17:42 19.11.2018
Մինսկում Բելառուսի և Ադրբեջանի նախագահների փակ հանդիպումից հետո Իլհամ Ալիևը հայտարարել է, որ երկու երկրները պայմանավորվել են ադրբեջանական բանակին բելառուսական ռազմական տեխնիկայի նոր խմբաքանակի վաճառքի վերաբերյալ։ Ալիևը հայտարարել է, որ իրենք հնարավորինս արագ այդ պայմանավորվածությունը պայմանագրային տեսքի կբերեն։ Այս մասին հայտնում է բելառուսական պետական գործակալությունը։
Առիթից օգտվելով՝ Ադրբեջանի պաշտպանության նախարարությունը և Բելառուսի պետական ռազմարդյունաբերական կոմիտեն հուշագիր են ստորագրել համագործակցության վերաբերյալ, իսկ Իլհամ Ալիևի հիշատակել է իրենց գոհունակությունը Բելառուսից գնած զինատեսակների վերաբերյալ։
Խոսքը, առաջին հերթին, վերաբերում է բելառուսական «Պոլոնեզ» հրթիռային համակարգերին (լուսանկարում), որոնք ունեն 300 կմ հեռահարություն և Ադրբեջանին են վաճառվել այս տարի։ Նույնիսկ հայկական կողմի բողոքներից հետո Բելառուսը շարունակել է այս զինատեսակի հավելյալ խմբաքանակի մատակարարումը Ադրբեջանին։ Սակայն նախկինում էլ Բելառուսը նաև տանկեր է վաճառել Ադրբեջանին։
Մասնավորապես, նաև այս թանկարժեք զինատեսակի վաճառքի շնորհիվ է, որ երկու երկրների միջև առևտրաշրջանառությունը զգալի՝ 3,5 անգամ աճել է այս տարի, ինչի մասին երկու երկրների ղեկավարների փակ հանդիպումից առաջ հայտարարել է Լուկաշենկոն։ Խոսքը 331,5 միլիոն դոլար շրջանառության մասին է, որից 321,9 միլիոն դոլարը Բելառուսի արտահանումն է․ այսինքն՝ փաստացի Ադրբեջանը շատ շահավետ արտաքին շուկա է Բելառուսի համար։
Կարճատև այս զրույցից հետո երկու երկրների ղեկավարներն առանձնացել են փակ բանակցությունների անցկացման համար։ Թե ինչ է իրականում քննարկվել փակ դռների հետևում, հայտնի չէ, բայց ակնհայտ է, որ այնտեղ քննարկվել է նաև վերջին շրջանի ամենաաղմկահարույց թեման՝ ՀԱՊԿ գագաթնաժողովից հետո Բելառուսի նախագահի կողմից Ադրբեջանի դեսպանին ՀԱՊԿ ներքին խոհանոցը ներկայացնելն ու Հայաստանից կոշտ արձագանքը դրան։
Հիշեցնենք, որ ՀԱՊԿ գագաթնաժողովից անմիջապես հետո Լուկաշենկոն Մինսկում ընդունել էր Ադրբեջանի դեսպանին ու հենց նրա հետ քննարկել ՀԱՊԿ անդամ պետությունների ղեկավարների հետ փակ ֆորմատով անցկացրած քննարկումների բովանդակությունը։ Սրա մասին արտահայտվելիս ՀՀ վարչապետի պաշտոնակատար Նիկոլ Փաշինյանը հայտարարեց, որ պարզաբանում է պահանջելու և՛ Բելառուսի, և՛ Ղազախստանի նախագահներից։
17:30 28.04.2025
Թրամփը հայտարարել է երրորդ համաշխարհային պատերազմի վտանգի մասինԱՄՆ նախագահ Դոնալդ Թրամփը Atlantic-ին տված հարցազրույցում ևս մեկ անգամ հայտարարել է, որ Ուկրաինայում հակամարտությունը ներկայումս չի սպառնում ամերիկացիների կյանքին, բայց կարող է պոտենցիալ վերաճել երրորդ համաշխարհային պատերազմի։ «Ես փորձում եմ շատ կյանքեր փրկել: Գիտեք, Ուկրաինան և Ռուսաստանը մեր կյանքերի հետ կապ չունեն, բայց այն կարող է ավարտվել Երրորդ համաշխարհային պատերազմով», – ասել է Թրամփը: […] ...
17:22 28.04.2025
Իրանի իշխանությունները նշել են Բենդեր-Աբբաս նավահանգստում տեղի ունեցած պայթյունի պատճառըԻրանի հարավային Հորմոզգան նահանգի Բենդեր-Աբբաս քաղաքի Շահիդ Ռաջայի նավահանգստում պայթյունը տեղի է ունեցել անփութության պատճառով, մեղավորները հայտնաբերվել են, հետաքննություն է ընթանում, հայտարարել է Իրանի ներքին գործերի նախարար Իսկանդար Մոմենին։ «Հանձնաժողով է ստեղծվել՝ հետաքննություն անցկացնելու համար, մեղավորները բերման են ենթարկվել, բացատրել են պայթյունի հետ կապված որոշ հարցեր, հետաքննությունը շարունակվում է։ Ես երեկ արդեն բացատրեցի, թե ինչպես […] ...
17:14 28.04.2025
2022 թվականից հետախուզվողին քրեական ոստիկանները տեղափոխել են ՀայաստանԱպրիլի 26-ի ժամը 19:50-ին Քրեական ոստիկանության գլխավոր վարչության օպերատիվ խումբը Մոսկվա-Երևան չվերթով Հայաստան է տեղափոխել Երևանի բնակիչ 40-ամյա տղամարդու, որը 2022 թվականից Համայնքային ոստիկանության Արաբկիրի բաժնի կողմից հետախուզվում էր նախկին քրեական օրենսգրքի 112-րդ հոդվածի (դիտավորությամբ առողջությանը ծանր վնաս պատճառելը) մեղադրանքով, խափանման միջոցը՝ կալանք: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ […] ...
17:06 28.04.2025
Արթուր Դավթյանը` մարմնամարզության աշխարհի գավաթի 6-րդ փուլի հաղթողՀայաստանի մարմնամարզության հավաքականի անդամ, Օլիմպիական խաղերի արծաթե մեդալակիր, աշխարհի և Եվրոպայի չեմպիոն Արթուր Դավթյանը ոսկե մեդալ է նվաճել Կահիրեում ավարտին մոտեցող աշխարհի գավաթի խաղարկության 6-րդ փուլում: Հենացատկի վարժության եզրափակչում նա հավաքել է 14.700 միավոր և զբաղեցրել է առաջին տեղը: Ավելի վաղ աշխարհի գավաթի խաղարկության 6-րդ փուլի հաղթողներ էին դարձել Հայաստանի մարմնամարզության հավաքականի անդամներ Համլետ Մանուկյանն […] ...
17:00 28.04.2025
Արդարադատության նախարարը ելույթով է հանդես եկել հանրային տիրույթում ատելության խոսքի դեմ պայքարին նվիրված աշխատաժողովինԱրդարադատության նախարար Սրբուհի Գալյանը որպես բանախոս հանդես է եկել ՀՀ մարդու իրավունքների պաշտպանի և Եվրոպայի խորհրդի երևանյան գրասենյակի հետ համատեղ կազմակերպած աշխատաժողովին՝ նվիրված պետական հաստատությունների և լրատվամիջոցների միջև հաղորդակցության ամրապնդմանը՝ հանրային տիրույթում ատելության խոսքի դեմ պայքարելու համատեքստում։ Իր խոսքում Սրբուհի Գալյանն անդրադարձել է իրավահավասարության ապահովման և խտրականությունից պաշտպանության, ինչպես նաև ատելության խոսքի դեմ պայքարի ոլորտում […] ...
16:53 28.04.2025
Կայացել է Նիկոլ Փաշինյանի հանդիպումն Էստոնիայի ԱԳ նախարարի հետՊաշտոնական այցի շրջանակում ՀՀ վարչապետ Նիկոլ Փաշինյանն իր կեցավայրում ընդունել է Էստոնիայի Հանրապետության արտաքին գործերի նախարար Մարգուս Ցահքնանին: Հանդիպման ընթացքում կողմերը քննարկել են Հայաստան-Էստոնիա երկկողմ հարաբերությունների օրակարգին վերաբերող հարցեր՝ կարևորելով քաղաքական, տնտեսական և միջմշակութային համագործակցության զարգացման հեռանկարները: Զրուցակիցներն անդրադարձել են Հարավային Կովկասում տեղի ունեցող զարգացումներին, մասնավորապես՝ Հայաստանի և Ադրբեջանի միջև խաղաղության գործընթացին: Կողմերը շեշտել են […] ...
