12:36 23.10.2018
Խորհրդարանի մուտքի մոտ այսօր հավաքվել են ցմահ դատապարտյալների հարազատները, ընկերներն ու փաստաբանները: Բանն այն է, որ, ըստ նրանց ունեցած տեղեկությունների, համաներման նախագծում ցմահ դատապարտվածները ներգրավված չեն: Ակցիայի մասնակիցները պահանջել են, որ համաներումը տարածվի նաև ցմահ ազատազրկվածների վրա:
«Հիմնականում հավաքված են ցմահ ազատազրկվածների ընտանիքի անդամները, ընկերները, բարեկամները, որոնք փորձում են իրենց առաջարկներով որոշ ազդեցություն ունենալ համաներմանը վերաբերող օրենքի վրա, որը, ըստ էության, շրջանցել է ցմահականներին»,- ասել է ակցիայի մասնակիցներից Արմեն Աղայանը՝ հավելելով, որ իրենց տեղեկություններ են հասել այն մասին, որ օրենքը ցմահ ազատազրկվածներին չի վերաբերելու:
Ըստ ակցիայի մասնակիցների՝ ցմահ դատապարտվածների ընտանիքի անդամները փաստաբանների հետ միասին առաջարկների վերաբերյալ փաթեթ են կազմել՝ հուսալով, որ իրենց առաջարկները հաշվի կառնեն և դրանք օրենքում տեղ կգտնեն:
«Նպատակն է ցմահ ազատազրկվածներին վերադարձնել ներման իրավունքը, որը կա Հայաստանում, բայց նրանց վրա չի տարածվել: Հայտնի է, որ Հայաստանում կան ցմահ ազատազրկվածներ, որոնք հանցանքը գործել են մինչև 21 տարեկան լրանալը: Նրանք, բնականաբար, պետք է ներման իրավունք ունենան, որովհետև երիտասարդ տարիքում են արել այն, ինչն արել են:
Ազատազրկվածներ կան, որոնք նախկին օրենսդրությամբ մահապատժի են դատապարտվել, հետո իբր դա ներման ձևով փոխարինվել է ցմահով, այնինչ այն ժամանակ ուղղակի չկար 20-25 տարվա ազատազրկումը, և եթե նրանք այսօր դատվեին, ցմահ ազատազրկման չէին դատապարտվի, կդատապարտվեին 18-20 տարվա ազատազրկման և արդեն ազատվելու հնարավորություն կունենային: Կան նաև հաշմանդամներ, որոնց այսօր արժի այդ համաներումը տալ»,- ասել է ակցիայի մասնակիցներից մեկը:
Ըստ հավաքվածների՝ համաներումն ու գործերի վերաբացումը չեն խանգարում միմյանց: Որպես օրինակ բերել են «Սասնա ծռեր»-ի գործը, երբ խափանման միջոցները փոխվել են, բայց գործը կարող է գնալ վերաքննության և այլն: Ակցիայի մասնակիցները չեն կարծում, որ այսօր կա մի ցմահ դատապարտյալ, որն ասի, որ ինքը պատրաստ է շարունակել մնալ ՔԿՀ-ում այնքան ժամանակ, քանի դեռ վերաբացված գործի քննությունը չի ավարտվել:
Խորհրդարանից ակցիայի մասնակիցների հետ զրուցելու է եկել ՀՀ ԱԺ «Ելք» խմբակցության պատգամավոր Ալեն Սիմոնյանը, որն առաջարկել է ակցիայի մասնակիցներին հանդիպել ՀՀ արդարադատության նախարար Արտակ Զեյնալյանի հետ:
15:30 19.04.2025
Արարատի մարզում «Toyota Vitz»-ը դուրս է եկել երթևեկելի գոտուց և կողաշրջված հայտնվել դաշտում. կա տուժածԱյսօր՝ ապրիլի 19-ին, ավտովթար է տեղի ունեցել Արարատի մարզում: Ժամը 14:00-ի սահմաններում Երևան-Երասխ ավտոճանապարհի 51 կմ հատվածում` Արարատ գյուղի վարչական տարածքում, «Toyota Vitz» մակնիշի ավտոմեքենան դեռևս անհայտ հանգամանքներում դուրս է եկել երթևեկելի գոտուց և կողաշրջված հայտնվել դաշտում: Ինչպես հայտնում է shamshyan.com-ը, վթարի հետևանքով 1 հոգի տեղափոխվել է «Արարատ» բժշկական կենտրոն: Վթարի փաստով քննչական բաժնում նախաձեռնվել […] ...
15:22 19.04.2025
Մարտական ատրճանակով` մարզադաշտում. Կոտայքի համայնքային ոստիկանները ձերբակալել են զինված երիտասարդինԱպրիլի 16-ին Համայնքային ոստիկանության Կոտայքի բաժում ստացվել է օպերատիվ տեղեկություն, որ Աբովյան քաղաքի մարզադաշտում գտնվող քաղաքացու մոտ կա մարտական ատրճանակ: Նույն օրը` ժամը 19:30-ին, համայնքային ոստիկանները ձերբակալել և Կոտայքի բաժին են տեղափոխել Կոտայքի մարզի Քասախ գյուղի բնակիչ 29-ամյա երիտասարդին: Նրա պայուսակում հայտնաբերվել է «Մակարով» ատրճանակ՝ լիցքավորված 7 փամփուշտով, նաև` մարիխուանա տեսակի թմրանյութի նմանվող զանգվածով փաթեթ […] ...
15:11 19.04.2025
Փրկարարները հայտնաբերել են Դիլիջանի անտառներում մոլորված քաղաքացունԱպրիլի 19-ին՝ ժամը 12:20-ին, Տավուշի մարզային փրկարարական վարչության ճգնաժամային կառավարման կենտրոն օտարերկրյա քաղաքացուց ահազանգ է ստացվել, որ ինքը Դիլիջանի անտառներում ընկել և հավանաբար կոտրել է ոտքը, չի կարողանում ինքնուրույն տեղաշարժվել, չգիտի իր գտնվելու վայրը․ անհրաժեշտ է փրկարարների օգնությունը: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Փրկարարներն օպերատիվ գործողությունների […] ...
14:50 19.04.2025
Ինչո՞ւ ձախողեց հին Հանրային խորհուրդը, ինչո՞ւմ կհաջողի նորը. Հեռանկար բանավեճԱյս շաբաթ իր աշխատանքը սկսեց Հանրային նոր խորհուրդը: Գործընթացը վերջնականացավ խորհրդի նախագահի նշանակմամբ: Այս կառույցը ստեղծվեց 2008 թվականին, բայց ավելի քան 3 տարի այն գրեթե չէր գործում: Կառավարությունը որոշեց ցրել խորհրդի հին կազմն ու նորը ձևավորել՝ նոր գործառույթով: Բայց արդյո՞ք անհրաժեշտ է հանրային նման կառույցի գործունեությունը և ինչո՞ւ: Այս ու այլ հարցեր «Հեռանկար բանավեճ»-ի տաղավարում […] ...
14:35 19.04.2025
Ալմա-Աթայի փողոցի հարակից տարածքում գտնվող զբոսայգին անվանակոչվել է ղազախ բանաստեղծ Աբայ Կունանբաևի անունովՀայաստանում Ղազախստանի մշակույթի օրեր են։ ՀՀ կրթության, գիտության, մշակույթի և սպորտի նախարար Ժաննա Անդրեասյանի և Ղազախստանի մշակույթի և տեղեկատվության նախարար Աիդա Բալաևայի մասնակցությամբ կայացել է Երևանի Ավան վարչական շրջանի Ալմա-Աթայի փողոցի հարակից տարածքում գտնվող զբոսայգու անվանակոչման արարողությունը։ Ի պատիվ ղազախ բանաստեղծ, լուսավորական շարժման ներկայացուցիչ, գրականության ու փիլիսոփայության անվանի գործիչ, ղազախական գրականության հիմնադիր Աբայ Կունանբաևի՝ զբոսայգում […] ...
