19:30 06.03.2019
Պոլսահայ երգչուհի Սիբիլը, որն օրեր առաջ մասնակցել է 2019 թվականի Բրազիլիայի կառնավալի ընթացքում Հայաստանին նվիրված միջոցառումներին, հարցազրույց է տվել SHANTNEWS.am-ին և պատմել իր տպավորությունների մասին.
«5 ամիս առաջ երբ գտնվում էի Բրազիլիայում, միջոցառման նախաձեռնող Սամբայի ավանդական և կարևորագույն դպրոցներից մեկը` Սան Պաուլոյի «Ոսկե վարդեր» (Rosas de Ouro) խումբը գնահատեց երգերս, և խմբի տնօրենը պաշտոնապես ինձ հրավեր ուղարկեց մասնակցել և ներկայացնել Հայաստանը կառնավալին: Շատ զգացված էի, երազային և հեքիաթային էր ամեն բան: Եթե ինձ մեկն ասեր, որ ես պիտի մասնակցեմ կառնավալին, այն էլ նստեի այն մեքենայի մեջ, որն իմ սիրելի Շառլ Ազնավուրին և Արամ Խաչատրյանին էր նվիրված, չէի հավատա»:
Երգչուհին նշեց, որ շքերթը կրում էր «Կեցցե Հայաստանը» խորագիրը: «Viva Hayastan» ներկայացումը հինգ թեմաներից էր բաղկացած՝ «Դրախտ՝ Արարատի դաշտավայրում», «Քրիստոնեություն», «Հայ հերոսներ», «Մշակույթ» և «Մայր Հայաստան»:
«30-40 հազար մարդ երգեց «Viva Hayastan» երգը: Կատարումը տևեց 65 րոպե, Rosas de Ouro խմբի 2300 մասնակիցներից 500-ը հայ էր, ես նայում էի պատուհանից և Հայաստանի բազմաթիվ դրոշներ տեսնում»:
Սիբիլը նշեց, որ սա առաջին դեպքն էր, երբ Հայաստանը ներկայացված էր բրազիլիական կառնավալում: Երգչուհու խոսքով՝ կառնավալից հետո ժյուրիի անդամները պետք է քվեարկեին և գնահատեին դպրոցների գործունեությունը, իսկ հաղթող դպրոցը մեկ տարի այդ թեման պետք է ներկայացնի: Քվեարկության արդյունքում սամբայի 14 դպրոցներից Rosas de Ouro-ը հայտնվել է 3-րդ հորիզոնականում:
Սիբիլը տեղեկացրեց նաև, որ մարտին 6 համերգ է ունենալու Արգենտինայում, Ուրուգվայում, Ֆրանսիայում:
Մեր այն հարցին, թե արդյո՞ք ցանկություն չունի Հայաստանում համերգներով հանդես գալու, նա պատասխանեց.
«Հայաստանում խմբային համերգների մասնակցել եմ, բայց մենահամերգ չեմ ունեցել: Եթե առաջարկ լինի, սիրով կգամ: Հաճախ ինձ գրում են՝ Սիբիլ, ե՞րբ մենահամերգ պիտի ունենաս. հուսամ կիրականանա»:
Հիշեցնենք, որ մարտի 2-ին Բրազիլիայի Սան Պաուլու քաղաքում անցկացվել է ամենամյա կառնավալը, որի ժամանակ սամբայի Rosas de Ouro («Ոսկե վարդեր») պարային դպրոցն իր ելույթը նվիրել է Հայաստանին և հայ ժողովրդին:
https://www.youtube.com/watch?v=1WDgvQsrRnk
23:59 10.04.2025
Ավտոտնակների փոխարեն՝ բարեկարգ բակԵրևանի բոլոր վարչական շրջաններում իրականացվում է բակերի բարեկարգում: Այս մասին հայտնել են Երևանի քաղաքապետարանից: Ապօրինաբար կառուցված ավտոտնակները քանդվում են, ընդլայնվում են բակային տարածքները: Մասնավորապես Արաբկիր վարչական շրջանում՝ Նիկողայոս Տիգրանյան փողոցի 10 հասցեում, հեռացվում է շուրջ 10 ավտոտնակ: Տեղում կառուցվելու է խաղահրապարակ, հարակից հատվածները կանաչապատվելու են: Կատարվող աշխատանքներին հետևել է Երևանի քաղաքապետի առաջին տեղակալ Արմեն Փամբուխչյանը: ...
23:54 10.04.2025
Թբիլիսին պատրաստ է աջակցել Երևանի և Բաքվի միջև կարգավորման գործընթացինՎրաստանը միշտ բաց է երկխոսության համար և պատրաստ է նպաստել Հարավային Կովկասում երկարատև խաղաղության հաստատմանը: Այս մասին հայտարարել է Վրաստանի արտաքին գործերի նախարար Մակա Բոճորիշվիլին Դելֆիի տնտեսական ֆորումի շրջանակներում կազմակերպված քննարկման ժամանակ: Բոճորիշվիլին նշել է, որ Թբիլիսին պատրաստ է աջակցել Ադրբեջանի և Հայաստանի միջև կարգավորման գործընթացին։ Նրա խոսքով՝ Վրաստանը ցանկանում է օգնել երկու կողմերին երկխոսության […] ...
23:50 10.04.2025
Երևանում ուժեղ քամու հետևանքով հաստաբուն ծառն արմատից պոկվել էր և փակել մայթըԱպրիլի 10-ին, արտակարգ դեպք է տեղի ունեցել Երևանում։ Ժամը 11։00-ի սահմաններում ՀՀ ՆԳՆ ՓԾ 9-11 ճգնաժամային կառավարման ազգային կենտրոն ահազանգ է ստացվել, որ Թբիլիսյան խճուղում ուժեղ քամու հետևանքով հաստաբուն ծառը տապալվել է և փակել հետիոտնի համար նախատեսված մայթը, ինչի հետևանքով վնասվել են նաև էլեկտրալարեր։ Ինչպես հայտնել է shamshyan.com-ը, դեպքի վայր է ժամանել Երևանի հրշեջ փրկարարական […] ...
23:44 10.04.2025
Ուկրաինայում ԱՄՆ դեսպանը հեռանում է իր պաշտոնիցՈւկրաինայում ԱՄՆ դեսպան Բրիջիթ Բրինկը մտադիր է վաղաժամկետ հեռանալ իր պաշտոնից: Այս մասին հայտարարել է ԱՄՆ Պետդեպարտամենտի մամուլի ծառայության ղեկավար Թեմի Բրյուսը։ «Այո՛, նա տուն է վերադառնում: Նա հիանալի աշխատանք է կատարել, և մենք նրան մաղթում ենք ամենայն բարիք», – ասել է Բրյուսը, երբ լրագրողները խնդրել են նրան հաստատել Բրինկի՝ Կիևում ամերիկյան դիվանագիտական առաքելության ղեկավարի […] ...
23:41 10.04.2025
Եվրանեսթ խորհրդարանական վեհաժողովի համանախագահը կայցելի ՀայաստանԵվրանեսթ խորհրդարանական վեհաժողովի համանախագահ Սերգեյ Լագոդինսկու գլխավորած պատվիրակությունը ապրիլի 14-16-ը կայցելի Հայաստան։ Այս մասին նշվում է ԱԺ կայքում: Ազգային ժողովի նախագահ Ալեն Սիմոնյանի կարգադրության մեջ, մասնավորապես, նշվում է. «Ղեկավարվելով «Ազգային ժողովի կանոնակարգ» սահմանադրական օրենքի 5-րդ հոդվածի 2-րդ մասի 12-րդ կետով՝ կարգադրում եմ. 1. Կազմակերպել 2025 թվականի ապրիլի 14-16-ը Հայաստանի Հանրապետություն ժամանող՝ Եվրանեսթ խորհրդարանական վեհաժողովի համանախագահ […] ...
23:35 10.04.2025
«Լոկոմոտիվը» չի նախատեսում նոր պայմանագիր առաջարկել Նաիր Թիկնիզյանին«Լոկոմոտիվը» չի նախատեսում նոր պայմանագիր առաջարկել Հայաստանի հավաքականի պաշտպան Նաիր Թիկնիզյանին, հայտնում է Sport Express-ը: 25-ամյա պաշտպանի գործող պայմանագիրը մոսկովյան ակումբի հետ նախատեսված է մինչև 2026 թվականի հունիսի 30-ը։ Թիկնիզյանը թիմին է միացել 2021 թվականին: Այս մրցաշրջանում նա անցկացրել է 27 հանդիպում, գրանցել է 2 գոլ, 4 գոլային փոխանցում: Transfermarkt-ը հայ ֆուտբոլիստի տրանսֆերային արժեքը գնահատում […] ...
