17:35 04.12.2018
Դեկտեմբերի 4-ին ՀՀ առաջին փոխվարչապետի պաշտոնակատար Արարատ Միրզոյանն ընդունել է ընտրությունները դիտարկող կազմակերպությունների եվրոպական ցանցի (ENEMO) դիտորդական առաքելության պատվիրակությանը։
Այս մասին տեղեկացնում են ՀՀ կառավարության աշխատակազմի հասարակայնության հետ կապերի և տեղեկատվության վարչությունից:
Պատվիրակության ղեկավար պարոն Զլատկո Վույովիչը նախ արձանագրել է, որ նախկինում ENEMO-ի դիտորդական հայտը մերժվել էր ՀՀ կողմից, և ողջունել դեկտեմբերի 9-ին կայանալիք արտահերթ խորհրդարանական ընտրական գործընթացում իրենց դիտորդական առաքելության ներգրավումը։
Նա նաև ընդգծել է, որ ի տարբերություն անցած խորհրդարանական ընտրությունների, ընտրական գործընթացներում ներգրավված հաստատությունները և հատկապես Կենտրոնական ընտրական հանձնաժողովը, ունենալով նույն կազմը և գործելով նույն օրենսդրական կարգավորումների պայմաններում, դրսևորում են բացարձակ այլ որակի գործունեություն՝ առավել բաց են, անկախ և թափանցիկ։ Պատվիրակության անդամները նախընտրական քարոզարշավի ընթացքը բնորոշել են հանգիստ։ Պարոն Վույովիչը տեղեկացրել է, որ ENEMO-ի միջանկյալ զեկույցը հանրությանը կներկայացվի արդեն այսօր։
Առաջին փոխվարչապետի պաշտոնակատար Արարատ Միրզոյանը վերահաստատել է, որ ՀՀ իշխանություններն ունեն հաստատուն կամք ինչպես կանխելու, այնպես էլ բացահայտելու ընտրակաշառքի կամ ընտրական այլ խախտումների դրսևորումները։ Միաժամանակ, Արարատ Միրզոյանը կարևորել է, որ իրավասու մարմինների ուշադրության կենտրոնում պետք է լինեն տեղերում անցյալ անպատվաբեր գործելակերպի հնարավոր դրսևորումները բացառելու հարցերը։
Պատվիրակության անդամների հարցին ի պատասխան՝ առաջին փոխվարչապետի պաշտոնակատարն անդրադարձել է կառավարության կողմից մշակված Ընտրական օրենսգրքի այն փոփոխություններին, որոնք միտված էին առավել ժողովրդավարական ու ընտրապայքարի մասնակիցների համար հավասար պայմաններ ապահովելուն, քաղաքական բազմակարծության երաշխիքների ամրապնդմանը և այլն։ Պարոն Միրզոյանը նշել է, որ ընտրվելու դեպքում այդ փոփոխությունների իրականացումը շարունակելու է մնալ իր քաղաքական ուժի առաջնահերթությունների շարքում։
Ընտրությունները դիտարկող կազմակերպությունների եվրոպական ցանցն առաջին անգամ է դիտորդական առաքելություն իրականացնում Հայաստանում: Իր գործունեությունը Հայաստանում ENEMO-ն սկսել է սույն թվականի նոյեմբերի սկզբին, և դիտորդական առաքելությունը երկրում կմնա ընտրություններից հետո ևս վեց շաբաթ՝ մեկնելով Հայաստանից 2019 թ. հունվարի կեսերին:
00:59 05.04.2025
Իրավիճակը Հայաստանի ճանապարհներին
00:56 05.04.2025
100 հաղթանակ. «Լիվերպուլի» ուշագրավ ցուցանիշը
00:21 05.04.2025
Լարսը բաց է
00:59 05.04.2025
Իրավիճակը Հայաստանի ճանապարհներինՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ են Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ և Ամբերդ ամրոց տանող ավտոճանապարհները։ Վարորդները պետք է երթևեկեն բացառապես ձմեռային անվադողերով։ ...
00:56 05.04.2025
100 հաղթանակ. «Լիվերպուլի» ուշագրավ ցուցանիշըԱնգլիայի Պրեմիեր լիգայի 30-րդ տուրում «Լիվերպուլը» 1:0 հաշվով հաղթելով «Էվերթոնին» ուշագրավ ցուցանիշ է գրանցել, հաղորդում է թիմի ինստագրամյան էջը: Դերբիում «Լիվերպուլը» տարել է հոբելյանական 100-րդ հաղթանակը: Թիմերն անցկացրել են 246-րդ դերբին: Այդ խաղերից 68-ում հաղթել է «Էվերթոնը», իսկ 78-ում գրանցվել է ոչ-ոքի: ...
00:53 05.04.2025
Պապուա Նոր Գվինեայի ափերի մոտ 7,2 մագնիտուդ ուժգնությամբ երկրաշարժ է տեղի ունեցելՊապուա Նոր Գվինեային պատկանող Նոր Բրիտանիա կղզու ափերի մոտ 7,2 մագնիտուդ ուժգնությամբ երկրաշարժ է գրանցվել։ Այս մասին հայտնել է Եվրոպական-միջերկրածովյան սեյսմոլոգիական կենտրոնը։ Կենտրոնի տվյալներով՝ էպիկենտրոնը գտնվել է Կիմբե քաղաքից 185 կմ հյուսիս-արևելք (Նոր Բրիտանիայի կղզի), որտեղ ապրում է 18,8 հազար մարդ: Նշվում է, որ օջախը գտնվել է 49 կմ խորության վրա։ Տուժածների և ցունամիի վտանգի […] ...
00:44 05.04.2025
ԱԳՆ գլխավոր քարտուղարը Չեխիայում փորձագետներին է ներկայացրել ՀՀ կառավարության կողմից մշակված «Խաղաղության խաչմերուկ» նախագիծըԱպրիլի 4-ին Չեխիայում ՀՀ դեսպանությունում աշխատանքային այցով Չեխիայի Հանրապետությունում գտնվող ԱԳՆ գլխավոր քարտուղար Դավիթ Կարապետյանը հանդիպում է ունեցել Չեխիայի քաղաքագիտական և այլ հետազոտական և վերլուծական կենտրոնների փորձագետների հետ: Այս մասին հայտնել են ԱԳՆ-ից: Գլխավոր քարտուղարը հանդիպման մասնակիցների հետ քննարկել է տարածաշրջանում խաղաղության և կայունության հաստատմանն ուղղված Հայաստանի ջանքերը՝ նրանց ներկայացնելով ՀՀ կառավարության կողմից մշակված «Խաղաղության […] ...
00:32 05.04.2025
Էմինեմը պապիկ է դարձելԱմերիկացի ռեփեր Մարշալ Մեթերսը, ով հայտնի է Էմինեմ կեղծանվամբ, պապիկ է դարձել։ Ռեփերի դուստրը՝ Հեյլի Ջեյդ Սքոթը, հրապարակել է իր առաջնեկի լուսանկարները Instagram-ում: Հեյլիի նկարներից պարզ է դարձել, որ երեխան ծնվել է մարտի 14-ին: Տղային անվանել են Էլիոթ Մարշալ, երկրորդ անունը՝ ի պատիվ հայտնի պապիկի։ 52-ամյա երաժշտի դուստրը՝ Հեյլին, ամուսնացել է իր սիրելիի՝ Էվան ՄաքՔլինթոքի […] ...
00:21 05.04.2025
Լարսը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
