15:36 30.10.2018
Ամերիկայի Միացյալ Նահանգների դեսպանատան աջակցությամբ «Քաղաքացիական հասարակության ինստիտուտ» հասարակական կազմակերպության՝ «Աբովյան» ՔԿՀ. Վերականգնման արդյունավետություն և թափանցիկության մշակույթի հիմնում» խորագրով ծրագրի շրջանակներում հոկտեմբերի 29-ին ՀՀ ԱՆ «Աբովյան» քրեակատարողական հիմնարկ են այցելել վերոնշյալ ՀԿ ներկայացուցիչները և ԱՄՆ դեսպանատան Թմրամիջոցների դեմ պայքարի և իրավապահ համագործակցության ծրագրի ղեկավար Մայքլ Շուլմանը: Այս մասին հաղորդում են ՀՀ արդարադատության նախարարության քրեակատարողական ծառայությունից: Այցի հիմնական նպատակը 3 ամիս տևողությամբ համակարգչային դասընթացների ավարտական վկայականների հանձնումն էր կին դատապարտյալներին:
Հյուրերին նախ ընդունել է «Աբովյան» քրեակատարողական հիմնարկի պետ, արդարադատության գնդապետ Գայանե Վարդանյանը՝ կարևորելով նմանատիպ ծրագրերի նշանակությունը դատապարտյալների զբաղվածությունն ապահովելու գործում:
Այնուհետ հիմնարկի պետի ուղեկցությամբ հյուրերը շրջել են մասնագիտական ուսուցման համար նախատեսված սենյակներում՝ վարսահարդարման, անգլերենի, հելունագործության, որտեղ նախատեսվում է անցկացնել նաև գորգագործության դասընթացներ: Համակարգչային դասընթացների համար առանձնացված սենյակում 8 կին դատապարտյալների հանձնել են ավարտական վկայականներ: 3 ամիս տևողությամբ համակարգչային դասընթացների ժամանակ կին դատապարտյալները ձեռք են բերել ոչ միայն համակարգչային հմտություններ, այլ նաև իրենց գիտելիքները գործնականում կիրառելու համար կատարել են գրքերի թվայնացման աշխատանքներ: Ավարտական վկայականների հանձնումից հետո հյուրերն այցելել են մարզասրահ, որտեղ անցկացվում են յոգայի և ֆիթնեսի դասընթացներ: Հիմնարկի պետը նշել է հատկապես յոգայի բարենպաստ ազդեցությունը դատապարտյալների հոգեկան և ֆիզիկական առողջության վրա: Եղել են նաև ճաշարանում, որտեղ անցկացվում են խոհարարական դասընթացներ, որոնց ավարտից հետո ևս դատապարտյալները կստանան խոհարարի օգնականի վկայագիր: Այս ծրագրի շրջանակներում վերանորոգվել և ամբողջությամբ կահավորվել է խոհանոցը:
Մասնագիտական ուսուցման գործընթացում ներգրավված կին դատապարտյալներն իրենց խորին շնորհակալությունն են հայտնել դասընթացների անցկացման համար՝ հույս ունենալով, որ դրանք կլինեն շարունակական և քրեակատարողական հիմնարկում ձեռքբերված գիտելիքները կօգնեն իրենց ազատության մեջ հասարակության լիարժեք անդամ զգալու և աշխատանք գտնելու հարցում:
????????????????????????????????????
19:14 01.11.2024
Էդգար Զաքարյանը նշանակվել է Էկոնոմիկայի նախարարի տեղակալՎարչապետ Նիկոլ Փաշինյանի որոշմամբ՝ Էդգար Զաքարյանը նշանակվել է Էկոնոմիկայի նախարարի տեղակալ: «Ղեկավարվելով «Հանրային ծառայության մասին» օրենքի 9-րդ հոդվածի 1-ին մասով՝ Էդգար Զաքարյանին նշանակել Էկոնոմիկայի նախարարի տեղակալ»,-ասվում է որոշման մեջ: ...
19:08 01.11.2024
ՊՆ տեսանյութը՝ հրետանավորների առօրյայի մասինՀայրենական հրետանին մարտական բոլոր գործողություններում, պատերազմներում, բոլոր ճակատներում ու բոլոր ժամանակներում անուրանալի ավանդ ունի հայրենիքի պաշտպանության գործում: ՀՀ պաշտպանության նախարարությունը ներկայացնում է հայ հրետանավորների առօրյան: Մանրամասները՝ տեսանյութում: ...
19:00 01.11.2024
Ոսկե գնդակը կարող է ուղևորվել Իսպանիա. երեք թոփ ակումբ ցանկանում է գնել ՌոդրիինԻսպանիայի հավաքականի և «Մանչեսթեր Սիթիի» կիսապաշտպան Ռոդրին մոտ ապագայում կարող է փոխել ակումբային գրանցումը։ Այս մասին հայտնում է Cadena Ser-ը։ Աղբյուրի տեղեկություններով՝ «Ոսկե գնդակի» դափնեկրի նկատմամբ հետաքրքրություն է ցուցաբերում եվրոպական երեք հսկա։ Ռոդրիի ծառայություններով հետաքրքրված են Մադրիդի «Ռեալը», կատալոնական «Բարսելոնան» և Մյունխենի «Բավարիան»։ «Մանչեսթեր Սիթին» իր հերթին չի ցանկանում բաժանվել իր առաջատար ֆուտբոլիստների մեկից։ Անգլիայի […] ...
18:54 01.11.2024
ԱՄՆ-ը ցանկանում է մինչև հունվար հնարավորինս շատ օգնություն փոխանցել Կիևին. CNNԱՄՆ-ը ձգտում է հնարավորինս շատ գումար և զենք փոխանցել Կիևին մինչև 2025 թվականի հունվարը, երբ կավարտվի ներկայիս նախագահ Ջո Բայդենի պաշտոնավարման ժամկետը, հայտնում է CNN-ը՝ վկայակոչելով ամերիկացի անանուն պաշտոնյային։ «Սպիտակ տունն աշխատում է մինչև հունվար հնարավորինս շատ գումար և զենք փոխանցել Կիևին», – ասվում է հեռուստաալիքի հաղորդագրության մեջ: Ավելի վաղ ԱՄՆ նախագահ Ջո Բայդենը Պենտագոնին […] ...
18:46 01.11.2024
Հայաստանում սոցիալական բնակարանային ապահովման քաղաքականության բարելավման և զարգացման նպատակով ստորագրվել է փոխըմբռնման հուշագիրՀայաստանում սոցիալական բնակարանային ապահովման քաղաքականության բարելավման և զարգացման նպատակով՝ Աշխատանքի և սոցիալական հարցերի նախարարության ու CRS-United States Conference of Catholic Bishops-ի միջև ստորագրվել է փոխըմբռնման հուշագիր։ Փաստաթղթի շրջանակում կողմերը պարտավորվել են համատեղել ջանքերը՝ Հայաստանում սոցիալական բնակարանային ֆոնդի և դրա կառավարման շարունակական զարգացման նպատակով։ Համագործակցության շրջանակում նախատեսվում է իրականացնել պիլոտային ծրագիր, որը հնարավորություն կստեղծի Հայաստանում կիրառել […] ...
18:40 01.11.2024
Տարեցտարի ավելացնում ենք շարժակազմերը․ քաղաքապետը՝ մետրոպոլիտենում կուտակումների մասինԵրևանի քաղաքապետ Տիգրան Ավինյանն անդրադարձել է պիկ ժամերին Երևանի մետրոպոլիտենում մարդկանց կուտակումներին։ «Մենք տարեցտարի ավելացնում ենք շարժակազմերը, վստահեցնում եմ՝ միասնական տոմսային համակարգի անցումը ևս ընթացիկ շարունակական զարգացման տեսանկյունից շատ հնարավորություններ է տալիս»,- «Արմենպրես»-ի հաղորդմամբ՝ լրագրողների հետ ճեպազրույցում ասել է Ավինյանը։ Քաղաքապետը՝ որպես ճիշտ կառավարման օրինակ, բերել է շտապ օգնության ծառայության աշխատանքը, որը նախորդ տարի ունեցել […] ...
