17:32 25.03.2019
Այսօր, երբ կառավարությունում արտահերթ նիստ էր հրավիրված, գործադիրի շենքի մոտ էին հավաքվել Արմավիր-Երևան երթուղին սպասարկող «Գալակտիկա տրանս սերվիս» ընկերության վարորդներն ու հիմնադիր տնօրեն Շուշանիկ Խաչատրյանը: Նրանք իրենց հետ կառավարության մոտ էին բերել նաև ընկերության ավտոմեքենաները, որոնք կայանել էին շենքի կայանատեղում` զբաղեցնելով ողջ կայանատեղին:
«Շուրջ մեկ տարի է՝ իմ հիմնարկը չի աշխատում: Պատճառն անօրինականությունն է, անօրինական 7 հատ գիծ են մտցրել էս գծի մեջ՝ Արմավիր-Երևանի, որի իրավունքը չունեն: Նախկին նախարարներ են, թե ովքեր են, չգիտեմ: Վաճառել են, նվեր են տվել: Մի երկուսը գիտենք, որ նվիրել են, մնացածը վաճառել են, որ աշխատեն կոնկրետ Արմավիր- Երևան ուղղությամբ, ու աշխատում են առ այսօր մարդիկ՝ սպիտակ համարներով, ու ոչ ոք չի ուզում դա տեսնել, վերացնել»,- ասաց Շուշանիկ Խաչատրյանը:
Խաչատրյանն ասել է, որ խնդրի մասին բազմիցս է դիմել պետական ատյաններին: 26 նոր մեքենաներն իր ընկերությունը սեպտեմբերին է ներկրել Հայաստան: Սեպտեմբերին տեղեկանք չի տրամադրվել, ըստ որի՝ հնարավոր է դեղին պետհամարանիշներ ձեռք բերել և ուղևորափոխադրումներ կատարել: Տեղեկանքը տրամադրվել է հոկտեմբերի 5-ին:
Հարցին` կա՞ արդյոք սակագնի տարբերություն իրենց մյուս փոխադրողների փոխադրումների միջև, այսպիսի պատասխան է տվել.
«Մենք տենդերը շահել ենք 500 դրամով: Մյուսներն աշխատում են 400 դրամով, մենք էլ ենք աշխատել 400-ով, բայց քանի որ էս մեքենաները դիզվառելիքով են, ավելի թանկ է, ծախսը շատ-շատ է: «Սպրինտերները» հիմա աշխատում են 500 դրամով, գազով մեքենաները՝ միկրոավտոբուսները, 400 դրամով»,- հավելել է ուղևորափոխադրող ընկերության հիմնադիր տնօրենը:
Ըստ Շուշանիկ Խաչատրյանի՝ ընկերությունն ունի ունեն 20 ավտոբուս և 6 միկրոավտոբուս, հարկ եղած դեպքում կարող են թիվն ավելացնել, մեքենաները խնդիր չունեն: Ինչ վերաբերում է այն հարցին, թե երբ ակցիան կավարտեն ու որոնք են պահանջները, ասաց, որ մեքենաները կառավարության մոտ կմնան այնքան ժամանակ, քանի դեռ անօրինական գծերը կլինեն:
«Մենք մնալու ենք այնքան ժամանակ, քանի դեռ այդ հարցի լուծումը չեն տվել, հիմնարկն արդեն կործանվել է, պարտքեր են կուտակվել բանկին, հարկեր, տուրքեր»,- ասել է Խաչատրյանը:
Հիշեցնենք, որ այսօր կառավարության նիստից հետո լրագրողները խնդրի վերաբերյալ հարցեր են ուղղել ՀՀ տրանսպորտի, կապի և ՏՏ նախարար Հակոբ Արշակյանին.
«Բավականին լուրջ միջոցառումներ են ձեռնարկվել սպիտակ համարանիշներով աշխատանք իրականացնող մեքենաների ուղղությամբ: Տուգանքներ են գրվել բազմիցս, այնուամենայնիվ, խնդիրը դեռևս առկա է, բայց խնդիրների մեծ մասը չեզոքացվել է: Ե՛վ ՊԵԿ-ը, և՛ ոստիկանությունը, և՛ տեսչական մարմինն ակտիվորեն մեզ հետ համագործակցում են, որ խնդիրը շուտափույթ լուծում ստանա»,- Երևան-Արմավիր երթուղայինի վարորդների բողոքին անդրադառնալով` ասել է Արշակյանը:
Նախարարը նշել է, որ տվյալ պահին խնդիրն այն է, որ 8 տեղանոց տաքսիներն ուղևորափոխադրումներ են իրականացնում:
16:50 04.04.2025
Գևորգ Պապոյանն ու Նուբար Աֆեյանը քննարկել են Հայաստանի ներդրումային միջավայրի բարելավման և գրավչության բարձրացման վերաբերյալ հարցերՀՀ էկոնոմիկայի նախարար Գևորգ Պապոյանն այսօր ընդունել է հայազգի գործարար և բարերար Նուբար Աֆեյանին: Հանդիպմանը ներկա է եղել նաև նախարարի տեղակալ Լիլյա Սիրականյանը։ Հանդիպման ընթացքում քննարկվել են պետություն-մասնավոր հատվածի արդյունավետ համագործակցության շրջանակներում մասնավոր ներդրումային ֆոնդ ստեղծելու հայեցակարգը, ինչպես նաև Հայաստանի ներդրումային միջավայրի բարելավման և գրավչության բարձրացման վերաբերյալ հարցեր։ Նախարարը նշել է, որ որ ներդրումները կարող […] ...
16:42 04.04.2025
Գեղարքունիքի մարզի պարեկներն ապօրինի թմրաշրջանառության դեպքեր են բացահայտելՀանցագործությունների, այդ թվում՝ ապօրինի թմրաշրջանառության դեմ Գեղարքունիքի պարեկների պայքարը շարունակում է դրական արդյունքներ տալ։ Ներկայացնենք մարտի 31-ից ապրիլի 3-ն ընկած ժամանակահատվածում բացահայտումներից մի քանիսը: Գեղարքունիքի պարեկները մարտի 31-ին Երևան-Սևան-Իջևան ճանապարհին ծառայություն իրականացնելիս, թմրամիջոց պահելու և օգտագործելու կասկածանքով, ձերբակալել ու մեքենայով հանդերձ՝ Համայնքային ոստիկանության Սևանի բաժին են ներկայացրել Ճամբարակի 24-ամյա մի բնակչի։ Բաժնում երիտասարդը ներկայացրել է […] ...
16:36 04.04.2025
Ռուբիոն կարծում է, որ ԱՄՆ Կոնգրեսը կպահանջի Ռուսաստանի դեմ պատժամիջոցների խստացումԱՄՆ պետքարտուղար Մարկո Ռուբիոն կարծում է, որ ԱՄՆ Կոնգրեսը ճնշում կգործադրի նախագահ Դոնալդ Թրամփի վարչակազմի վրա՝ Ռուսաստանի դեմ պատժամիջոցները խստացնելու համար։ «Կապիտոլիումից կավելացվի ճնշումը պատժամիջոցները մեծացնելու համար, և մենք չենք կարողանա կանխել դա, եթե առաջընթաց չգրանցենք խաղաղ կարգավորման հարցում (Ուկրաինայում)», – ասել է նա Բրյուսելում ՆԱՏՕ-ի արտաքին քաղաքականության ղեկավարների հանդիպման արդյունքներով կայացած մամուլի ասուլիսում։ Ռուբիոն […] ...
16:33 04.04.2025
Ալեքսանդր Օվեչկինը NHL-ում նետել է 891-րդ տափօղակըՀոկեյի ազգային լիգայի (NHL) կանոնավոր առաջնության հերթական խաղում «Վաշինգտոն Քեփիթալզը» հյուրընկալվելիս 4-3 հաշվով հաղթել է «Բոսթոն Բրյուինզին»: Մայրաքաղաքային թիմի կազմում այս մրցաշրջանում 38-րդ տափօղակն է նետել Ալեքսանդր Օվեչկինը: 39-ամյա ռուս հարձակվողը գոլերի քանակը հասցրել է 891-ի: Բոլոր ժամանակների գլխավոր ռմբարկու Ուեյն Գրեցկիի ռեկորդը գերազանցելու համար Օվեչկինին պետք է աչքի ընկնել ևս 4 անգամ: Լեգենդար Գրեցկին […] ...
16:27 04.04.2025
Ռյուտե. ԱՄՆ-ը կշարունակի զենք մատակարարել ՈւկրաինայինՆԱՏՕ-ի գլխավոր քարտուղար Մարկ Ռյուտեն հայտարարել է, որ ԱՄՆ-ից զենքի և հետախուզական տվյալների հոսքը Ուկրաինա կշարունակվի, չնայած այն բանին, որ ամերիկյան կողմը չի մասնակցի ապրիլի 11-ին Բրյուսելում Ուկրաինայի հարցով կոնտակտային խմբի հանդիպմանը։ «Ոչինչ չի փոխվի: ԱՄՆ-ի օգնության և հետախուզական տվյալների հոսքը կշարունակվի»,- ասել է նա ՆԱՏՕ-ի արտգործնախարարների հանդիպման արդյունքներով կայացած մամուլի ասուլիսում: Ավելի վաղ ՆԱՏՕ-ի […] ...
16:24 04.04.2025
Առանձնապես խոշոր չափերով կաշառք ստանալուն օժանդակելու և կաշառք տալու մեջ մեղադրվող դատավորի օգնականի ու համայնքի վարչական ղեկավարի վերաբերյալ վարույթով նախաքննությունն ավարտվել էՀՀ հակակոռուպցիոն կոմիտեում Ազգային անվտանգության ծառայությունից ստացված նյութերի հիման վրա նախաձեռնված քրեական վարույթով պարզվել է, որ ընդհանուր իրավասության դատարանի դատավորի օգնականը օժանդակել է ՀՀ դատական իշխանության ներկայացուցչի կողմից առանձնապես խոշոր չափերով կաշառք ստանալուն՝ նույն մարզի համայնքի վարչական ղեկավարի մատնանշած անձի օգտին բարենպաստ վճիռ կայացնելու համար: Մասնավորապես՝ նախաքննությամբ հիմնավորվել է, որ ՀՀ դատական իշխանության պաշտոնատար անձը, […] ...
