| « | Ապրիլ 2025 | |||||
|---|---|---|---|---|---|---|
| Կ | Ե | Ե | Չ | Հ | Ու | Շ |
| 30 | 31 | 1 | 2 | 3 | 4 | 5 |
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 1 | 2 | 3 |
| 4 | 5 | 6 | 7 | 8 | 9 | 10 |
15:01 14.12.2018
«Հայաստան» համահայկական հիմնադրամի 2018 թ. դրամահավաք միջոցառումները շարունակվել են նաև նոյեմբերի 22-ից հետո, ինչի շնորհիվ նոյեմբերի 22-ին հավաքագրված 11 մլն 109 հազար 633 ԱՄՆ դոլար գումարը մեկ ամսվա ընթացքում ավելացել է»,- այս մասին դեկտեմբերի 14-ին կայացած ասուլիսի ժամանակ ասաց «Հայաստան» համահայկական հիմնադրամի տնօրեն Հայկակ Արշամյանը:
Վերջնարդյունքում, ի մի բերելով մինչ մարաթոնը տարբեր երկրներում տեղի ունեցած դրամահավաքի արդյունքները, դրան գումարելով Հայաստանի, Արցախի, Ռուսաստանի նվիրատվությունները` հիմնադրամը 2018թ.-ին գրանցել է 14 մլն 115 հազար 940 ԱՄՆ դոլար հանգանակություն:
«Այս տարի բավական մեծ էր նվիրատուների մասնակցության ցուցանիշը. ԱՄՆ-ում մոտ 20 տոկոսով աճել էր զանգահարողների թիվը, Հայաստանում sms հաղորդագրությամբ նվիրատվություն անողների թիվն աճել է երեք անգամ, օնլայն նվիրատուների թիվը ևս աճել է՝ 17-ից դառնալով 170: Նվիրատուների ներգրավումը մեծացնելու համար տարվա ընթացքում նախատեսված են նաև տարբեր միջոցառումներ՝ այդ թվում հեռախոսային հավելվածի գործածումը»,- ասաց Արշամյանը:
Հիմնադրամի 21-րդ հեռուստամարաթոնի միջոցներով կշարունակվեն Արցախում իրագործվող երկու կարևոր ծրագիր, որոնք սկսվել էին նախորդ տարվա «Բերքառատ Արցախ» հեռուստամարաթոնի միջոցներով: Առաջինն Արցախի գյուղատնտեսության ռեաբիլիտացիայի համար կենսական նշանակության խորքային հորերի հորատման և կաթիլային համակարգի կառուցման ծրագրերն են: Մարտունիի ու Ասկերանի շրջանների մոտ 200 հա տարածք ոռոգելի կդառնա, ոռոգման ջուրը կհասնի արցախցիների խաղողի, ցորենի դաշտերին, պտղատու այգիներին: Արդեն 13 խորքային հոր է փորվել: Ընթանում են հորատանցքերի վրա պոմպակայանների կառուցման աշխատանքները:
Երկրորդ ուղղությունը Արցախում արևային էներգիայի կիրառումն է: Ծրագիրը սկսվել է Շուշիի շրջանից: Պիլոտային էր Քարինտակ համայնքը, որտեղ արդեն 50 տներում օգտագործում են այլընտրանքային էներգիա: 2019-ին արևային էներգիայից կօգտվեն նաև Ասկերանի բնակավայրերում. ընդհանուր առմամբ՝ այս տարվա ընթացքում Արցախում արևային էներգիայով կապահովվի 251 օբյեկտ՝ հանրային նշանակության հաստատություն կամ սոցիալապես անապահով ընտանիք:
«Արցախը Սփյուռքի համար միշտ նախապատվություն է եղել, և կարևոր է Արցախում ենթակառուցվածքների շարունակականությունը ապահովելը, սակայն փորձում ենք Հայաստանում նաև գործունեությունը ավելի մեծացնել: Այս տարի, օրինակ, բարերարներ ունենք, որ որոշել են Գյումրիում ռոբոտաշինության երկու դասարան ստեղծել, կդրվի տեղեկատվական ոլորտի սթարթափերի ֆինանսավորման ծրագիրը և այլն»,- ասաց Հայկակ Արշամյանը:
Հիմնանորոգվելու է նաև Դիլիջան-Իջևան պետական նշանակության ճանապարհը: Արդեն իսկ պայմանավորվածության է ձեռք բերվել Տավուշի մարզի ևս 170 ընտանիքի ապահովել արևային էներգիայով, Microsoft ընկերության հետ համատեղ Հայաստանի բոլոր դպրոցները կապահովվեն համակարգչային անհրաժեշտ ծրագրերով:
Հիշեցնենք, որ այս տարի հիմնադրամի երևանյան գրասենյակում նվիրատվություններ էր կատարել նաև վարչապետ Նիկոլ Փաշինյանը՝ 1.5 մլն դրամ, որից 1 մլն դրամը` վարչապետի ֆոնդից, 500 000 դրամն էլ` վարչապետի անունից: Նախագահ Արմեն Սարգսյանը նվիրաբերել էր իր կես տարվա աշխատավարձը: Իր և ԱԱԾ աշխատակիցների անունից հանգանակություն էր արել Արթուր Վանեցյանը՝ 9 527 400 դրամ, Վանեցյասնը նվիրաբերել էր իր մեկ ամսվա աշխատավարձը:
22:22 12.04.2025
Ապրիլի 14-ի կգրանցվեն Փարաքար և Գյումրի համայնքների ընտրված ավագանիներըՄարտի 30-ի ՏԻՄ ընտրությունները կազմակերպած թիվ 14 և 31 ԸԸՀ-ները ապրիլի 14-ի նիստերում կգրանցեն Փարաքար և Գյումրի համայնքների ընտրված ավագանիներին: Այս մասին հայտնել են Կենտրոնական ընտրական հանձնաժողովից: Հիշեցնենք, որ թիվ 14 և 31 Ընտրատարածքային ընտրական հանձնաժողովները ապրիլի 6-ի նիստերում ամփոփել են մարտի 30-ի ՏԻՄ ընտրությունների վերջնական արդյունքները։ Փարաքարում կուսակցությունների և դաշինքի ստացած քվեները՝ «Քաղաքացիական պայմանագիր» […] ...
22:16 12.04.2025
Արթուր Ալեքսանյանը կիսաեզրափակչում 1:2 հաշվով պարտվել է բուլղարացի մրցակցին. ԵԱՍլովակիայի մայրաքաղաք Բրատիսլավայում ընթացող հունահռոմեական ոճի ըմբշամարտի Եվրոպայի առաջնությունում Օլիմպիական խաղերի ոսկե, կրկնակի արծաթե և բրոնզե մեդալակիր, աշխարհի քառակի, Եվրոպայի յոթակի չեմպիոն Արթուր Ալեքսանյանը (97 կգ) 1:2 հաշվով պարտվել է բուլղարացի մրցակից Կիրիլ Միլովին և կպայքարի բրոնզե մեդալի համար: Այս մասին հայտնել են Ըմբշամարտի ֆեդերացիայից: Սամվել Գրիգորյանը սփոփիչ գոտեմարտի հնարավորություն է ստացել: Հայաստանի հունահռոմեական ոճի […] ...
22:09 12.04.2025
Երևանում բախվել են «Ford Fusion»-ը ու «Mitsubishi»-ն․ վերջինը կողաշրջվել էԱպրիլի 12-ին, խոշոր ավտովթար է տեղի ունեցել Երևանում։ Ժամը 13։10-ի սահմաններում Երևան-Էջմիածին ավտոճանապարհի Իսակովի պողոտայում՝ ժողովրդին հայտնի «Կարգո»-ի խաչմերուկում, բախվել են Կոտայքի մարզի բնակիչ 24-ամյա Բորիս Վ․-ի վարած «Ford Fusion» մակնիշի և Երևանի բնակիչ 44-ամյա Էդուարդ Թ․-ի վարած «Mitsubishi» մակնիշի ավտոմեքենաները։ Ինչպես հայտնում է shamshyan.com-ը, բախման հետևանքով «Mitsubishi»-ն կողաշրջվել է և հայտնվել ճանապարհի երթևեկելի գոտում։ […] ...
21:55 12.04.2025
Լարսը փակ է բոլոր տեսակի տրանսպորտային միջոցների համարՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար: ...
21:44 12.04.2025
Իրանի ԱԳ նախարարը լքել է Օմանը ԱՄՆ պատվիրակության հետ բանակցություններից հետոԻրանի արտաքին գործերի նախարար Աբբաս Արաղչին ԱՄՆ պատվիրակության հետ անուղղակի բանակցություններն ավարտելուց հետո լքել է Օմանի մայրաքաղաքը և ուղևորվել Թեհրան։ Այս մասին հայտնել են իրանական լրատվամիջոցները: «Մենք շնորհակալություն ենք հայտնում Օմանին և արտաքին գործերի նախարար Բադր բին Համադ բին Համուդ ալ-Բուսաիդիին այս բանակցությունները կազմակերպելու և հյուրընկալելու համար։ Օմանը կշարունակի կարևոր դեր խաղալ, քանի որ իրանցի […] ...
