ է հնչեցրել կառավարության չկատարած խոստումների վերաբերյալ: Ըստ քաղաքագետների` նա աչքի է ընկնում պոպուլիստական հայտարարություններով, ինչի արդյունքում միշտ ընտրություններում ունեցել է ընտրողների մեծ բանակ:

Յուլյա Տիմոշենկոն քարոզարշավի սկզբում դիմել էր ԿԸՀ և խնդրել էր ընտրապայքարից հեռացնել գրանցված թեկնածու Յուրի Տիմոշենկոյին: Նա պնդում էր, որ իր անվանակից թեկնածուի առաջադրումը միտումնավոր է արվել՝ իրենից ձայներ գողանալու պատրվակով:

Յուրի Բոյկո

Առաջատար թեկնածուներից է նաև երկրի նախկին փոխվարչապետ, էներգետիկայի և ածխի արդյունաբերության նախկին նախարար Յուրի Բոյկոն: Իր նախընտրական ծրագրում Բոյկոն խոստացել է բանակցությունները վարել Դոնբասի հարցով բոլոր կողմերի հետ: Բոյկոն նաև խոստացել է վերականգնել հարաբերությունները Ռուսաստանի հետ:

Ընտրություններից 10 օր առաջ նա մեկնել է Մոսկվա և հանդիպում է ունեցել ՌԴ վարչապետ Դմիտրի Մեդվեդևի հետ:

Բոյկոյի ընտրարշավի կարգախոսն է. «Վերադարձնե´նք ուկրաինացիներին արժանապատիվ կյանքը»:

Անատոլի Գրիցենկո

Նախընտրական քարոզարշավում աչքի է ընկել նաև երկրի պաշտպանության նախկին նախարար Անատոլի Գրիցենկոն: ԱՄՆ-ում կրթություն ստացած քաղաքական գործիչն առաջնորդվում է «Արա´, ինչպես ես» կարգախոսով:

Թեկնածուն նույնպես ունի հակառուսական դիրքորոշում:

«Աշխարհի խաղաղության ամենամեծ սպառնալիքը և աշխարհի ապակայունացման ամենամեծ գործոնը Ռուսաստանի Դաշնությունն է»,- ասել է Գրիցենկոն:

Գրիցենկոն նաև խոստացել է հնարավոր բոլոր միջոցներով վերադարձնել Դոնբասը և կրճատել պաշտոնյաների թիվը:

Admin

ԱԻՆ

Բաժանորդագրվեք SHANTNEWS.am-ին Telegram-ում

Բոլոր լուրերը

00:00 23.11.2024
Մալդիվները կտրուկ կբարձրացնեն տուրիստական վճարները

Կապակցված լուրեր

00:00 23.11.2024

Մալդիվները կտրուկ կբարձրացնեն տուրիստական վճարները

Մալդիվների կառավարությունը որոշել է ավելացնել տուրիստական հարկերը՝ բյուջեն համալրելու համար. խոսքը կանաչ հարկի, տուրիստական հարկի, օդանավակայանի սպասարկման վճարների և տուրիստական ապրանքների և ծառայությունների հարկի մասին է, հաղորդում են տեղական լրատվամիջոցները: 2025 թվականի հունվարի 1-ից կանաչ հարկը, որը գանձվում է յուրաքանչյուր զբոսաշրջիկից հյուրանոցում կամ կացարանային այլ հաստատությունում գտնվելու մեկ օրվա համար, կկրկնապատկվի։ Հյուրատներում և 50-ից պակաս […] ...

23:55 22.11.2024

Կիրկորովին, Բասկովին, պատրիարք Կիրիլին և այլոց Զելենսկին զրկել է պետական պարգևներից և կոչումներից

Ուկրաինայի նախագահ Վլադիմիր Զելենսկին զրկել է պետական մրցանակներից և կոչումներից այն հայտնի մարդկանց, ովքեր ապրում և ելույթ են ունենում Ռուսաստանում՝ միաժամանակ աջակցելով պատերազմին։ Նա ստորագրել է համապատասխան հրամանագիրը՝ ուժի մեջ դնելով Ուկրաինայի ազգային անվտանգության և պաշտպանության խորհրդի որոշումը։ Ցուցակում ընդգրկված են եղել ոչ միայն արվեստագետներ, այլ նաև նախկին պաշտոնյաներ, ժողովրդական պատգամավորներ, ՍԲՀ-ի և գլխավոր դատախազության […] ...

23:49 22.11.2024

Ղրղզստանի նախագահն արգելել է էլեկտրոնային ծխախոտը

Ղրղզստանի նախագահ Սադիր Ժապարովը ստորագրել է օրենք, համաձայն որի՝ 2025 թվականի հուլիսի 1-ից երկրում արգելք կսահմանվի էլեկտրոնային ծխախոտների ներմուծման, վաճառքի և ծխելու համար, ուրբաթ հայտնել է Ղրղզստանի ղեկավարի մամուլի ծառայությունը։ «Սադիր Ջապարովը ստորագրել է «Քաղաքացիների առողջության պաշտպանության ոլորտում Ղրղզստանի Հանրապետության որոշ օրենսդրական ակտերում փոփոխություններ կատարելու մասին» օրենքը»,- ասված է հաղորդագրության մեջ։ Մասնավորապես, հաջորդ տարվա հուլիսի […] ...

23:42 22.11.2024

2024 թվականին ռեկորդային թվով մարդասիրական օգնության աշխատակից է զոհվել․ ՄԱԿ

ՄԱԿ-ի Մարդասիրական հարցերի համակարգման գրասենյակը (OCHA) ուրբաթ օրը հայտնել է, որ 2024 թվականին աշխարհում մարդասիրական օգնության 281 աշխատակից է զոհվել: «2024 թվականին աշխարհում մահացել է 281 մարդասիրական աշխատող՝ սա զոհերի ռեկորդային թիվ է»,-ասվում է OCHA-ի պաշտոնական կայքում։ ՄԱԿ-ը նշում է, որ նման թվերի պատճառը, մասնավորապես, Գազայի հատվածի հակամարտությունն է, որտեղ 2023 թվականի հոկտեմբերի 7-ից մինչ […] ...

23:36 22.11.2024

Վարչապետը հայտարարել է, որ Հովիկ Աղազարյանին խնդրել է վայր դնել ԱԺ պատգամավորի մանդատը

Վարչապետ Նիկոլ Փաշինյանը Հանրային հեռուստաընկերությանը տված հարցազրույցում հայտարարեց, որ խնդրել է ՀՀ Ազգային ժողովի «Քաղաքացիական պայմանագիր» խմբակցության պատգամավոր Հովիկ Աղազարյանին վայր դնել մանդատը։ «Արմենպրես»-ի հաղորդմամբ՝ նա ընդգծեց, այստեղ խնդիրը համակարգային բնույթ ունի, այլ ոչ թե անձնական։ «Պետք է ուղիղ խոստովանեմ և ասեմ, որ պաշտոնանկությունների համատեքստի հետ ուղիղ կապ ունեն մի շարք իրադարձություններ, որոնք հրապարակային են […] ...

23:30 22.11.2024

Հոլանդը միակն է, որը կարող է հասնել Ռոնալդուին և Մեսսիին. Ռոդրի

Անգլիական «Մանչեսթեր Սիթիի» կիսապաշտպան Ռոդրին նշել է, թե որ ֆուտբոլիստը կարող է մոտ ապագայում հավասարվել Կրիշտիանու Ռոնալդուի և Լիոնել Մեսսիի մակարդակին: «Կարծում եմ՝ այն ֆուտբոլիստը, որն օբյեկտիվորեն կարող է հավասարվել Ռոնալդուի և Մեսսիի մակարդակին, Հոլանդն է: Էրլինգը միակն է, որը կարող է հասնել նրանց: Նա դրիբլինգի առավելություն չունի, քանի որ մաքուր հարձակվող է: Եթե նայեք […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.