18:19 09.03.2019
Ընտրությունների օրվա դրությամբ 18 տարին լրացած բոլոր քաղաքացիներն ունեն ընտրելու իրավունք, բացի ծանր հանցագործությունների համար ազատազրկվածներից և դատարանի վճռով անգործունակ ճանաչվածներից: Այս մասին նշված է Հայաստանում 2018թ. դեկտեմբերի 9-ին անցկացված արտահերթ խորհրդարանական ընտրությունների վերաբերյալ ԵԱՀԿ ԺՀՄԻԳ վերջնական զեկույցում, որտեղ նաև ընդգծված է՝ հաշմանդամություն ունեցող անձանց իրավունքների մասին ՄԱԿ-ի Կոնվենցիան սահմանում է, որ հաշմանդամություն ունեցող անձանց ընտրական իրավունքի սահմանափակում պետք է չլինի՝ անկախ հաշմանդամության տեսակից:
«Չնայած այդ դրույթներին և ԺՀՄԻԳ-ի նախկին հանձնարարականներից մեկին՝ սահմանադրության մեջ և ընտրական օրենսգրքում մնում են առկա մտավոր հաշմանդամություն ունեցող անձանց ընտրական իրավունքի սահմանափակումներ: Մտավոր հաշմանդամություն ունեցող անձանց ընտրական իրավունքի սահմանափակումները պետք է վերացվեն: Ընտրողների գրանցումը պասիվ է և կատարվում է Բնակչության պետական ռեգիստրի հիման վրա, որը վարում է ՀՀ Ոստիկանության անձնագրային և վիզաների վարչությունը(ԱՎՎ): Ընտրողների ռեգիստրը ներառում է Հայաստանում մշտապես բնակվող ընտրական իրավունք ունեցող բոլոր քաղաքացիներին, այդ թվում՝ զգալի թվով փաստացիորեն արտերկրում բնակվող ընտրողների»,- ասված է զեկույցում:
Ընտրողների ցուցակները
Մինչև նոյեմբերի 19-ի սահմանված վերջնաժամկետը Անձնագրային և վիզաների վարչությունը (ԱՎՎ) կազմել և տպագրել է նախնական ընտողների ցուցակները, որոնք փակցվել են տեղամասային կենտրոններում հանրության կողմից ծանոթացման համար: Նույն օրը ԱՎՎ-ն ընտրողների ամբողջական ռեգիստրը հրապարակել է իր կայքէջում, ինչը օրենքի պահանջն է:
Ընտրողների վերջնական ցուցակները ԱՎՎ-ի կողմից հրապարակվել են դեկտեմբերի 6-ին: Ըստ ԿԸՀ-ի հրապարակած ընտրությունների արդյունքների ամփոփման վերջնական արձանագրության՝ գրանցված ընտրողների ընդհանուր թիվը կազմում էր 2.591.276: ԺՀՄԻԳ ԸԴԱ զրուցակիցների մեծ մասն ընդհանուր առմամբ վստահություն են հայտնել ընտրողների ցուցակների ճշգրտության նկատմամբ:
Ընտրական օրենսգիրքը բավականաչափ մեխանիզմներ է սահմանել ընտրողների համար ընտրացուցակներում ուղղումներ կատարելու, ներառվելու կամ ցուցակից հանվելու,ինչպես նաև քվեարկելու նպատակով ըստ ժամանակավոր բնակության վայրի գրանցվելու դիմումներ ներկայացնելու համար, մինչև ընտրություններից տաս օր առաջ:
Հատուկ ցուցակները
Հատուկ ցուցակներ են կազմվում քրեակատարողական հիմնարկների և ձերբակալված անձանց պահելու վայրերի, ոստիկանության և զորամասերի, ինչպես նաև ստացիոնար բժշկական հաստատությունների համար: Արտերկրում տեղակայված դիվանագիտական և ռազմական ծառայություն անցնող ընտրողները, ինչպես նաև նրանց ընտանիքի անդամները կարող են գրանցվել համացանցով քվեարկելու համար:
ԱՎՎ-ն ԺՀՄԻԳ ընտրությունների դիտորդական առաքելությանը ներկայացրեց ընտրողների ցուցակների ճշգրտությունը բարելավելուն ուղղված, իր կողմից ձեռնարկվող շարունակական ջանքերը՝ ՔԿԱԳ գործակալության բաժինների հետ տվյալների խաչաձև ստուգումների միջոցով: Չնայած այդ ջանքերին և նախկին ԺՀՄԻԳ հանձնարարականներին՝ ընտրողների ռեգիստրը դեռևս ներառում է հասցեներ, որտեղ գրանցված են մեծ թվով ընտրողներ, ինչը մնում է մտահոգության առարկա:
Ինչպես պահանջվում է ընտրական օրենսգրքով, դեկտեմբերի 10-ին ԿԸՀ-ն հրապարակեց բոլոր տեղամասային կենտրոնների սքանավորված ստորագրված ընտրացուցակները՝ քվեարկությանը մասնակցած անձանց անձնական տվյալներով և ստորագրություններով: ԺՀՄԻԳ ԸԴԱ որոշ զրուցակիցներ մտահոգություններ հայտնեցին քաղաքացիների անձնական տվյալների գաղտնիության վերաբերյալ: Մինչ ընտրական գործընթացի շահառուների համար քվեարկությանը մասնակցած անձանց մասին տեղեկատվության հասանելիությունը կարևոր է որպես երաշխիք այլ անձի փոխարեն քվեարկության պրակտիկայի դեմ, և կարող է լինել ընտրացուցակներում մուտքագրումների չարաշահումները կանխարգելող գործոն, ընտրողների անձնական տվյալների պարբերական հրապարակումը հակասում է միջազգային լավ գործելակերպին:
20:58 10.04.2025
ՊԵԿ-ը Խոշոր հարկ վճարողների հարկային կարգապահության բարելավման ծրագրի շրջանակում բացահայտել է աշխատողի չձևակերպման ու ՀԴՄ-ի կիրառման կանոնների խախտման դեպքերՊետական եկամուտների կոմիտեն հետևողականորեն շարունակում է հսկողական աշխատանքները ՀԴՄ-ի կիրառման կանոնների խախտման և աշխատողի չձևակերպման դեպքերի բացահայտման ուղղությամբ։ Իրավախախտումների կանխարգելումը և դրանց նկատմամբ հանրային վերահսկողությունը կարևոր է յուրաքանչյուր քաղաքացու, ինչպես նաև օրինական դաշտում գործող բիզնեսի կայուն զարգացման համար։ Կոմիտեն հորդորում է հարկ վճարողներին գործել օրենքի դաշտում՝ նպաստելով վստահելի բիզնեսի իր վարկանիշի պահպանմանը։ Պետական եկամուտների կոմիտեն […] ...
20:44 10.04.2025
Լրացուցիչ հրատապ սոցիալական աջակցության միջոցառում՝ ԼՂ-ից բռնի տեղահանված կարիքավոր ընտանիքներինԼՂ-ից բռնի տեղահանված կարիքավոր ընտանիքների համար նախատեսվող լրացուցիչ հրատապ սոցիալական աջակցության միջոցառման մանրամասները ներկայացնում է ԱՍՀ նախարար Նարեկ Մկրտչյանը: Այս մասին հայտնել են Կառավարությունից: Մանրամասները՝ տեսանյութում: ...
20:31 10.04.2025
Ազատ ոճի ըմբշամարտի Հայաստանի հավաքականը ԵԱ-ի թիմային հաշվարկում 5-րդն էԱզատ ոճի ըմբշամարտի Հայաստանի հավաքականը երկու արծաթե և մեկ բրոնզե մեդալներով Եվրոպայի առաջնության թիմային հաշվարկում գրավել է 5-րդ տեղը: Հիշեցնենք, որ Հայաստանի հավաքականը առաջնությանը մասնակցել է 7 ըմբիշով։ Եվրոպայի փոխչեմպիոն են դարձել Արման Անդրեասյանը (70 կգ) և Արսեն Հարությունյանը (61 կգ), բրոնզե մեդալ է նվաճել Վազգեն Թևանյանը (65 կգ): ...
20:22 10.04.2025
Կոստանյանը թուրք պաշտոնակցի հետ քննարկել է ՀՀ-Թուրքիա հարաբերությունների կարգավորման հարցերՀՀ արտգործնախարարի տեղակալ Վահան Կոստանյանը X-ի իր միկրոբլոգում գրել է, որ հանդիպել է Թուրքիայի իր պաշտոնակից Բերիս Էքինջիի հետ: «Կարևոր քննարկում Թուրքիայի արտգործնախարարի տեղակալ Էքինջիի հետ Հայաստանի և Թուրքիայի հարաբերությունների կարգավորման խթանման և հնարավոր համագործակցության նոր ոլորտների սահմանման վերաբերյալ: Մտքեր են փոխանակվել նաև տարածաշրջանային և միջազգային խնդիրների վերաբերյալ»,- գրել է Կոստանյանը: Important discussion with Deputy […] ...
20:13 10.04.2025
Երևանում «Հյուսիս-հարավ» նոր կառուցվող, սակայն չգործող ճանապարհին բախվել են «BMW»-ն ու «Chevrolet»-նԱպրիլի 10-ին, խոշոր ավտովթար է տեղի ունեցել Երևանում։ Ժամը 11։45-ի սահմաններում «Հյուսիս-հարավ» նոր կառուցվող, սակայն դեռևս չշահագործվող ճանապարհին, ժողովրդին հայտնի «4-րդ գյուղից» դեպի Հարավարևմտյան թաղամաս տանող ճանապարհի սկզբնամասում, ճակատ ճակատի բախվել են Երևանի բնակիչներ 23-ամյա Նարեկ Կ․-ի վարած «BMW» մակնիշի և 25-ամյա Արտաշես Մ․-ի վարած «Chevrolet» մակնիշի ավտոմեքենաները։ Ինչպես հայտնել է shamshyan.com-ը, վթարի հետևանքով, ըստ […] ...
