Պուտինը Պորոշենկոյին մեղադրել է իր վարկանիշը բարձրացնելու նպատակով սադրանք կազմակերպելու մեջ – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
04 04 2025
  • $
    391.22
  • RUBLE
    4.63
  • 431.28
WEATHER
+9.09 oC

Պուտինը Պորոշենկոյին մեղադրել է իր վարկանիշը բարձրացնելու նպատակով սադրանք կազմակերպելու մեջ

17:52 28.11.2018

ՌԴ նախագահ Վլադիմիր Պուտինը Կերչի նեղուցում տեղի ունեցած միջադեպն անվանել է սադրանք, որը կազմակերպվել է Ուկրաինայում նախագահական ընտրությունների նախաշեմին: Այս մասին հաղորդել է TASS լրատվական գործակալությունը:

«Ինչ վերաբերում է Սև ծովում տեղի ունեցած միջադեպին, ապա դա, միանշանակ, սադրանք է: Սադրանք, որը կազմակերպվել է գործող իշխանությունների, և իմ կարծիքով, գործող նախագահի կողմից Ուկրաինայում հաջորդ տարվա մարտին կայանալիք նախագահական ընտրությունների նախաշեմին: Գործող նախագահի վարկանիշն այժմ հինգերորդ հորիզոնականում է, նա նույնիսկ կարող է երկրորդ փուլ չանցնել, այդ պատճառով հարկավոր է ինչ-որ բան անել, որպեսզի իրավիճակը սրվի, և մրցակիցների, առաջին հերթին ընդդիմության համար անհաղթահարելի խոչընդոտներ ստեղծվեն»,- հայտարարել է ՌԴ նախագահը ВТБ Капитал-ի «Россия Зовет» ֆորումի ժամանակ:

Պուտինը, միևնույն ժամանակ, նշել է, որ ռուս սահմանապահները ուկրաինացի սահմանախախտներին ձերբակալելու ժամանակ կատարել են իրենց զինվորական պարտականությունները: ՌԴ նախագահը նաև հայտարարել է, որ ուկրաինական իշխանությունները հաջողությամբ հակառուսական տրամադրություններ են վաճառում:

«Երբեմն ինձ համար տարօրինակ է տեսնել (չնայած արդեն շատ բաների սովորել եմ), որ ներկայիս կիևյան իշխանությունները հաջողությամբ հակառուսական տրամադրություններ են վաճառում: Այնպիսի տպավորություն է, որ ինչ էլ նրանք անեն, ամեն ինչի տակից դուրս կգան: Դա շատ անհեռատես քաղաքականություն է և ոչ մի լավ բանի չի բերի, քանի որ դա թուլացնում է Ուկրաինայի ներկայիս ղեկավարությանը»,- հայտարարել է Պուտինը:

Ռուսաստանի ղեկավարը, միևնույն ժամանակ, վստահություն է հայտնել, որ չնայած երկու երկրների հարաբերությունների միջև ներկայումս առկա բարդություններին, ռուս և ուկրաինացի ժողովուրդները միշտ եղբայրական և մտերիմ ժողովուրդներ կլինեն:

Բոլոր լուրերը

Կապակցված լուրեր

Իրավիճակը Հայաստանի ճանապարհներին

00:59 05.04.2025

Իրավիճակը Հայաստանի ճանապարհներին

Փրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ են Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ և Ամբերդ ամրոց տանող ավտոճանապարհները։ Վարորդները պետք է երթևեկեն բացառապես ձմեռային անվադողերով։ ...

100 հաղթանակ. «Լիվերպուլի» ուշագրավ ցուցանիշը

00:56 05.04.2025

100 հաղթանակ. «Լիվերպուլի» ուշագրավ ցուցանիշը

Անգլիայի Պրեմիեր լիգայի 30-րդ տուրում «Լիվերպուլը» 1:0 հաշվով հաղթելով «Էվերթոնին» ուշագրավ ցուցանիշ է գրանցել, հաղորդում է թիմի ինստագրամյան էջը: Դերբիում «Լիվերպուլը» տարել է հոբելյանական 100-րդ հաղթանակը: Թիմերն անցկացրել են 246-րդ դերբին: Այդ խաղերից 68-ում հաղթել է «Էվերթոնը», իսկ 78-ում գրանցվել է ոչ-ոքի: ...

Պապուա Նոր Գվինեայի ափերի մոտ 7,2 մագնիտուդ ուժգնությամբ երկրաշարժ է տեղի ունեցել

00:53 05.04.2025

Պապուա Նոր Գվինեայի ափերի մոտ 7,2 մագնիտուդ ուժգնությամբ երկրաշարժ է տեղի ունեցել

Պապուա Նոր Գվինեային պատկանող Նոր Բրիտանիա կղզու ափերի մոտ 7,2 մագնիտուդ ուժգնությամբ երկրաշարժ է գրանցվել։ Այս մասին հայտնել է Եվրոպական-միջերկրածովյան սեյսմոլոգիական կենտրոնը։ Կենտրոնի տվյալներով՝ էպիկենտրոնը գտնվել է Կիմբե քաղաքից 185 կմ հյուսիս-արևելք (Նոր Բրիտանիայի կղզի), որտեղ ապրում է 18,8 հազար մարդ: Նշվում է, որ օջախը գտնվել է 49 կմ խորության վրա։ Տուժածների և ցունամիի վտանգի […] ...

ԱԳՆ գլխավոր քարտուղարը Չեխիայում փորձագետներին է ներկայացրել ՀՀ կառավարության կողմից մշակված «Խաղաղության խաչմերուկ» նախագիծը

00:44 05.04.2025

ԱԳՆ գլխավոր քարտուղարը Չեխիայում փորձագետներին է ներկայացրել ՀՀ կառավարության կողմից մշակված «Խաղաղության խաչմերուկ» նախագիծը

Ապրիլի 4-ին Չեխիայում ՀՀ դեսպանությունում աշխատանքային այցով Չեխիայի Հանրապետությունում գտնվող ԱԳՆ գլխավոր քարտուղար Դավիթ Կարապետյանը հանդիպում է ունեցել Չեխիայի քաղաքագիտական և այլ հետազոտական և վերլուծական կենտրոնների փորձագետների հետ: Այս մասին հայտնել են ԱԳՆ-ից: Գլխավոր քարտուղարը հանդիպման մասնակիցների հետ քննարկել է տարածաշրջանում խաղաղության և կայունության հաստատմանն ուղղված Հայաստանի ջանքերը՝ նրանց ներկայացնելով ՀՀ կառավարության կողմից մշակված «Խաղաղության […] ...

Էմինեմը պապիկ է դարձել

00:32 05.04.2025

Էմինեմը պապիկ է դարձել

Ամերիկացի ռեփեր Մարշալ Մեթերսը, ով հայտնի է Էմինեմ կեղծանվամբ, պապիկ է դարձել։ Ռեփերի դուստրը՝ Հեյլի Ջեյդ Սքոթը, հրապարակել է իր առաջնեկի լուսանկարները Instagram-ում: Հեյլիի նկարներից պարզ է դարձել, որ երեխան ծնվել է մարտի 14-ին: Տղային անվանել են Էլիոթ Մարշալ, երկրորդ անունը՝ ի պատիվ հայտնի պապիկի։ 52-ամյա երաժշտի դուստրը՝ Հեյլին, ամուսնացել է իր սիրելիի՝ Էվան ՄաքՔլինթոքի […] ...

Լարսը բաց է

00:21 05.04.2025

Լարսը բաց է

Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...

BACK_TO_TOP