16:37 13.11.2018
«Հայտարարությունը ծայրից ծայր համարում եմ անհեթեթություն: Սերժ Սարգսյանի առաջադրումը սխալ չի ընկալվել, Սերժ Սարգսյանի առաջադրումը վարչապետի պաշտոնում ուղղակի սխալ էր, դա քաղաքական մեծագույն սխալ էր, և ընդհանրապես, ես Հանրապետական կուսակցությանը խորհուրդ կտայի ընդունել իրենց սխալները»,- լրագրողների հետ ունեցած ճեպազրույցի ժամանակ նշել է ԱԺ «Ծառուկյան» խմբակցության անդամ Նաիրա Զոհրաբյանը՝ անդրադառնալով ՀՀԿ վերջին հայտարարությանը:
Ըստ նրա՝ 20 և ավելի տարիներ ՀՀԿ-ն կեղծել է ընտրությունների արդյունքները՝ գնելով ընտրողի ձայները, ու հիմա Զոհրաբյանն ակնկալում է, որ Հանրապետականը նախ և առաջ պետք է ապաշխարի, ընդունի իր սխալները, որից հետո նոր միայն հնարավոր է քաղաքական դաշտում տեղ ունենալու շանս ունենալ:
Լրագրողների այն հարցին, որ ՀՀԿ-ն ընդունո՞ւմ է իր սխալները, պատգամավորն արձագանքել է, որ նման բան ՀՀԿ հայտարարության մեջ չի տեսել, այլ տեսել է սխալներն արդարացնելու փորձ:
Զոհրաբյանը չի ընդունում նաև ՀՀԿ այն մոտեցումը, որ իրենք լինելու են միակ ընդդիմությունը: Ըստ նրա՝ թե ով կլինի ընդդիմություն, ով՝ իշխանություն, պարզ կդառնա միայն ընտրությունների արդյունքում:
«Անցել են ժամանակները, երբ ՀՀԿ-ն Մելիք-Ադամյանում պիտի նստեր ու գծեր, թե իրենք քանի տոկոս են հավաքելու, իսկ մնացած ուժերը քանի տոկոսի համար պիտի պայքարեն: Ազատ ընտրություններ են լինելու, որի արդյունքում կորոշվի՝ որ քաղաքական ուժերը կանցնեն խորհրդարան, և որ քաղաքական ուժերն ինչ դիրք կզբաղեցնեն և քաղաքական դաշտի որ հատվածում կլինեն»- նշել է Զոհրաբյանը:
Հարցին, թե ԲՀԿ-ն պատրա՞ստ է կոալիցիա կազմել Նիկոլ Փաշինյանի ղեկավարած ուժի հետ, Զոհրաբյանը պարզաբանել է, որ այդ հարցին հնարավոր է միայն անդրադառնալ դեկտեմբերի 9-ի ընտրություններից հետո:
Զոհրաբյանը վստահ է, որ քաղաքական ուժերը կիրականացնեն կոռեկտ ընտրապայքար, իսկ եթե որևէ մեկը խախտի կարմիր գիծը, ապա, ըստ Զոհրաբյանի, կստանա համարժեք պատասխան:
Մանրամասները՝ տեսանյութում:
15:22 19.04.2025
Մարտական ատրճանակով` մարզադաշտում. Կոտայքի համայնքային ոստիկանները ձերբակալել են զինված երիտասարդինԱպրիլի 16-ին Համայնքային ոստիկանության Կոտայքի բաժում ստացվել է օպերատիվ տեղեկություն, որ Աբովյան քաղաքի մարզադաշտում գտնվող քաղաքացու մոտ կա մարտական ատրճանակ: Նույն օրը` ժամը 19:30-ին, համայնքային ոստիկանները ձերբակալել և Կոտայքի բաժին են տեղափոխել Կոտայքի մարզի Քասախ գյուղի բնակիչ 29-ամյա երիտասարդին: Նրա պայուսակում հայտնաբերվել է «Մակարով» ատրճանակ՝ լիցքավորված 7 փամփուշտով, նաև` մարիխուանա տեսակի թմրանյութի նմանվող զանգվածով փաթեթ […] ...
15:11 19.04.2025
Փրկարարները հայտնաբերել են Դիլիջանի անտառներում մոլորված քաղաքացունԱպրիլի 19-ին՝ ժամը 12:20-ին, Տավուշի մարզային փրկարարական վարչության ճգնաժամային կառավարման կենտրոն օտարերկրյա քաղաքացուց ահազանգ է ստացվել, որ ինքը Դիլիջանի անտառներում ընկել և հավանաբար կոտրել է ոտքը, չի կարողանում ինքնուրույն տեղաշարժվել, չգիտի իր գտնվելու վայրը․ անհրաժեշտ է փրկարարների օգնությունը: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Փրկարարներն օպերատիվ գործողությունների […] ...
14:50 19.04.2025
Ինչո՞ւ ձախողեց հին Հանրային խորհուրդը, ինչո՞ւմ կհաջողի նորը. Հեռանկար բանավեճԱյս շաբաթ իր աշխատանքը սկսեց Հանրային նոր խորհուրդը: Գործընթացը վերջնականացավ խորհրդի նախագահի նշանակմամբ: Այս կառույցը ստեղծվեց 2008 թվականին, բայց ավելի քան 3 տարի այն գրեթե չէր գործում: Կառավարությունը որոշեց ցրել խորհրդի հին կազմն ու նորը ձևավորել՝ նոր գործառույթով: Բայց արդյո՞ք անհրաժեշտ է հանրային նման կառույցի գործունեությունը և ինչո՞ւ: Այս ու այլ հարցեր «Հեռանկար բանավեճ»-ի տաղավարում […] ...
14:35 19.04.2025
Ալմա-Աթայի փողոցի հարակից տարածքում գտնվող զբոսայգին անվանակոչվել է ղազախ բանաստեղծ Աբայ Կունանբաևի անունովՀայաստանում Ղազախստանի մշակույթի օրեր են։ ՀՀ կրթության, գիտության, մշակույթի և սպորտի նախարար Ժաննա Անդրեասյանի և Ղազախստանի մշակույթի և տեղեկատվության նախարար Աիդա Բալաևայի մասնակցությամբ կայացել է Երևանի Ավան վարչական շրջանի Ալմա-Աթայի փողոցի հարակից տարածքում գտնվող զբոսայգու անվանակոչման արարողությունը։ Ի պատիվ ղազախ բանաստեղծ, լուսավորական շարժման ներկայացուցիչ, գրականության ու փիլիսոփայության անվանի գործիչ, ղազախական գրականության հիմնադիր Աբայ Կունանբաևի՝ զբոսայգում […] ...
14:16 19.04.2025
Նախագահ Վահագն Խաչատուրյանն ընդունել է Ղազախստանի մշակույթի և տեղեկատվության նախարար Աիդա ԲալաևայինՀանրապետության նախագահ Վահագն Խաչատուրյանը ընդունել է Ղազախստանի մշակույթի և տեղեկատվության նախարար Աիդա Բալաևային: Նախարարի գլխավորած պատվիրակությունը մեր երկրում է գտնվում ապրիլի 18-19-ին Հայաստանում Ղազախստանի մշակութային օրերի միջոցառումներին մասնակցելու շրջանակում: Ողջունելով նախարարին՝ նախագահ Խաչատուրյանը ընդգծել է, որ նման այցերը ոչ միայն խորացնում են երկկողմ կապերը, այլև նոր շունչ են հաղորդում ժողովուրդների միջև բարեկամական հարաբերությունների զարգացմանը։ Նա […] ...
