Չիրականացած ևս մեկ երազանք. Հայաստանի հավաքականը դարձյալ պարտվեց – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
03 04 2025
  • $
    391.32
  • RUBLE
    4.67
  • 432.53
WEATHER
+10.09 oC

Չիրականացած ևս մեկ երազանք. Հայաստանի հավաքականը դարձյալ պարտվեց

01:12 27.03.2019

ԵՎՐՈ 2020-ի ընտրական փուլի մեկնարկից առաջ ֆուտբոլասերների սպասումները մեծ էին. ՀՖՖ ղեկավար կազմի փոփոխությունը, իսպանացի հայտնի մասնագետների ներգրավումը ազգային հավաքականի մարզչական շտաբում հերթական մարտահրավերը հաղթահարելու նոր հույսեր էին արթնացրել։ Երկար ընդմիջումից հետո հավաքական էր հրավիրվել Յուրա Մովսիսյանը, ազգային թիմում հայտնի անունների կողքին նաև երիտասարդներ էին։ Այս ամենի համատեքստում Հայաստանի ազգային թիմի երկրպագուների ակնկալիքները, թերևս, չափազանցված էին։

Վազգեն Սարգսյանի անվան հանրապետական մարզադաշտի արևելյան տրիբունան Հայաստան-Ֆինլանդիա խաղից առաջ

Սպասումների ու իրականության առաջին իրական բախումը տեղի ունեցավ մարտի 23-ին Սարաևոյում։ Բոսնիայի և Հերցեգովինայի հետ խաղը հակասական տպավորություններ թողեց։ Հայաստանցի ֆուտբոլիստների մոտ պայքարելու ցանկության բացակայություն, կարծես, չկար, բայց բոսնիացիների և մեր թիմի խաղամակարդակների տարբերությունը զգացնել էր տալիս։ Տանտերերը կարողացան հաշվում առաջ անցնել 33-րդ րոպեին անկյունայինի խաղարկումից հետո։ Երկրորդ խաղակեսում պատկերը, մեծ հաշվով, էական փոփոխություն չկրեց. թեև Հայաստանի հավաքականի ֆուտբոլիստներն ունեցան գոլային մի քանի հնարավորություն, բայց դիպուկությունը չբավականացրեց։ Փոխարենը բոսնիացիները կարողացան 80-րդ րոպեին երկրորդ գոլը խփել։

Մեր ֆուտբոլիստների համար փոքրիկ օգնություն եղավ հակառակորդ թիմի խաղացողի վնասվածքը. առանց փոխարինման հնարավորության մնացած Բոսնիայի և Հերցեգովինայի հավաքականը ստիպված էր վերջին րոպեներն անցկացնել 10 հոգով։ Հենց ավելացված ժամանակում էլ Դենի Միլոշևիչը ձեռքով խաղաց սեփական տուգանային հրապարակում։ 11 մետրանոց հարվածը Հենրիխ Մխիթարյանն իրացրեց. Հայաստանի հավաքականի ավագը ազգային թիմում խփեց իր 27-րդ գնդակը, բայց դա դարձավ միայն անձնական նվաճում։ Հայաստանի հավաքականն այս խաղում ավելին անել չկարողացավ՝ 2-1 հաշվով պարտություն, 0 միավոր և միայն խաղավարտից առաջ խփված գոլ՝ որպես սփոփանք ֆուտբոլասերների համար։

– Տղաների ցուցադրած խաղից գոհ եմ, բայց արդյունքից՝ ոչ: Վստահ եմ, որ տղաները կարող են ավելի լավ խաղալ,- հանդիպումից հետո ասաց ազգային թիմի գլխավոր մարզիչ Արմեն Գյուլբուդաղյանցը։

Հայաստանի և Ֆինլանդիայի  հավաքականները ազգային օրհներգները հնչելու պահին

3 օր անց գրեթե լեփ-լեցուն Հանրապետական մարզադաշտը ևս այդպիսի վստահությամբ դիմավորեց ազգային հավաքականին։ Մեկնարկային կազմը նախորդ խաղի համեմատությամբ էապես փոխված էր. Կառլեն Մկրտչյանի հիվանդության պատճառով  հենակետային կիսապաշտպանի դիրքում խաղում էր Հենրիխ Մխիթարյանը, կենտրոնական հարձակվողի դիրքում Ալեքսանդր Կարապետյանի փոխարեն Նորբերտո Բրիասկո Բալեկյանն էր, Սարգիս Ադամյանին էլ փոխարինել էր Օզբիլիսը։ Իտալիայի հավաքականից 2-0 հաշվով պարտություն կրած ֆիններն այս խաղից առաջ նույնպես միավոր չունեին և մրցաշարային աղյուսակում 5-րդն էին մեզանից հետո։

Մեկնարկային սուլիչը հնչելուց վայրկյաններ առաջ

Խաղի մեկնարկում Հայաստանի հավաքականը ավելի ակտիվ էր, բայց բաց թողած հակագրոհն արդեն 14-րդ րոպեին հաջողություն բերեց հյուրերին։ Հաշվի մեջ առաջ անցած ֆինները սկսեցին շատ կազմակերպված պաշտպանվել, ու Հայաստանի հավաքականը դարպասի գրավման էական հնարավորություններ չունեցավ։

Երկրորդ խաղակեսի մեկնարկում ևս հայ ֆուտբոլիստները ակտիվորեն փորձում էին գրոհելու տարբերակներ գտնել։ Եզրերով, կենտրոնով, տարբեր ինտենսիվության գրոհները հաջորդում էին մեկը մյուսին, բայց դրանցից ոչ մեկն արդյունավետ չեղավ։ Հայաստանի հավաքականը, գրոհներով տարվելով, ևս մեկ հակագրոհ բաց թողեց։ Ինչպես նախորդ խաղում, այս անգամ ևս խաղի հիմնական ժամանակի ավարտից մոտ 10 րոպե առաջ մենք արդեն պարտվում էինք 2 գնդակի տարբերությամբ, բայց, ի տարբերություն Բոսնիայի և Հերցեգովինայի դեմ խաղի, մրցակիցն այս անգամ մեզ 11 մետրանոց չնվիրեց։

Գևորգ Ղազարյանը փորձում է եզրափակել հերթական գրոհը

– Ես հիմա էլ եմ ասում՝ մյուս խաղում մեր առաջնային նպատակը պետք է լինի ազգին ուրախացնելը՝ լավ խաղով և արդյունքով: Մեր հավաքականը երիտասարդացման կարիք ունի: Արդեն չորս երիտասարդ խաղացող իրենց նորամուտը նշել են հավաքականում: Լավագույն փորձառու ֆուտբոլիստների հետ երիտասարդներն էլ կամաց-կամաց փորձ կհավաքեն: Ամեն ինչ կանենք, որ ազգին ուրախացնենք,- հետխաղյա ասուլիսում ասաց ազգային թիմի գլխավոր մարզիչ Արմեն Գյուլբուդաղյանցը։

Հարավային տրիբունան խաղավարտից 10 րոպե առաջ

Ազգին ուրախացնելու հերթական հնարավորությունը հայ ֆուտբոլիստներին կընձեռվի շուրջ 2 ու կես ամսից՝ հունիսի 8-ին։ ԵՎՐՈ 2020-ի ընտրական փուլի 3-րդ տուրում Հայաստանի ազգային հավաքականը ընդունելու է բախտակցին՝ Լիխտենշտեյնի հավաքականին. երկու տուրերից հետո J խմբում միայն Հայաստանի և Լիխտենշտեյնի հավաքականներն են, որ միավորներ չունեն։

Բոլոր լուրերը

Կապակցված լուրեր

Ստեփանծմինդա-Լարս ավտոճանապարհը բաց է

00:59 04.04.2025

Ստեփանծմինդա-Լարս ավտոճանապարհը բաց է

Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...

Հայ շախմատիստուհիների արդյունքները Եվրոպայի կանանց անհատական առաջնությունում 4 խաղափուլից հետո

00:51 04.04.2025

Հայ շախմատիստուհիների արդյունքները Եվրոպայի կանանց անհատական առաջնությունում 4 խաղափուլից հետո

Հունաստանի Հռոդոս կղզում ավարտվեց շախմատի Եվրոպայի կանանց անհատական առաջնության 4-րդ խաղափուլը: Այս մասին հայտնել են Հայաստանի շախմատի ֆեդերացիայից: 4 խաղափուլից հետո գրոսմայստեր Էլինա Դանիելյանը ունի 3.5 միավոր և կիսում է 2-8-րդ հորիզոնականները: Միջազգային վարպետ Լիլիթ Մկրտչյանը և կանանց գրոսմայստեր Մարիա Գևորգյանը ունեն 3 միավոր և նույնպես առաջատարների շարքում են: Այսօր Մարիան հաղթել է Եվրոպայի կանանց […] ...

Աշխարհը կանգնած է լուրջ մարտահրավերների առաջ, և նորարարական տեխնոլոգիաների կիրառումը գյուղատնտեսության մեջ երբևէ այսքան պահանջված չեն եղել. Ռուբեն Սիմոնյան

00:42 04.04.2025

Աշխարհը կանգնած է լուրջ մարտահրավերների առաջ, և նորարարական տեխնոլոգիաների կիրառումը գյուղատնտեսության մեջ երբևէ այսքան պահանջված չեն եղել. Ռուբեն Սիմոնյան

ՀՀ բարձր տեխնոլոգիական արդյունաբերության նախարարի տեղակալ Ռուբեն Սիմոնյանը ապրիլի 3-ին մասնակցել է ԵՄ կողմից ֆինանսավորվող «Կանաչ գյուղատնտեսություն նախաձեռնությունը Հայաստանում» (EU-GAIA) շրջանակներում Երևանում անցկացվող Կանաչ գյուղատնտեսության միջազգային համաժողովին։ Այս մասին հայտնել են ԲՏԱ նախարարությունից: Ողջունելով համաժողովի մասնակիցներին՝ Ռուբեն Սիմոնյանն ընդգծել է, որ նման միջոցառումները կարևոր հարթակ են նորարարների, գիտնականների և քաղաքական գործիչների համար՝ համատեղ քննարկելու կայուն […] ...

Իրավիճակը Հայաստանի ճանապարհներին

00:30 04.04.2025

Իրավիճակը Հայաստանի ճանապարհներին

Փրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ են Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ և Ամբերդ ամրոց տանող ավտոճանապարհները։ Վարորդները պետք է երթևեկեն բացառապես ձմեռային անվադողերով։ ...

Հայտնի են հունահռոմեական ոճի ըմբշամարտի Հայաստանի պատանեկան առաջնության հաղթողներն ու մրցանակակիրները

00:16 04.04.2025

Հայտնի են հունահռոմեական ոճի ըմբշամարտի Հայաստանի պատանեկան առաջնության հաղթողներն ու մրցանակակիրները

Երևանի «Դինամո» մարզադահլիճում ավարտվել է հունահռոմեական ոճի ըմբշամարտի Հայաստանի պատանեկան առաջնությունը։ Այս մասին հայտնել են Հայաստանի ըմբշամարտի ֆեդերացիային՝ ներկայացնելով հաղթողներին և մրցանակակիրներին։ 45 կգ Արարատ Ավետիսյան Գյումրի Նարեկ Ալեյան Նորայր Մուշեղյան ՄԴ Բագրատ Կարապետյան Նորայր Մուշեղյան ՄԴ Ալեն Քեսաբյան Աշտարակ 48 կգ Մարտին Մանջիկյան Նորայր Մուշեղյան ՄԴ Վլադիկ Վարդանյան Նորայր Մուշեղյան ՄԴ Ռազմիկ Գևորգյան Ջրվեժ […] ...

Ապրիլի 13-19-ը Երևանում կկայանա Հոկեյի աշխարհի առաջնությունը

23:59 03.04.2025

Ապրիլի 13-19-ը Երևանում կկայանա Հոկեյի աշխարհի առաջնությունը

ՀՀ սփյուռքի գործերի գլխավոր հանձնակատար Զարեհ Սինանյանը հանդիպել է Հայաստանի հոկեյի ֆեդերացիայի գլխավոր քարտուղար Արամ Սարգսյանի և Հայաստանի հոկեյի լիգայի խորհրդի անդամ Նատալյա Կազանցևայի հետ։ Այս մասին հոյտնել են Սփյուռքի գլխավոր հանձնակատարի գրասենյակից: Հանդիպման ընթացքում քննարկվել է այս տարվա ապրիլի 13-19-ը Երևանում կայանալիք Հոկեյի աշխարհի առաջնությունը, որտեղ Հայաստանի հավաքականը հանդես կգա 15 տարվա դադարից հետո։ […] ...

BACK_TO_TOP