16:00 09.03.2019
ՀՀ Ազգային ժողովի նախագահ Արարատ Միրզոյանը մարտի 9-ին ընդունել է Շվեդիայի Թագավորության խորհրդարանի երկրորդ փոխխոսնակ Լոտտա Յոնսոն Ֆորնարվեի գլխավորած պատվիրակությանը: Հանդիպմանը ներկա է եղել նաև ՀՀ ԱԺ նախագահի տեղակալ Լենա Նազարյանը:
Օրենսդիր մարմնի ղեկավարը բարձր է գնահատել Լոտտա Յոնսոն Ֆորնարվեի հայանպաստ գործունեությունն ինչպես Շվեդիայում, այնպես էլ միջազգային խորհրդարանական հարթակներում, այդ թվում` Եվրոպայի խորհրդի խորհրդարանական վեհաժողովում:
Արարատ Միրզոյանը կարևորել է Շվեդիայի հետ փոխշահավետ համագործակցությունը` նշելով, որ վերջին տարիներին հարաբերությունների զարգացման դրական դինամիկա է նկատվում, այդ թվում` միջխորհրդարանական կապերի խորացման առումով: Այս համատեքստում ԱԺ նախագահը նշել է, որ ձևավորման փուլում է Հայաստան-Շվեդիա բարեկամական խումբը:
Անդրադառնալով Հայաստանի և Եվրոպական միության միջև ստորագրված Համապարփակ և ընդլայնված գործընկերության համաձայնագրին` Արարատ Միրզոյանը կարևորել է ԵՄ անդամ երկրների կողմից փաստաթղթի հնարավորինս արագ վավերացումը: Խորհրդարանի ղեկավարը հույս է հայտնել, որ Արեւելյան գործընկերության 10-ամյակին ընդառաջ Շվեդիայում համաձայնագրի վավերացման ներպետական գործընթացը շոշափելի հանգրվանի կհասնի: Շվեդիայի խորհրդարանի փոխխոսնակն այս առթիվ նշել է, որ վավերացման գործընթացն իրականացվում է իր երկրի ներքին ընթացակարգերին համապատասխան և հավաստիացրել, որ խորհրդարանի կողմից վավերացումը չի ուշանա:
Արարատ Միրզոյանը երախտագիտություն է հայտնել Շվեդիայի խորհրդարանին Հայոց ցեղասպանությունը ճանաչող և դատապարտող բանաձևի ընդունման, ինչպես նաև ԼՂ հակամարտության կարգավորման հարցում ունեցած դիրքորոշման համար: Օրենսդիր մարմնի ղեկավարն իր խոսքում բարձր է գնահատել Շվեդիայի մասնակցությունը խորհրդարանական ընտրություններից առաջ «Հայաստանի ընտրական գործընթացներին աջակցություն» ծրագրին:
Լոտտա Յոնսոն Ֆորնարվեն Արարատ Միրզոյանին է փոխանցել Շվեդիայի խորհրդարանի նախագահի՝ Շվեդիա այցի պաշտոնական հրավերը: Շվեդիայի խորհրդարանի փոխխոսնակը ևս կարևորել է երկկողմ կապերի ընդլայնումը, միջխորհրդարանական փոխգործակցության ակտիվացումը, ներկայացրել իր երկրի խորհրդարանում իրականացված հայանպաստ միջոցառումները:
Լոտտա Յոնսոն Ֆորնարվեն ողջունել է 2018թ. Հայաստանում տեղի ունեցած ժողովրդավարական գործընթացները և իրականացվող բարեփոխումները՝ նշելով, որ հայ ժողովուրդը խաղաղ ձևով կարողացավ դրական փոփոխություններ իրականացնել: Արարատ Միրզոյանը Լոտտա Յոնսոն Ֆորնարվեին հայ-շվեդական միջխորհրդարանական հարաբերությունների զարգացման գործում ունեցած նշանակալի ավանդի համար պարգևատրել է ՀՀ ԱԺ նախագահի հուշամեդալով:
14:00 03.04.2025
ԱՄՆ-ը կմնա ՆԱՏՕ-ում․ Ռուբիո
13:52 03.04.2025
Լավրովն անդրադարձել է հայ-ռուսական հարաբերություններինՌուսաստանին և Հայաստանին հաջողվում է պահպանել քաղաքական երկխոսության բարձր մակարդակ և զարգացնել տնտեսական կապերը՝ չնայած դաշինքը խարխլելու դրսի փորձերին։ Այս մասին հայտարարել է ՌԴ ԱԳ նախարար Սերգեյ Լավրովը Հայաստանի արտգործնախարար Արարատ Միրզոյանին ուղղված շնորհավորական ուղերձում՝ երկրների միջև դիվանագիտական հարաբերությունների հաստատման 33-րդ տարեդարձի կապակցությամբ։ «Չնայած ռուս-հայկական դաշինքը խարխլելու դրսի փորձերին՝ մեզ հաջողվել է պահպանել քաղաքական երկխոսության […] ...
13:45 03.04.2025
Կանանց Հայաստանի Մ19 հավաքականը խոշոր հաշվով պարտվել է Խորվաթիայի թիմինԿանանց Հայաստանի Մ19 հավաքականը Եվրոպայի 2025թ. առաջնության որակավորման երկրորդ փուլի առաջին խաղում խոշոր՝ 0-6 հաշվով պարտվել է Խորվաթիայի թիմին։ Մեր հավաքականը ընտրական 5-րդ խմբում է և ապրիլի 4-ին կմրցի Հյուսիսային Մակեդոնիայի, իսկ ապրիլի 7-ին` Լիտվայի հասակակիցների դեմ։ Հանդիպումները կկայանան Խորվաթիայում։ Խմբերի հաղթողները կնվաճեն Եվրո-2025-ի խմբային փուլի ուղեգիր։ ...
13:39 03.04.2025
Ալեն Սիմոնյանն ընդունել է Վիետնամի Ազգային ժողովի նախագահ Չան Թան Մանի գլխավորած պատվիրակությանըՀՀ ԱԺ նախագահ Ալեն Սիմոնյանն ապրիլի 3-ին ընդունել է պաշտոնական այցով Հայաստանում գտնվող Վիետնամի Սոցիալիստական Հանրապետության Ազգային ժողովի նախագահ Չան Թան Մանի գլխավորած պատվիրակությանը: Ալեն Սիմոնյանը նախ առանձնազրույց է ունեցել վիետնամցի գործընկերոջ հետ՝ շնորհակալություն հայտնելով Հայաստան այցելելու իր հրավերն ընդունելու ու նման բարձր ներկայացուցչական կազմով մեր երկիր այցելելու համար: Չան Թան Մանն իր հերթին շնորհակալություն […] ...
13:32 03.04.2025
ՄԻՊ-ն ահազանգ է ստացել, որ «Նուբարաշեն» ՔԿՀ-ում դիմակներով անձինք ծեծի են ենթարկել ցմահ դատապարտյալներինԱպրիլի 3-ին Մարդու իրավունքների պաշտպանի թեժ գծի հեռախոսահամարին ահազանգ է ստացվել առ այն, որ «Նուբարաշեն» քրեակատարողական հիմնարկում դիմակներով անձինք ծեծի են ենթարկել ցմահ դատապարտյալներին։ Սոցիալական ցանցերի և զանգվածային լրատվության միջոցների մշտադիտարկման արդյունքում ստացվել է նաև տեղեկություն, որ դատապարտյալներին որևէ բուժօգնություն չի ցուցաբերվում։ Պաշտպանի հանձնարարությամբ «Նուբարաշեն» քրեկատարողական հիմնարկ է մեկնել արագ արձագանքման խումբ՝ տեղում բարձրացված խնդիրների […] ...
13:25 03.04.2025
Տղամարդը ձերբակալվեց 37-րդ բնակարանը թալանելիս. Արարատի քրեական ոստիկանների բացահայտումըՄայրաքաղաքի, Արարատի, Կոտայքի և Արմավիրի մարզերի 36 բնակարաններում գողություն կատարած Երևանի Շենգավիթ վարչական շրջանի բնակիչ 39-ամյա տղամարդը 37-րդ բնակարանը թալանելիս ձերբակալվեց։ Քրեական ոստիկանության Արարատի մարզային վարչության ծառայողներն արդեն բացահայտել էին բնակարանային գողության դեպքերը, հիմնավոր կասկածներ ունեին կատարողի ինքնության վերաբերյալ: Մնում էր միայն հայտնաբերել նրան, երբ ստացան ևս մեկ օպերատիվ տեղեկություն, որի իրացումը պահանջում էր արագ […] ...
13:18 03.04.2025
Սպասվում է կարճատև անձրև, հնարավոր է նաև ամպրոպԵրևանում ապրիլի 3-ի ցերեկը, 4-ին, 6-ի ցերեկը, 7-ի գիշերը սպասվում է առանց տեղումների եղանակ։ Ապրիլի 5-ին երեկոյան ժամերին, 6-ի գիշերը, 7-8-ի ցերեկը սպասվում է կարճատև անձրև, հնարավոր է նաև ամպրոպ։ Մարզերում ապրիլի 3-ի ցերեկը, 4-8-ին` առանձին շրջաններում օրվա ընթացքում սպասվում է կարճատև անձրև, հնարավոր է նաև ամպրոպ։ Քամին՝ հարավարևմտյան՝ 2-5մ/վ: Ապրիլի 3-ին և 6-8-ին առանձին […] ...
