05 10 2024

$

386.99
4.07
€

426.85

+23.09 ^oC

ՊՊԾ գնդի գրավման գործով 10 ամբաստանյալների դատաքննությունը կրկին դռնբաց անցկացնելու Փոստանջյանի միջնորդությունը մերժվեց

ՏԵՍԱՆՅՈՒԹԵՐ

11:50 06.03.2019

Երևանի ընդհանուր իրավասության դատարանի Շենգավիթի նստավայրում շարունակվում է Ոստիկանության ՊՊԾ գնդի գրավման գործով 10 ամբաստանյալների դատաքննությունը` Մեսրոպ Մակյանի նախագահությամբ:

Դատական նիստը դռնփակ է: Հիշեցնենք՝ նախորդ նիստը բավական լարված ընթացավ և ընդհատվեց, քանի որ տուժող ոստիկաններից մեկի՝ Արամ Հովհաննիսյանի ցուցմունքի ժամանակ դահլիճում գտնվող ամբաստանյալների աջակիցներից մեկը՝ Գևորգ Սաֆարյանը, վիրավորական ռեպլիկ արեց տուժողի հասցեին: Դրան պատասխանեց ցուցմունք տվող ոստիկանի՝ դահլիճում նստած որդին: Փոխադարձ վիրավորանքներ հնչեցին: Դատավոր Մեսրոպ Մակյանն ընդհատեց դատական նիստը, որից հետո հայտարարեց, որ այսուհետ, մինչև դատաքննության ավարտը, նիստերը կանցկացվեն դռնփակ:

Այսօրվա դատական նիստին դատավորը նախ նկատողության ձևով սանկցիա կիրառեց տուժող Արամ Հովհաննիսյանի, ամբաստանյալներ Գագիկ Եղիազարյանի և Արեգ Կյուրեղյանի նկատմամբ, ովքեր նախորդ նիստին հրահրեցին միջադեպը:

Պաշտպան Զարուհի Փոստանջյանը միջնորդեց դատական նիստը կրկին անցկացնել դռնբաց: Պետական մեղադրող Պետրոս Պետրոսյանն առարկեց միջնորդության դեմ՝ հիշեցնելով, որ այդպիսի իրավիճակ էլի է եղել, և ամբաստանյալների աջակիցները կրկին խախտել են դատական նիստի կարգուկանոնը և խոչընդոտել են տուժողների հարցաքննությանը:

Մեղադրողը նշեց, որ դատարանի այդ որոշումն ամենևին չի խոչընդոտում դատաքննության հրապարակայնությանը, քանի որ սահմանափակում չկա լրատվամիջոցների հեռարձակման համար: Դատավոր Մեսրոպ Մակյանը մերժեց Փոստանջյանի միջնորդությունն այն հիմնավորմամբ, որ նախորդ դատական նիստին ստեղծվեց իրավիճակ, երբ Գևորգ Սաֆարյանը հրահրեց լարվածություն, իրավիճակը դարձավ անկառավարելի, դահլիճում նստածները ևս մեկ անգամ ապացուցեցին, որ չեն հարգում դատավարության կողմերին, ինչը նշանակում է, որ գործի քննության արդյունավետությունից ելնելով`դատական նիստերը պետք է անցնեն դռնփակ:

Այսօր դատարանն ավարտեց տուժող ոստիկան Արամ Հովհաննիսյանի հարցաքննությունը և ճշտեց դիրքորոշումն ամբաստանյալների նկատմամբ համաներում կիրառելու մասին: Տուժողը դեմ էր:

Արեգ Կյուրեղյան

Բաժանորդագրվեք SHANTNEWS.am-ին Telegram-ում

Բոլոր լուրերը

15:06 05.10.2024
ՆԱՏՕ-ի միջազգային ռազմական շտաբի պետն այցելել է Հայոց ցեղասպանության հուշահամալիր

Կապակցված լուրեր

14:55 05.10.2024

Մեկ նամականիշով նոր գեղաթերթիկ՝ նվիրված «Նորարարության և տեխնոլոգիաների համաշխարհային կոնգրես» թեմային

2024 թվականի հոկտեմբերի 5-ին Նորարարության և տեխնոլոգիաների համաշխարհային կոնգրեսի (WCIT) շրջանակներում շրջանառության մեջ է դրվել մեկ նամականիշով գեղաթերթիկ՝ նվիրված «Նորարարության և տեխնոլոգիաների համաշխարհային կոնգրես» թեմային: Այս մասին հայտնում են ԲՏԱ նախարարությունից: Մեկ նամականիշով գեղաթերթիկի մարումն իրականացրել են ՀՀ բարձր տեխնոլոգիական արդյունաբերության նախարարի տեղակալ Գևորգ Մելիքսեթյանը, նախարարի խորհրդական, «WCIT 2024»-ի համակարգող Նազելի Հայրապետյանը, Նորարարությունների, տեխնոլոգիաների և […] ...

14:50 05.10.2024

Բոսնիա և Հերցեգովինայում ջրհեղեղի հետևանքով 17 մարդ է զոհվել

Բոսնիա և Հերցեգովինայի հարավ-արևմտյան Հերցեգովինա-Ներետվա կանտոնում ավերիչ ջրհեղեղի հետևանքով զոհվել է 17 մարդ, ևս 16-ը համարվում է անհետ կորած: Այս մասին հայտնում է BH հեռուստաալիքը, փոխանցում է «ՌԻԱ Նովոստի»-ն: Հորդառատ անձրևներն ու սողանքները հեղեղումներ են առաջացրել նաև Յաբլանիցա մունիցիպալիտետում։ Երկրի կառավարությունը հայտարարել է տարերային աղետի դրություն: ...

14:40 05.10.2024

Փարիզում կայացել է Նիկոլ Փաշինյանի և Կանադայի վարչապետի հանդիպումը

Ֆրանկոֆոնիայի միջազգային կազմակերպության 19-րդ գագաթնաժողովի շրջանակում վարչապետ Նիկոլ Փաշինյանը հանդիպում է ունեցել Կանադայի վարչապետ Ջասթին Թրյուդոյի հետ: Կանադայի վարչապետը նշել է, որ իր համար մշտապես հաճելի է հանդիպել Հայաստանի առաջնորդ Նիկոլ Փաշինյանի հետ և հավելել, որ այսօրվա հանդիպումը լավ հնարավորություն է խոսել երկու երկրների միջև զարգացող հարաբերությունների, մարդկանց միջև շփումների, նաև Կանադայի ամուր հայկական համայնքի […] ...

14:36 05.10.2024

Սեմյոն Դանիլյանցը չորրորդն է կարճ ծրագրից հետո

Հայ գեղասահորդ Սեմյոն Դանիլյանցը մասնակցում է Ղազախստանում ընթացող Denis Ten Memorial 2024 մրցաշարին։ Մենասահքի կարճ ծրագրում Հայաստանի ներկայացուցիչը հավաքել է 73.70 միավոր ու գրանցել չորրորդ արդյունքը։ Կարճ ծրագրում հանդես է եկել 13 գեղասահորդ։ Ազատ ծրագրի մրցումը կկայանա այսօր՝ հոկտեմբերի 5-ին։ ...

14:26 05.10.2024

Առաջիկա օրերի եղանակային կանխատեսումը

Հանրապետության տարածքում հոկտեմբերի 5-ի ցերեկը, 6-7-ին, 10-ին սպասվում է առանց տեղումների եղանակ։ Հոկտեմբերի 8-ին կեսօրից հետո, 9-ի գիշերը առանձին շրջաններում սպասվում է անձրև և ամպրոպ։ Քամին՝ արևմտյան՝ 2-4 մ/վ, ամպրոպի ժամանակ սպասվում է քամու ուժգնացում 16-19 մ/վրկ արագությամբ։ Օդի ջերմաստիճանը հոկտեմբերի 6-8-ին աստիճանաբար կբարձրանա 4-6 աստիճանով։ Երևան քաղաքում հոկտեմբերի 5-ի ցերեկը, 6-10-ին սպասվում է առանց […] ...

14:16 05.10.2024

Նիկոլ Փաշինյանը հանդիպում է ունեցել Բելգիայի վարչապետի հետ

Ֆրանկոֆոնիայի միջազգային կազմակերպության 19-րդ գագաթնաժողովի շրջանակում տեղի է ունեցել վարչապետ Նիկոլ Փաշինյանի հանդիպումը Բելգիայի վարչապետ Ալեքսանդր Դը Քրուի հետ: Զրուցակիցներն անդրադարձել են Հայաստան-Բելգիա համագործակցության հետագա զարգացմանն ու ընդլայնմանը վերաբերող հարցերի: Մտքեր են փոխանակվել Հարավային Կովկասի տարածաշրջանում անվտանգային իրավիճակի վերաբերյալ: Վարչապետ Փաշինյանն անդրադարձել է Հայաստան-Ադրբեջան խաղաղության պայմանագրի քննարկումներին և վերջին զարգացումներին: Վարչապետն անընդունելի համարելով վերջին օրերին […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.