16:00 29.10.2018
Հոկտեմբեր ամիսը կրծքագեղձի քաղցկեղի դեմ պայքարի ամիս է ամբողջ աշխարհում: «Էրեբունի» բժշկական կենտրոնը այդ առիթով այսօր պաշտոնապես բացել է մամոլոգիայի և կրծքագեղձի վիրաբուժության նոր ծառայություն, որտեղ առաջարկվում է մամոլոգիայի և կրծքագեղձի վիրահատությունների ամբողջ ծավալը՝ սկսած ախտորոշումից մինչև ամենաբարդ ու եզակի վիրահատություններ:
«Հայաստանում կրծքագեղձի քաղցկեղը կանանց մոտ գտնվում է առաջին տեղում, բայց վերջին տարիներին բարձիթողության դեպքերը նվազում են: Սրան նպաստում է ճիշտ ժամանակին հայտնաբերումը, ճիշտ դիմելիությունը և վաղ փուլերում հայտնաբերումը»,- ասաց Երևանի գլխավոր ուռուցքաբան, «Էրեբունի» ԲԿ ուռուցքաբանության ծառայության ղեկավար Հայկուհի Գյոքչյանը:
Եթե 2013 թվականին Հայաստանում գրանցվել է առաջնակի կրծքագեղձի քաղցկեղով հիվանդացության 1086 դեպք, ապա 2017թ. քաղցկեղի այդ տեսակն ախտորոշվել է 1118 կնոջ մոտ: Ընդ որում՝ մահացության դեպքերը նախորդ տարի 106-ով պակաս են եղել 2013-ի համեմատ:
«Էրեբունի» ԲԿ-ի մամոլոգիայի կրծքագեղձի վիրաբուժության բաժանմունքում աշխատում են հանրապետության առաջատար մասնագետներ: Բաժանմունքում արդեն իսկ կատարվում են կրծքագեղձի տարաբնույթ վիրահատություններ, այդ թվում՝ հանրապետությունում դեռևս բացառիկ համարվող կրծքագեղձի ուռուցքի հեռացումից հետո կուրծքը պահպանող վիրահատություններ:
«Այստեղ վիրահատական առումով շեշտը դրվելու է կրծքագեղձի պահպանմանը, որովհետև այն կնոջ համար արտաքին տեսքի առումով կարևոր օրգան է և, ցավոք սրտի, ոչ բոլոր տեղերում են դա հաշվի առնում և գնալով անդամահատության ֆիզիկական վնասից բացի մեծ սթրես են տալիս հիվանդին: Գնալով քիմիաթերապիայի, հետո գալով վիրահատության, մենք բավական մեծ հնարավորություն ունենք իրականացնելու պահպանողական վիրահատություն՝ ապահով հեռացնելով քաղցկեղը, միևնույն ժամանակ, պահպանելով կրծքագեղձը»,- ասաց «Էրեբունի» ԲԿ մամոլոգիայի և կրծքագեղձի վիրաբուժական ծառայության ղեկավար Ներսես Բերբերյանը:
Չնայած ՀՀ-ում կրծքագեղձի քաղցկեղի լայն տարածմանը, վիրահատությունների 80-90 տոկոս դեպքերում հնարավոր է պահպանել կնոջ կուրծքը: Այս տարբերակը, սակայն, շատ հաճախ բժիշկները չեն նախընտրում՝ հաճախ խուսափելով բարդ վիրահատություններից՝ նախընտրելով անդամահատման՝ ավելի դյուրին տարբերակը:
«Հուրախություն բոլոր այն կանանց, ովքեր դժբախտաբար արդեն կորցրել են կուրծքը, ասեմ, որ կարելի է կազմակերպել նաև կրծքագեղձի վերականգնողական վիրահատություն»,- տեղեկացրեց Ներսես Բերբերյանը:
Բժշկական կենտրոնում պարբերաբար նաև բաց դռների օր է հայտարարվում, ինչն էլ իր հերթին նպաստում է անկախ սոցիալական վիճակից դիմելիության բարձրացմանը:
21:00 19.04.2025
Առողջապահության նախարարությունն արդեն մեկ տարի է` տրամադրում է ցրված սկլերոզ ունեցող պացիենտների դեղերըԴեղապահովման մեր ծրագրի հաջողություններից մեկն է ցրված սկլերոզ ունեցող պացիենտների համար դեղի 4 տեսակով ապահովումը: Այս մասին հայտնում են ԱՆ-ից։ «Յուրաքանչյուր հիվանդի համար տարեկան այն արժենում էր 4 մլն դրամ: Առողջապահության նախարարությունն արդեն մեկ տարի է` տրամադրում է դեղը: Կենսական այս ծրագիրը կյանքի է կոչվում բոլորիս ջանքերի` մեր վճարած հարկերի շնորհիվ: Այսօր հարկ վճարողի օրն […] ...
20:50 19.04.2025
Երևանի և մարզերի որոշ հասցեներում լույս չի լինի«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ ապրիլի 21-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաք՝ Ժամը 10։00-16:00-ն ընկած ժամանակահատվածում կարգաբերական աշխատանքների իրականացման նպատակով՝ Դավթաշեն 4-րդ թաղամասի և հարակից տարածքների էլ․ սնուցումը 1 ժամով մաս-մաս կդադարեցվի: Երևանի Կենտրոն վարչական շրջան՝ 11։00-17։00 Նալբանդյան փ. 28 հասցե և հարակից ոչ […] ...
20:40 19.04.2025
ՃՏՊ Ձորաղբյուր գյուղում․ կա տուժածԱպրիլի 19-ին, ժամը 17:26-ին Ճգնաժամային կառավարման ազգային կենտրոն ահազանգ է ստացվել, որ Կոտայքի մարզի Ձորաղբյուր գյուղում տեղի է ունեցել ՃՏՊ՝ ավտոմեքենան ընկել է ձորը, կան տուժածներ․ անհրաժեշտ է փրկարարների օգնությունը: Դեպքի վայր է մեկնել ՆԳՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։ Պարզվել է, որ «Nissan» մակնիշի ավտոմեքենան դուրս է […] ...
20:31 19.04.2025
Asharq. Հռոմում ԱՄՆ-Իրան բանակցություններից հետո Ուիթքոֆը հանդիպել է ԳրոսսիինԱՄՆ նախագահի հատուկ բանագնաց Սթիվեն Ուիթքոֆը հանդիպել է ՄԱԳԱՏԷ-ի գլխավոր տնօրեն Ռաֆայել Գրոսիի հետ ԱՄՆ-Իրան բանակցությունների երկրորդ փուլից հետո։ Այս մասին հայտնում է Asharq հեռուստաալիքը՝ վկայակոչելով աղբյուրներին։ Ապրիլի 19-ին Օմանի միջնորդությամբ Հռոմում կայացել է ԱՄՆ-ի և Իրանի միջև անուղղակի բանակցությունների երկրորդ փուլը։ Ինչպես մեկ շաբաթ առաջ, ամերիկյան պատվիրակությունը գլխավորում էր Ուիթքոֆը, իսկ Իրանի պատվիրակությունը՝ արտգործնախարար […] ...
20:20 19.04.2025
Քաղաքային ծառատունկի շրջանակում շուրջ 1300 ծառ և ավելի քան 200 մշտադալար թուփ է տնկվելՆոր Նորք վարչական շրջանի Սուրբ Սարգիս եկեղեցու և Դավիթ Բեկ փողոցի միջնամասի կասկադային հատվածին հարող 6 հա տարածքը կանաչապատ ու խնամված կդառնա: Այս մասին տեղեկացնում են Երևանի քաղաքապետարանից։ «Քաղաքային ծառատունկի շրջանակում շուրջ 1300 ծառ և ավելի քան 200 մշտադալար թուփ է տնկվել, որոնց շարքում՝ սոսիներ, կաղնիներ, ձիակասկեր, կատալպաներ, կեյլեթերիաներ, ինչպես նաև պտղատու ծառատեսակներ են՝ ծիրանենի, […] ...
20:10 19.04.2025
Իրանի ԱԳ նախարարը բացահայտել է ԱՄՆ-ի հետ բանակցությունների մանրամասներըԻրանի հետ բանակցություններում Միացյալ Նահանգները իրանական միջուկային ծրագրից դուրս հարցեր չբարձրացրեց, և Թեհրանը Վաշինգտոնին ասաց, որ ոչ միջուկային հարցերը չեն ընդունվի, իրանական Tasnim լրատվական գործակալությանը ասել է Իրանի արտգործնախարար Աբբաս Արաղչին Հռոմում Թեհրանի և Վաշինգտոնի միջև բանակցություններից հետո: Շաբաթ օրը Իտալիայի մայրաքաղաքում կայացել է Իրանի և ԱՄՆ-ի բանակցությունների երկրորդ փուլը՝ Օմանի արտգործնախարարության ղեկավարի միջնորդությամբ։ Երրորդ […] ...
