25 11 2024

$

389.76
3.79
€

406.40

+16.09 ^oC

Շիրակի մարզում վառարանով տաքացվող դպրոցներ այլևս չեն լինելու

ՀԱՅԱՍՏԱՆ

22:59 25.02.2019

Այսօր Շիրակի մարզպետ Տիգրան Պետրոսյանը հանդիպել է Շիրակի մարզի դպրոցների տնօրենների հետ: Հանրակրթության ոլորտում եղած խնդիրներից խոսելիս մարզպետը նշել է ՝ կան հստակ գծված կարմիր գծեր, որոնցից այն կողմ անցնող դպրոցների տնօրենները կամ կրթական ոլորտում գտնվող մասնագետները կենթարկվեն պատասխանատվության։

«Կլինեն մարդիկ, ովքեր կապահովեն մեր առաջընթացը կրթության ոլորտում, այդ մարդկանց հետ կաշխատենք, նրանց հետ կպայքարենք, այդ մարդկանց հետ առաջ կգնանք, իսկ մարդիկ, ովքեր կխանգարեն մեր պետության զարգացմանը, իրենց հետ մենք ճանապարհ չունենք գնալու», – նշել է Շիրակի մարզպետը:

Մարզում ուսուցչական անձնակազմում սերնդափոխությունն ապահովելու համար կստեղծվի մանկավարժների բանկ, որտեղ կներառվեն համապատասխան կրթություն ունեցող մասնագետների անձնական տվյալները, իսկ թափուր հաստիքներ ունենալու դեպքում դրանք կօգնեն լրացնել: Տիգրան Պետրոսյանը տեղեկացրել է նաև, որ մարզի դպրոցներում հաջորդ տարվա ջեռուցման սեզոնի մեկնարկին այլևս վառարաններով տաքացվող դասասենյակներ չեն լինելու:

«Շիրակի մարզում հիմա կա 18 դպրոց, որոնք ամբողջությամբ ջեռուցվում են վառարաններով ու դիզվառելիքով: Հաջորդ տարվա մեկնարկին այդ կոմպոնենտից կհրաժարվենք, հարիր չի նոր Հայաստանում երեխաներին բերել ու այդ սանիտարական պայմաններում ծառայություն մատուցել: Նախարարությունն ունի հստակ մոտեցումներ խնդիրը լուծելու ուղղությամբ»,- տեղեկացրել է Տիգրան Պետրոսյանը:

Շիրակի մարզպետարանի կրթության վարչության պետն էլ տնօրեններին հայտնել է, որ մինչև նոր ուսումնական տարվա մեկնարկը փոփոխության կենթարկվեն դպրոցների կառավարման խորհուրդների ձևավորման, ուսումնական պլանների կազմման և դպրոցների ֆինանսավորման մոտեցումները, որից շահեկան դիրքում կհայտնվեն հատկապես քիչ աշակերտ ունեցող գյուղական դպրոցները։

«Ֆինանսական բանաձևի մասով քննարկվում է երկու տարբերակ, շուտով կունենանք նաև նոր ֆինանսական ձևաչափ: Նախատեսվում է մինչև 300 աշակերտ ունեցող դպրոցներին ֆինանսավորումը հատկացնել դասարան-կոմպլեկտավորում սկզբունքով, իսկ 301 և ավելի աշակերտական համակազմ ունեցող դպրոցների ֆինանսավորումը կշարունակվի իրականացվել աշակերտների թվով ՝ ինչպես հիմա»,- ասել է Շիրակի մարզպետարանի կրթության վարչության պետ Հրայր Կարապետյանը:

Մարզպետի հանձնարարությամբ Շիրակի մարզպետարանում կստեղծվի նաև աշխատանքային խումբ, որը կզբաղվի կրթական ոլորտի զարգացման հարցերով և խնդիրների ուսումնասիրությամբ։

Ալեքս Սարգսյան

Բաժանորդագրվեք SHANTNEWS.am-ին Telegram-ում

Բոլոր լուրերը

11:35 25.11.2024
«Երևանի թիվ 175 միջնակարգ դպրոց» ՊՈԱԿ-ում գործարկվելու է էլեկտրական շչակ

Կապակցված լուրեր

11:35 25.11.2024

«Երևանի թիվ 175 միջնակարգ դպրոց» ՊՈԱԿ-ում գործարկվելու է էլեկտրական շչակ

Նոյեմբերի 26-ին՝ ժամը 11:00-ին, «Երևանի թիվ 175 միջնակարգ դպրոց» ՊՈԱԿ-ում անցկացվելու է «Ազդարարում, տարհանում, պատսպարում» թեմայով հատուկ տակտիկական ուսումնավարժություն, որի ընթացքում գործարկվելու է էլեկտրական շչակ: Այս մասին հայտնում է ՆԳՆ փրկարար ծառայությունը։ ...

11:28 25.11.2024

33-ամյա երիտասարդին մարմնական վնասվածք պատճառած տղամարդը ձերբակալվել է

Նոյեմբերի 22-ի ժամը 20.32-ին ՆԳՆ ոստիկանության Արագածոտնի մարզի օպերատիվ կառավարման կենտրոն հաղորդում է ստացվել, որ «գանգուղեղային վնասվածք» ախտորոշմամբ «Արմենիա» բժշկական կենտրոն բուժօգնության է դիմել Արագածոտն գյուղի բնակիչ 33-ամյա երիտասարդ: Համայնքային ոստիկանության Աշտարակի բաժնի և ՔՈԳՎ Արագածոտնի մարզային վարչության ծառայողների համատեղ ձեռնարկած միջոցառումների արդյունքում պարզվել է, որ Արագածոտն գյուղում տեղի ունեցած վիճաբանության ժամանակ 33-ամյա երիտասարդի գլխին […] ...

11:20 25.11.2024

Ճապոնիայի ափերի մոտ 5,1 մագնիտուդ երկրաշարժ է տեղի ունեցել

Ճապոնիայի Օկինավա կղզու արևելյան ափերի մոտ 5,1 մագնիտուդ երկրաշարժ է գրանցվել։ Այս մասին հայտնում է Եվրոպական-միջերկրածովյան սեյսմոլոգիական կենտրոնը։ Էպիկենտրոնը գտնվել է Նահա քաղաքից 90 կմ հարավ-արեւելք, որտեղ ապրում է մոտ 300 հազար մարդ։ Օջախն ընկել է 10 կմ խորության վրա։ Զոհերի և ավերածությունների մասին տեղեկություններ չկան։ Ցունամիի սպառնալիք չի հայտարարվել։ ...

11:13 25.11.2024

Մոտոցիկլավարը մահացել է. փախուստի դիմած վարորդը ներկայացել է վարույթն իրականացնող մարմին

Նոյեմբերի 22-ին, կեսգիշերն անց, Երևանի Սեբաստիայի փողոցում իրար են բախվել «ԳԱԶ-32213»-ը և «Հոնդա» մակնիշի մոտոցիկլետը, ինչից հետո մոտոցիկլետը բախվել է կայանած «Նիսան» մակնիշի մեքենային: Մոտոցիկլավարը՝ 33-ամյա Մկրտիչ Ղ.-ն, մահացել է, իսկ վարորդը պատահարի վայրից դիմել է փախուստի: Համայնքային ոստիկանության Մալաթիայի բաժնի ծառայողների ձեռնարկած միջոցառումների շնորհիվ պարզվել է «ԳԱԶ 32213»-ի վարորդի ինքնությունը: Բացատրական աշխատանքի արդյունքում նա […] ...

11:05 25.11.2024

Վիլնյուսում բնակելի շենքի մոտ բեռնատար ինքնաթիռ է կործանվել

Գերմանական DHL տրանսպորտային ընկերության ինքնաթիռը կործանվել է Վիլնյուսի օդանավակայանի մոտ, հայտնում է Reuters-ը ՝ հղում անելով Լիտվայի ոստիկանությանը։ «Վիլնյուսի օդանավակայանի մոտակայքում վթարի է ենթարկվել DHL բեռնատար ինքնաթիռ»,- ասվում է հաղորդագրության մեջ։ Գործակալությունը պարզաբանում է, որ ինքնաթիռն ընկել է, երբ պատրաստվում էր վայրէջք կատարել։ Օդանավը շահագործում է իսպանական Swiftair ավիաընկերությունը։ Ինչպես հայտնում է LRT ազգային ռադիոն, […] ...

10:59 25.11.2024

Արագածոտնի մարզի Ծիլքար բնակավայրում գործարկվելու են էլեկտրական շչակներ

Նոյեմբերի 26-ին՝ ժամը 11:00-ից մինչև 11:30-ն ընկած ժամանակահատվածում, Արագածոտնի մարզի Ծիլքար բնակավայրում անցկացվելու է «Ազդարարում, պատսպարում, տարհանում» թեմայով ուսումնական վարժանք, որի ընթացքում գործարկվելու են էլեկտրական շչակներ: Այս մասին հայտնում է ՆԳՆ փրկարար ծառայությունը։ ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.