12:40 29.01.2019
Ինչպես ավելի վաղ հայտնել էինք, Եկմալյան փողոցի նախկին բնակիչներն այսօր բողոքի ցույց են արել՝ փոխհատուցում պահանջելով կառավարությունից: Նրանք պնդում են, որ իրենց տներն ապօրինաբար են վերցվել՝ դրանք ճանաչվել են գերակա շահ, բացի այդ, եղել են բնակիչներ, որոնք հայտարարել են, որ փոխհատուցում չեն ստացել:
Եկմալյան փողոցի նախկին բնակիչներից Անահիտ Պողոյանը լրագրողների հետ զրույցում հայտարարեց, որ իրենց ոչ մի բնակարան չեն տվել.
«Ես 3 ամիս Նիկոլ Փաշինյանի, Հայկ Մարությանի համար պայքարել եմ ու մինչև այժմ ոչ մի նորություն չկա, մինչև հիմա աղջիկս վարձով է ապրում»:
Մեկ այլ բնակիչ՝ Արթուր Մելիք-Շահնազարյանը, լրագրողների հետ զրույցում նշեց, որ ևս փոխհատուցում է պահանջելու.
«Մեր տները քանդել են 2004 թվականից, բնակարաններից մարդկանց հանում էին, մեր գործերը տվել են դատարան, առանց մեզ վճիռներ են կայացրել, մեր ձեռքից բնակարանները վերցրել են պետության կարիքների համար: Մենք 14 տարի է՝ պայքարում ենք: Քաղաքապետարանը մի մասին փոխհատուցում է տվել, իսկ 8 հոգու չի տվել: Մենք քաղաքապետարանից ցուցակները պահանջում ենք, իսկ նրանք չեն տալիս, քանի որ փոխհատուցումը տրվել է «Երևան» հիմնադրամից, իսկ այն հիմա լուծարվել է: Ինձնից քիչ քառակուսին փոխհատուցում է ստացել, իսկ ես՝ չէ, տրված փոխհատուցումն էլ եղել է 21 հազար դոլար, անչափահաս երեխա ունեցող ընտանիքին, պատկերացնո՞ւմ եք: Մենք վրաններ ենք դնելու, պայքարելու ենք, ամեն ինչ պետք է արվի այս անօրինականության դեմ»:
Բնակիչներին քաղաքապետարանում ընդունեց ավագանու ԲՀԿ խմբակցության անդամ Արմեն Ներսիսյանը և հայտարարեց, որ բնակիչների փաստաթղթերը այժմ ուսումնասիրման փուլում են, ինչից հետո հնարավոր կլինի անել համապատասխան եզրահանգումներ:
15:22 19.04.2025
Մարտական ատրճանակով` մարզադաշտում. Կոտայքի համայնքային ոստիկանները ձերբակալել են զինված երիտասարդինԱպրիլի 16-ին Համայնքային ոստիկանության Կոտայքի բաժում ստացվել է օպերատիվ տեղեկություն, որ Աբովյան քաղաքի մարզադաշտում գտնվող քաղաքացու մոտ կա մարտական ատրճանակ: Նույն օրը` ժամը 19:30-ին, համայնքային ոստիկանները ձերբակալել և Կոտայքի բաժին են տեղափոխել Կոտայքի մարզի Քասախ գյուղի բնակիչ 29-ամյա երիտասարդին: Նրա պայուսակում հայտնաբերվել է «Մակարով» ատրճանակ՝ լիցքավորված 7 փամփուշտով, նաև` մարիխուանա տեսակի թմրանյութի նմանվող զանգվածով փաթեթ […] ...
15:11 19.04.2025
Փրկարարները հայտնաբերել են Դիլիջանի անտառներում մոլորված քաղաքացունԱպրիլի 19-ին՝ ժամը 12:20-ին, Տավուշի մարզային փրկարարական վարչության ճգնաժամային կառավարման կենտրոն օտարերկրյա քաղաքացուց ահազանգ է ստացվել, որ ինքը Դիլիջանի անտառներում ընկել և հավանաբար կոտրել է ոտքը, չի կարողանում ինքնուրույն տեղաշարժվել, չգիտի իր գտնվելու վայրը․ անհրաժեշտ է փրկարարների օգնությունը: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Փրկարարներն օպերատիվ գործողությունների […] ...
14:50 19.04.2025
Ինչո՞ւ ձախողեց հին Հանրային խորհուրդը, ինչո՞ւմ կհաջողի նորը. Հեռանկար բանավեճԱյս շաբաթ իր աշխատանքը սկսեց Հանրային նոր խորհուրդը: Գործընթացը վերջնականացավ խորհրդի նախագահի նշանակմամբ: Այս կառույցը ստեղծվեց 2008 թվականին, բայց ավելի քան 3 տարի այն գրեթե չէր գործում: Կառավարությունը որոշեց ցրել խորհրդի հին կազմն ու նորը ձևավորել՝ նոր գործառույթով: Բայց արդյո՞ք անհրաժեշտ է հանրային նման կառույցի գործունեությունը և ինչո՞ւ: Այս ու այլ հարցեր «Հեռանկար բանավեճ»-ի տաղավարում […] ...
14:35 19.04.2025
Ալմա-Աթայի փողոցի հարակից տարածքում գտնվող զբոսայգին անվանակոչվել է ղազախ բանաստեղծ Աբայ Կունանբաևի անունովՀայաստանում Ղազախստանի մշակույթի օրեր են։ ՀՀ կրթության, գիտության, մշակույթի և սպորտի նախարար Ժաննա Անդրեասյանի և Ղազախստանի մշակույթի և տեղեկատվության նախարար Աիդա Բալաևայի մասնակցությամբ կայացել է Երևանի Ավան վարչական շրջանի Ալմա-Աթայի փողոցի հարակից տարածքում գտնվող զբոսայգու անվանակոչման արարողությունը։ Ի պատիվ ղազախ բանաստեղծ, լուսավորական շարժման ներկայացուցիչ, գրականության ու փիլիսոփայության անվանի գործիչ, ղազախական գրականության հիմնադիր Աբայ Կունանբաևի՝ զբոսայգում […] ...
14:16 19.04.2025
Նախագահ Վահագն Խաչատուրյանն ընդունել է Ղազախստանի մշակույթի և տեղեկատվության նախարար Աիդա ԲալաևայինՀանրապետության նախագահ Վահագն Խաչատուրյանը ընդունել է Ղազախստանի մշակույթի և տեղեկատվության նախարար Աիդա Բալաևային: Նախարարի գլխավորած պատվիրակությունը մեր երկրում է գտնվում ապրիլի 18-19-ին Հայաստանում Ղազախստանի մշակութային օրերի միջոցառումներին մասնակցելու շրջանակում: Ողջունելով նախարարին՝ նախագահ Խաչատուրյանը ընդգծել է, որ նման այցերը ոչ միայն խորացնում են երկկողմ կապերը, այլև նոր շունչ են հաղորդում ժողովուրդների միջև բարեկամական հարաբերությունների զարգացմանը։ Նա […] ...
