21:42 18.02.2019
SHANTNEWS.am-ն արդեն հայտնել է, որ այսօր զրուցել է Ուրցաձորի նորընտիր համայնքապետի հետ: Միայն թե նա համայնքապետարանում չէր: Տանն է սպասում ԿԸՀ-ի որոշմանը: Հույս ունի, որ երբ լինի այդ որոշումը, համայնքի ղեկավարի պաշտոնակատար Գևորգ Ավետիսյանն իրեն կվերադարձնի աշխատասենյակի բանալին:
«Սպրինտերային բնավորություն ունեմ, բայց սենց գործերում չեմ շտապում»,- ասել է Անդրեասյանը՝ հավելելով, որ իր համար սպասելի է եղել արդյունքը: Համայնքի ղեկավարի 19 տարվա աշխատանքային փորձ ունի:
Հարցին ո՞րն է լինելու առաջին գործը, Անդրեասյանը պատասխանել է.
«Սկսելու եմ բարոյահոգեբանական վիճակը վերականգնելուց»,- ասել է նորընտիր համայնքապետը՝ հավելելով, որ ձեռք է պարզում մյուս թեկանծուներին: Ավելին, նրանց ասել է, որ հագնեն «խմելու» շորերն ու հյուրընկալեն իրեն, բայց մրցակիցներից որևէ մեկն իրեն չի շնորհավորել:
SHANTNEWS.am-ը Անդրեասյանի հրավերը փոխանցել է նրա հիմնական մրցակից Գևորգ Ավետիսյանի թիմակիցներին: Այսպես ասած՝ հակառակորդ թևը հրաժարվել է ընդունել հրավերը և ասել է, որ իրենք հավաքված են համայնքապետարանի մոտ, Անդրեասյանը, որպես համայնքապետ, ինքը թող գա: Գևորգ Ավետիսյանի թիմակցիները պնդել են, որ իրենց պարտված չեն համարում:
Մանրամասները՝ տեսանյութում։
Հիշեցնենք, որ 2018-ի հուլիսին ոստիկանության Արարատի բաժնում տեղեկություններ են ստացել Ուրցաձորի ղեկավարի յուրացումների մասին: Հաղորդումը հենց գյուղացիներն էին տվել՝ պնդելով, որ Ռաֆիկ Անդրեասյանը ոչ միայն մանկապարտեզի վերանորոգման, այլև խաղալիքների գումարն է յուրացրել, մեկից 3 գառ է վերցրել, խոստացել է փոխարենը հողի հարկերը մարել, բայց ո՛չ հարկն է մարել , ո՛չ գումարը վերադարձրել: Ասվում էր նաև համայնքի հողերը սեփականաշնորհելու մասին։ Ու այսպես շարունակ: Բանը հասավ նրան, որ խոշորացված համայնքի 3 գյուղերի բնակիչները համայնքապետի հրաժարականի պահանջով միջպետական ճանապարհը փակեցին: Պետական վերահսկողական ծառայության պետ Դավիթ Սանասարյանը Ուրցաձոր այցելեց, ստուգումներ սկսվեցին ու նաև լուրջ հակասություններ՝ համայքնապետի հրաժարականը ցանկացող և չցանկացող թևերի միջև: 2018 թվականի հոկտեմբերի 10-ին Ռաֆիկ Անդրեասյանը հրաժարական տվեց՝ համայնքը 19 տարի ղեկավարելուց հետո: Քրեական գործեր հարուցվեցին: Բայց ամեն բան էլի չավարտվեց: Անդրեասյանի համակիրներն էին սկսել ակցիաներ անել՝ թույլ չտալով ժամանակավոր պաշտոնակատար դարձած Գևորգ Ավետիսյանին աշխատավայր մտնել: «Փարիզից մեկին բերեք, թող աշխատի» պահանջով նաև կառավարություն հասան: Հետո, երբ արտահերթ ընտրություն նշանակվեց, երկու կողմն էլ քիչ թե շատ հանդարտվեց, սկսեց սպասել:
2019 թվականի փետրվարի 17-ի ընտրությունների՝ ԿԸՀ-ից ստացված նախնական արդյունքներով՝ Անդրեասյանը հավաքել է 911 ձայն, իսկ համայնքի ղեկավարի պաշտոնակատար Գևորգ Ավետիսյանը ստացել է 744 ձայն: Համայնքապետի թեկնածու Անդրանիկ Կարապետյանն ստացել է 108, Անդրանիկ Մխիթարյանը՝ 37, Սամվել Սիմոնյանը՝ 386 ձայն:
17:48 04.04.2025
UWW-ի անդրադարձը Ալեքսանյանին և ԱմոյանինԸմբշամարտի համաշխարհային ֆեդերացիան ներկայացրել է Սլովակիայի մայրաքաղաք Բրատիսլավայում ապրիլի 7-13-ը կայանալիք Եվրոպայի առաջնության անոնսը: Անդրադարձ է կատարվել նաև հունահռոմեական ոճի ըմբշամարտի Հայաստանի հավաքականի առաջատարներ Արթուր Ալեքսանյանին (97 կգ) և Մալխաս Ամոյանին (77 կգ): Օլիմպիական խաղերի ոսկե, արծաթե և բրոնզե մեդալակիր, աշխարհի քառակի ու Եվրոպայի 7-ակի չեմպիոն Ալեքսանյանի հիմնական մրցակիցները կլինեն Եվրոպայի նախկին չեմպիոն Կիրիլ Միլովը […] ...
17:42 04.04.2025
Արտարժույթի փոխանակման հայտարարությունները՝ ծուղակ․ ՆԳՆ ոստիկանությունը զգոնության կոչ է անումՍոցիալական տարբեր կայքերում բազմաթիվ են տարատեսակ, այսպես ասած՝ գայթակղիչ հայտարարությունները, որոնցով քաղաքացիներին առաջարկում են կատարել արտարժույթի՝ մասնավորապես ռուբլու փոխանակում՝ առավել բարձր արժեքով, քան տարադրամի փոխանակման կետերում։ Խարդախության սխեման հետևյալն է. Հանցավորները նախ վարձում են թանկարժեք ավտոմեքենա, որի վարորդին պատվիրում են գնալ երկկողմանի ելումուտ ունեցող առևտրի որևէ կենտրոնի տարածք։ Արտարժույթ փոխանակել ցանկացող անձին ևս խնդրում են […] ...
17:36 04.04.2025
Սակուրաները մեծանում և ծաղկում են այնպես, ինչպես հայ-ճապոնական հարաբերությունները. ԱԺ այգում նշվել է Հանամի տոնըԱպրիլի 4-ին ««Արումենիա-Նիպոն» հայ-ճապոնական գիտամշակութային միություն» հասարակական կազմակերպության նախաձեռնությամբ խորհրդարանի այգում նշվել է ճապոնական Հանամի տոնը, որին մասնակցել են ՀՀ ԱԺ պատգամավորներ, ՀՀ ԱԳՆ ներկայացուցիչներ, «Արումենիա-Նիպոն» միության անդամներ, այլ հյուրեր: Հայաստանում Ճապոնիայի փոխդեսպան Դաբիդե Ցունակակեն՝ ԱԺ այգում մասնակցելով ճապոնական Հանամի տոնին նվիրված միջոցառմանը, ասել է. «Ինձ համար մեծ հաճույք եւ պատիվ է այս գեղեցիկ օրն […] ...
17:30 04.04.2025
Շրջանառության հարկի դաշտում գործող առք ու վաճառք իրականացնող տնտեսվարողները կկարողանան աջակցություն ստանալԱյս տարվա 1-ին և 2-րդ եռամսյակների համար շրջանառության հարկի դաշտում գործող առք ու վաճառք իրականացնող տնտեսվարողները Կառավարության որոշմամբ աջակցություն կստանան՝ վճարված շրջանառության հարկի և նույն ժամանակաշրջանում առևտրական գործունեությունից ստացված եկամտի 5%-ի տարբերության չափով։ Բացի այդ, որպես լրացուցիչ աջակցություն, շրջանառության հարկի դաշտում գործող առք ու վաճառք իրականացնող տնտեսվարողները կստանան նաև վճարված շրջանառության հարկի և իրացման շրջանառության 1.5%-ի տարբերության չափով […] ...
17:26 04.04.2025
Կարևորվել է Հայաստանի և Վիետնամի առողջապահական ոլորտների միջև համագործակցությունըՆախարար Անահիտ Ավանեսյանն ընդունել է աշխատանքային այցով Հայաստանում գտնվող վիետնամական պատվիրակության առողջապահության ոլորտի ներկայացուցչին: Վիետնամի Հանրապետության առողջապահության նախարարի տեղակալ Թրան Վան Թուանի հետ հանդիպմանը նախարարը կարևորել է երկու երկրների առողջապահական ոլորտների միջև համագործակցությունը` նշելով. «Սա նոր հնարավորություն է քննարկելու այն մարտահրավերները, որոնք մեր երկրների առողջապահական համակարգերի համար արդիական են: Շատ ենք կարևորում նաև փորձի փոխանակումը […] ...
17:23 04.04.2025
Ո՞րն է Զիդանի անգլիական սիրելի մարզադաշտը«Ռեալի» նախկին գլխավոր մարզիչ Զինեդին Զիդանը նշել է, որ իր ամենասիրելի անգլիական ստադիոնը «Էնֆիլդն» է: ««Էնֆիլդը» յուրահատուկ մթնոլորտ ունի: Այնտեղ խաղերն այլ կերպ են ընթանում: Ակումբային մակարդակում չեմ խաղացել այնտեղ, բայց ԵՎՐՈ-1996-ի քառորդ եզրափաիչում կարևոր հանդիպում անցկացրինք Նիդերլանդների ընտրանու դեմ: «Ռեալը» գլխավորելիս էլ հանդիպում ունեցանք «Էնֆիլդում»՝ Չեմպիոնների լիգայում», – ֆրանսիացու խոսքերն է մեջբերում Givemesport-ը: ...
