Կանայք լեգենդար լուսանկարիչների սև ու սպիտակ օբյեկտիվում

Սև ու սպիտակ լուսանկարները օժտված են ինչ-որ անբացատրելի գրավչությամբ: Այդ լուսանկարներին կարելի է անվերջ նայել և չհոգնել ու յուրաքանչյուր նոր հայացքից նոր բացահայտումներ անել: Սև և սպիտակ նկարները հիմնականում չեն ենթարկվում ավելորդ մշակումների, նրանք մարդկանց ներկայացնում են այնպիսին, ինչպիսին՝ կան: Շատերը կարծում են, որ այդ նկարներում անգամ թերություններն են գեղեցիկ:

Բոլորն էլ կարող են լուսանկարներ անել այս երկու գույնով, բայց ոչ բոլորն են կարողանում այդ մեկ կադրով փոխանցել այն բոլոր զգացմունքներն ու մթնոլորտը, ինչպես դա անում են լեգենդար լուսանկարիչները՝ նրանց սև ու սպիտակ նկարներում մի ամբողջ պատմություն կարելի է տեսնել:

ShantNews-ը այսօր ձեզ կներկայացնի լեգենդար լուսանկարիչների լույսի ու ստվերի խառը աշխարհում հայտնված հայտնի կանանց լուսանկարները:

Եթե դուք նորաձևության աշխարհի հետ գոնե մի փոքր կապ ունեք, ապա հաստատ լսած կլինեք Պատրիկ Դեմարշալիեի անունը: Լեգենդար լուսանկարչի բոլոր նկարները արագ հայտնվում են բոլորի ուշադրության կենտրոնում: Իր կարիերայի ընթացքում աշխատել է բազմաթիվ հայտնի ամսագրերի հետ, և նրա օբյեկտիվում հայտնվելը շատ մոդելների ու հայտնի մարդկանց կյանքի երազանքներից է: Նրա հայտնի սև և սպիտակ նկարներից մեկը Լեդի Դիանայի նկարն է և հատկանշական է նշել, որ  լուսանկարիչը հրաժարվել է նկարել Քեյթ Միդլթոնին:

Պատրիկ Դեմարշալիե

Արքայադուստր Դիանա

Արքայազն Ուիլիամ

Քրիստի Թարլինգթոն և Լինդա Էվանգեսլիստա

Մադոննա

Էննի Լեյբովից… Լուսանկարիչ ում համար իսկական տաղավարի է վերածվում անգամ թափթփված բնությունը: Նա ամենահայտնի կին լուսանկարիչներից է, որին հաջողվել է հայտնվել լեգենդարների ցուցակում: Նրա լուսանկարներում յուրահատուկ շունչ կա, որը հենց առաջին հայացքից փոխանցվում է մարդկանց: Էննի Լեյբովիցը ունի իրեն բնորոշ ձեռագիր, և նրա լուսանկարները միանգամից կարելի է տարբերել: «Օսկարի» մրցանակաբաշխությունից հետո բոլորը շունչները պահած սպասում են Էննիի լուսանկարներին, քանի որ դրանք պարզ ու հասարակի և գլամուրայինի խաչմերուկում են:

Էննի Լեյբովից 

Նատալյա Վադյանովա, Սերենա Ուիլիամս

Սկարլետ Յոհանսոն

Քեյթ Բլանշետ

90-ականներին հայտնի Կոկաինային զույգը՝ Ջոնի Դեպև Քեյթ Մոսս

Պատահական նկարների վարպետ Պետեր Լինդբերգ: Նյու Յորքի խառնիխուռն փողոցներում միանգամից կարելի է գտնել նրա հերոսուհիներին: Պետեր Լինդբերգը այն քիչ լուսանկարիչներից է, որոնք կարողանում են խմբակային լուսանկարներում բոլոր հերոսներին տալ իրենց բնորոշ յուրահատուկ գրավչությունը: Հենց սա է պատճառը, որ նրա լուսանկարներում հայտնված կանայք հավասարաչափ ուշադրության են անդրադառնում: Նրա լուսանկարչական ֆիլմերում բոլորը գլխավոր դերերում են:

Պետեր Լինդբերգը 90-ականների մոդելների հետ

Vogue 1988

WALKING BY PETER LINDBERGH FOR VOGUE-ITALIA/ Միլա Յովովիչ

Թիլդա Սուինթոն

Մարկո Գլավիանոյի լուսանկարում կանայք իդեալական են: Լեգենդար լուսանկարիչը հավերժացրել է 20-րդ դարի ամենագեղեցիկ կանանց: Նա սև և սպիտակ լուսանկարների վարպետ է, և նրա լուսանկարները զարդարել են նորաձևության լավագույն ամսագրերի շապիկները՝ ավելի քան 500 ամսագրի շապիկ: Իտալացու օբյեկտիվում հայտնված կանայք ինքնավստահ են և սեքսուալ: Հենց Մարկո Գլավիանոյի շնորհիվ 70-80-ականներին առաջ քաշվեց «սուպերմոդել» հասկացությունը, և իր լուսանկարներում բացատրվեց այդ տիտղոսի ֆենոմենը:

Մարկո Գլավիանո

Ամենաիրոնիկ լուսանկարիչ Էլիոթ Էրվիթին է հեղինակել Մերլին Մոնրոյի սպիտակ զգեստով հայտնի նկարը: Մոնրոյի փեշը բարձրանում է վեր, իսկ լուսանկարիչը ֆիքսում է այդ անսպասելի, բայց հետագայում լեգենդար դարձած պահը: Ֆրանսիաբնակ հրեայի համարյա բոլոր լուսանկարները պատահականության սկզբունքով են արվել, և այդ կերպ նա փորձել է սարկաստիկ կադրերով ներկայացնել իրականությունը՝ իր ամբողջ գրավչությամբ: Նրա լուսանկարներին նայելիս նույնիսկ մի պահ կարելի է լսել լուսանկարչի օբյեկտիվի մյուս կողմում հնչող ծիծաղը: «Բացատրել լուսանկարը նույնն է թե բացատրել հումորը: Հենց դու սկսում ես դետալներով բացահայտել, այդ ժամանակ արդեն մեռնում է կադրը»,- ասել է նա: 

Էլիոթ Էրվիթ

1954թ, Նյու Յորք: Մերլին Մոնրոն ֆիլմի նկարահանումների ժամանակ

Մերլին Մոնրո, 1960թ

Գրեյս Քելլին Մոնակոյի արքայազն Ռենյեի հետ Նյու Յորքում: 1956թ

Նրա ամենահայտնի լուսանկարը, որը հաղթաթուղթ դարձավ իր կարիերայի սկզբնական շրջանում: 1955թ , Կալիֆոնիա:

                                                                                                                 Պատրաստեց Լիլիթ Խաչատրյանը