13:29 22.02.2019
ՀՀ արդարադատության նախարար Արտակ Զեյնալյանը փետրվարի 22-ին լրագրողների հետ ճեպազրույցի ժամանակ անդրադարձավ ցմահ դատապարտյալների ներման խնդրագրերին: Հարցին՝ արդյո՞ք Մհեր Ենոքյանի դեպքը խանգարեց, որպեսզի այլ ցմահ դատապարտյալների էլ ներում շնորհվի, և համահարթեցում եղավ:
«Որևէ պատճառահետևանքային կապ չկա, այդ համահարթեցման որակման հետ համաձայն չեմ, դա սուբյեկտիվ վերաբերմունք է, ներքին համոզմունքի դրսևորում է, որ իրականացրել են ՀՀ վարչապետը և ՀՀ նախագահը»,- ասաց նա:
Լրագրողները հետաքրքրվեցին՝ ի՞նչն է խնդիրը, որ ներման խնդրագրերից միայն 2-3-ն են բավարարվել, Զեյնալյանը պատասխանեց, որ խնդիրն ամբողջությամբ սուբյեկտիվիզմի ոլորտում է, ներքին համոզման և աշխարհընկալման:
«Սա մեկնաբանման ենթակա չէ որևէ մեկի կողմից, ցանկացած մեկը կարող է մտավարժանքներ անել, բայց բոլոր դեպքերում դրանք լինելու են մտավարժանքներ, որոշումը կայացնողը՝ ներքին համոզմունքների, արժեհամակարգի հիման վրա, նախագահն ու վարչապետն են»,- ասաց նա:
Ճշտող հարցին՝ այսինքն ցմահ դատապարտյալները կարող են դիմել ու հույս չունենա՞լ արդարացման, Զեյնալյանը պատասխանեց՝ եթե կա իրավունքը, այդ իրավունքը կարող է նաև իրացվել, ապա հայտնեց, որ մի քանի հոգու նկատմամբ ներում կիրառվել է, սակայն սա միակ ինստիտուտը չէ, կա նաև վաղաժամկետ ազատման ինստիտուտ, որից օգտվում են, և գործնականորեն այն դրսևորվում է:
Անդրադառնալով դեպքերին, երբ համաներմամբ ազատ արձակված անձինք կրկին հանցանք են գործում, նախարարն ասաց.
«Երբ համաներման նախագիծը քննարկվում էր, մենք ենթարկվում էինք քննադատության, որ այն ծավալուն և ընդարձակ չէ: Մենք նաև ասում էինք, որ կարող է լինել հանցավորության մակարդակի աճ, որովհետև յուրաքանչյուր համաներումից հետո դա տեղի է ունենում, և կարող են լինել մարդիկ, որոնք դիմել են հանցագործությունների: Համաներմամբ ազատ չեն արձակվել այն մարդիկ, որ մի անգամ ներվել են կամ պայմանական վաղակետ ազատ են արձակվել: Համաներմամբ ազատ արձակվածները մի անգամ հանցանք կատարած անձինք են»:
Զեյնալյանն ասաց, որ համաներումը լավագույն ինստիտուտը չէ, պատժողական քաղաքականությունից անցում է կատարվում վերականգնողական արդարադատության, վերականգնողական խնդիրներն այս ճանապարհով լուծելուն, և աստիճանաբար պետք է անհատական աշխատանք կատարելով դա իրականացնել: Նա նաև տեղեկացրեց՝ հանդես են եկել օրենսդրական նախաձեռնությամբ առ այն, որ անձը, ով ՔԿՀ-ից ազատ է արձակվում, երկու ամիս ստանա նպաստ, որպեսզի այդ ընթացքում կարողանա գտնել աշխատանք և ստիպված չլինի դիմել հանցագործության:
Նախարարը հայտնեց՝ դեռ օրինական ուժի մեջ մտած դատավճիռ չկա, որ կարողանան վերլուծություն կատարել՝ հասկանալու համար, թե համաներմամբ ազատ արձակվածներից քանիսն են դիմել կրկնակի հանցագործության:
08:50 11.03.2025
Հովհաննես Հարությունյանը բաց կթողնի Վրաստանի ընտրանու դեմ խաղերը«Արարատ-Արմենիայի» գլխավոր մարզիչ Վարդան Մինասյանն «Ուրարտուի» դեմ Հայաստանի գավաթի քառորդ եզրափակչի առաջին խաղից հետո կայացած ասուլիսին տեղեկացրել է, որ իր թիմի կիսապաշտպան Հովհաննես Հարությունյանը մկանային վնասվածքի պատճառով չի միանա Հայաստանի ազգային հավաքականին: «Հարությունյանը մկանային վնասվածք ունի: Հուսով ենք` հավաքականների խաղերով պայմանավորված, միջազգային դադարից հետո շարք կվերադառնա»,- ասել է Մինասյանը: ՈՒԵՖԱ-ի Ազգերի լիգայի անցումային փլեյ-օֆֆի Վրաստան […] ...
08:45 11.03.2025
Սաուդյան Արաբիայի թագաժառանգը Զելենսկիին տեղեկացրել է կարգավորման ջանքերին իր աջակցության մասինՍաուդյան Արաբիայի թագաժառանգ Մուհամեդ բեն Սալման Ալ Սաուդը Ջիդդա քաղաքում բանակցություններ է վարել Վլադիմիր Զելենսկիի հետ, հայտնում է Սաուդյան Արաբիայի գործակալությունը։ Հանդիպման ընթացքում կողմերը քննարկել են Սաուդյան Արաբիայի և Ուկրաինայի հարաբերություններին վերաբերող հարցեր, ինչպես նաև քննարկել են «ուկրաինական ճգնաժամի վերջին իրադարձություններն ու հանգամանքները»։ Թագաժառանգը, ինչպես նշում է գործակալությունը, Զելենսկիի հետ հանդիպմանը հայտարարել է, որ աջակցում […] ...
08:35 11.03.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ են Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ և Ամբերդ ամրոց տանող ավտոճանապարհները։ ...
08:30 11.03.2025
ՀՀ կանանց հավաքականը բարելավել է դիրքը ՖԻՖԱ-ի աղյուսակումԿանանց Հայաստանի ազգային հավաքականը երեք տեղով բարելավել է դիրքը ՖԻՖԱ-ի դասակարգման աղյուսակում։ Մեր թիմն այժմ ունի 1051,59 միավոր և 143-րդ տեղում է։ Հայ ֆուտբոլիստուհիները նախորդ ամիս Ազգերի լիգայի C դիվիզիոնի երրորդ խմբում հաղթել են Լիխտենշտայնի (6-1) և Ղազախստանի (2-0) հավաքականներին։ Հայաստանի հավաքականը երկրորդ տուրից հետո 6 միավորով խմբի առաջատարն է։ Կանանց դասակարգման աղյուսակը 2069,06 միավորով […] ...
08:25 11.03.2025
Ամերիկացի զինվորականներն ազդարարել են Սիրիայից զորքերը դուրս բերելու Թրամփի մտադրության մասինՍիրիայում տեղակայված ԱՄՆ զինված ուժերի ստորաբաժանումների հրամանատարներն ազդարարել են Սպիտակ տան ղեկավար Դոնալդ Թրամփի՝ ամերիկյան զորքերը հանրապետության տարածքից դուրս բերելու մտադրության մասին։ Այս մասին հաղորդում է Սիրիա հեռուստաընկերությունը՝ հղում անելով աղբյուրներին։ Հեռուստաալիքի զրուցակիցների խոսքով՝ Սիրիայի անցումային կառավարության և ԱՄՆ-ի աջակցությամբ քրդական «Սիրիայի դեմոկրատական ուժերի» միջև համաձայնությունը ձեռք է բերվել այն բանից հետո, երբ «Սիրիայում գտնվող […] ...
08:15 11.03.2025
Տոկիոյում տղամարդը դանակով հարձակվել է աղջկա վրաՏոկիոյի ամենաբանուկ շրջաններից մեկում՝ Սինջուկուում, տղամարդը դանակով հարձակվել է աղջկա վրա, տուժածը հոսպիտալացվել է և գտնվում է կոմայի մեջ, հայտնում է NHK հեռուստաալիքը։ Հետաքննության տվյալներով` ինչպես նշել է հեռուստաալիքը, հարձակումը տեղի է ունեցել տեղական ժամանակով ժամը 10:00-ի սահմաններում: Մոտ 20 տարեկան մի աղջիկ դանակի հարվածներ է ստացել գլխի, պարանոցի և որովայնի շրջանում։ Սպանության փորձ կատարելու […] ...
